妹記大排檔

營業中

休息中

價錢唔係平😭野食都可以🥲今次有啲失望🥺冇左之前既味道蠔餅係我每次嚟到必叫‼️😹🦪每次新鮮上到都係熱辣辣因為都係即叫即做😍不過呢幾次叫 略嫌太多麵粉食咗好多都係炸粉同埋油另外就叫咗個金銀菜時蔬🥗🥗不過不失 蔬菜嘅選擇都好多如果食大排檔 建議要多啲人嚟🥹🥹🥹因為兩個人叫嘅餸唔多食嘅嘢就會少咗上次嚟叫咗蟶子 都係我大推之一🙌🏻🙌🏻🙌🏻海鮮都係做得非常出色建議大家可以一試👍🏻‼️

又係真實食評既時間之前係尖沙咀食過，真係唔差，今次食有小小失望，味道同之前都有點出入。環境：正常大排檔格局衛生程度：算乾淨食物質素：正常大排檔水準，但鑊氣又唔夠出面勁推薦菜式：豬手。碌鵝，尖椒極不推薦菜式：荔枝烏龍茶，黃金蝦，生炒骨總結：應該唔會再食多次，有大把更好選擇，價錢睇落唔貴，但啲野食係勁細碟。

朋友約食大排檔風味，就試試叫左幾樣野試1.豉椒炒蟶子首先個試鄭菜速度快到我唔信，落完單5-10分鍾就上左菜，唔知係唔係其他人叫完退單😓btw , 上黎既時候唔係熱辣辣、係暖暖地，算。跟住試食，發覺啲汁唔夠杰身、掛唔到汁而且比較淡，有啲失望2.炸豬手以為普普通通，點知有驚喜個皮脆卜卜、唔會硬，而且個豬手調味幾好，配埋泰式辣醬，飲埋啤酒一流3.蠔仔粥味道係唔錯、蠔仔都夠多同大粒，但啲飯米比較爛，個人喜歡類似泡飯咁粒粒分明

今日同太太同埋另外一位朋友行完旺角，想食d小炒，咁就第一時間想起妹記。可能6點零鐘去關係，都重係有枱嘅，咁職員就同我地講限時1個半小時。咁坐低就點左3個餸一個炒麵再加2支啤酒咁啦！戰鬥碗就必須啦！首先黎係生炒骨，真心講味道係可以嘅，但係就骨多肉好少，本身係想叫咕嚕肉但係佢地無。跟住就到飛天通菜煲，估唔到d通菜超老，味道都可以嘅，係覺得味道可以再濃少少。香鍋辣雞煲同埋炒麵我覺得都可以，但係整體我覺得食材方面係可以控制得好d的。

妹記伴我成長，食開尖沙咀嗰間雖然味道同質素而家都有所下降，但係仍然都係叫做好味。今次帶同事一共12個人過嚟食收爐飯，真係大跌眼鏡！12個人嗌咗15個餸都唔夠食，碟碟都係得幾舊，但你唔係幾舊嘢嘅價錢喎。成舊水一碟，攝牙罅都唔夠。啲員工又粗魯，上菜拍一聲擺喺枱面，唔幫我哋擺上轉盤，仲要白色嗰啲廚房單紙黐住晒啲食物，見佢哋即刻搵手指拎返出嚟。重點係味道方面，同一個啱啱學煮嘢食嘅人冇乜分別。旺角呢間分店，妹記嘅架都比你丢晒！你哋冇睇錯，佢一上嚟就係得咁多。碟炒豆苗，嗌咗冇5分鐘就上，啲菜都未收水就出鑊，我唔係叫上湯豆苗喎。薯仔一啲都唔脆，啲牛肉好韌，個汁仲要好鬼鹹，食完係咁飲嘢呢個都好離譜啊，完全咬唔開㗎！其實仲有好多其他嘢食，不過費事影晒。

有朋友外國翻黎，當然要食大排檔，食翻啲佢係外國食唔到嘅味道，所以帶咗佢食妹記。自己以前久唔久一大班人都會去食。有大排檔風味之餘，環境又闊落舒服。今次3個人，冇訂到枱，18:15左右入座，咁啱有最後一張細枱(如果唔係就要搭枱)。真係太旺場關係所以8點要交枱。戰鬥碗啤酒先黎枝啤酒，一人一碗啤啤佢先。原隻脆皮炸豬手每次黎妹記都必叫炸豬手，份量十足，起晒肉切晒片。唯一佢個皮比較厚，所以炸完會有小小硬，但對我黎講依然係食唔停口。椒鹽豆腐炸野黎講，佢比較遜色，因為佢個外皮有啲厚，而且啲炸蒜同椒鹽味都唔夠出，下次未必會叫呢樣。咸魚茸飛天通菜煲正正常常嘅炒飛天通菜，好食，份量都多，但略嫌少少油。沙嗲金菇粉絲牛肉煲味道好濃，撈食飯一流，牛肉份量算多亦好淋。到8點埋單嘅時候已經全場爆滿，出面仲坐滿晒等入座嘅人。如果黎食，除非6點黎到，唔係嘅話就一定要訂位。另外值得讚嘅位係上菜速度好快，環境闊落，熱鬧起上黎好有氣氛，好適合一大班人聚餐。

已有一段時間未與舊朋友相聚，這次大家選擇位於旺角、交通方便的「妹記大排檔」作為聚餐地點。由於事先訂座，我們在晚上七點準時坐下，餐廳服務員提醒用餐時間為兩小時，時間上算挺充裕 🤭✨餐牌基本上囊括了各種經典大排檔菜式。每道小菜定價在$90左右。上菜方面，服務員的效率值得稱讚，每道菜在點餐後不久便陸續上桌，以下是幾道值得細評的小菜 😋：1. 京都骨 🔥作為大排檔的經典菜式之一，京都骨的表現算是中規中矩。份量不算多，大約只有七八塊，味道方面酸甜適中。作為配飯小菜，算是穩妥之選 🌟2. 鬼馬油炸鬼🔥這道菜挺有特色，酥脆金黃的油炸鬼內釀滿墨魚滑，口感外脆內嫩，搭配泰式酸辣醬更添風味。菜式有創意且在口感上沒違和感，在其他同大排檔較為少見，值得一試 👍🏻3. 黑椒薯仔牛柳粒 🔥作為另一經典之選，這道菜的表現符合期待。牛柳粒煎得剛剛好，外層微焦，與黑椒醬的香濃味道十分搭配。薯仔的加入亦為整道菜增添了甜蜜糖甜味，無論搭配白飯或單吃都非常合適 🐮4. 炸蠔餅 🔥這道菜的表現讓人滿意。蠔餅煎得酥脆，蠔肉新鮮，份量也算充足。魚露的點綴提升了整道菜的鹹香層次，但並不會搶去蠔的主角地位，整體表現相當出色 🦪整體而言

在香港的街頭大排檔中，總能找到令味蕾驚喜的美食。但是最近我在一個熱鬧的夜晚，同友人來到了著名的某個新式大排檔，妹記大排檔 ，品嚐了幾道令人垂涎的佳餚。非常幸運的是我們這次不用排隊 非常順利的就進入 一行入妹記大排檔 舊式的香港裝修風格 以及顧客們喧嘩的聲音 都足以證明接下來的美食會令人期待 我與友人點咗幾道特色菜式 都是大家想嘗試的美食首先映入眼簾的是**椒鹽九肚魚**，這道菜以其鮮嫩的魚肉和香脆的外皮著稱。九肚魚經過精心處理，肉質鮮美，口感滑嫩。當我將一口魚肉放入嘴中，伴隨著香料的香氣和微微的辣味，瞬間感受到海鮮的鮮香與椒鹽的完美融合，讓人忍不住一口接著一口。接下來是**德國鹹豬手**，這道菜在香港的大排檔中相對少見，但其獨特的魅力讓我驚喜不已。豬手外皮酥脆，肉質卻相當柔軟，搭配淡淡的香料味，吃上一口，豬肉的油脂與香料的味道交織，讓人感受到濃郁的滿足感。這道菜不僅分量十足，還與啤酒相得益彰，成為聚會中的熱門選擇。緊接著是**椒鹽墨魚頭**，這道菜色澤誘人，香氣四溢。墨魚頭經過椒鹽的調味後，外皮微微焦脆，內裡卻保持了墨魚的鮮嫩。每一口都能感受到其獨特的海洋風味，椒鹽的香料增添了層次感，

第一次去，叫咗四個餸，已經係揀瞓身推介個list上面嘅菜式，但只有一個叫做可以，其他都好醎蒸扇貝: 蒸太耐，冇乜鮮味，唔知係咪唔新鮮，啲豉油好鹹南乳香酥骨: 肉好柴，冇乜肉味，冇乜南乳味但好醎，有碟南乳醬，但點咗更加鹹，唔點又冇南乳味炸大腸：唔夠脆，仲有啲韌，味道都係偏鹹，但點完個酸甜汁都算可以環境同服務都可以嘅，食物份量偏少，食物味道更加失望。食完幾個鐘個口仲係覺得好口渴，唔知係咪落咗好多味精。平均每人約二百，我覺得唔值

黑椒薯仔牛柳粒真係好好食！薯仔炸得香脆，牛柳粒又嫩滑，黑椒味道適中，整體口感令我好滿意。不過，豉椒炒蟶子就有啲失望，蟶子唔係好新鮮，口感有啲韌，味道都冇咩特別。至於金沙炸豆腐，雖然滑溜，但就冇乜特別驚喜，味道普通。豆腐本身吸收唔到太多調味。炸魷魚嘅脆皮係分開嘅，炸得幾脆，但魷魚本身味道就有啲淡，整體搭配上就比較一般。

妹記大排檔📍：旺角通菜街1A-1L威達商業大廈Deli2 2樓B號舖🚗：油麻地地鐵A2出口 步行7分鐘📞：+852 2833-6228💲：~HKD130/head for dinnerFood quality👌🏼：咸魚茸飛天通菜煲、西蘭花(帶子炒)、鵝例、金莎卜卜脆❌：蠔仔煎餅、果茶總結：🤔一間中規中矩嘅大排檔 好大間晚市排長籠 等咗20分鐘就有位 但食完覺得正常 唔排可以一試嘅 但唔值得排隊🫨🤔價錢算幾合理 份量都幾多 所以都算抵食之選👍🏼🤔通菜煲 西蘭花 鵝例同金莎卜卜脆都係中規中矩 足料飽肚 尤其係西蘭花🥦啲帶子出乎預料嘅大粒同份量多😨作為潮洲人對蠔餅🦪要求比較高 煎得唔夠脆而且蠔選得唔太好 個人偏好細啲嘅蠔拎嚟炸蠔餅😨服務同衛生就有改善空間 不過佢定價唔太貴 所以唔會太不滿😖

多人食飯就一定係大排檔！妹記一直都係心目中首選！由中學開始，慶功、生日飯、莊聚，都會去食妹記。有啲招牌菜一定要叫，例如鬼馬油炸鬼，墨魚咀，薯仔炒牛柳粒，同埋唔少得既啤酒！成班人拎戰鬥碗一齊飲啤酒先係重點😆雖然少左人留港，但妹記都係好熱鬧！最鍾意同大家一齊飲勝！呢啲先係香港風味！侍應都好親切，氣氛都幾好，我食得早，所以唔洗等就入得，不過而家早個輪食飯有限時，想無限時就食8點後。野食都好好食，冇退步到，人多可以叫多幾款菜，留港食飯，不妨撐多啲本地既品牌，都有好既選擇！人均食左180，只可以現金或支付寶

一班朋友聚會除咗可以打邊爐之外，最啱就係食大排檔㗎啦，可以叫勁多野食一齊開心share！今次就來到旺角呢間妹記大排檔～安格斯牛柳粒💰HK$158牛柳粒肉味香濃，而且鮮嫩多汁，配搭蜜糖，甜甜哋更惹味，略嫌薯仔粒唔夠脆口～金沙大蝦球💰HK$128內裡嘅蝦球爽口彈牙，但外層炸粉好厚，剩係得炸粉嘅表面先有淡淡嘅咸蛋黃味，少粉失望～椒鹽八爪魚嘴💰HK$85炸粉同樣都係好厚，而且食落唔夠椒鹽味，好失望～原隻脆皮炸豬手💰HK$208份量超多，外層嘅豬皮超香脆，豬手肉仲係好解嫩，味道有驚喜～豉椒炒蜆💰HK$98蜆肉好大粒，而且食唔到有沙，唔錯唔錯～飛天通菜煲💰HK$88叫咗咁多肉，梗係要食返碟菜，食飛天通菜煲就夠哂惹味～食物水準好似比以前差咗少少🤏🏻，另外餐廳冷氣好大，啲野食好快就吹到凍晒～

朋友聚會第一次吃，然後看牆上也貼了蠻多明星打卡還有上報紙的新聞，以前很多人晚上都會來吃宵夜。.✨黑椒薯仔牛柳粒牛肉分量很足，不會很韌咬不動的那種，醬汁調味也很入味✨燒雞有點特色，肉質本身沒有很嫩滑，比較一般，要了半隻分量還挺大✨鹹魚飛天通菜煲個人覺得這個最好吃！會偏辣，通菜很爽嫩，很好下飯！.整體食物超普通，衛生不算很好，適合預算吾高想一大班人聚會嚟

餐廳服務態度令人失望，有時就當客人透明，有時就當客人係殺父仇人，所以建議佢地啲員工，唔想撈可以辭職，個態度好趕客 。態度一差，幾好食都唔會再去（冇話佢好食）總結：態度差，冇禮貌，建議轉員工