影片
以上資料只供參考, 請與餐廳確認詳情
每星期都會幫襯三四日 。味道都唔錯 。唔算好咸 。 但本身有塊透明玻璃擋住啲餸 所以都算衛生 。可惜 好多男士都比較高 。佢地會越過個透明玻璃去叫飯餸 。 變相啲口水會有機會落去啲餸到 。 所以希望店舖貼返張紙或叫大家唔好越過透明玻璃去落單 。 咁樣就會衞生好多 。 黎緊都會繼續幫襯 。 因為方便 同味道唔差 。 推薦菜式：南瓜排骨 咕嚕肉 麻婆豆腐 炒蜆 炒蝦 薯仔雞翼另外 蕃茄炒蛋比較偏甜 。 菜式種類都尚算多 員工態度唔錯 。 希望嚟緊見到上面提及既問題 會有所改善。
繼續閱讀
兩餸飯越開越多，執都執唔少，在葵芳地鐵站與葵芳交匯處中間就有一間，有家嘅味道的兩餸飯。點解我叫有家既味道，佢唔似其他大魚大肉既兩餸飯，主打家庭風味，媽媽都會煮得到既餸，我今次選了兩餸跟飯 $43蚊無野飲，價錢比其他兩餸飯比較貴少少，但環境乾淨，最值得幫襯就係依點。咕嚕肉：唔似其他鋪頭力sell 脆皮又傳統酸梅汁，我喜歡似我媽煮咕嚕肉既味，啱啱好唔係太酸味道亦都唔係太硬太趣，仲要係啖啖肉，正正係我屋企媽咪煮俾小朋友食嘅味道。椰菜花：爽脆微微辣味，開胃送飯，唔會煮到淋謝謝。今次食佢食得乾淨，濃郁屋企風味。
繼續閱讀
葵芳有幾間兩餸飯，佢喺葵芳最貴嘅兩餸飯，但我覺得呢間個味道係最好食，但係份量偏少！平時鍾意食開黑醋骨，佢呢間嘅黑醋骨都整得幾好，好入味，味道適中，唔會過鹹，肉質又唔會好韌，所以我都幾推薦呢個！今次就叫咗咕嚕肉同埋南瓜蒸排骨，咕嚕肉味道都唔錯，冇咩肥肉，但係佢嘅肉質比較硬，南瓜蒸排骨幾好食，佢嘅排骨好軟熟，而且冇咩肥肉，唔會骨比肉多，而且佢嘅南瓜甜甜地，南瓜煮溶咗加埋排骨成個口味都吾錯，我覺得呢個餸感覺又健康又好食🥰
繼續閱讀