好運強記食堂

夠火喉嘅嘢先至好食，始終陣味係正好多。好似炒菜甘，雖然油，但係味道十足。自己屋企整係永遠炒不了。涼瓜炒牛肉--涼瓜我好喜歡食，呢到嘅涼瓜不是太苦，有點甘。而且炒到好爽口，岩岩好。牛肉就係經梳打粉整理過，質感係唔同左。但一般出面食都難以避免，我明嘅。豬潤浸時蔬--經個朋友先知道原來呢個菜係上一輩嘅人好中意點嘅菜，但依家已經好小出現。味道清清甜甜，豬潤爽口。菜脯豆角炒蛋--本身想食芙蓉蛋，但係無，食番呢個家鄉炒蛋，味道都幾好。加左個菜脯，好有口感，又有d咸香味。唔錯。一個小菜55蚊，仲有例湯同埋白飯，份量都好夠。而且味道好，十分抵食。…Read More

早幾天剛打了一篇三送飯嘅食評，令我想起這家食堂。雖然一年不是來過很多次，但印象卻好。不常來的原因不是這裡的味道，是因爲公司的人都變了。有點慨嘆，早兩，三年過來的時間，公司吃飯的人總是一伙的。沒有紛期，沒有隔閡，吃飯總是開心，談天說地。今天與我來的都是好同事，但除了我以外，旁邊的人都人去樓空。一大班人吃飯的好處當然是可以多叫幾個小菜，多吃幾個味道。蜆介雞煲--今天最好的發現。平常吃的蜆介都是鯪魚球，而且只是用來沾。今天用來煮雞，而且是用來整小鍋，夠火喉。那種咸香味比起蝦醬更加惹味。啫啫芥蘭煲--覺得更像蝦醬芥蘭。蝦醬味道濃烈。芥蘭質感爽口，有甜味。豆腐斑腩煲--男人的最愛。有幾個男人指明要這個菜，不可不叫。但這味全比其他略為遜色。頭腐味道不是太夠，但斑腩嘅味道不錯，外面有炸漿，內面嫩。咕嚕肉--夠酸，夠甜，入口開胃。肉切成顆狀，外邊微脆，咬落多肉。其實還有一味，金菇肥牛煲，但奈何幾個煲煮出來都十分熱辣。影相的時候都被煙蓋住。而我又想避免成為同事心目中的港女，還是不影吧，哈哈。還不得不提一點，午市套餐，包飯，例湯同一個送，價錢劃一55蚊。白飯仲要係任裝，十分化算。…Read More

喺觀塘返工, 同事話想搵晚一齊飯局吹水, 有人提議食呢間, 但就要n年前book定位同落定單食乜野, 聽落都幾巴閉!!!我地一行十人，食左好多款招牌菜，包括冰醉瀨尿蝦, 蒜蓉粉絲蒸扇貝, 蟶子, 雞蛋焗魚腸, 招牌三寶(叉燒,鵝腸, 肉餅), 糯米釀雞翼, 八寶鴨等等, 令我最深印象同覺得最值得食嘅, 係冰醉瀨尿蝦, 因為真係好大隻同肉質彈牙, 令人好想食多一隻~其他食物唔係唔好, 而係未至於值得到要登特提早book位同落order食囉, 而且價錢亦唔算抵, 大家食完結論係：唔洗食第二次~…Read More

來左公司三年幾都未食過呢間野，真係有點兒過份丫。不過覺得要多人來先開心，所以一直無機會。今日6人行，跟同事來試下。原來有午市套餐，都好多款揀。我地一早就book定位同落定order! 唔使驚等位同無得食 同事訂左個咸魚煎肉餅，話係必食。去到，原來得4張枱，3大1小。靚姐拎左湯同飯俾我地，今日係白菜煲雞。湯睇落好清，但都夠火喉。第一個菜，枝竹斑腩煲，個煲上枱熱辣辣的。都幾足料，味道啱啱好。第二個係雞煲，內有豬肝。幾和味 咸魚煎肉餅上場，又係熱辣辣的。唔會太咸，同事仲話食到有甜果添！鮮魷炒西蘭花，無得唔好食啦！沙拉骨，呢個就真係麻麻。太多沙律醬喇！最後係蒜蓉炒雜菜，好大碟，抵食，無炒過龍，好爽脆！…Read More

同事帶路嚟到觀塘工廈中嘅私房菜，提早好多BOOK位，當晚亦都FULL HOUSE。成班同事擦餐勁，成枱都係餸。不得不提係糯米釀全雞，成隻雞嘅外皮整到卜卜脆，再將糯米釀喺入面。脆雞皮同糯米一齊食，雖然口感好油膩，但非常滿足！黃金蝦炸得香脆，蛋黃味十足，不過人頭一隻唔夠喉。羊腩煲好足料，每件都炆得好淋好入味。…Read More

好幾年前食過一次，好味既強記工廈晚餐，母親節便一早訂枱，打電話卜之後，伙記會whatapps menu俾你，簡埋餸，報埋價，等你有個預算，都幾方便！7大1小，簡左6餸一湯一面，因為裡面有兩樣係海鮮，母親節海鮮貴，報價要$2655，所以將蟹改做生菜包，湯就取消左，報價$1705，就咁啦😓😓！  必食既瀨尿蝦，凍食，超大大隻，咬落去肥美既蝦肉度，有好香既酒必出黎，個個都話好味，雖然7隻要$945，但呢個質數既海鮮，都合理既，之後黎左蝦丸，一人有大概2-3粒，蝦肉彈牙，有手打既感覺，都幾好味，跟住黎生菜包，雜菜粒切好細同好碎，雖然分唔到裡面有啲咩，但覺得幾好味，一人都包到3-4塊，雜菜粒小朋友用黎撈飯😋😋！ 之後啲餸就開始黎得好慢，枱面既野差唔多食晒，就黎糯米釀雞亦，外皮脆, 裡面既糯米都幾香，不過好似淡左啲，$180 4隻，有啲貴！ 隔左一輪，就到個松茸魚湯伊麵，伙記一早就話冇松茸，改雜菌魚湯，平$10，是但啦！不過見到碟伊麵，真係有小小嚇親！$80蚊既魚湯面，居然唔係用大湯碗，而係碟裝！用碟裝當然冇湯係個底，上面有幾塊姑，一人分到半碗冇湯既魚湯面，因為賣相太差，所以冇影相😖😖！ 食完面，隔左一段時間先黎個強記三寶，叉燒炸大腸煎咸魚肉餅，等得耐都明既，因為碟碟餸都係熱既，叉燒同大腸一般般，咸魚煎肉餅就太咸喇，同埋油炸到黑媽媽，大家都覺得咸魚份量可以減少😣😣。  隔左一段時間就黎埋最後一碟啫啫通菜煲，碟菜隔左太耐先黎，大家食慾減少，淨係覺得好咸😣😣！ 最後送埋甜品桂花糕，甜品都幾好味！整體上覺得一般啦，唔太值呢個價錢。…Read More

明明在觀塘工廈, 明明是book 工廈淡季星期日, 但是好運強記竟然都長年fully booked, 終於今次朋友book 到啦~~~~~~~~沒有華麗裝修, 很私房菜的感覺:而且竟然方便到可以用what’s app 跟老板娘訂菜!!!好先來冰醉瀨尿蝦:仲長過隻筷子呀!!!好大隻架!d肉夠實, 友人的仲有羔的(我那隻沒有), 而且涷食完全食到瀨尿蝦的鮮味! 酒味不濃, 很o岩我:再來是麻辣豬耳絲:是Rei 要求點的, 辣度一般, 不過很香, 很不錯的小食, 送酒一流! 不過如果你地想試下其他特色野, 而胃容量不大, 就不用叫了蒜容粉絲蒸元貝 肉好大粒, 不過有少少”un” , 但是一d 都唔乾, 很香口黃金蝦跟出面的煮法不同, 比較濕, 牛油味重, 因為Rei 接受不到牛油等奶製品之酥味, 吃了一隻已放棄! 所以不便comment糯米雞翼必點!!!! 我一個人吃了3件!!!!! 今時今日很難吃到夠味,香口而乾身的糯米飯, 此菜真係有細過車仔檔賣的糯米飯那種香口的味道! 一定要試!叉燒友人們非常欣賞, 我覺得似豬頸肉,啖啖肉, 不過個人覺得如果胃不大, 都是留肚試其他更特色的東西吧甜品,桂花糕送的, 很清甜, 食左成晚濃味野, 食番呢個平衡一下, 我食左兩件~~~~而且這裡帶酒來不收開瓶費, 友人本餐都還在吃, 已what’s add 約朋友下一回再來吃了!就此, 多謝收看(鞠躬)…Read More

又是約了去旅行的人出來一聚，大家都是愛吃的，所以來了這裏飯聚。這裏的名菜要預先訂菜，還有地方不多，只許幾坐位，還要一早預訂，在工廠區地方，環境不要求高太多。****************************這裏是工廠區，晚晚滿座，便知有很多人前來吃飯了。來到門口，便見到他們的門面牌了。這是豬肺湯的湯渣，很多豬肺任你吃，真的材料十足。預訂了杏汁豬肺湯。杏汁入口香濃，湯也很滑口，但豬肺味還是較重味。我還記得飲過另一間的杏汁豬肺湯比這裏更一流。又是預訂的冰醉瀨尿蝦，還有是很大隻的。蝦肉新鮮清甜，新鮮的最好這樣白烚冰鎮來吃，真的很好味。看下隻蝦有多大，差不多和筷子那麼長身的。南乳骨，很香南乳味，夠酥口香脆，火喉十足，肉也不會乾身的。砵仔蛋焗魚腸。本人真的受不了魚腸那魚腥味，我已下了很多胡椒粉了，也受不了。但愛吃的朋友說很好味哦!椒鹽墨魚咀，入口香脆野味，送酒一流。又是要預訂的脆皮糯米雞，皮香脆無比，雞肉炒入糯米飯又入味，真的要多人才能吃完的。上湯浸時菜，這個夠清淡，吃了很多酥口食物，來個清菜也很好。啫啫芥蘭煲，來時聞到味道香濃，但入口有點一般，只是菜較少，一人一條都沒得再吃了。…Read More

半年前, 早2-3個月book 5– 10人既台, 冇一次book到..今次只係1個月前, book到20個人既台揀完菜報價, 一位322, 海鮮時價我明, 肉宜家有幾貴我都知, 不過如果有提議下,我會改用比較岩時價既海鮮食材, 而且有呢d提醒會比較有私房菜既親切感, 價錢相對別家有名私房菜, 相對冇咁值脆香糯米雞 – 雞好香, 皮脆肉滑, 好入味, 糯米唔會太干太硬, 口感同味道都好夾, 唔錯!話梅豬手 -- 酸酸甜甜, 的確醒神開胃! 豬手爽口入味, 不錯!黃金蝦 – 普通, 蝦唔太油既, 但係唔香口,有D淋, 蛋黃唔夠香唔夠濃, 普通水準冰醉瀨尿蝦- 係好大隻, 都OK鮮甜既, 都明白由於要早一晚入味, 所以始終唔係食個日最新鮮的質感同味道, 不過, 都食到佢唔係最高檔次既巨瀨尿蝦; 酒味唔會過濃, 都幾清甜既粉絲蒸聖子皇 – 未算係最大的, 有小小under expectation, 未夠肥大, 不過係鮮甜味美既! 都唔錯!油鹽水花甲 – 呢味送唔係度度都整得好食, 呢度, 都係under expectation, 湯唔夠鮮甜, 味道比一般的較為清淡. 花甲勁大隻, 但係勁韌的.. 應該係貨式問題… 其實呢… 唔係買到咁大隻又易韌又貴law… 我地係食野, 唔係淨係餵飽相機就算架嘛…金銀菜豬肺湯-料足! 又夠香又夠甜! 好多好肥美既豬肺, 仲好干淨tim, 正!啫啫芥蘭煲-爭左d 獲氣, 味道ok la扒娃娃菜-夠味夠甜, 唔錯的脆炸豆腐球-入口火燙, 要小心食, 夠香口, 不過如果可以至滑d就好, 幾好味秘制鎮江骨 (例）-夠入味, 時間火侯十足, 肉質夠淋唔會 “鞋”, 而且大大件, 真係唔錯!強記3寶-叉燒，炸大腸，咸魚煎肉餅唔應該叫三寶, 因為唔感覺到佢係可以強烈推介之選,-叉燒, 唔夠juicy, 肉身有點 “鞋”-炸大腸, 唔夠香口, 唔夠惹味-咸魚煎肉餅, 普通了點… 如果可以嫩身d, 香d, 會好好多 …Read More

十二月二十九日 (星期日)上年底，經食友安排，第二次到訪重裝後的好運強記當中最喜愛的焗魚腸實在滋味十足大大砵，用料豐富，羶香滿溢每次來，也要吃的八寶鴨，當然也沒令人失望薏米取代糯米是重點所在~味道依舊的好!~更精彩更詳盡內容，我們不在這裡談，到部落格看吧~…Read More

相約一班朋友１８人食私房菜，　就揀左好運強記等位：事先ＢＯＯＫ　定不用等，　記得要留定食物，　或可同老細講定幾錢位，　佢會安排環境：工廈裝修，　冇乜特別，　家庭式經營，　擺吾到好多人　最多４圍大枱服務：人手算夠，　上菜速速稍慢味道：　好正。我同朋友點左既餸有好多，　雞蛋焗魚腸，　自制叉燒，　椒鹽魷魚，　胡椒蟹，　啫啫通菜煲，　冰鎮瀨尿蝦，鹵水併盤，　杏汁豬肺湯，　脆皮糯米雞等等　全部都好食，　最推介係自制叉燒，　叉燒好肥美又好林，　應該用左豬腩肉，自制汁甜得黎冇蓋走叉燒既肉味，　正！冰鎮尿蝦（凍食）　好大條有大慨２０ＣＭ長，味道鮮甜，　而且整法有用酒調味！酒味滲入蝦肉，再雪凍食，　幾有創意！脆皮糯米雞：　將糯米飯擺入去成隻雞度燒，糯米放入去時要好平均Ｄ飯先會好味同夠熟，所以都算係一味手工菜，　雞燒得恰到好處，　皮十分脆，　而雞油亦都滲哂入去Ｄ糯米飯入面，　令到香味四溢，　正！…Read More

朋友帶左我黎依到食飯,幾有味道嫁依到都,原來一早已經落哂單,諗都唔洗諗。第一樣餸上枱原來就係依到既招牌菜式之一依到叫冰醉瀨尿蝦。賣相真係吸引住我,見到咁大隻的瀨尿蝦，當然非常驚喜，叫得冰醉瀨尿蝦就當然有酒係裹面，拎上手已經聞到陣陣既酒香，雖然係冷盤,但陣味真係唔講得笑，另外瀨尿蝦既肉質都非常好，好味既酒味，真係唔好好食,之後就係依個雪花炸蝦丸,都算唔錯嫁,蝦丸上枱個陣時夠哂熱辣辣，食落有蝦味唔會太粉,都好好食,又唔會話太油,之後就係依個糯米釀雞全翼,而依個糯米釀雞全翼，佢會將個雞翼拆左一條骨，留番一條骨，之後就將糯米飯釀入雞翼裹面，再炸，糯米飯真係超多,成隻雞翼睇落都好飽滿的，隻隻雞翼睇落都係好大隻， 可能因為雞翼既問題食落無咩雞味,不過食功夫都已經值回票價。 …Read More

穿過一片杜琪峰式警匪片嘅經典街景，走入一棟殘舊嘅工廠大廈，搭上一部「迷離夜」式嘅電梯，發現工廈內的一片天地！要提早兩個月Book先食到。其貌不揚，裝修一般，食物就真心唔錯。激贊杏汁白肺湯同冰醉瀨尿蝦！肺處理得好乾淨，湯煲到好香濃，一人得一碗，好矜貴😁 瀨尿蝦勁大隻！啖啖肉，連蝦鉗都好好肉！肉身爽，羔香，淡淡酒香，食完呢兩隻已經好滿足😍其他小菜亦都不俗。蝦醬骨好入味，上檯時已聞到好香，不過略嫌咸，適宜送酒。三寶嘅炸大腸皮脆；鹹魚肉餅同蝦醬骨嘅炮製方法應該類似，都係好入味；招牌叉燒，煮到收汁而成，非碳烤類。呢度碟頭大，仲有好多菜式好想試但都無肚載，多啲朋友一齊share就可以試多幾碟餸喇。發現我哋隔離張大檯嘅朋友好醒，佢哋原本應該係唔識嘅，可能透過網絡約埋一齊嚟呢度「拼檯」。亦都只有有咁上下實力嘅餐廳先可以令人諗到如此辦法。…Read More

最近，另一班朋友建議來這隱世廚房開餐，問我有沒有興趣。有得食好嘢，我梗會say yes! 大家夾好時間，預留張檯，齊齊在快樂星期五聚一聚。是晚人不多，無法重溫上回的糯米雞，只選了較「輕怡」的糯米釀雞翼。事實上，雞翼同樣是巨大，色澤鮮亮，好吸引。咬下去就是「卡擦」的聲響，很香脆，裡頭的糯米味道亦好，若然能再乾身一點，會更出色，但這已是很高的水準。再來多一款肉食，正是鎮江骨。嗱嗱聲夾件來吃，酸甜平衡得宜，肉質鬆化，帶點肥，味道媲美鮮肉，自然又是要多吃兩件才肯收手。店方送贈杞子桂花糕，大家邊聊往事邊吃著甜點，愉快的時光瞬間便過去。又係時候要離開，再各自奮鬥，大家加油丫！…Read More

3月同一班好朋友食晚飯，一直聽朋友講觀塘某工廈內有一間私房菜口評不錯，但知道農曆新年前預訂要一至兩個月時間，所以待過完農曆新年先去試試，訂位時才知如果想選星期五、六、日，可能需要預早一個月，但閒日大概需要預早兩星期左右就可以，當然都要盡早訂枱啦！因為這間食堂地方比較細，大概只有5-6圍枱，大概可能因為這原因所以比較需要較早預訂。早前在openrice找地圖，可惜Openrice的地圖標記錯去成運工業大廈，我們又不夠細心沒有留意到，所以到了成運工業大廈2樓，才發覺該處係沒有26號室，再看看地址才知去錯地點，原來成業大廈係成運大隔離，唯有返回地下往前去，我們浪費了不少時間，而我也在Openrice更正了！希望下次不會有人因此而去錯吧！環境一般，但一定不可以跟酒樓比較，所以要先做好心理準備，但對我個人來講都可以接受，類似大排檔，所有櫈都係圓櫈。這食堂點菜方式如下：首先客人訂枱留下聯絡電話，食堂會以whatsapp方式傳訊菜單，客人揀好菜式並回覆食堂，最好講埋人數，這樣食堂就會因應客人數量而附合份量報價，大家互用whatsapp聯絡，直至最後確認，這個方法都幾方便，不過菜單只有菜式，但各菜式沒有列明價錢，對於顧客，實在有點難預計，希望這方面可以改善一下。最後我地選了以下的菜式！首先第一碟餸上枱的是好運強記食堂的招牌菜式之一：冰醉瀨尿蝦。一放到上枱，見到這麼大隻的瀨尿蝦，大家都非常驚喜，比一支筷子還要長。顧名思義，酒醉就當然有酒，未拆殼都已經聞到陣陣酒香，這碟是冷盤，瀨尿蝦的肉質不錯，很有質感，且有酒味，其中有兩隻仲有蝦糕呢！回味無窮！接著的是杏汁豬肺湯：湯有很香的杏汁味，每人有兩大碗，碗都比較大，所以飲完湯後都有少許飽的感覺了！雪花炸蝦丸：呢道菜比較普通，沒有太特別，但蝦丸上枱時熱辣辣，漲卜卜，很有蝦味，每人有兩粒，都好好食！糯米釀雞全翼：其實這家食堂出名的是脆香糯米雞，是全隻雞釀有糯米，但因為我們只有六人，而且全部女士，若點脆香糯米雞的話必定份量太多，吃不完，且我們不想浪費食物，所以我們選擇糯米釀雞全翼。而這糯米釀雞全翼，雞翼拆骨，只留下一支骨，猜有支撐作用，將已熟的糯米飯釀入雞翼內，再把雞翼炸熟，糯米飯把雞翼填得滿滿的，所以雞翼看起來比較大隻，這道菜花比較多功夫，但只食到糯米飯味，不覺雞味，整體來說麻麻，但都不失為好菜色！這款強記三寶(叉燒、炸大腸及醎魚煎肉餅)：我見很多食家都說這是必食之一，但當日這款上枱時，炸大腸稍肥，叉燒肉實，醎魚煎肉餅太醎，沒有想像中的好味，有少少失望！另外還有瑤柱金菇扒菜心、松茸魚湯伊麵及桂花糕，因為忘記影相，所以未有相片提供。瑤柱金菇扒菜心醎左少少，松茸魚湯伊麵湯底有薑味，目的可能想去除松茸的草味，桂花榚不會太甜，清清地，入口不錯！總括全晚所有菜式味道都算合格，而每碟份量都幾大，所以我們都吃不完，打包大半碟強記三寶。這間好運強記食堂主要由兩位女廚管理，也由她們負責上菜、加水及執枱，所以沒有任何招待，所以大家要體諒！收費方面，食堂不收信用卡，只收現金，不收加一，食完後可以自行到櫃枱埋單，今晚每人都不過$300，都可以接受！…Read More