好彩海鮮酒家

營業中

休息中

招呼好.食物正,東九龍區都可以話數一數二的當然是官塘家好彩啦.次次去都有新嘢 食.伙計招呼一流.沒奈何.又要去食.

真正食客那有下午三時去酒家試食的道理?

去過上環、旺角、長沙灣o既好彩，都覺得幾抵食。點知，今次第一次o黎觀塘好彩，得出o既結論係，碟頭超細，唔抵食！可惜，可惜。我地冇叫套餐，一行8人，諗住散叫小菜同海鮮。首先，我地想叫個特價冬瓜盅，果時只不過係7點過DD，部長竟然話已經賣曬。再睇下個海鮮menu；嘩！好貴。平時叫開唔使$5一兩o既白灼蝦，呢度賣$9/$10一兩；雖然係中蝦，但咁樣叫一斤每人都只係食到兩隻蝦，好唔抵，不過卒之都叫o左。最唔抵係果半隻燒雞，超級迷李，好似得例牌size咁少，差！另外，叫o左個秘制京都骨；但個賣相好似東坡肉咁，一大塊，D骨去o左邊？？除此之外，只係叫多一碟炒菜同燒味雙拼，加白飯同蒸慢頭，咁就食o左$6xx，唔抵食！飯後只係送生果盆；問侍應有冇糖水送，佢答："自己叫都係$6一碗之o麻"；呢D乜o野態度o黎？！差！睇o黎都唔會再有幫襯喇。

在上個星期日,本來一心想去長沙灣間"鴻星"食飯,點知去到大排長龍,起碼要等一粒鐘,唯有睇佢週圍有無其他食肆啦!結果見到一間又行前無幾遠既"好彩"酒樓,又無需等位,即刻入去試下啦!果然不負所望,這裏食物質素一流,海產非常新鮮,價錢尚算合理,平均每人消費200蚊左右,而且這褢亦有套餐比你選擇!有魚、有菜、有龍蝦、有雞幾豐富!!但有些套餐沒有湯飲就差左"D"la但整體尚算ok,服務質素幾好!

好彩酒家逢星期六、日都會有特價點心，係早上11 點前入坐就可以享用，點心大約有8 - 9 款，而這些點心平常在好彩酒家是沒有推出的。我地專城為這些點心而一早去飲茶，但是在10:30 左右，酒家就說這些點心停賣。但點心紙上沒有說明這些點心會賣完即止，而我們在10:30 特價時段入來真的不憤氣，如果點心是賣完即止的話，應在紙上說明，而不是在我們點茶的時候才告訴我們。而且，這些點心是平日好彩酒家沒有提供的，我們專誠而去但又未能食得到，真的很過份！

本人在官塘返工,時常都會在這裡開餐,我最喜愛食沙姜雞腳, 但有時雞腳滿佈血根,十分可怕.<br />** 這裡lunch hour 時常無位, 記住晨早電話訂位**<br />

我差唔多每星期都會去長沙灣好彩食餐飯。<br />我覺得佢都唔算平，通常2 個人食都要600-800 蚊，但食物有水準而且都幾豐富，咁既價錢食到<br />- 龍蝦剌身連湯爐比您(2 斤多啦)<br />- 蝦頭、煲粥(有得打包，留返消夜一流)<br />- "線" 貝(線字應該唔咁;，唔識寫)<br />- 抄個菜。<br />- 食個糖水(要俾錢) + 果盤<br />就o岩o岩好啦。<br />晚飯好多吉位，伙計都幾多人，招呼唔錯，試下都幾好！<br />** 中午飲茶好易搵位，但只係麻麻地好食！<br />** 留下有間"新X，又係"X 星"，好唔抵食；唔好食又搵笨。

昨日下午食飯時間去飲茶, 竟然唔駛等位. 本人己經覺得好奇. 入到去坐低, 發覺好多空檯。嘩! 幾恐怖呀! 我仲以為D o野食唔好食, 但除左D 糖水難食少少外, 都冇咩唔同! 唉, 可能經濟真係好差, 定係好彩好貴呢?

星期日親戚擺婚宴,局住去呢間較偏僻的酒樓.裝修不錯,特別是有射燈又噴煙,十足做Show,好正!Toilet的馬桶板有一槐膠cover,用完即可更換,十分衛生.阿媽更話係全港首創!食物算得上中上,難得我竟然由頭食到尾,連甜點都食完(飯是鴛鴦飯,又好食又貼切,好!)酒樓又不斷播放情歌,可算夠氣氛.價錢不詳,但如果有人再在此擺酒,我一定樂意奉迎陪!

我太相信"開飯喇"的評語，以為官塘好彩真係20大好食店！但發覺食物味道普通，仲有黑蟻，而且仲收得好貴(如此的價格，應有更好的食物)。在現在經濟低迷的時刻，HK$800的4人套餐，只有1) 燒味三拼、2)少瑤柱豆苗、3)青椒白瓜炒6粒大帶子、4)小斑一條及5)淡味稀翅！而服務方面，非常好(如果您衣著光鮮或是熟客！！)，對於初到貴境的平民裝扮食客，則態度欠佳！

太子好彩係咁多間我食過既好彩最好既一間~!<br>我個人覺得佢地做得最好既係處理蒸魚既時間.<br>但係講到點心呢...我又唔係咁鐘意去佢度飲茶...<br>我個人都係覺得槄香好d...不過去太子好彩飲茶都有好既地方既~ 就係可以o係樓下行街囉,夠晒方便啦~落兩層樓就係喇!

好彩點心始終是信心的標誌,但官塘好彩叉燒飽簡直天下無敵,很久.很久沒食過咁正斗叉燒飽了,我等了大半小時位都要再來嚐過,簡直天下第一飽.

我都食過幾次﹐D食物都幾好食﹐但價錢算中上lor.以前D羅白絲餅好好食﹐不果而家無咁好食啦﹐但環境就真係好。

食評實在太多人讚好味,固特意同朋友專程去試試; <br>一試,實在太失望了!!! <br>首先,大約下午三時左右去到,沒一位侍應招待,這樣惟有自已先找侍應招乎吧; <br>找到後,安座後點了多款點心,點知送來的多款點心都是暖的,不熱;雖然這已是下午三時多,食客都不應得到如此這些暖和食物掛!而且這又不是特價時間,收足錢架,價錢又不算便宜; <br>總結:如此水準的酒樓,我們同聲說以後都不要去!

觀塘的好彩酒樓地方環境佈置確唔錯,尤其大廳的龍鳳會變色,招呼都殷勤,但價錢比好彩其他的酒樓卻貴多了,特別與長沙灣的分店比較則覺得觀塘分店唔抵食!