好彩海鮮酒家

營業中

休息中

估不到這間好彩都會有那麼多人,位處三樓,上落唔方便,梯間又污糟.不過order好快便上怡. 食物質素沒特別

其實都係貪方便，同埋ｄ野食都唔錯，又抵（我屋企人一定要抵既），朝早我地通常食牛肉球，煎蘿蔔糕，鳳爪，豬膶腸等。下午荼我就覺得好味ｄ，有魚雲、豬肝燒賣，艇仔粥，豆容包等，呢ｄ全部７蚊，另外排骨上海麵同埋燒腩蒙粉就１４蚊，不得不提既係炸魷魚ｘ好好食，但成２８蚊碟，份量較少，講住咁多先。

有張$100先會去食。叫了鮑魚菇炒白菜苗，栗子炆雞，同一隻小得不能再小的乳鴿。加三個白飯，都要加$113。菜式好油，應該奉行下而家的健康原則啦。坦白講，味道麻麻，碟頭細。服務還可以啦。環境亦唔好，好亂，toilet is dirty.印象中，上環那間整體都係好d。

２點２去電影中心睇蜘蛛俠３，未到１點就到左油麻地，見有時間就０黎呢度飲下茶先～今日係紅日以為要等位呀，點知去到即有位，仲有好多吉檯響度添～～炸雲吞（２大１細好唔平均，ｏｋ）煎蘿蔔糕（３件，超好味，好食過美心出ｄ蘿蔔糕）鮮腐竹野菌扎（又係２大１細，ｏｋ）蒜蓉莧菜餃（超好食！估唔到ｄ莧菜可以整到咁好食）蒜粉果（一般）蛋散（第一次食，不過我唔鐘意食呢類甜食，係抵食０既一味）瑤柱崧子豆腐角炒飯（好淡呀好似冇加鹽咁）

今天午市去,要等位.那些位冷氣驚人, 到有枱,d冷氣照頭吹下來,要轉位.叫了六碟點心加一碟炒麵. 芒菓鮮蝦筒,崧子餃,山竹牛肉和雞札都ok, 疍黃千層糕-料多但太甜, 小籠包就肉太'林'而且有羶味.义燒薑蔥撈麵好味但太咸.總體來說也可以.

因為有同事離職,於是前兩晚部門搞歡送會,度擺四圍.菜式相當豐富,包括:乳豬全體---隻豬都幾肥酥炸芋頭帶子---好香口,帶子幾大隻海螺片炒西蘭花---一般上湯海蝦伊---海蝦幾好,不過我認為龍蝦更好陳皮蒸鮮鮑---ok啦炸子雞---一般雞絲翅---冇乜翅又冇乜雞絲,唔掂蒸班(唔知乜班)---又蒸得幾好,肉好滑伊麵,炒飯---兩樣都幾好美點雙輝(笑口棗,酥皮蓮蓉)---笑口棗炸得太久,酥皮蓮蓉不太甜,可接受紅荳沙---幾ok生果盆---一般服務就真係唔多掂.道菜呢頭上完,都唔係個個夾第一件時,佢已經走埋來分話邊個要,林收碟,好似趕收工咁?!另外我地中場時玩遊戲,玩玩下又居然走埋來問我地幾時玩完,要上埋d菜咁話!果陣時只係九點鐘左右,出面大堂又唔係多人客,使唔使咁呀!好似趕我地走!!!如果唔係就近同o野食ok話,都唔會來幫襯!!

九人吃晚飯,只因呢幾日吃得太多肉類,要轉一轉口味,叫了一隻澳洲龍蝦；4斤重,上湯伊麵底,一條老虎斑三斤多，肉炒球，炆頭腩．炒蠔豉鬆，豬手仔例，薑汁酒炒芥蘭，例湯．相熟的部長已叫停，說已夠食．後來發覺果然．因相當夠秤，斤兩十足．龍蝦炒得火候剛好，鮮嫩好味，連爪都很好肉，炒斑球是稍為過火，因稍大力夾起來便會爛，但也算可接受，炆頭腩很好味，用煲仔上，連配菜的支竹也很入味．蠔豉鬆，豬手仔的味道也很好，整體來說，水準上佳．不過最令人不快的是給安排在一吸煙的十二位年青煙民旁邊，全晚不停煲煙及喧嘩，劈酒．所以食肆禁煙，在下舉腳讚成．不然非煙民便要活受罪．因此，環境方面要扣分．

今日同媽咪去飲茶,叫了點心,但蝦餃不久沒有到,便問侍應, 原來沒有,再叫賽螃蟹餃,等好耐都係冇同我講賣哂,問佢地先至話冇,埋單的時候,個侍應仲口黑面黑多謝都唔講就遞埋張單過黎,味試過去飲茶咁就罪,以後都唔夠膽再黎飲茶,比錢買爛受.......

蝦餃只有兩粒蝦仁在裡面，沒有其他材料，像是用蝦餃皮包起兩粒蝦，完全沒有攪碎，味道如同嚼蠟，十分十分難吃，不知所謂！這可稱得上是蝦餃嗎？居然收$29 一籠，送給我都不會吃。小籠包只有很濃烈的薑味，根本不能下嚥，整籠也沒有吃。一定冇下次！我一定不會再去！

去過觀塘同呢間好彩飲茶,觀塘裝修靚啲,上次響呢間食左上素腸粉、奶皇馬拉卷、煎南瓜粿、豆腐花(一般)、粥、荳苗餃、沙爹花枝條(唔好食)、叉燒包同鍋貼(幾好),整體食物水準亦係觀塘好啲呢間水準十分一般,但價錢唔平(頂點好似$30),而且埋單勁耐,我諗都冇下次,要去都係去觀塘個間

雖然比一般酒家貴~ 但係地的點心即叫即蒸~~ 點都有保証.. 想唔使等位就去長沙灣麗新商場果間~ 周日都仲有位.. 十點前~~