好味餃子店

營業中

休息中

煎餃雙拼叫咗白菜肉餃同雲耳椰菜肉餃，比起湯餃佢望落去比較扁身，但係份量都唔少，而且上菜嘅時候佢好夠熱，感覺應該係啱啱煎好就上菜。雲耳椰菜肉餃食落有啲雲耳幾爽口，加埋椰菜同肉餡個層次都幾豐富。至於白菜肉餃就比較清淡少少，味道適中，唔會太濃~湯餃雙拼韭菜肉餃同粟米肉餃啲餡都好足，成粒餃子都脹卜卜咁，咬落去見到佢啲料真係唔少。韭菜餃有好香嘅韭菜味，粟米餃有唔少粟米粒，食落好鮮甜。佢啲餃子啲皮唔會好厚，配埋自家製嘅野葛菜魚湯真係好好味，個湯好清甜，完全無味精🤤咧個老火湯絕對係吸引我去嘅其中一個原因飲品叫咗羅漢果甘草茶同豆漿，兩杯都暖笠笠好啱冬天飲。羅漢果茶完全唔額外加糖都好甘甜，而豆漿就都幾重豆香味，甜度就啱啱好～ 推薦！！

好味餃子店 (長沙灣)長沙灣元州街497號地舖非常抵食乾淨餃子店，仲有車仔麵如果唔想食麵嘅話，可以嗌餃子，另外加餸套餐$47，雙併加兩蚊，餃子多選擇有韭菜、白菜、芹菜、雲耳椰菜、甘筍沙葛同芫荽肉餃可選擇試咗芫荽同白菜，非常足料脹卜卜芫荽一啲都唔重味，有咬口白菜口感清爽，好足料湯底清甜，野菜葛角生魚豬骨湯隔咗查一啲渣都冇鍾意佢湯底，可以另外點個湯都得職員非常有禮貌，同埋地方乾淨去長沙灣，或者荔枝角都可以嚟試吓不錯嘅餃子店，抵食夾大件行過唔好錯過！

今日經過呢間食餃子店 屋企人話想食餃子就黎左呢間食餃子粉麵套餐 $475隻湯餃＋粉麵＋自制豆漿（凍）/羅漢果甘草茶(凍/熱）1杯粉麵可選：粗麵/幼麵/油麵/米粉/米線/上海麵我簡左 米線同豆漿粟米湯餃十分大粒 ，成個拳頭咁大粒😱 仲要每粒都咁大，好足料，皮薄餡靚，黎呢到既街坊好多都叫湯餃食白菜餃 十隻 $47白菜餃主要材料有白菜同埋豬肉，煎到金黃色，雖然煎餃冇湯餃咁大粒啦，但係即叫即煎 ，熱辣辣，外面好脆題外話，下午茶時間仲抵$33 就食到

餃子控應該冇人唔識「好味餃子店」，以「好味」嚟命名舖頭名，相信有一定實力，今天到訪長沙灣店主打餃子粉麵，兼賣靚湯同幾款小食，專注做好-大碗雙拼湯餃子 (10隻) $49點選韭菜肉餃及甘筍沙葛肉餃餃子飽滿大隻，餃子皮薄細滑，餡料屬多菜少肉比例，豬肉鮮味嫩滑，韭菜新鮮濃郁；少見嘅甘筍沙葛組合有意想不到驚喜，鮮甜甘筍配搭爽脆沙葛及豬肉，食到食材嘅原味道；湯底清甜而唔油膩-胡麻醬滑豆腐 $24豆腐嫩滑帶豆香，加埋胡麻醬，健康好味-涼拌雲耳 $26煮得爽口，加入醋同大量蒜蓉調味，味道唔錯

好吃不过饺子！！49元可以双拼，皮薄肉满！尊嘟好吃。。本香菜达人太喜欢芫茜饺子了胡麻酱滑豆腐好好味，生菜也很新鲜下单直接扫码，非常方便，制作过程都看得见！吃的放心

小店門面唔算起眼，見幾抵入去試下！入去似係食麵嘅舖頭，但環境更乾淨👍雙拼煎餃或湯餃10隻都係$49，性價比高，真係平靚正！下午茶仲有$33蚊餐😱😱😱仲可以買急凍嘅返去煮，食緊都聽到有幾個人嚟買👍問阿姨點煮，阿姨都耐心回覆，少見態度咁好😍煎餃擺盤用心😍第一次見啲餃子擺到咁🥹叫左韭菜肉餃拼甘筍沙角肉餃足料韭菜，香濃有肉汁👍甘筍沙葛肉餃，更加爽口！湯餃方面一樣有韭菜選手🥟香味無煎嘅咁出，取而代之係清甜嘅味道！另一款揀咗粟米肉餃🌽甜甜嘅粟米粒粒，同個湯好夾👍個人中意湯多啲，感覺無咁油膩，適合健康、減肥人士🤭兩個人埋單$98食吾哂打包左幾隻返去添🤣🤣

【長沙灣•好味餃子店】@ππππππππππππππππππππππππππππππ長沙灣人氣街坊餃子店野葛菜生魚豬骨湯煎韭菜餃及粟米肉餃清熱羅漢果甘草茶一樽野葛菜生魚豬骨湯散發著淡淡的鮮味。豬骨的熬煮時間充足，肉質軟嫩，湯汁濃郁卻不油膩。搭配新鮮的生魚片，鮮甜的味道在口中交融，令人回味無窮。野葛菜的加入，不僅增添了色彩，還帶來一絲清香，讓整體口感更加平衡。煎韭菜餃及粟米肉餃煎韭菜餃的外皮金黃酥脆，咬下去時韭菜的鮮香瞬間撲鼻而來，內餡的調味恰到好處，令人一口接一口。粟米肉餃則是另一種風味，甜美的玉米粒與豬肉結合，增添了口感的層次感，咬下時的汁液更是讓人驚喜清熱羅漢果甘草茶清熱羅漢果甘草茶令人感到清新脫俗。茶香淡雅，羅漢果的天然甜味與甘草的微苦交融，讓人感到舒適和放鬆。這杯茶不僅消暑解渴，還能清熱降火餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 100✨✨✨✨✨✨✨✨✨✨✨✨✨#長沙灣美食 #好味餃子店 #web3長沙灣好味餃子店長沙灣元州街497號地舖

“付款方式自費現金付款”今晚老公話想食餃子，睇下近近地又唔駛行太遠又可以食倒。餃子店有種小店感覺👍🏻雖然落緊大雨我哋都無懼天氣影響，我地就直接行過去” 好味餃子”，落單係用手機落單，我哋叫咗兩個雙拼煎餃子一個係韭菜肉餃拼甘筍沙葛肉餃，同粟米肉餃拼雲耳椰菜肉餃。唔係等好耐已經有得食🥹其實我哋仲有叫咗嘢飲係豆漿但唔記得影。豆漿好快俾好快已經飲完，細豆漿$8 一杯叫左兩杯。**落咗單先見到芫茜肉餃，下次要試下先

我好鍾意食餃子，今日去開長沙灣就特登試吓好味餃子店，即刻變成我top 5喜愛餃子！食咗佢兩款湯餃，都皮薄多餡，豬肉係碎瘦肉，完全冇肥膏粒，啱晒我口味，芫荽同韭菜份量好多，應該有五六成，所以好重菜味正呀湯底係野葛菜生魚湯，雖然有少少魚腥味，但係可以下火，所以我連湯都飲埋！辣椒醬加咗少少菜脯，我覺得幾香，如果菜脯譜大粒啲有咬口啲就再啱我啲！10隻湯餃單拼係$47 ，價錢中規中矩啦！

好味餃子店 (長沙灣)長沙灣元州街497號地舖係福華街將會大規模重建既兼善里既附近新舊交融嘅地方，坐落於荔枝角同長沙灣中間，非常抵食乾淨餃子店。下午茶30幾蚊有餃子有野飲除咗餃子之外，仲有車仔麵湯餃嘅湯底係野菜葛角生魚豬骨湯有粟米、韭菜、白菜、芹菜、雲耳椰菜、甘筍沙葛同芫荽肉餃可選擇試咗韭菜同白菜，非常足料脹卜卜白菜肉餃仲有少少筍，有咬口之餘味道都非常有層次天時暑熱，飲返個凍羅漢果水，非常舒服，另外都可以試吓車仔麵墨丸彈牙足料，價錢相宜不錯嘅餃子店，抵食夾大件行過唔好錯過！

芫荽愛好者可以嚟一試喇由於呢排做嘢實在是太忙啦，所以晚餐完全唔想煮，但係又唔想食得太Heavy ,所以決定今晚一於要食餃子叫咗個外賣韭菜餃同芫荽餃韭菜餃就不嬲都非常之好味㗎啦好少舖頭會失手至於芫荽餃，呢間舖頭整體嚟講都係幾好食，鍾意食芫荽嘅朋友可以一試今次我揀嘅係煎餃子，就算外賣返去都仲熱，同埋味道都好食嘅，皮脆內軟。另外仲嗌咗佢哋嘅豬耳仔，都好味同埋滷水好入味！豬耳仔都唔會話非常辣，唔太食得辣嘅朋友都可以試

經過呢頭附近，突然想食餃子，見到餐牌，價錢親民，就入左黎好味餃子店試下。呢度仲有包餐飲lunch set $47 同 tea set $33  , 不過我早左黎，未到tea time , 就單叫左一份單拼湯餃同一份雙拼煎餃同埋加左杯凍雪梨茶。♥️單拼湯餃（6隻）$37皮薄，雲耳椰菜好足料，肉質鮮味，仲要不可不提個湯底，飲得出係老火湯黎。好味力推👍連個湯我都飲晒👍♥️雙拼煎餃 （6隻）$39我點左雲耳椰菜同韮菜，餃皮煎得好脆，即叫即煎，肉餡都好足，煎餃我就推韮菜味，韮菜味濃，適合香口外皮。♥️凍雪梨茶 $8好清甜，解薯，飲到杯底有好多雪梨肉，真係新鮮雪梨肉，唔係化學野黎。見到店舖客似雲來，店員忙過不停，真係抵佢咁好生意。

位於長沙灣嘅「好味餃子店」,無疑係一間值得一試嘅餐廳。作為一間以餃子為主打嘅店舖,佢哋的餡料絕對令人驚喜。提供多款口味,包括粟米豬肉、韭菜豬肉、白菜豬肉、芹菜豬肉、芫荽豬肉、雲耳椰菜豬肉,以及甘筍沙葛豬肉等等,各有特色,切合唔同食客嘅喜好。餡料鮮嫩多汁,包餡飽滿,入口爆漿,極富層次感。無論係煎餃定係湯餃,每一款都能盡顯餃子嘅獨特風味。而且,佢哋嘅湯餃都非常出眾。湯底由野葛菜、生魚和豬骨熬製而成,味道甘甜鮮美,彷彿能滋養身心。餃子皮薄而韌,搭配上一口湯,整體口感相當圓滿。

好多年前開始，就已經經常喺長沙灣、太子（唔知有冇記錯呢？）好鍾意食呢間餃子舖頭。呢間餃子舖頭都係我第一間知道原來夾埋辣嘅菜譜食餃子係真係咁好味，仲要佢嘅煎餃包法係由佢獨有嘅包法所以加埋佢冇味精嘅湯，又係一個味蕾嘅昇華層次再者就係其實佢午市套餐，都有一啲好抵食嘅麵食但我個人嚟講就淨係鍾意食餃子，所以大推！

小店嘅湯底用左野葛菜生魚豬骨湯，湯餃都有配呢款湯😍飲落好夠火候好特別👍.🍐甘筍沙葛肉湯餃 配雪梨水 $33呢款係下午茶餐，有5隻餃子🥟，可以揀湯餃或者煎餃。仲有豆腐、羅漢果茶或雪梨水揀。湯餃子皮唔會過厚，餡好飽滿！好少會有甘筍沙葛餡，食落夠爽口，雪梨水好清甜。.🥟煎韭菜肉餃拼粟米肉餃 $49外皮煎到好脆，韭菜好香🥬粟米原粒加入肉餃，增添口感🌽.📍 好味餃子店 (長沙灣)長沙灣元州街497號地舖