好味餃子店

營業中

休息中

去到葵芳，暑假期間葵涌廣場好多人，間間都要排隊，搵到間睇落幾吸引既餃子店打左底先。原來係葵廣後面行條行人天橋就到，非常方便。入座之後侍應哥哥俾左兩隻碟仔，可以裝醬料同菜圃菜圃食落都幾辣，仲有啲豆豉係入面，好惹味😋用QR CODE落單，所以無影到餐牌。做完運動好肚餓，叫左雙拼餃子（韮菜拼白菜餃）加米粉（$58），餃子大大隻，好飽滿，而且皮唔算厚，厚薄適中，餡料多菜少肉，唔會好實不過湯唔太夠味，加埋米粉有少少淡口。另外叫左碗椰菜餃米線加羅漢果茶（$47），普通女仔食呢個份量都足夠。椰菜餃好清甜，入面有雲耳好爽口，比起韮菜餡再清新啲。後來又追加一份煎韮菜餃（$37），有6隻大大隻，熱辣辣又脆卜卜，值得試吓。

好味餃子店 (葵芳)••••••••••••••••••••••••••••••✄( •8• )✄( •8• )✄( •8• )✄( •8• )♥️餐點：•雲耳椰菜湯肉餃 六隻$37•韭菜肉餃 六隻$37•麻辣豬耳 $28•自製豆漿 枝 $15•滋潤雪梨茶 杯 $8••••••••••••••••••••••••••••••♥️食評：細細個已經食過呢一間好味餃子店，喺葵芳開咗分店後再去食返兒時嘅味道！今次湯餃同煎餃都嗌咗嚟試吓，兩款都各有千秋！！湯餃叫咗雲耳椰菜餃，皮薄得來唔會穿，雲耳同椰菜煮完仍然好好口感，調味亦做得唔錯，啖啖肉幾滿足！價錢亦都好相宜，女仔食六隻可能都飽～煎餃個人最鍾意食就係韭菜餃，呢度嘅韭菜餃啲韭菜好新鮮好重韭菜味，相比湯餃，煎餃係相對點扁身一啲嘅餃，比起湯餃嘅皮會厚身少少，正因形狀扁，煎起上嚟外面好脆，點埋豉油等一齊食好美味～除咗餃子，呢度仲有唔同小食，今次試咗麻辣豬耳，豬耳夠爽，唔會有肥肉位，麻辣味啱啱好，可以一試。食完麻辣嘢，就可以飲佢哋嘅雪梨茶，雪梨茶入口雖然比較甜，但可一解麻辣味，幾啱夏天飲。豆漿一支都係$15幾平，唔會好甜，幾新鮮嘅感覺。呢度嘅飲品有杯裝同枝

📍 好味餃子店（葵芳）家庭形式經營既小店～充滿家的味道，小店以簡約形式裝修，座位坐得舒服😌唔會有壓迫感，店員仲好親切，充滿人情味👍🔸 湯餃方面，雲耳椰菜，韭菜湯底以自家每日新鮮熬製既 野葛菜生魚豬骨湯，魚香味濃，鮮甜清爽，好適合夏天飲，仲可以去熱氣，可以邊食餃子邊飲湯，都唔會覺得口渴，因為係冇味精！兩款水餃都各有特色，共通點係蔬菜嘅份量比豬肉多，食落較為健康，咬落去豬肉嘅肉汁仍然會流出來，餡料新鮮，每日人手包制，配搭埋店舖自家製嘅辣菜脯，更加滋味。🔸煎餃方面，粟米餃，甘筍沙葛特色煎餃🥟唔油膩，外皮香脆，肉汁仍然鎖住～豐富既粟米🌽咬完一啖啲粟米係餃子到會多到瀉，賣相雖然只係扁扁的，但係餡料仍然豐滿，甘筍沙葛食落比較特別，有陣沙葛味，鍾意食沙葛嘅朋友仔一定要試👍

【葵青區】【好味餃子店】幾次經過呢頭都好想入去食，可惜苦無機會，啱啱徐經理問我葵芳附近有咩想食，我即刻就 suggest 去試呢間。估唔到徐經理都話想試喎，咁就踏實地一齊去試吓啦。入去就一人一件 $20 嘅「胡麻醬滑豆腐」，幾大件幾正。叫咗 $49 十隻「煎餃子」雙拼，試「白菜肉餃」同「雲耳椰菜肉餃」先。佢哋煎得幾特別，好似個半圓形咁。而徐經理提出咗一個好好嘅 point，就係佢哋將餃子嘅所有表面都有煎過，令佢更加香脆，的確係事實，經理即係經理。試埋 $49 十隻「湯餃子」雙拼，要咗「粟米肉餃」同「韮菜肉餃」，幾好食，個湯係「野葛菜生魚豬骨湯」，好清好健康。而所有餃子點啲「自家製菜甫辣椒油」仲正，佢哋冇好大力咁介紹呢樣，我哋爭啲就唔小心錯過咗。徐經理叫埋「兩餸車仔麵」要豆卜、芝士腸配粗麵，佢覺得都唔錯咁。另外仲試咗 $28 嘅「麻辣豬耳」，唔算好辣，好味。飲埋各 $8 一杯都唔錯嘅「自製豆漿」、「滋潤雪梨茶」同「清熱羅漢果甘草茶」，夾埋係 $236 嘅。。。（地址：葵芳禮芳街15號葵福大廈地下8號舖）

係附近行完街 想搵啲野食下 就入左黎呢間餃子店 鋪面唔大 但都幾乾淨企理檯面有QR code落單 好方便✨煎餃雙拼揀左韮菜餃同粟米餃即叫即煎 煎得勁靚仔金黃色外皮 一睇就知脆卜卜咬落仲有肉汁 餃子都好足料 配埋佢既辣菜脯勁惹味✨芫茜湯餃朋友鍾意食芫茜 所以就叫埋湯餃黎試芫茜餃既涵又係好足 芫茜味濃湯底係自家製既野葛菜生魚豬骨湯冇味精 生魚味濃 成個湯底飲晒🤭✨豬手麵因為太肚餓 所以叫多個麵食估唔到有驚喜 豬手份量多 軟糯得黎有咬口湯底都好香 好濃郁 忍唔住飲多幾啖✨滋潤雪梨茶清甜得黎入面仲有粒粒梨肉 都幾好飲估唔到呢間小店野食咁出色 價錢唔貴 性價比高推薦煎餃必嗌 因為真係煎得好靚仔 另外記得要試佢地自家製既辣菜脯 雖然好辣 但辣得好過癮下次經過都會再黎試過💕

我一向都喜歡吃吃餃子🥟每次去到餐廳，如果見到有餃子🥟都一定會點黎試。今次行過見到有間餃子店，所以又同男友衝入去試下。白菜湯餃餃子餡料非常新鮮，白菜的清香與豬肉的肉香相互融合，口感豐富。餃子清淡不膩，非常美味。雙拼湯餃粉麵餐韭菜餃子+甘筍粉葛餃子韭菜新鮮，餃子皮薄而有彈性，每一隻餃子都很飽滿。另外一款較少見是甘筍粉葛餃子，餃子的餡料是以甘筍和粉葛為主要原材料，餡料呈淡橙色，散發出淡淡的甘筍香氣，口感細膩柔軟。配搭上海麵，真的令人回味無窮。不過份量比較少，較適合女士。

去葵芳有嘢買，順便係附近搵食。見到呢間食餃子嘅小店仲有下午茶餐（三點至六點），決定入去試試。白菜湯肉餃（$33）餃皮厚薄適中，餡料大量白菜，而且仍有少許肉汁，食落十分清爽。湯底係野葛菜生魚豬骨湯，生魚味好出但冇魚腥味，好飲。韭菜煎肉餃（$33）煎得好香口，韭菜配煎餃最夾，因為夠哂濃味，點埋辣菜脯，更加惹味。如果湯餃同煎餃二選一，我推薦前者。跟餐要咗凍滋潤雪梨茶，淡淡嘅清甜雪梨味，而且仲有不少雪梨粒。

第一次見咁樣嘅煎餃，形狀扁扁的，餃子皮對摺，有啲餃子唔埋口，用筷子揭起好似一個扇貝咁😂口感脆卜卜但食落有啲油溢味。湯餃就皮薄啲，透出餡裡面嘅顏色，唔錯。另外，杯羅漢果幾好飲，推介。

近排唔知點解迷上左餃子，不論朝早、中午、晚餐或者宵夜都成日想食宵夜，不過當然唔同時間就會想食唔同形式嘅餃子啦，個人最喜歡就係煎餃子同埋湯餃子，今日經過葵興做嘢，朋友就話呢間餃子店幾好食，餃子都冇味精，所以我就決定嚟試吓。呢度比我想像中地方大啲，都算坐得幾舒服，咁岩仲趕到下午茶，5隻煎餃加豆漿都係$35！今次要咗煎芹菜餃子，好足料，外皮炸得鬆脆，又冇味精，下次再來會想試埋甘筍沙葛肉餃。呢到一個店員一腳踢，收銀，樓面同廚房都係佢一手包辦，好犀利，雖然好多嘢做，但係都keep到好好禮貌，成日都笑面迎人，尊重尊重！食得出每一隻餃子都係用心機去煎，好有人情味！另外因為天氣太熱了所以最後都加多左一樽自製豆漿，等自己行返去地鐵站嘅時候可以飲。呢到啲豆漿好好味，有豆香。

上OP搵食先知「好味餃子」🥟係葵芳開左，位置近智芳街葵涌廣場對面，小店格局，內裏細細但乾淨企理。💰$26 野葛菜生魚豬骨湯出名，試左味濃但鹹左少少🤏🏽💰$37/6 粟米🌽肉煎餃大大隻，煎得乾身唔會油淋淋又夠香脆，餡料足💰$47 雲耳椰菜肉餃湯麵🍜+🥤湯餃都好鬼大隻，皮薄另外，鋪頭提供既豆豉菜鋪辣椒🌶️油，正呀，好香不過幾辣架。總結：葵芳餃子之選，性價比高，無論煎或湯餃都出色，值得支持！

間中都會行下葵廣買衫兼掃街，附近都有間食餃子都唔錯，起碼可以坐下，性價比很高～❥雙拼煎餃套餐 $35
揀咗粟米同韭菜味，煎餃金黃色，香脆可口非，皮薄餡嫩，內餡鮮美，香氣四溢～
❥自製豆漿濃濃的豆漿香味, 口感濃郁，營養豐富～❥ 胡麻醬滑豆腐 $20嫩滑口感，再配上特製胡麻醬同木魚𢇁，一試愛上～❥兩鎹車仔麵 $30
清清地食碗米線，食得出冇落味精～

餃子口味有7款，除了芹菜肉餃，我們以雙拼的形式點了另外6款湯餃及煎餃：。🌽粟米肉餃。🌾韭菜肉餃。🥬白菜肉餃。🍄雲耳椰菜肉餃。🥕甘筍沙葛肉餃。🌱芫荽肉餃(10隻雙拼:$49)(6隻雙拼：$39)。滋潤雪梨茶 ($8)↪️每隻餃子都好飽滿，餃子皮厚薄適中，不會一夾就散。個人雖然偏好湯餃，但煎餃煎得香脆，好香口，兩個都好好食。餡料方面，白菜及韭菜都正常發揮，粟米及甘筍餃香甜，雲耳椰菜爽口，最估唔到係芫荽餃，我平時麻麻芫荽，但食落又幾好食。原本湯餃是會附送野葛菜生魚豬骨湯，但當天已賣完，只有豬骨湯提供。自家製菜脯香辣爽脆，配餃子就剛點好。

好味餃子店 · 葵芳夜晚肚餓想食少少清淡野，決定嚟呢間位於葵涌運動場附近嘅餃子店。呢間之前都有幫襯過，因為見幾抵食而且幾好味決定再食！😋😋..✅ 湯餃雙併 (雲耳椰菜、甘荀沙葛) 🥟 $39呢個雙併湯餃有6隻。湯餃都算大隻，2款湯餃都食到應有爽脆嘅口感。入面調味比較淡，鐘唔鐘意因人而異，但我幾鐘意，因為食到餡料鮮味。湯底店鋪標榜無味精，幾清，整體唔錯😛..✅ 煎餃雙併 (粟米、韮菜) 🥟 $39呢份雙併煎餃都係一共有6隻，韮菜餃係我至愛，今次呢款都無令我失望，韮菜味香濃。粟米餃都唔差，餡料都幾厚身，大大隻，好食又抵食👍🏼

性價比高的餃子，物超所值的美食享受！這裡的餃子品種豐富，口味多樣，滿足各種味蕾。皮薄餡香，每一顆餃子都充滿了滿滿的誠意。新鮮的食材和精湛的手藝，讓餃子的口感獨具特色，令人回味無窮。不僅美味，這裡的餃子價格也相當實惠，讓你大快朵頤，不用為荷包擔憂。搭配上醋、辣椒油等調料，更是美味加倍。性價比高的餃子，絕對值得一試，讓你品嚐到物美價廉的美食之樂！

Always a fan of fried and soup dumplings!🥟Fried DumplingsI ordered two types, one with corn and meat filling, the other one with meat, lettuce and edible tree fungus.The dumplings were perfectly fried, with a crispy exterior that gave way to a deliciously savory filling. The meat pieces inside being juicy and tender, and the corn adding a nice crunch and sweetness to the mix. The dumplings were also generously filled. The fried dumplings with lettuce and edible tree fungus filling is quite nice