好味屋 (匯豪峰)

營業中

休息中

早餐必定食的沙嗲牛肉麵，他們的辣椒油很好味！應該是秘製的！現在的茶檔很少見有！沙嗲牛肉麵的面底也很好味！牛肉也非常好吃！還有杯茶走，非常香滑，奶茶味濃！這裏每朝早都很多人吃早餐～

呢排食午餐食到沒咩好野食，於是經過鰂魚涌呢邊就行遠d，試下呢間餐廳，佢午餐都有差唔多十個餐俾人選既，我自己就食過十次8次左右，試過既大部份都係麻麻地。間餐廳係算比較偏僻既，要係大路行上去再要轉個灣先到，餐廳樓底係高不過我覺得佢既冷氣唔夠，唔知係咪開小左一部，而且座位方面都唔算闊落，好處係有部大電視睇，我今日叫左個瑞士汁乾炒牛河,個汁實在太甜，太重味，牛肉好多渣，咬極都唔咬唔到，最尾我係剩係食晒d河粉算。。

XO醬肥牛炒河（外賣）$53🌟🌟🌟整體黎講，都ok，同普通茶餐廳既于沙牛河無咩分別。但就同普遍既茶餐廳一樣都有一個問題，太油啦！食完個河粉，個外賣盒都會留有一層油，就知有幾油啦🤦🏻‍♀️雖然佢寫係xo醬，但真正食到有xo醬既話，我諗成盒得兩三啖會食得出。肥牛就不過不失啦，份量都ok，幾多既。河粉都係好食既，洋蔥都炒得幾好食☺️🌟所以，如果有日突然好想好想食炒河既話，我都會再考慮去買黎食既。不過，如果佢可以落少d油，干身d就最好啦😌😌熱檸水 (跟餐)呢次既檸檬都唔錯，就算檸檬係個杯入面，都無檸檬唔靚果時既苦澀味。雖然佢唔係果d好靚既檸檬，可以做到酸中帶點甜，但係都已經好好了🌟☺️☺️

好味屋地點有點隱蔽，位於船塢里裡面，人流唔算旺，唔係住附近都未必知道呢個位置。靜靜地都係一個幾唔錯嘅選擇佢啲套餐其實幾吸引，不過我麻麻哋食魚，所以最後都係決定散叫叫左2個小菜，送白飯同例湯，例湯無味精，偏淡西檸軟雞，雞嘅外皮夠脆，酸甜檸檬汁亦開胃好味，高質，送飯一流。芙蓉煎蛋賣相一般，同我印象中嘅芙蓉蛋有啲分別，但味道幾好，足料唔油加8蚊有野飲總結嚟講，兩個小菜送白飯及例湯，百三蚊，做飯堂係幾唔錯！

🥢側魚涌小店好味沙嗲牛肉麵🥢沙牛麵是早餐必食，呢間小店位於側魚涌小街內，唔係附近返工都唔會知道有呢間店存在,喺呢個地點真係唔知有咩好食的情況下，有人介紹我去呢間小店🥢食早餐講究速度，呢到即叫完唔洗一兩分鐘已經有得食，快過去美心大家樂🥢記得之前食過佢嘅乾炒牛河味道不錯，好夠味道而且炒到每條都朝燶邊，唔知道而家仲係咪咁呢，有機會再去試下水準係咪一樣🥢早餐C $29

一家四口煮餐晚飯，閒間地買餸都要1xx至2xx蚊，煮完仲要洗，倒不如去呢間小店好過啦……!外出飲食，餐廳餸菜能做到物有所值，已經難能可貴，此店嘅晚飯套餐簡直物超所值。晚餐套餐有魚有肉嘅家常小菜，分別3款餸或4款餸都只收$150-220左右，去邊度搵呀？3款餸套餐包括咕嚕肉，清蒸/梅菜蒸鯇魚，蒜蓉青菜，例湯咁!連3大碗白飯只收$150味道方面無得輸，尤其咕嚕肉，即炸即煮外脆內軟無懈可擊，好多大酒家都輸幾係街啦。至於4款餸套餐包括咖哩牛腩煲，鮮魷蒸肉餅，清蒸/豉汁蒸黄立䱽，蒜蓉青菜，例湯咁!連4大碗白餉只收$220仲有套餐內D餸可以更改，老闆象徵式缛款收番$2。

船塢里這個地方相信只有街坊或者在這裏上班才知道有這間茶餐廳。地方細細生意不差，可能是價錢便宜吧。裝修已變舊，地面看來好像是很污糟。公仔麵煮得很差，腍爛。沙嗲牛肉不錯，腸仔煎蛋及麵包很好。

這間茶餐廳的位置在工廠區靜橫街，因為好朋友在附近工作，我才有機會行入這條街發現這間小店。朋友說這間茶餐廳是相熟的，幫襯二十多年，以前在另一條靜街後來搬到這裏來。正常的茶餐廳早餐食物，速度快，下單一瞬間食物已到。沙嗲牛肉麵太腍，麵包及香腸煎蛋唔錯。裝修算是新派，可惜餐廳內有較濃的煮食氣味。

尼間系鯽魚涌另一間好味屋，名就一樣，但係餐牌同裝修完全唔同，真系唔知有冇關係。共通點係，兩間都係茶記同埋不在大街。茶記早餐都系差唔多那幾款，尼間都系屬於親民抵食。食物質素及服務不過不失。

好抵食的平民晚餐首先有個咖哩牛腩。咖哩味好香牛腩夠lum。都幾大兜。仲有個炒通菜炒得幾香 D菜唔會老跟著個海南雞都唔錯 份量足夠 雞幾滑 咕嚕肉都唔錯 酸酸甜甜岩比例 呢間平民飯堂真係抵食，食左咁多年一直保持水準

估唔到事隔咁耐都未有新食評。呢間真係好味，試左新野所以值得再寫。有一段時間無黎，咁岩又經過太古，很懷念呢間既咖哩，於是就專程行過來呢條靜靜既小行。。點知一到門口坐滿人，睇來好多街坊捧場。相反隔離的日本野就得兩枱。我地二人唯有搭枱。叫了下午茶：一個乾炒牛河及咖哩牛腩飯。很懷念香濃椰香的咖哩，忍唔住食左幾啖先記得影相 。。牛腩夠淋，咖哩好味，係嫌唔夠汁。乾炒牛河：比預期中好味，夠乾身炒得靚。最值得讚係佢唔似出面只落洋蔥，佢加埋紅蔥頭。。令成碟炒河增色增香！真係可以話色香味齊晒。呢間舖偏僻但多人係有原因的！下次要再試其他

本身男友係想帶我去隔離果間點止冰冰食咖哩，點知改左星期日休息。。好無耐好肚餓又好想食咖哩，見到係正隔離既好味屋有咖哩食就入左去（雖然由原來食日式野改食中餐）成間餐廳都幾骨子，成條街咁冷清得佢一間食肆開都算多人。。我地二話不說叫左個咖哩雞同菜圃叉燒炒蛋咖哩汁好有椰子香味，唔Spicy 。。我同男友都覺得好好味，係嫌飯得一細碗少左d, 同埋可能因為佢有好多咖哩組合。。所以雞明顯係後期放落去，所以唔入味，不過雞都算滑。另外既菜圃叉燒炒蛋都好好味,蛋好滑，好足料，口感好好。我估係因為家庭式小菜，所以都見唔小一家大細黎幫襯。。。價錢合理，有機會會再來。

(849)今天前往鰂魚涌Open Rice領月餅，去到OFFICE，負責的職員，正在開會，需要等候，唯有去附近找地方下午茶，順便歇一歇腳，最後就在船塢里，選擇了這間好味屋。這裡的下午茶餐，總共有14款，選擇了當中的咖哩牛腩飯及凍奶茶。咖哩牛腩飯，咖哩幾好味，牛腩都算軟腍，肉地質感就是麻麻地。凍奶茶，普通的奶茶味道，也能盡喝，但不是自己喜愛的茶味。其實這間好味屋，就是一般的茶餐廳，雖然叫好味屋，今餐就感覺不到了。餐後再到Open Rice，今次就如願了。