奧壽司

營業中

休息中

here for lunch,seats & table are spacious,so then came with; crab congee 雲丹蟹粥,fresh taste of the sea liked of the three-spot swimming crab, cooked with shredded carrot & onion, thickness & tender congee based. calms with cream garlic sauce 忌廉香蒜酒煮蜆,strong garlic sauce based of taste with chopped spring onion boiled with the small clams.deep fried chicken soft bones 炸雞軟骨,crispy fried, not oily and came along with mayo separately.grilled small green pepper 青椒仔串;grilled pork slice with asparagus 豚肉露

朋友升職~話公司附近有間日本野好正所以請我地去食~有人請梗係要去啦!地點係數碼港商場入面，好大個門面都幾易搵~睇下menu，好多選擇~但因為朋友請就由佢發板~牛油果軟殼蟹卷、三文魚壽司、鵝肝壽司壽司叫左三款~我覺得牛油果軟殼蟹卷最出色，牛油果夠軟林，軟殼蟹份量夠多，有咬口唔會淨係食到壽司飯~,而三文魚壽司味道正正常常唔算好特別，但鵝肝壽司做到入口即溶既效果，成舊擺入口係成個口腔都充滿鵝肝味~香到唔想講野住!燒年糕、餃子雞翼、花竹蝦天婦羅年糕燒得乾身，入面係芝士，一咬就有完美拉絲效果!鍾意食芝士既煙韌控一定喜歡!餃子雞翼脹卜卜，咬落去肉味夠濃又juicy，唔錯!蝦天婦羅似係即炸，非常熱又唔會油林林，蝦夠爽，唔錯!蔥吞拿魚腩吐司蔥吞拿魚腩吐司好特別，有三塊被牛油烘過既法包同蔥吞拿魚腩伴住，吞拿魚腩新鮮肥美，法包充滿牛油香，加埋一齊食味道好特別!第二度唔係咁易有得食!帶子蟹膏炒飯、雲丹蟹粥全晚最讚我覺得係呢個帶子蟹膏炒飯同雲丹蟹粥~炒飯非常濃味，蟹膏雖然唔多但已經足夠令成個飯好有蟹膏味，帶子鮮甜彈牙，炒飯粒粒分明又乾身~高質!而雲丹蟹粥係最等得耐既一道菜，食一啖就知點解要等咁耐，因為蟹既鮮味

奧壽司係一間位於數碼港嘅新派日本菜，正如佢嘅英文名Oh Sushi一樣，每食一次都好似迎接緊一浪接一浪嘅驚喜。刺身非常新鮮，鮮味好似要將你條脷撕開然後逐寸湧入，係一場刺激嘅大戰。生蠔每食一啖，就好似咀嚼緊整個海洋。蠔嘅野性，本身毫不收飾，即使佢被困係殼入面，仍然能夠同檸檬一齊組隊挑戰美味嘅極限。軟殼蟹不得不推薦，舌頭同牙齒嘅回味時刻提醒我呢點。佢嘅殼似乎好想提醒你佢係一隻無殼嘅蟹，但係佢徹底咁失敗咗，蟹殼同蟹肉之間嘅藕斷絲連，不斷強調好味嘅軟殼蟹，蟹殼嘅存在感應該游刃係有同無之間。

忙裡偷空lunch同同事落左去數碼港食奧sushi餐廳走日系簡約風 幾大幾開揚  仲意想不到地設有室外位踏入奧sushi已經見到有幾位師傅係度即場切sashimi 見到咁內心暗地裡決定一陣叫刺身lunch menu黎講食物選擇都幾多大致分為兩大類別: 定食同便當便當menu很吸引 我地兩個人都齊齊揀便當 (ps 便當均配麵鼓湯&飯)便當E: 燒鯖魚 吉列炸蠔&炸蝦 什錦sashimi 日式小食 果物便當F: 蔥吞拿魚腩飯 芝士焗軟殻蟹 什錦sashimi 蟹籽沙律 甜品燒鯖魚: 食落唔乾身 皮脆肉嫩 無膻味吉列炸蠔炸蝦: 外形金黃 食落酥脆 炸粉唔厚 食入口又唔會成口油蔥吞拿魚腩: 睇得又食得 大大舊食落好新鮮 芝士焗軟殻蟹: 脆卜卜軟殻蟹 唔會因為有芝士關係食完好膩蟹籽沙律: 青瓜絲配蟹籽 食落有很fresh 呢個沙律同軟殻蟹好夾甜品: 綠茶雪糕 奶味比茶味較濃 麵鼓湯: 濃度剛剛好 多一分則太咸少一分則太淡 配有軟滑豆腐粒同蔥花  身為綠茶迷表示相當開心係送左綠茶味雪糕 hahahah三文魚: 厚切三文魚 食落嫩滑 十分新鮮

Weekend 咁啱黎開附近探朋友， 又好耐都無去Cyber Port, 所以就黎左Cyper port 睇套戲 +食個晚餐。 最緊要呢度泊車方便嘛。買完飛， 未夠鐘， 周圍睇下有咩野食時就發現左奧壽司， 於是我地就先book 位， 睇完戲黎食。我地點左1) 刺身盛盒 (小）$2202) 壽司盛 $2383) 牛肉火鍋 $1284) 是日精選 ~ 雲丹蟹粥 $98 ( 好抵食呀！）先講刺身， 厚切， 肉質好新鮮， 但我本人覺得最緊要係刺身個溫度， 因為太冰係會影響左個刺身本身質感， 浪費了， 而奧壽司的刺身溫度真係剛剛好呀， 我可以品嚐到魚的本身鮮味。壽司上的刺身都唔係次一級， 都係好新鮮， 師傅擺碟真係好靚， 絕對吸引我地慢慢品嚐， 放慢生活， 先可以享受食物嘛。牛肉火鍋， 個份量超多， 濃湯， 鐘意食濃味嘅我就fit 晒啦。😋是日精選～雲丹蟹粥， 雲丹即係海膽， 係唔係唔駛多介紹都知係好好食呢？ 當海膽遇上蟹糕🤤仲有件窩心事想講下。。。就係餐廳有供應熱茶， 而熱茶係一路暖住的。。。

同朋友睇戲，睇完諗住搵間野食～又比我地揀到間價錢合理質數高既日本菜👍日式牛肉火鍋～牛肉肥瘦適中，配菜都好新鮮😋😋豆腐好滑壽司勁新鮮～ 樣樣都好鮮甜，真係食都唔停口👍👍尢其係具類。唔係急凍貨。抵👍串燒：豬肉露荀串、雞翼、牛舌燒得剛剛好～唔會太乾、又唔會太鹽。🤤🤤雜錦大蝦天婦羅：炸醬唔厚唔薄～ 熱辣辣～諗起都想食清酒煮蜆：算係咁多樣比較失色d, 酒味唔算濃～不過蜆肉都好肥美 最後整多個芥未八爪魚：芥未唔會搶左八爪魚既鮮味👍侍應服務好好，不停添茶同埋換碟！做到好足👍

即興想約男朋友睇戲，因為冇預先訂飛，所以要去到數碼港戲院先有飛，咁唔緊要啦我哋揸車過數碼港睇戲食飯都好方便。睇完戲，就去咗戲院附近嘅一間日本餐廳醫肚。餐廳地方大，位置多，menu選擇種類亦都好豐富好多嘢食，有刺身，壽司，小食，卷物，炸物，燒物，沙律，火鍋，湯麵，冷麵，飯類。我哋叫咗一個鍋，一個燒物，兩個卷物同埋一個小食。🎈限定蟹+牛肉火鍋二人前 $380三隻蟹再加碟牛肉，都幾抵食。湯底好清，絕冇任何味精，畢竟清湯更能食出海鮮鮮味。配料亦都好多，金菇，鮮冬菇，甘筍，豆腐，大䓤，雜菜同水晶粉，份量都幾多。🎈北海道帆立貝黃金燒 $148面層厚厚嘅芝士，食落香濃Creamy，仲有大量蟹籽，非常鮮味。帶子已切好幾份，方便share食，好鮮甜。🎈芝士天婦羅蝦卷 $88蝦肉大大舊，食落啖啖肉，面層有片芝士，食落更惹味。🎈加州卷 $48蟹籽香脆，略帶咸鮮，加埋青瓜絲，玉子，蟹柳，令人好開胃！🎈牛油焗野菌 $58牛油香氣濃郁，野菌爽口。

和男友來數碼港睇阿拉丁，睇戲前先醫飽個肚先，行下行下見到"奥壽司", 太好了咁熱嘅天氣食壽司係最好的選擇餐廳很大很寬敞，樓底甚高，空間感十足，座位也甚為舒適！餐廳除了壽司外，還有手卷，刺身，沙律，小食，卷物，揚物 ，天婦羅，燒物，鍋物，湯麵，飯類，湯類和甜品。雲丹海膽壽司$84(2件)~清甜帶回甘，入口即溶，正油甘魚壽司$68(2件)~肉質爽甜三文魚子壽司$76(2件)~大大粒卜卜脆，咸咸香香，好滋味火炙壽司盛合(特上)$280~共有十二件火炙壽司，有大拖羅， 鯖魚，魚，劍魚，三文魚腩，深海池魚，鱆紅，帶子，海膽和牡丹蝦大拖羅魚油豐腴，入口即溶。海膽微炙再加上少少蟹膏，非常鮮甜美味。牡丹蝦加上青瓜絲和紫菜製成卷物，口感豐富。深海池魚魚味濃郁。三文魚腩肥美嫩滑，帶子爽甜忌廉香蒜酒煮蜆$88~ 滑溜的忌廉加上濃郁的蒜香，洋葱粒和少許白酒造成的白汁，令鮮甜的蜆肉更為惹味大蔥雞肉串$26~滑嫩的雞肉夾住香口的大葱一起吃，非常滋味雞翼串$22~外表焦脆，肉質嫩滑juicy牛舌串$35~牛味特濃，軟腍中帶爽口芝麻雪糕$28/紅荳雪糕$28~最後食埋甜品真係大滿足

在端午節三天長假期前，選擇去遠離鬧市的數碼港吃晚飯。晚飯前，在海濱長廊漫步，看著夕陽影照在一望無際的海面，小朋友在草地上奔跑，確實是一個迷人的景緻。我們在數碼港商埸內選擇了一間日式料理餐廳 - 奧壽司。餐廳位於三樓，除了室內用餐區外，還有一個開揚的平台，可以看到商場中庭的全天候劇場。兩個不同區域的用餐區，各有特色。--吞拿魚腩蓉三文魚子冷豆腐（$78）👍👍👍👍👍我們先點了一個前菜 - 吞拿魚腩蓉三文魚子冷豆腐。兩件冷豆腐放在酱汁上，一件舖滿吞拿魚腩肉，另一件舖滿三文魚子。爆脆的三文魚子與綿滑的吞拿魚腩蓉形成強烈對比，兩者鮮味同樣突出，亦為我們的晚餐作一個美味的開始。--特上火炙壽司盛合（$280）👍👍👍👍👍這個壽司盛合，總共有十二件，特色是每件壽司都經過火炙，令壽司表面都有著微微的焦香。火炙過的壽司，油脂被高溫逼出絲絲的魚油香氣，亦令魚生的口感結實一點。如果你喜歡火炙壽司的味道，這個盛合定必是不二之選。--奧壽司魚生飯（$168）👍👍👍👍👍剛才吃完火炙壽司後，再吃這個魚生飯，又是另一番風味。魚生舖滿在壽司飯上，每件魚生刺身都十分新鮮，魚味鮮甜。魚生飯更附有一碗熱騰騰的麵豉湯。--雞腎七

這個商場往來人流不忙， 舒適..到了這裡， 他們供給寬闊卡坐，食品選擇還多款式， 這次就叫來了它們上枱；雲丹蟹粥， 由鮮日細型膏蟹炮出煱粥， 非常鮮甜濃味， 炮過的蟹殼較薄， 最後還可拆掉整隻蟹吃肉， 回味。忌廉香蒜酒煮蜆， 峴們鮮甜配合碎洋蔥與廉汁， 十分可囗。 日本象拔蚌刺身， 爽口切條簡單配上芥末豉油入口， 很好咬口。燒多春魚， 炭烤鹽燒， 鮮香嘢味。燒露筍腩肉， 筍切條卷上薄片豬腩肉輕鹽烤焼乾脆， 而且份量十足。土佐豆腐， 外面脆口內裡鬆軟， 豆腐豆味濃郁配合醬汁葱粒極香口。白酒，及 花之舞梅酒的配嚫， 還有全部餸菜的用料實在新鮮， 讚~

聽同事講數碼港戲院好少人，咁就約左friend黎睇戲，睇左幾間餐廳，朋友話想食日本野多啲，睇左個menu就決定左呢間。以壽司黎講都唔算係好貴，中高價位，但質素係對得住個價錢。一坐低，將檯係石造架，好特別，好有質感！首先上既係燒牛柳粒，蒜片加埋個牛肉，好香，牛肉味好重，燒得岩岩好，加埋蒜味食，perfect!鵝肝多士做得好出色，油份配合埋個脆卜卜既多士，好快就食完，要襯佢仲熱辣辣果陣食，口感同埋個質素一流再黎就上左個海膽炒飯，個海膽食落都新鮮，加埋個炒飯食，鮮味吊左出黎魚子吞拿 凍豆腐，呢個前菜好fresh!配埋魚子個口感好得意，吞拿魚蓉同個凍豆腐個味道好夾。火炙拼盤超多款式，最鐘意食個火炙左口魚，個油份配埋個壽司飯，好香口，火炙三文魚同火炙海膽都保留到個鮮味個燒牛舌燒得岩岩好，完全唔軔，同埋食得出個牛味，燒得好香口，加少少檸檬汁，冇咁膩，呢個我加點左！最後叫左個溫燘清酒，服務好好，仲有條毛巾係隔離，提醒你小心熱，可以用呢塊毛巾隔熱，呢枝清酒都值得叫，影低左，下次去日本都要買返！

好耐無去數碼港睇戲，去左商場食野，原來不知不覺變左咁多，今晚去左食日本野，選擇多，適合一家大小。每碟串燒分開上，有粒少少的檸檬，供客人調味，好細緻。牛脷串 $35，一串有3 片，燒左有牛香味，有咬口，推介。露筍串 $20，平時少試，今日來一口，清清的都好有驚喜。雞翼串 $22，一串有2 隻，切開了少少去燒，燒得焦焦的少少乾，簡單配上鹽都好好味。雞腎七味燒 $22，味道都幾好，細細粒粒。蟹籽芝士焗蠔 $78，蠔細細隻但都肥美，個醬汁好好味，有點酸酸沙律醬，反而芝士不重。忌廉香蒜酒煮蜆 $88，第一次試忌廉汁煮蜆，汁比較杰身，配上麵包點汁好味，單吃會有點膩，好適合配意粉。火灸壽司盛(特上) $280，我見好多人食呢個被吸引了，火灸微燒，我比較喜歡燒得再熟一點，會更香魚油味，整體都不錯。

噚日同家人去數碼港睇戲, 之後去數碼港商場搵餐廳食晚飯, 見到"奧壽司"環境唔錯又清靜, 就決定揀呢間。我哋點咗明太子沙律, 牛油燒粟米, 餃子雞翼, 火灸壽司盛合, 鐵板鏝魚炒烏冬, 天婦羅冷麵。明太子沙律好特別, 切開一粒粒的明太子+美乃滋配以青瓜絲, 好開胃, 細細碟好快就清碟。牛油燒粟米, 小朋友好喜歡, 佢一個人食晒成條, 見到佢食得咁開心, 一定好好味。餃子雞翼, 雞皮燒得好香, 餃子部分好多餡, 加埋燒汁香甜可口。主角係火灸壽司盛合, 擺碟好靚, 食物賣相都好吸引, 三文魚及赤貝都深得我心, 好鮮味, 吞拿魚的魚油香更加覺得食一件都唔足夠。 海膽壽司好新鮮, 顏色都呈現到呢份鮮美。鐵板鏝魚炒烏冬, 醬油味濃, 烏冬彈牙, 鰻魚份量都唔少, 味道不錯。天婦羅冷麵, 家人好喜歡食呢道冷麵, 盛載冷麵的石盤非常冰冷, 令冷麵保持凍冰冰, 天婦羅都炸得幾好, 好似喺日本食咁。最後點了一份芝麻雪糕結尾, 芝麻味香濃, 好好味 下次會再來幫襯 

今日係數碼港睇完戲，好肚餓，就去左食日本野，一坐商場的長電梯就見到呢間日本菜。呢間餐廳種類好多，有刺身，有火鍋，有炸物，有燒物，亦有料理。我地叫左好多野餵飽自己個肚。首先三文魚腩刺身，口感好肥美，帶有魚的油香，好正。日式生蠔生蠔鮮甜肥美，一見賣相已經令人垂涎欲滴，新鮮好食海膽軍艦海膽很新鮮，帶有甜味，一舊實在唔夠喉火炙壽司盛及牛油帆立貝火炙壽司大大碟，而且每一件都係唔同種類嘅魚，全部都好有魚的油香。牛油帆立貝都好大粒，而且比外面的日本餐廳更有牛油味，推薦👍🏻芝士焗軟殻蟹好香脆可口，但炸粉略嫌有點厚，如果可以薄啲會更好食最後叫咗燒魷魚筒，用嚟送酒一流。整體來說，食物味道很好，款式種類亦多，侍應服務亦好，會不停幫你更換碟和斟茶，而且非常好笑容，下次必會再來

經過奧壽司門口，見到佢個Menu有好多款唔同的嘢食，所以就決定入去試吓。款式好多，淨係睇Menu揀嘢食，都揀咗10分鐘。最後我哋叫咗明太子沙律，特色三文魚，生蠔，立魚湯稻庭烏冬，雲丹蟹粥，火炙壽司盛盒（特上），赤背刺身，燒蘆筍腩肉明太子沙律，好得意，佢一粒粒明太子咬落口好爽口，好想繼續食。特色三文魚，佢會有粒生鵪鶉蛋俾我哋自己撈埋落啲三文魚度食，幾好味。呢兩個前菜越食越開胃！赤背刺身好鮮甜，好新鮮同埋好爽口。生蠔，食落口好新鮮同好creamy，值得一食。立魚湯烏冬，佢個湯味好濃郁，好鮮甜，越食越想食。燒蘆筍腩肉，雖然做法好簡單，食落口好juicy，配埋舊腩肉簡直係完美組合。火炙壽司盛盒，有好多件同好多款，入口半溶化，好回味。雲丹蟹粥，要等半個鐘，但性價比好高， $98已經有海膽加蟹煲成的粥。而且熱辣辣的粥好好味，必叫。呢間壽司店太多嘢食，叫唔晒，下次我要去試埋佢個牛肉鍋。值得一試。