影片
以上資料只供參考, 請與餐廳確認詳情
相關文章
記得等對上個次幫襯係年幾前，剛好有朋友轉左工係荔枝角返，又近佢新公司就去。我印象都知係貴過一般茶記幾蚊，但係坐得鬆動小小我叫左午餐 牛腩刀削麵朋友叫蒸水旦飯蒸水蛋無咩特別，正常還可以，我個刀削麵就難食囉，先先係等左25分鐘先黎到，d麵淋哂，牛腩麵夠淋，但係似煲完湯既湯榨，無哂肉味，湯底又唔夠。野飲仲要加錢🤬？？？？$8/凍飲，我杯奶茶係奶水無茶味。成個餐收我$78 真係….攪到我無哂動力下晝返工又貴又唔好食，仲有我坐門口 個亞叔叫號碼係咁向住我地大叫，而家都仲有d耳鳴（做咩唔向返門口等緊位既人呢）我唔會再黎，唔會有第三次
繼續閱讀
這次是我第一次在Open Rice寫合評，就係荔枝角奇華小廚已經幫襯過拾幾年係我哋午餐飯堂，這裡食物都o k價錢在荔枝角區都算貴，近兩年已減小去飯堂午飯，其中最主要原因，就係嚟咗一個所謂中年樓面男主管，這個人服務態度甚差，每次我哋差唔多午飯時間到來幫襯，堂上都有許多吉枱，佢每次都要大大聲問客要人齊先俾位，仲話佢依到係吾俾人霸位態度甚惡劣，香港飲食業有今日真係多得佢依D人，我哋吃完今次都會無下次未坐埋位已就氣，除非呢一個人不在這裡做。後話→ （有f d報料話我哋知原來嗰個所謂嘅主管在荔枝角名聲都響（服務態度），佢在同區另一間茶餐廳（紅米）做咗一排，都係服務勁差，常常得失客人及佢啲同事！）
繼續閱讀
小人向來都以為奇華只是一家餅家，卻原來在餅店旁開有一家食店。這天的午餐，就在同事引領之下到了他的飯堂。本乾炒牛河控去到任何餐廳都最喜歡試它們的牛河。這碟牛河炒得有鑊氣，油份不算多，卻還是滑潤不乾。河粉條條分明，調味恰好。牛肉塊軟嫩，而爽口的芽菜及散發著清香的韮王亦配合得和諧。同事說這裡的燒味值得一試，所以要了切雞飯。雞肉果然細滑，雞皮緊致，而且雞味甚濃。蔥油不會過鹹，用來蘸點雞件更加惹味！飯的質數亦不差，夠熱帶飯香。這兒不難成為小人的新飯堂之一！
繼續閱讀
唔係講笑，剛好經過先知原來奇華有茶餐廳，但由於係工廈內既餐廳，都會貼有「只係招待本大廈員工」，當你大搖大擺咁行入去，通常啲員工都會問你：「幾位？食啲咩？」🤣 絕對唔會問你：「係咪大廈員工？」回歸正題，黎到呢間茶餐廳，剛好到下午茶時段，款式種類都算多，有中式炒粉麵飯餐、燒味麵餐、茶餐廳麵餐同西式下午茶，而我今次叫左個「蜜汁燒雞脾米粉（雞湯）」＋ 熱杏霜。雞髀好食，上碟時係室溫溫度，所以要浸落熱辣辣既雞湯上，可惜個湯味道不濃，但以$42個餐連埋飲品，確實對得住個價錢。至於店員方面，整體都算唔錯，茶餐廳都好難見到個個員工對你笑笑口，但大部分都好有禮貌，有個好醒目見我想去拎水，好快咁即刻問我要乜，服務算係唔錯。
繼續閱讀
平時多數嚟食佢嘅午餐，今日早咗就第一次試吓佢哋嘅早餐，早餐$33起係荔枝角，應該唔係最平，不過係合理價⋯我叫咗雪菜肉絲米粉，湯真係有D淡，最緊要係唔熱，呢個真係扣分；米粉亦都有小小煮得唔太熟，但如果好鐘意有趙口，可能會喜歡，不過就唔係我杯茶，雪菜好凍，應該都係因為煮得唔夠所致⋯唯一可取反而係件多士，因為感覺到有熱力，檸檬茶都唔差，好有茶味⋯ #荔枝角 #奇華小廚
繼續閱讀