影片
更多
2023-03-24
176 瀏覽
今日同fd即興約食飯，黎咗呢間尖沙咀嘅居酒屋。離地鐵站都幾近，係樓上舖不過唔難揾。就咁望落樓面以為好細，轉彎先知原來入邊仲有位每張枱之間都會有塊簾做分隔，保持番啲私隱同距離，唔錯。落單係掃QR code，Menu主要見到有刺身壽司、串燒、炸物等等嘅日式料理，見到都有幾款唔同嘅清酒可以揀，但第二日仲要返工，所以都係冇叫到。今日返工勁攰想對自己好啲，所以叫咗一份六點嘅刺身。佢哋舖頭嘅Wasabi應該係自己磨嘅，唔會特別辣；豉油嘅甜味都幾出，唔係嗰啲一味死咸嘅豉油，都係一隻幾好味嘅豉油，帶得出食材嘅鮮味。啲食材都幾新鮮，魚生嘅質地都幾好，特別欣賞池魚嘅鮮味。我自己冇特別鍾意食帶子，但佢嘅帶子好新鮮，非常鮮甜，值得推介。刺身以外仲叫咗一啲壽司，我個friend食咗啲卷物，佢覺得唔錯；我淨係食咗三文魚腩壽司，同埋牡丹蝦壽司，都係相當新鮮，所以都幾推薦佢哋嘅刺身同埋壽司。另外叫咗一份天婦羅（炸蝦、南瓜、番薯、秋葵），炸得好靚，出面包嘅粉好薄，入面嘅南瓜同番薯都幾甜，外皮亦都保持到脆度，炸得幾出色。即炸蝦我去到凍咗嗰陣先記得食，但個外皮仍然係脆嘅，都有啲意外。之後個friend都揀咗幾樣串燒，有一隻
落單係掃QR code，Menu主要見到有刺身壽司、串燒、炸物等等嘅日式料理，見到都有幾款唔同嘅清酒可以揀，但第二日仲要返工，所以都係冇叫到。
今日返工勁攰想對自己好啲，所以叫咗一份六點嘅刺身。佢哋舖頭嘅Wasabi應該係自己磨嘅，唔會特別辣；豉油嘅甜味都幾出，唔係嗰啲一味死咸嘅豉油，都係一隻幾好味嘅豉油，帶得出食材嘅鮮味。啲食材都幾新鮮，魚生嘅質地都幾好，特別欣賞池魚嘅鮮味。我自己冇特別鍾意食帶子，但佢嘅帶子好新鮮，非常鮮甜，值得推介。刺身以外仲叫咗一啲壽司，我個friend食咗啲卷物，佢覺得唔錯；我淨係食咗三文魚腩壽司，同埋牡丹蝦壽司，都係相當新鮮，所以都幾推薦佢哋嘅刺身同埋壽司。
另外叫咗一份天婦羅（炸蝦、南瓜、番薯、秋葵），炸得好靚，出面包嘅粉好薄，入面嘅南瓜同番薯都幾甜，外皮亦都保持到脆度，炸得幾出色。即炸蝦我去到凍咗嗰陣先記得食，但個外皮仍然係脆嘅，都有啲意外。
之後個friend都揀咗幾樣串燒，有一隻甜甜地嘅芝士腐皮，我唔鍾意啲嘢食又咸又甜，所以麻麻哋； 豚肉荔枝不錯，但未算好友驚喜。全晚最出色嘅應該係串燒鰻魚，我唔係特別好鰻魚，今日冇特別好想食，但個friend食咗兩啖覺得我一定要試吓，我就食咗一啖，確實係非常好，燒熟嘅程度啱啱好，外面少少脆，但仍然保持到爽口，一咬落去鰻魚嘅油脂係滿佈成個口腔，非常之香。最重點係好多時啲鰻魚料理都會落咗勁多照燒汁喺上面，但佢哋落嘅份量係啱啱好，唔會太甜，但有提升到個味道，食完之後仲可以享受留咗喺口腔嘅魚香，所以鰻魚係今日嘅意外驚喜，推介大家一試。
另外，我哋其實仲叫咗蒜蓉帆立貝同埋壽喜燒，但對我哋嚟講一個太鹹，一個太甜，所以就唔特別推介俾大家啦。同埋有一點比較可惜嘅係餐廳淨係附送凍水，如果想飲茶係要落單一壺壺咁叫嘅，如果鍾意飲茶，但又唔想係咁落單嘅就要留意啦。
總括而言，以即興揀一間餐廳食晚飯來講，呢間算係幾高質嘅日本料理，推介俾大家。
張貼
