太郎居酒屋

營業中

休息中

喺尖沙咀附近返工發掘到呢間隱世高質居酒屋餐廳有日本嘅裝飾 好多好可愛既達摩😀不過座位唔算多 最好要book位先過嚟食如果要Walk in都要等呢到午市套餐十分抵食牛肉壽喜燒定食 $98加兩蚊可以飲凍烏龍茶齊頭$100 走人 唔需要加一套餐包括好多嘢😍有麵豉湯 茶碗蒸 烏冬 生雞蛋 沙律茶碗蒸好滑！仲好足料生雞蛋點牛肉令牛肉更加嫩滑👍🏻平時出面烏冬要加錢 呢度套餐包埋 仲好煙靭😆食完好滿足 睇嚟呢到都變咗我嘅飯堂了😀下次試埋其他先😋😋😋

樓上居酒屋，之前就同大家介紹過一緒一番酒場、爖月串燒居酒屋而今次黎到尖沙咀，同大家介紹一間樓上平民居酒屋 一 太郎居酒屋🌟牛尖肉 $38充滿油脂香，肉味濃🤤👍🏻🌟章魚燒 $48口感偏脆身，章魚亦幾足料🤤👍🏻🌟刺身三點 $48帶子、鮮蝦 肉質鮮甜三文魚 油脂甘香🤤👍🏻🌟盬燒雞翼 $28表皮燒至金黃微脆，味道鹹香🤤👍🏻🌟金茹肥牛卷 $32金菇肥牛搭配經典醬汁🤤👍🏻🌟免治雞肉棒 $48雞肉棒肉汁滿滿搭配蛋黃，口感更為嫩滑🤤👍🏻🌟燒松板豬肉串 $28松板豬肉質飽滿，燒至金黃微脆🤤👍🏻🌟黑松露唐揚炸雞配白飯定食 $82唐揚炸雞炸衣非常香脆之餘，雞肉亦非常嫩滑，搭配黑松露松粉更提升香氣🤤👍🏻📍太郎居酒屋地址：尖沙咀廣東道82-84號流尚坊9樓#尖沙咀 #太郎居酒屋 #串燒 #定食 #刺身 #居酒屋 #牛尖肉 #章魚燒 #留港消費 #支持小店 #唐揚炸雞 #刺身三點 #盬燒雞翼 #為食關注組 #樓上居酒屋 #覓食尖沙咀 #食在尖沙咀 #金茹肥牛卷 #免治雞肉棒 #燒松板豬肉串 #香港美食地圖 #尖沙咀食乜好 #黑松露唐揚炸雞 #九十後行到邊食到邊 #黑松露唐揚炸雞配白飯定食#HKIG #HKIGER

14/9/2024📍太郎居酒屋💁‍♂️話佢以前lunchtime周不時同同事過嚟呢度食飯 今次我哋一齊嚟食 入面環境勁暗 牆上面痴咗好多日本風嘅poster 真係有居酒屋嘅feel 座位唔多 可能因為咁所以好多人都嗌外賣 見到個店員冇過停手咁pack外賣😂⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨黑松露唐揚炸雞配豚骨烏冬（$82）+寒天桂花烏龍茶（$8）有5大嚿炸雞 外皮薄薄哋 好香黑松露味 雞肉幾嫩滑 一啲都唔乾 點埋黑松露蛋黃醬更加好食😋烏冬就正常 唔算有咬口 湯底都正常加咗寒天嘅烏龍茶有少少太甜 但QQ彈彈又幾好咬👍🏻定食仲包咗茶碗蒸、麵豉湯、沙律、開胃小菜 都做得唔錯 茶碗蒸幾滑又冇蛋腥味大胃王仲可加$20有多3件炸雞 CP值超高！✨香煎牛肉漢堡煎蛋飯配咖喱（$78）+烏龍茶（$8）漢堡扒有成個🙋🏻‍♀️手板咁大 煎得好香 同食過最好食嘅漢堡扒「挽肉與米」嚟比 佢就唔夠juicy啦 不過呢個價錢絕對收貨🤣但可以吉穿隻太陽蛋 漢堡扒點咗蛋汁就冇咁乾啦🙋🏻‍♀️鍾意日式咖哩 因為唔會好辣 呢個直頭一啲都唔辣 側邊有幾粒煮得好腍入晒味嘅薯仔✨章魚燒（$20）外脆內軟 但章魚肉好細粒 比較多粉

呢間日本料理舖頭細細,環境唔算特別,好坐得都幾迫,但係近公司,所以就過嚟試吓叫咗個黑松露炸雞定食,黑松露嘅意思係我以為佢灑咗啲黑松露粉喺啲雞上面,因為見到啲炸雞點解咁黑嘅…原來係真係炸燶咗…但係聞落去同食落去都唔算好燶,所以就算啦…照食啦咁黑松露嘅部份呢,其實係加咗落去蛋黃醬入邊,其實亦都唔係好食得到有黑松露味個炸雞有啲油,跟住個麵漿都偏厚,其餘嘅嘢都係一般啦$82….我覺得可以有其他更好嘅選擇嘅

去尖沙咀諗唔到食咩？又唔想食平時飯堂，叫朋友幫手諗下食嘜好，佢話唔肚餓唔想食咁飽肚嘅野食，於是就決定食串燒！咁岩有朋友join咁就3個人一齊食，仲可以叫多幾樣嘢食㖭啊！揀呢間餐廳目的係試下佢個玉子燒！咁我地既然食得就一定要試哂四隻味啦！一於黎個拼盤！😆試完四隻味，我地只係建議大家食明太子玉子就夠啦😅送酒良食，燒雞泡魚乾！😋另外要必提嘅就係，佢地Orion生啤做緊買1送1，真係抵到暈！叫多幾個小食都仲得！我地仲揀左枝米酒，夠甜！好味😋炸墨魚咀超好食！ 腩肉燒秋葵都好食🫶不得不提嘅係燒貴妃蚌，雖然個味道完全唔似日本嘢，仲好local嘅感覺，但佢真係好好味，蒜蓉超香！大讚！總括來說，我地加左3次單，坐到人地收工！環境舒服，坐喺到傾計真係好不錯😊

今日返舊公司約左好耐冇見嘅同事食飯👭於是揀左位於廣東道嘅一間日式居酒屋🏮呢度都係曾經我地會一齊食lunch嘅地方。我地好似平時咁一點幾入座，都有好多打工仔在此用餐💼🐮紅酒野菜燉牛舌配白飯（$78）🥤凍烏龍茶（跟餐➕$2）📝評分：8.5/10Lunch Set日式定食，配麵豉湯、茶碗蒸、沙律同小菜。真係好豐富，食到扶牆🤰🏻😆同埋午市免➕1👍講返個主角燉牛舌先，牛舌切成條狀，燉到好腍好滑好入味😋略略酸味好開胃！配搭紅蘿蔔嘅清甜，昇華左層次😇個人覺得如果加幾粒薯仔我會更開心🙈；白飯用左日本米，sum左啲飯素係面，我將燉牛舌嘅汁淋上去，勁滿足👍；沙律新鮮爽口🥗；茶碗蒸嫩滑足料，但因為個人食得太遲，差唔多凍晒😅大家記得要早啲食左佢呀～😚🧡餐廳光線偏暗，好有居酒屋feel～侍應態度友善，能夠快速回應顧客要求👍唯一建議就係可以播返啲日文歌，氛圍會更加和諧～🎵

本身叫呢個餐 以為只係得一碗咖哩烏冬但原來佢係成個set，包括麵豉湯、兩款沙律前菜、茶碗蒸蛋、同埋主菜（溫泉蛋咖哩吉列豬扒烏冬）個豬扒份量都好大好大 咖哩好濃 唔係水汪汪個啲同埋佢係用環保袋、唔係用紙袋裝真係成個餐都令我有意外嘅驚喜！

午餐簡左呢間食，點左火炙海鮮丼，超級好食🤤，全部都入口即溶，又無腥味。環境都ok 座位都闊落 唔會太逼午市要等位， 等十五分鐘左右上菜都唔會太慢 ， 所以都足夠時間食的。CP值很高

話說跟英國回來的親戚餞行，佢哋想食日本嘢，於是喺網上搜索到這間太郎居酒屋，咁就$200訂位，本身都心存期待，點知去到就覺得中伏。一. 我們一行七人，佢合併埋三張二人枱，第七個人需要坐喺走廊，本身都冇咩所謂，但是在走廊的位置是剛剛在廁所門口旁邊，可能是因為他們的地方淺窄，所以就算了。二.食物質素，其中一個主食叫個鰻魚炒飯，個鰻魚炒飯嚟到嘅時候，全部人都問同一個問題，乜啲炒飯咁濕嘅，係唔係日式嘅炒飯係濕炒為主，我都唔知講咩好，我從來都未食過咁濕潤嘅炒飯，可能真係唔識食。個壽喜燒同埋廣島蠔鍋嘅質素同和民有得揮，但係價錢應該貴過和民一倍。你收得呢個價錢，但係俾唔到呢個質素，我只能夠講真係好失望。三. 食物衛生，當天嗌咗四隻生蠔，竟然有份食過嘅人返去都肚痾，生蠔嚟到嘅時候溫度已經係室溫，可能喺室溫放咗一段好長嘅時間，所以不排除有細菌。四. 人手問題，成個場都係得一個人serve 晒所有枱，叫佢加水都要等好耐，唔知係唔係因為得一個人做嘢，所以俾錢嘅時候店員提都忘記咗訂金嗰$200 ，搞到要第二日打電話去追番。

餐廳位處喺廣東道流尚坊9樓過對面馬路就可以上到餐廳餐單主要見到有刺身壽司、串燒、炸物刺身都比較大件厚肉，鮮味十足時令生蠔都好crea，大隻有肉天婦羅（炸蝦、南瓜、番薯、秋葵）南瓜同番薯都幾甜，外皮保持到脆度點下蘿蔔蓉天婦羅汁 真係幾清爽清酒煮蜆，蜆肉飽滿清酒鮮甜 牛肉壽喜燒，有日本肥牛 金菇 娃娃菜 豆腐吸收晒壽喜燒汁 甜甜地點下生雞蛋 串燒不過不失 不過幾入味蒜蓉扇貝都好大隻 點埋杯梳打 解下油感小店黎講 服務好好。

最近去左間居酒屋，餐廳擺滿日本達摩佈置，配木枱啡椅，充滿日本居酒屋特色，環境舒適氣氛一流。串燒都好抵食，可以全都點一份🤣⚠️安格斯牛小排粒 $52鮮嫩多汁，牛肉味濃🐮⚠️汁燒白鱔 $58幾厚肉，燒汁惹味⚠️五花腩 $28調左味有🤏🤏辣，但係好食既⚠️👍🏻鹽燒雞翼 $28燒得好香口⚠️鹽燒鵪鶉蛋 $20勁耐冇食😍即刻叫黎過下口癮🥚我全都要玉子燒拼盤 $182玉子燒本身略帶甜味，望落鬆軟，側面可以清晰見到一層一層玉子燒既紋理，未食已經好吸引🙈！拼盤分別有四款味道：焦糖、香蔥芝士、明太子同埋海膽。雖然款款都咁正，但我最中意都係明太子😝，鹹香鹹香好好味！焦糖都好出色，燒到面層脆卜卜👍🏻。🦀🥑蟹味增甲羅燒 $88將蟹膏同鵪鶉蛋撈勻，蟹膏味道濃郁鮮味，鹹甜適中，第一次搭配梳打餅一齊食，估唔到咁夾。蟹膏香令人回味，諗起都想再食呀🤤！🐮壽喜燒鍋 $188壽喜燒醬汁香醇，甜度恰到好處。牛肉份量都算多，油花分布平均，口感軟腍。鍋中仲有其他配菜， 如豆腐、菇菌類等，索哂啲醬汁，好滿足。🥑牛油果軟殼蟹卷 $98軟殼蟹炸到外脆內軟與柔滑軟糯既牛油果形成強烈對比，兩者加入卷物中，完美融合，完全抗拒唔到呀！🤣🤣凍烏龍茶 $3

What a surprisingly nice and worth-trying restaurant in Tst which offers good food😍 I enjoy the dinner so much !!! We ate for 1.5 hrs… so jeng 😍 . Worth to give it a try. 👍🏻We found the restaurant is fabulous so we seat in and had super nice catch up . The decoration is full of romance 🥰 It’s a great 居酒屋！First comes to this 玉子燒, they are 👍🏻 nice !!有四隻唔同味四隻都好好食，包括芝士，明太子，焦糖！so yummy , must order!Not to mention the bbq 🍗，super yummy 😋 missed the taste!For the fish 白膳🐠 my favorite food !!! Can’t

簡單二人餐點 已經包含了首先用個 海鮮沙拉 當個開胃菜角切刺身配新鮮沙拉菜籐籃裝炸好的天婦羅 點上醬汁外皮不算厚粉 炸得剛好南瓜番薯有甜 蝦子也彈牙簡單的海帶清酒煮蜆 豐富的刺身拼盤 另加兩隻生蠔刺身都很新鮮 喜歡赤蝦和海蠔另外生蠔有奶香 軟綿的質感壽喜鍋用牛肉作主要 有生雞蛋沾增加牛肉滑溜感 鍋內還有豆腐菇菜之類甜口壽喜汁 很適合我胃口串燒愛吃牛膜隔 有嚼勁大蔥雞肉串 蒜蓉粉絲扇貝也不錯肉質還仲留彈性 味道也夠小店裝飾很有氣氛我們兩人 邊吃邊喝也邊聊星期五的儀式感就是這樣

今日約了朋友在尖沙嘴食午餐，我地搵左間居酒屋🏮✨闔家蟹蟹蟹丼定食(蟹肉/蟹膏/蟹籽)我地分別叫左兩個定食，呢個梗係蟹粉絲既最愛啦，有齊曬三種唔同既蟹部分，每一啖入口有蟹肉既鮮甜，蟹膏既濃郁，仲有脆卜卜既蟹籽，鍾意食蟹🦀️既朋友仔一定要試下😋😋✨ 北海井定食(海膽/赤蝦/三文魚籽/蟹肉/北海道帆立貝)呢個定食就啱曬d心大心細既人，咩都想試下，呢個定食有曬最大路既魚生，個條赤蝦真係唔講得笑，超級新鮮好味🤤，加埋個粒大大粒既帆立貝，超級鮮甜😍😍我覺得呢間居酒屋既性比價真係好高👍值得來試下，最主要係下次我都想再返去試下個晚市菜式係咪都係咁高質😚😚

我和朋友大概7pm到達餐廳, 職員安排我哋坐低, 見到枱上放咗一個好簡單嘅餐牌, 冇價錢, 冇形容, 冇內容.之後我哋問其中一位餐廳職員, 佢好悔氣地說我哋餐廳係只有一個餐牌, 落單要用QR code. 朋友試咗幾次 QR code登入, 但係裏面 亦資料欠奉, 圖片唔齊全, 好多items load 唔到出嚟.  我哋再問 同一位餐廳職員， 佢竟然 黑面喝斥 只有QR code落單， 你睇到咁多就係咁多。我朋友說電話load唔到, 可唔可以幫我哋落單. 嗰一位 職員話冇囉喎, 係得嗰度可以落單，然後反眼行咗去， 完全唔想招呼， 同趕客冇分別， 令我同朋友好難受, 委屈。我哋都係消費者，想開心簡單 食一頓晚飯。餐廳 冇人幫我哋落單，我哋唯有離開。 走之前都有同職員講cancel OpenRice booking， 但係佢哋毫不理會。從來冇試過一間餐廳係咁專制，咁惡劣嘅服務態度。 之後我同餐廳whatsapp聯絡， 結果仲畀佢哋羞辱 ! 餐廳回應叫我哋不如去圖書館食飯 !  更聲稱 飲食業唔係要討好客人！ 希望大家注意 ! 小心中伏成為受害者 !!