太興 (士美菲路)

營業中

休息中

星期日頹頹地唔知食乜好，就去左太興食下午茶。去到就叫左個乾炒牛河加熱柚子蜜。熱柚子蜜係平時去超級市場買罐即沖嗰隻，無乜突別，只係覺得餐飲太細杯，好似唔想人飲咁。一見到個乾炒牛河就覺得點解可以咁油膩，成碟反曬光咁。雖然我明炒河粉係要落多d油，但都唔洗好似用成枝油炒一碟河粉咁。成碟大約有4-5片牛肉，大細都適中，算係咁啦。乾炒牛河嘅味道係唔差，唔會話太濃味/落咗太多味精，但係就冇乜鑊氣。加上見到d河粉未炒散，好多都痴住左，根本太快上碟。總括嚟講，50蚊一個下午茶唔係平，加上宜家西環開左咁多餐廳，除非真係冇得選擇先會再去太興食。( ･8･ ) ノ♡

經過西環「太興」，於是嘆個雙併燒味飯下午茶，雖然服務可以，但送上焼味不太吸引，焼肉唔脆，义燒好硬，份量唔少，啃落完全唔享受，發現只有一、兩間「太興」質素比較穩定，不知何解？！

今天跟朋友去的打球，做完運動當然就是要吃東西！因為朋友很想喝凍檸茶，所以就來了太興。餐蛋通粉（$37）餐肉有兩塊，厚度味道正常，蛋是炒蛋，吃起來不算嫩，但也不老。驚喜的是有許多蔬菜，對我這個草食性動物來說實在是太好了。通粉軟硬適中，湯的鹹度也OK，整體可以。凍檸茶（+$3）還算大杯，雖然叫了少冰，還是有半杯的碎冰。茶比較澀，檸檬有四片，這個要誇獎。整體味道還可以，不過不失吧。餐廳的卡位不少，只是座位安排得比較密。

因為住在附近，我是太興常客。最近推出了「煙薰燒鵝」，有折扣$80有四份一隻，試了一次，但不合我口味。還是最喜愛傳統的「明爐燒鵝」例牌$70。昨晚又點了「明爐燒鵝」，一吃…滿嘴都是煙薰味…來錯了？一問之下，原來現在店裡只賣一種燒鵝。再看餐牌，無改到，仍是「明爐燒鵝」。雖然話沒有「早知」…早知就叫$80要1/4隻！早知就唔點燒鵝，都唔知點解會取消「明爐燒鵝」…點都好啦，快點改餐牌吧，我又小一味餸吃了。

跟朋友在附近打完籃球…… 打算在 隔離的文華冰室 食個常餐 但是朋友 想坐得舒服一點 所以選擇了 隔離的太興…… 我們兩人 可以坐四人卡位…… 寬敞 下午茶時段 我點了個 瑞士汁牛柳絲 炒河 跟冰鎮 奶茶…… 我朋友就點了個炒貴刁跟凍奶茶 少甜…… 太興姐姐說 如果凍奶茶少甜 就要加冰不是冰鎮…… 食物上枱 我即刻試了冰鎮奶茶 估唔到太興的奶茶 是各 連鎖 快餐店最好飲的 他做到很滑很綿 不會太甜 茶味夠農…… 之後我試了朋友點的凍奶茶少甜 跟我冰鎮的那一杯完全不一樣 因為 加冰 令到茶味變得很淡 到食物方面 瑞士汁 不會太鹹 牛肉的比例 算多 好味 但分量 對我來說算少了…… 以後到太興 一定會點冰鎮奶茶

早午晚食食食，來到太興，聽聞燒味好出名，try下先😁。好耐唔食過燒味，今日就食叉燒燒鵝飯，堂食要等，只好外賣咯！返到屋企打開……雖然顏色嘛嘛地，但食落口又幾野味喔。要讚下個燒鵝，味道濃郁，啖啖肉，一d都唔油膩。正

品嚐美食，要配合天時地利人和。成日都有人講，能領略箇中真締，又有幾多個呢?話說每日收工都身心疲累，難得約齊人Tea，係一件賞心樂事。時間唔多，近近地就係公司附近解決。黎得太興，都諗住係D一般茶餐廳嘅款式啦。當然，我地就無估錯啦。但款式種類就真係好多，由粉麵到燒味，小食、三文治等供應應有儘有。最後，我點了BBQ之選，棉花糖烘麵包，配冰鎮奶茶。製造絕不馬虎，熱烘的脆麵包上鋪滿了棉花糖，淋上朱古力醬。賣相吸引，入口軟硬適中，混有朱古力味，再呷一啖奶味濃郁的奶茶。為簡單的工作日畫上美好的句號。開心就係咁簡單

已經幫襯過幾次，如果唔係貪佢D燒味ok都唔想幫襯佢*，每次去比錢時，收銀個阿姐好似欠咗佢咁，黑口黑面不特止，找錢時仲悔悔氣氣拍番D錢比我，好似我得罪佢咁……呢D咁嘅態度真係過份，我以後都唔再光顧佢

昨午1時2O分左右，我和太太因很趕時間，路過見西环太興門口冇人等位，入面又有幾張吉枱，於是決定走入去想食個快飯。在近門口一個2人卡位入座後，企起身狂招手3分鐘都冇人理，冇人執枱，舖入面個zone有侍應做野架，但佢地可能分工很仔細，出面D枱佢地唔理，扮睇唔到。出面又冇待應，把幾火，亦好無奈，趕時間但碰着D懶人，唯有走人

我地每次都外賣返公司食！先講我叫正價叉鵝飯！已經吾係第一次比Ｄ咁既燒味我架喇！不過再比機會試多次啦... 點知又中伏！講真我又吾係叫下午茶又吾係叫特價餐！點解可以比得落手！先講Ｄ叉燒係淺啡色既又硬又細舊，燒鵝比上庒我又冇肉得Ｄ骨！打開見到都吾想食！堂堂一間大集團越做越差，恰我地外賣見吾到冇得換！雖然我明總有Ｄ頭頭尾尾要去咗佢，但都吾好比哂Ｄ差既人丫，如果兩樣有其中一樣係好Ｄ既會冇咁嬲囉！三個字結尾＂冇下次＂

是日走咗去太興食個下午茶，點咗下午茶餐既大都牛肉麵同一杯冰鎮奶茶。感覺上大都牛肉麵份量少咗，得四塊牛展，牛展都好厚身好稔，個麵底都屬於正常，唔係稔到爛，亦唔係爽口果隻，食完之後唔覺得飽肚，搞到想叫多樣嘢食。最開心係嗰杯冰鎮奶茶，有香滑既奶味，又有茶膽味，仲保持依個水準，都算值得一讚。見住由$34食到$36到家下40大元，值唔值就睇你點睇。

簡單講！價值 就慢慢1，2蚊咁加價量就再減少 ！牛肉麵為例 麵愈來愈少 牛肉本來很厚 ，6片變5片可以騙到外來客 但騙唔過街坊！！3人食晏 基本都要160蚊多！！！！！！！！！！

如果要搵啲三十蚊左右嘅下午茶，選擇真係唔多。唔知點解，附近仲會做下午茶真係好少，好多食肆寧願落場都唔做下午茶。今日就喺太興食咗呢個輕盈燒味飯，有鹵水墨魚、紅腸、扎蹄同咸蛋。咸蛋好靚，送飯一流。扎蹄好香五香粉味，夠入味。墨魚都夠鹵水味。可惜紅腸無乜味同埋啲飯太少。

因朋友勁鍾意太興既冰鎮鴛鴦，所以好多時候約下午茶都會係選擇e間，又有好多卡座，坐得舒服。本人就比較鍾意距既番茄通粉啦，個湯底好濃味，不過炸雞翼就經常中間都有血絲，叫換過一碟，上來亦都係一樣情況，所以今次就選擇左炸雞鎚，距係切左肉來炸，唔會有血絲情況⋯⋯

又到了午膳時間 有時候真的很想問句 人為何每每為覓食而煩惱 走進太興 心中就已經和自己說 隨便叫些東西填填肚子 打開餐單就叫了份濕炒牛柳絲河粉炒粉香味不俗 看上去顏色也很均勻漂亮 用了牛柳絲代替牛肉片效果並不理想 食在咀裡牛柳絲和肉絲分別不太 不見得棄片取絲在食客的角度有什麼得益 整體仍偏多油 但是個避免不了的難題 味道合格 如果純以此裹腹 還算可以