影片
飲開酒既朋友一定聽過bar pacific，餐廳係香港好多地方都有分店，不過近排佢地係旺角新開左間同舊有風格完全唔同既分店，餐廳外牆以落地大玻璃採用自然光線，日頭較光亮有種咖啡店感覺，夜晚較暗有番種酒吧感覺～酒吧分左上下兩層，下層係清吧以木系裝修，仲有三部鳳凰牌飛鏢機🎯，可以約埋一班friends一齊飲酒、玩飛鏢諗起都好chill🤭上層係獨有既party area，有超正音響設備仲有得免費唱K突破傳統酒吧一貫作風，中間仲設有桌球枱可以玩😍另外仲設有數張卡座同包廂，比你坐得舒舒服服同朋友傾計☺️包廂仲要冇最低消費限制，不過就要提早預約～今次去到調酒師提登為我地調制兩杯飲品，兩杯飲品都以紅色為主同而家春夏季節好match😌其中一杯外面佈滿玫瑰花花瓣碎好靚好特別，入面加左茉莉花茶、莓等等，主要以花同莓為主，飲落帶有微微酸味但唔甜 ，後勁有陣莓香味好清新🍹另一杯加左接骨木花甜酒、氈酒仲有種意大利酒，調酒師考慮到接骨木花甜酒既甜味特意加左另一款意大利酒利用當中甘味去中和，飲落有陣微甘好似西柚既甘澀味幾特別，酒精味都唔算好重～小食方面薯條同炸雞軟骨都係新鮮熱辣，薯條好足料每條都好大條，雞軟骨粒粒大小相若炸得好香🍟餐廳新開張而家做緊promotion，16:00-21:00內第一杯cocktail只係$12炸，仲可以為你專屬調配真係好抵飲😍唔飲酒既朋友可以揀mocktail都好有特色🍸黎緊仲會有初夏特色既酒推出，外形更會有夏日感覺，仲唔快啲趁優惠推出約埋班friends黎試下😜評分🖍️(滿分為5個🌕)抵食指數：🌕🌕🌕🌕🌕服務質素：🌕🌕🌕🌕🌕環境：🌕🌕🌕🌕🌕味道：🌕🌕🌕🌕🌕
繼續閱讀
\ Bar Pacific 開咗新店喇！/就係旺角東附近 勁大間有兩層🤩有飛鏢、桌球、唱K裝置等設備提供❤️非常適合一大班朋友過去chill 同玩 ~!而且佢仲有房仔提供比大家玩如果想private 啲👀酒精飲品都好齊全！大家有時想玩酒game都有shot 提供✨唔識飲酒嘅朋友都可以飲mocktail 🤣我手上呢杯係當日bartender 特調cocktail比我菠蘿味重啲甜啲 🫶🏻 好適合女仔飲🤩我地仲order 咗啲炸物都好食😋·炸魚片頭·炸雞軟骨·司華力腸最近新店開張 ٩(˃̶͈̀௰˂̶͈́)و 推出優惠 $12 一杯mocktail / cocktail 🍸 有興趣嘅朋友可以帶埋朋友仔去chill 下🫶🏻
繼續閱讀