太安樓牛雜

炮台山 太安樓夜市 先係港島街坊嘅深夜食堂🌃想嚟？收返你對「文青打卡」嘅幻想先 呢度地磚係油嘅 空氣係濕嘅 但污糟得嚟係有溫度🔥咔！咔！咔！快過打碟嘅✂️聲牛肚、牛膀、牛筋、蝴蝶腩、牛心椗... 最驚喜係連功夫多到爆嘅柚皮都有！！滷汁陳皮八角打底 混咗啲唔講得嘅藥材香唔死鹹🌿牛雜軟糯冇渣 豬腸肥而不膩 豬肺爽滑最緊要係——完全冇內臟嘅「羶」同「腥」味👏撞埋辣椒油🌶️喉頭先甜後灼 食到甩袖都要舐骨🤤捧住熱辣辣嘅發泡膠碗 摺張膠凳坐街邊 用廿蚊紙幣換嚟嘅快樂——抵到笑啦💘當全城小店被連鎖吞噬 太安樓仲堅持住 乜都有得食 嘅江湖氣✨呢啲先係 「香港宵夜魂」🌟⚠️不過要帶夠散紙💸八達通？Sorry,Next time啦!…Read More

夜晚9點幾由荃灣出到黎太安樓搵食，呢間牛雜都係我的check list 之一。同老公叫咗個大size 的牛雜外賣返屋企慢慢嘆。姐姐有問我地要不要柚皮, 雖然都係經典懷舊味, 不過我地二人不太好, 所以選擇了走柚皮。牛雜煮得軟嫩入味，汁不會太鹹的，黃芥末提升咗整體味道。牛雜處理得都好好，平時出面有Ｄ部位會覺得蘇，佢地呢兜食左咁多舊都冇一個部位令我難入口，入面D豬皮仲索曬D汁都好正。由於太安樓有太多好野食，食唔完的牛雜第二日淥米粉時倒埋入去繼續享受。…Read More

去太古城同屋企人飲茶，本身諗住喺觀塘搭船落北角食雞髀先。點知未有船，見隔離筲箕灣走開就直接過咗筲箕灣。過到嚟筲箕灣諗起太安樓，就過嚟食牛雜過下口癮。之前都有鄰居買過外賣返去食，但係外賣返到去大埔就真係唔係嗰種味道。今次即買即食又真係唔錯，冇叫細碗淨係點咗三個餸，肺、腸同埋蝴蝶腩。$36都算正常，唔似得出邊嗰啲剪到碎濕濕，起碼有啲咬口，啲腸都整得幾乾淨，亦都冇怪味。蝴蝶腩就出邊比較少見，呢間食落去就唔似牛腩，反而似煲湯豬𦟌。食完之後飲埋啖湯汁超甜，啲甜味應該來自啲白蘿蔔，個人就唔太喜歡白蘿蔔，就係怕佢有陣苦澀味，但係個湯頭咁甜，估計啲蘿蔔應該都唔差，下次應該要叫一份蘿蔔。…Read More

網上網紅的太安樓牛雜舖店，今天經過特別買了一個細牛雜試吓，價錢$55、中牛雜價錢$60、大牛雜價錢$60，可以支付寶或現金支付。環境一般，大家也知道喺太安樓食嘢多數係街邊小食，多數人都係外賣。味道方面，牛雜味道好，不過與其他牛雜舖也一樣，沒有特別驚喜，份量很少，牛雜切得很細件，底部大部份也是白蘿蔔，價錢偏貴，坦白說不值這個價錢。人試我試，試過一次就夠，應該不會再回購。如果$55 這個價錢，可能買一個牛雜麵食會比較抵食。…Read More

太安樓嘅牛雜小店係地道街坊美食代表之一，開業多年，一直人氣不減。七、八年前我曾經喺太安樓住過，當時每日放工行過，都見到門口排住長龍，陣陣香氣撲鼻，令人忍唔住多望兩眼。今次重遊舊地，當然要食返一碗。叫咗蘿蔔、牛腩、心腑，用料十足，每款都煮得入味。蘿蔔腍身而不碎，牛腩香濃鬆化，心腑爽口無臊味。滷水香氣濃郁但唔會過鹹，每啖都帶有懷舊風味。價錢方面以港式小食嚟講算係合理，CP值唔錯，難怪多年來依然咁受歡迎。一碗牛雜，不單止係食物，更係屬於街坊社區嘅味道記憶。食完令人感動又滿足，值得一試再試。…Read More

下晝五點幾去到已經排咗大約10人～越夜應該越多人～牛雜價錢都幾親民～所以選擇咗自選幾樣鍾意食嘅嘢～冇叫套餐～睇到都覺得好入味~📣牛腩/牛筋/心腚/蘿蔔/牛雜📣心腚：唔會韌～比我想像中出色~蘿蔔：入味～冇渣~隔離有張枱仔可以自己加醬料～全部都幾好食～下次經過都會再幫襯~CP值：🉐味道：🉐…Read More

超好食嘅牛雜！好軟糯同入味，份量都好大，位置都好易搵，真係超鐘意！剛剛做完gym嚟食一碗牛雜真係超級無敵讚。七點多去嘅時候排咗一陣隊，但總體唔使等太耐。三款醬汁好好食架，每個都試下勁讚😘…Read More

自問對牛雜喜愛程度不高, 但不抗拒, 印象中沒有正正式式吃過一碗牛雜, 是次來太安樓, 一於光顧人氣店之一的太安樓牛雜。淨食細雜 $55牛雜有細中大三種份量, 為了淺嚐和留有戰鬥力吃其他小食, 只點了一份細的淨牛雜。店員事前會問要不要柚皮, 甜醬, 辣醬和芥末, 我全要了。細雜大概有心腚, 蝴蝶腩, 牛筋, 牛肚, 牛膀, 牛肺, 大腸, 柚皮, 豬皮和蘿蔔等, 食材乾淨, 沒有異味。材質蠻腍身入味, 每款食材均不俗, 唯獨是牛膀不是我杯茶, 牛膀味道相對濃厚, 入口滿是"粉"的感覺, 很不爽。 …Read More

大家好！我係好鍾意去旅行既艾文！今次黎到太安樓，我地分別去左魚旦佬、太安樓牛雜、八一蛋包の料理、小老板 。同魚旦佬隔五個舖位就見到呢一條人龍，就係排緊太安樓牛雜！平時艾文冇點食牛雜，喺旅伴既堅持下，我地揀左牛肚、牛筋、蝴蝶腩 (每樣HK$12，總共HK$36)。牛肚平時艾文冇點食，唔係好識比較。食落煙煙韌韌，好咬口味道唔錯。牛筋忟到好淋，又唔會好似啫哩咁，比平時咖哩牛腩入面食到既牛筋好味，唔錯！蝴蝶腩係豬肉黎，由於原材料形狀似蝴蝶，所以叫蝴蝶腩，係連接豬肺葉同豬肚既部位，食落比牛腩鬆軟啲，但又有啲筋膜好咬口，好味!…Read More

這店在太安樓的地面，近太康街的入口那邊。經過也會去幫襯，店外常常都排長龍的。差不多每次外賣也點牛肺，牛膀，蝴蝶腩，心腚，柚皮，每份淨食12 元。全部都做得很入味，夠腍，沒有羶味，心牛腚爽口，柚皮炆得夠腍也沒有苦澀味。…Read More

牛雜煮太軟太爛了，口感為零，80歲阿婆都咬得動的動那種爛。就好似乳豬皮你要脆，牛腩要軟爛一樣，不同食物要有不同口感。沒堂食、沒堂食、沒堂食。麻煩老闆你要不貼張告示說沒堂食。你試一下拿著碗面站著吃，看你能拿多久，站着不是問題，問題是碗麵太燙手。我站在你檔口前面又阻住你，又唔衞生，裡面冷氣機又滴水，阿姐又唔俾！油面、湯汁、辣椒油完美一體，但是牛雜這個出品就打自己招牌了。2點去到無理由咁㗎，莫非是隔夜？！…Read More

今日叫咗碗大牛雜, 只係要咗蝴蝶腩, 大腸, 牛肺, 牛肚四樣嘢, 另外再獨立加多一份蘿蔔, 總共要$75+12=$87回家打開一看, 發現得半碗多啲, 實在太少, 少得可憐！坦白講, 輪牛雜佢嘅味道只係一般般, 而家發覺佢又貴, 且味道只係一般般, 我都唔會再幫襯…Read More

📍太安樓牛雜掃街小食黎講食牛雜都係其中一個麻甩小食之一今次慕名去到太安樓食牛雜究竟好唔好食呢🧐細牛雜 （$55）如果乜都想試嗌碗細牛雜就咩都試到啦😆太安樓牛雜特色之處在於有好多牛既內臟都食到例如蝴蝶腩、心腚、軟骨連功夫繁複既柚皮都有得食如果係食牛雜款式既呢到絕對滿足到你👍🏻不過d牛雜食落口無想像中咁驚艷牛雜唔算太入味又炆得唔夠淋只能說佢既味道比街邊既牛雜店好少少以$55一碗牛雜黎講性價比唔高如果要特登過黎試未必太值得了🫡…Read More

雖然店舖長期都有人排隊 不過味道好價錢又親民真係值得排一些特別位置 如牛心腚 柚皮真係唔係其他地方容易買到最喜歡叫豬腸會幫我起走晒啲肥膏不過個人就唔喜歡加醬每次都是純加腩汁就已經好夠味所以每次經過我都會買外賣同家人分享食…Read More

走進店裏，呢家攤檔香氣撲鼻，令人口水直流🤤。試咗佢哋嘅招牌牛雜，真係夠曬晒口啊！牛肚嘅嚼勁竟然咁完美，夠嫩但又保持咗彈性，每啖都飽滿滿嘅肉感。牛腩部分肥瘦相間，咬落去微微嘅油潤感覺喺舌尖舞動，簡直係美味到哭出來👍。牛雜湯底醇厚，絲毫唔會遮掩咗牛肉嘅鮮味。我仲特別欣賞裡面嗰幾粒白蘿蔔，食落去既入味又保持咗蔬菜嘅清甜，真係畀佢個讚👏！每樣食材嘅火候掌握得啱啱好，尤其係牛筋，軟嫩得黎又唔會太爛，同湯汁嘅交融達到咗一個絕妙嘅平衡。難得嘅係，呢度嘅牛雜唔會單單只係靠鹹引出味道，仲係每樣食物裏面嘅原味喺度默默放光。吃到最後，個人感覺好滿足，腸胃都為之一暖。如果你想嚐嚐真正地道嘅港式小食，嚟呢度絕對冇錯！👌…Read More