太安樓快炒

營業中

休息中

一心掃街都驚食唔到粉麵咁多但係一場黎到都係食埋啦10幾年前要好夜先得買竟然有銀針粉當然要食雜炒銀針粉少少辣但夠哂鑊氣食完再買多2盒番屋企俾人食老闆娘仲好細心教我地番去點樣炒番熱又話加xo醬炒再好食d仲親自落場炒埋超好人

想先寫, 為何這快炒能登記在此呢?通常所有食店, 必先有電話有時間, 方能登上此網站, 否則一律打回頭, 但呢檔'雙無' 卻能榜上有名, 請編輯賜教。言歸正傳, 呢檔快炒, 街知巷聞, 入正題:小弟早日夜宵, 乜餸都唔要, 只要求佢炒盒靜豬腸粉, 當然基本料頭會要。腸粉基本野, 各位走去街市買既一樣, 唔多講, 但真係好有鑊氣, 每段腸粉都燶燶地, 好食就係簡單, 我唔要D什餸, 就係唔想破壞豉油皇炒腸粉既味道, 唔好睇少, 咁炒法, 酒樓閒閒地六七十蚊一碟, 佢只係廿個大洋, 滿足到夜晚為食的我。

第一次黎太安樓...原來係個尋找隱世美食既好地方,其中排隊試左呢個炒麵..好有鑊氣,阿廚炒到嘭嘭聲,辛苦曬! 平日好少食炒麵因爲怕油,但呢個麵炒得一d都唔油膩,高手!大大盒,好多料,紅腸,魚蛋,肉絲,大量牙菜,好味吖!環境其實唔可以要求d咩,夜市咁,有幾張枱俾你開餐就夠,仲可以去附近買特色野飲同糖水,一次過試咁多款小店美食既太安樓..兩個人掃街,食到捧住個肚走,間間都係美食,都唔駛一百蚊per head抵!