影片
電話號碼
25620299
付款方式
以上資料只供參考, 請與餐廳確認詳情
【深水埗區】【太子茶餐廳】上次同大家一齊探索咗海達在西九，咁今次就去佢對面海盈邨繼續搵嘢食。我係行新起嗰條全港跨度最長嘅公屋行人天橋過去嘅，條橋長約 145 米，闊約 6 米，連接海達邨和海盈邨，橫跨十六條行車線，係又高又靚喎。不過，橫過十六條行車線對我嚟講唔算好特別，喺阿根廷首都布宜諾斯艾利斯的七月九日大道就有十八條行車線，全球最闊，嗰時我喺嗰度，過馬路都要花啲時間呀。落橋就會見到海盈邨啲商舖，咁我就當然搵間茶記入去坐。佢都係啲街坊茶記嚟，除咗附近做嘢啲人我估都冇乜外人會特登走入呢個地方係為咗食嘢嘅，哈哈。咁就簡簡單單，叫個「常餐」啦。主食我揀咗「沙嗲牛肉米粉」，食落就真係非常之咁普通，冇驚喜，都係為咗填飽個肚。反而個配菜有得揀「鹹牛肉奄列」係畀到啲衝擊我，起碼唔使成日食火腿奄烈先，即刻揀呢個。食落都唔錯，味道濃，生熟度係中間偏熟，夠大份都幾唔錯嘅。不過個「蒜蓉厚多士」唔多厚，比較失望，要加兩蚊有啲搵笨。餐飲我揀「凍檸茶」少甜少冰，都係正常水準，不過不失，成份餐要我 $49 我冇乜感覺，反正都未必有下次。收銀嗰時有個小插曲，本身我想用八達通畀錢，點知佢系統唔知做乜取消咗我張單，見個收銀阿哥呆咗砲，算啦，我畀現金。。。（地址：深水埗荔盈街1號海盈邨地下9號舖）
繼續閱讀
好啦 平時都有去幫襯 通常都叫個麻辣米線食下之前嘅米線分量岩岩好 本人算偏細食嘅人 都算食得飽然後每次去食 一次比一次分量少係就咁睇 都睇得出分量又少左唔知係轉左廚師定點終於少到我真係頂唔順 50-60蚊食碗米線都好正常但連有野落肚嘅感覺都無 自己諗下有幾多好老實唔建議去呢度食米線 慘過乞
繼續閱讀
外賣星級麵餐，攞到返屋企發現冇跟味粉，打去同佢哋講佢哋就話如果叫餐果時冇講明要出前一丁就會比普通麵。又話我叫果個係五香肉丁所以冇講明嘅話一定係跟普通麵。但你哋餐單寫到明全店即食麵用出前一丁（下面仲要寫明配出前一丁）咁點解仲要我另外講明，又話你知啦！有啲人唔鍾意出前一丁，咁你又唔問吓客人要咩麵？好嘞！我都試咗兩啖，個湯頭完全冇味！根本係五香肉丁加熱水，個五香肉丁仲要我另加五蚊先有，即係唔加五蚊係冇味。咁如果叫其他餸唔另外講明出前一丁，就會變成雪菜肉絲熱水麵，彷鮑魚片熱水麵？
繼續閱讀
第一次買外賣就出事,雞脾腸仔飯,返到屋企先發覺私自幫我走腸仔,跟手打去投訴,佢話送返比我,我話唔使,因不是在送貨範圍,應該唔會有下次,或者取時自己檢查下,真無耐
繼續閱讀
話說前排在附近工作，那下午吃什麼好呢？這邊卻只有幾間餐廳能選擇在這裡住的人相信已經厭倦到經常都要走一段路去其他地方吧！但我很懶惰，不想走那麼遠唯有在這裡選擇吧！但想像不到即使吃飯繁忙時間，運作沒有混亂，服務也仍是不錯，等位也沒有很久，很快就吃到了食物質素也是正常喔！大大碟！在炎炎夏日底下，一杯凍奶茶是救了我一命！是很冰，不過太多冰卻令我感覺太快喝完是挺矛盾的。。。。又要凍又不想太多冰導致份量變太小
繼續閱讀