太二老壇子酸菜魚

營業中

休息中

屋企人好鍾意食魚，帶佢哋試吓酸菜魚唔辣-湯底酸麻醒胃，魚片嫩滑無骨，酸菜爽脆夠味，麻香好過癮！份量足料，配紅薯粉索盡湯汁，食到停唔到口，絕對係開胃首選！蕃茄鱸魚麵-碗麵比想像中細碗，蕃茄濃郁似醬汁，酸甜適中口水雞-雞肉嫩滑無骨，麻辣鮮香，加咗花生係面，增加口感小酥肉-外皮金黃酥脆，內裡肉質嫩滑多汁，醃得入味，椒香微麻！炸得乾爽唔油膩，蘸辣椒麵更惹味，係超邪惡但又停唔到口嘅小食，配酒一流！乾鍋花菜-鑊氣十足！花菜爽脆焦香，搭配五花肉片、花椒和乾辣椒爆炒，麻辣鮮香超惹味。油潤不膩，微辣帶麻越食越上癮，絕對係白飯殺手！最後每人食咗兩碗白飯🤣🤣🤣

今日去九龍塘又一城食最愛酸菜魚,晚市時段，未夠6點已超多人入坐黎間酸菜魚做法正統好吃,價格合理,分店又多,個冰粉都好吃又抵食,太好吃忙了拍照不過唔緊要,一定再會去吃

🐟「酸菜魚界的網紅」之前在深圳試過太二酸菜魚，覺得好好味😋 今次在香港再食過雖然放工時間，但在又一城的分店唔需要等位，非常lucky 😁 一入門口就聞到濃濃的酸菜魚湯味，馬上肚餓餐廳安裝了櫥窗可以觀看整個製作過程，讓我們對店內衛生有信心🌶太二的酸菜魚唔會太辣，酸度剛好，魚肉夠滑，但酸菜卻沒有宣傳說的比魚更好吃，但勝在不會太油膩，魚湯送飯下飯🍚但另一味肉碎旺菜就太普通，用午餐肉炒，午餐肉沒有煎香，沒有香味太清，也沒有金華火腿驚豔，減分不少

上次嚟係試業，酸菜魚又香又辣；今次就真係唔得，酸菜同魚比例不均（魚多個酸菜），乾辣椒唔辣（上次食一件辣到飛起），又用咗乾胡椒粒（之前用青色生胡椒又香又辣），今次仲要加魚頭（上次冇）用菊花花瓣（整色整水），變咗適合香港人口味，唔係唔好食，只係差咗失色咗，未試過可以一試。

今天和朋友去了九龍塘的太二分店～平時都係去開沙田，第一次去九龍塘分店！叫了一個酸菜魚，雞翼，芥辣蝦球和菜水準保持到，依舊好好食！希望可以繼續保持水準同價錢😇！

太二酸菜魚酸菜魚充滿四川風味的酸菜魚，麻味很重，中意四川椒麻味的人應該會很喜歡，酸菜魚越食越辣，如果不是太食得辣的朋友，建議一開始吃前把部分辣椒取出！ 口水雞口水雞野味，口水雞汁偏甜，小編很喜歡，值得推薦！

星期日5:30pm入座，冇乜人，入坐後去拎杯陳皮洛神花水飲下先。之前呢個自助位係冇茶袋裝住啲陳皮同洛神花，俾人夾到亂七八糟，而家用茶袋裝好咗一袋袋，食客可以好方便咁放落個杯度，然後沖熱水，改善咗幾好！但係最出名嘅酸菜魚，味道反而退步咗，食落冇之前咁惹味，而且我哋另外再加嘅配菜，佢哋漏單冇放到入去，其他食物嘅質素都冇之前咁好味，同埋今次啲魚肉好多細骨，要食得好小心先得。唯一要讚嘅係，呢度份兒童餐超抵食埋單離開嘅時候，7:00pm門口已經排晒長龍

今晚和家人前往九龍塘又一城的太二老壇酸菜魚享用晚餐，但这次的体验却让我颇为失望。特别是那盘招牌的酸菜魚，当服务员端上桌时，竟未见丝毫热气缭绕，入口一试，更是温吞有余而热度不足，实在令人扼腕叹息！相比之下，其他菜品如脆椒小皮蛋、上汤娃娃菜、蛋酥软糍粑以及大满贯小吃拼盘，虽无惊艳之处，但也算得上中规中矩，勉强慰藉了我被酸菜魚浇灭的食欲之火。 不過， 可一不可再， 我不想對太二的酸菜魚產生負面印象， 我下次一定不會再來這一家店了！

衝着酸菜魚去晚膳，可惜強差人意。湯底太油膩，魚肉太「林」，幸好酸菜鹹濃適中，薯粉爽滑可口，辣味足夠，份量適宜，不致於棄吃浪費。清菜炒得不錯，綠油油的，鹹淡適中，唯份量少了點。陳皮、洛神花茶值得一讃👍🏻，清新甘甜，酲神開胃🤤。自助形式，自己親身泡，濃淡自定，一定啱飲！仲可以無限添飲😁還有「求簽」小玩意帶來的小驚喜，明知簽筒內全是「好簽」，但也很期待求得什麼簽🫢結果求仁得仁，「食好嘢又唔肥」，說中了我的心底話😝

太太太太太喜歡食酸菜魚了常日心思思就好想食，但香港又唔多抵食夾大件的，唔打唔撞見到太二，原來都好多間分店，一收工就沖左去又一城太二試一試佢個酸菜魚。好大一盤，仲可以加粉絲，寬粉，豆腐干，金菇菜等食材，標準份量約350g 大份量就約550g 。我們二人叫了個標準的，還叫了小酥肉，真的無辦法抗拒小酥肉的酥酥麻麻，太愛這個味雷攻擊了。叫了一個芝士紅薯波波，煙煙韌韌，好香脆，但紅薯味唔太突出，但芝士是可以拉絲的😋😋😋😋😋我們二人仲叫了個重慶小麵，不太辣，小麻，都幾好食。另外太二有提供免費嘅洛神花同陳皮比你自製花茶👍🏼👍🏼👍🏼👍🏼👍🏼👍🏼

突然有一日係要去到九龍塘工作，男朋友可以就時間嚟搵我食lunch，佢揀咗太二酸菜魚我哋叫咗個二人餐，包括酸菜魚、蝦仁娃娃菜、兩碗白飯、黑糖冰粉同西瓜冰粉酸菜魚嘅味道真係唔錯，如果同一般舖頭嘅酸菜魚比較，佢嘅味道比較有層次，飲得出嚟嘅湯係有鮮味嘅，魚肉都好嫩滑。不過個湯有少少油，不過都明嘅，通常酸菜魚最尾都會放辣椒、花椒喺面，然後會淋熱油上去。蝦仁娃娃菜就冇乜驚喜啦，有啲蝦仁同埋午餐肉喺入面。蝦仁偏細粒，我覺得娃娃菜就煮得唔夠淋，可以再煮得耐啲。我覺得黑糖冰粉麻麻哋，因為加咗啲花生喺上面，可能有人會好鍾意，但我自己本身唔鍾意甜品入邊加花生，口感好怪。反而西瓜冰粉好食啲，因為西瓜都OK甜，又有椰子片，令到個冰粉有啲層次，唔係淨係單單嘅甜味有一樣特別嘢係可以自己沖花茶，會教埋你點樣沖，首先落三片陳皮、再落兩朵洛神花，咁就搞掂啦，我花茶有少少酸酸地，都幾易入口

之前返工附近冇太二，所以唔知道原來有午市套餐，今日送完返學經過見到，即刻入去食。$168 ， +1之後都要$184.8。價錢唔係特別平，但係其實份量都幾大，兩個人share食都可以。仲有甜品添，我覺得同夜晚食冇分別，魚嘅份量都多，湯入面嘅粉絲好似多過夜晚另叫嘅一份。

我覺得係呢度食嘢好嘅係用餐體驗座位都好闊落 唔洗同人逼埋一齊 唔係要搭檯洛神花陳皮茶都係任飲任斟食物味道都不錯我最鍾意紅糖糍粑呢度都有整體服務都唔錯有免費紙巾牙線酸菜魚都好嫩滑～

新開嘅酸菜魚專門店當然要好好朝聖係咪真係咁好食，當晚唔算太多人等左一陣就有位，坐低後可以有自助熱花茶任飲，當然凍飲就另計，小食叫左麻辣小酥肉同菌菇𤆥菜心，小酥肉份量都唔少，辣得黎都入味又有啲後勁，好開胃🤤。主菜叫左二人份酸菜魚+紅薯粉同金菇，湯嘅酸辣味我個人幾鍾意，唔會偏向唔夠酸或唔夠辣，魚塊好彈牙份量都算多，配埋酸菜同湯一齊食好味薯粉我覺得可以多番少少就更好，但都足夠兩個人食飽飽嘅。綜合以上所有我覺得值得回頭。

未有和所有好評中有相同的意見。在訂座方面，理解遲五分鐘不安排座位政策，倘若由於職員帶位後，出來已令到延遲，則需另作別論，在此也感謝同事最後明白並能成功入座。職員特意提醒往後請提前到達。在食物方面，未如大眾般驚艷，只可說是不過不失，份量也未如大家所形容般多，只可說是剛好二人份量。在價錢方面，只可說食物性價比就不高了，只能說marketing 策略把水煮魚包裝的定位太高了，就是油炸魚加上大量香料處理，也沒有酸菜比魚好吃的體驗，希望能給予中肯意見。