天樂餐廳

營業中

休息中

咁啱夜晚喺嗰附近就諗住過嚟試下入到去就即刻畀個餐牌嚇親冇諗過啲普普通通嘅食物都可以賣咁貴同一碟餸隔離餐廳都可以平一半如果食物質素唔錯我都可以接受但係味道真係一般菠蘿炒飯冇菠蘿海鮮就係比粒豆仲要細嘅魷魚片闊條麵嘅薯蓉又唔知點解係酸嘅呢個價錢真係有少少難接受最離譜係嗌嘢食嘅時候服務員淨係問要加咩湯但係從來都唔提嗌湯要收多28蚊咁如果我唔主動問佢咪畀人收多冤枉錢姑勿論個湯好唔好飲而我又想唔想要係咪正常都應該問下先整體嚟講至少夜晚去食性價比頗低唔建議

天樂餐廳📍：西環石塘咀德輔道西352號地舖🚗：香港大學地鐵B1出口 步行8分鐘📞：+852 2803-2478💲：~HKD60-70/head for lunchFood quality✔️：瑞士汁炒牛河👌🏼：瑞士雞翼意粉總結：🤔呢間係有返啲歷史嘅港式豉油西餐 午市繁忙時間都幾爆場 上菜都好快 最出名就係瑞士汁👍🏼😋當然就要試下瑞士汁炒牛河 $68都幾大碟 而且炒得好勻循 仲要配白/紅湯+餐包+飲品 幾抵食🥹😋比我想像中好食 嗰瑞士汁唔會太鹹 幾惹味 比好多棵菜夠哂健康👏🏼🤔瑞士雞翼都係招牌 汁都係同一款 如果多肉啲會開心啲 意粉撈埋瑞士汁都係無咩味 😨坐得好逼 繁忙時段完全💯爆場 好嘈雜 同埋要搭枱

已經非常多年沒有食港式的豉油餐，這間餐廳實在已開了很久，時常經過，終於今日和一位朋友便入了去食午飯。選擇也非常多，多數人士食午市套餐，當然是有紅白湯可選擇，牛油甜餐包，不同的主菜，再加咖啡或茶。每個人也只是用了62元，相當平。我們兩個人都揀了紅湯=港式雜菜湯，主菜叫了一碟馬拉盞肉絲炒河粉，另一碟便叫了焗豬扒飯。最後還叫了一杯凍咖啡加一杯熱奶茶。食物選擇很多，除了午飯外，還可以單點當然價錢是比較貴一些。我們坐下，客人來來去去，滿座，多數是做熟客生意。這餐廳的英文名叫做Amy's kitchen, 老闆娘相信是叫Amy啦. 她和客人很熟，佢個人聲勢響亮，非常友善。只是62元食一份午餐，不可以太挑剔，品質也算可以。嘗試一下港式的豉油餐，又無需時常食山珍海味或什麼米芝蓮？支持香港消費，也有特色。感覺良好。香港人去試試吧。

見佢瑞士汁咁出名就去試下叫左個瑞士汁牛河，個汁係幾特別，甜甜地，好明顯係餐廳自己調教過仲叫左個豬頸肉飯，份量有啲細，男人未必夠飽最後見佢個梳乎厘都出名，所以又試下，不過比想像中普通，無咩特別晚餐送左個桂花糕甜品都幾好食

恃住在本區開了一段長時間，有多少名氣，食物質素普通，價錢偏貴都算，最大問題係服務態度差。本身係街坊，幫襯過幾次，每當老闆娘不在場的時候員工工作態度就會變得散漫，掛住吹水，記得有一次工作到下午三點才有空食晏，入到去坐低落咗order，等了半個鐘，除了我以外，同台的朋友已吃飽，一問之下，原來已order的餐已經賣晒，所以冇落單但又冇通知我，樓面還一副不在乎的表情，於是一怒之下，同朋友埋單走人，嘢就冇食到，但一肚都係氣。原來問返附近啲街坊朋友，個個都知道該店員工服務態度差，還有一些朋友遭遇過被店員言語間冷嘲熱諷，話過以後唔會再去幫襯。

呢個所謂忌廉湯，啲材料多到嚇死你，成個周打魚湯，佢個名物瑞士汁牛河，非常好食，俾太平館嘅淡味，冇咁濃味，仲有凍飲唔使加錢，老闆娘十分之客氣，真係一流👍，－定會再幫襯

睇電視見到有介紹，放假特登從老遠地方揸車去試一試，一心想試吓佢哋馳名嘅瑞士汁炒河，點知今日去到，話冇晒河粉，如果冇河粉，餐牌上嘅選擇就只剩下一半，想叫個乾燒伊麵，又話冇伊麵，真係唔知仲有咩可以叫，最後唯有叫咗個好頹嘅意粉，同埋一個炸魚柳沙律，可惜炸魚沙律份量少得可憐。呢度嘅服務真係好差，個個阿姐都粗聲粗氣，冇禮貌，最冇禮貌嘅係着粉紅色衫坐收銀枱嘅，懷疑佢係老闆娘，真係上梁不正下樑歪。香港今時今日咁嘅服務態度，怪唔之得香港人走晒出外地消費。

大隻仔今次覓食嘅店舖就係💥 天樂餐廳 💥 呢間餐廳出名瑞士汁，大隻仔經過呢間餐廳好多次都未食過，今日終於有機會試吓聞名已久嘅瑞士汁，瑞士汁雞翼大隻仔就食得多，瑞士汁炒河粉都係第一次食。😂😂⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️服務 ⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 下午茶餐 $45瑞士汁炒牛河 + 飲品瑞士汁夠多，顏色好深色，但河粉份量比較少，可能比一碗魚蛋粉嘅河粉份量仲少。河粉有用鑊烘過，牛肉好滑好冧，冇好重梳打粉醃肉嘅味道。👍👍瑞士汁味夠濃，甜甜地，但又有少少苦苦地嘅味道，唔知係咪因為瑞士汁有好多年歷史嘅關係。菜心好多渣，而且煮得過冧。大隻仔覺得加少少辣椒醬更加好食，天樂餐廳連辣椒醬都有甜味 😂😂，應該有調校過。熱奶茶熱奶茶嚟到時有一點一點茶衣浮面，應該係茶底放太耐冇攪勻就沖奶茶。茶有香味，但味道偏淡，奶夠滑。溫馨提示：餐牌寫加一服務費，下午茶係冇加一的。食物份量比較少，如果當正餐食會唔夠飽。環境座椅舒適，但員工講嘢好大聲，比較嘈吵。

今晚獨自去搵食，去左呢間懷舊西餐廳，叫左個set dinner，個餐有齊餐包、餐湯、主菜、餐飲及甜品。周打魚湯好多配料，好creamy；燒豬肶飯個汁好味，不過有D韌，啫喱加花奶，童年回憶返晒黎😍

前排同屋企人去咗天樂食晚餐, 人均兩舊水左右有齊餐包、餐湯、主食、甜品同餐飲, 以晚餐黎講都算合理<法國鵝肝拼特級牛柳>主食方面, 大食妹嗌左法國鵝肝拼特級牛柳, side dish可以揀薯菜或者意粉大食妹唔係太餓, 嗌左薯菜法國鵝肝又大又肥美甘甜, 煎得濃濃地特級牛柳嗌左五成熟, 好嫩好好食薯菜係薯角同田園蔬菜<餐包>餐包係港式西餐經典配置嘅甜餐包, 上手仲係熱熱地<羅宋湯>餐湯可以揀紅湯或者白湯紅湯酸酸地好開胃<凍檸茶>餐飲就嗌左凍檸茶, 甜甜蜜蜜<甜品>甜品日日唔同, 大食妹揀左啫哩加花奶

堂食終於開放啦疫情兩年多，已經很久沒有過來了今晚懷緬一下過來吃。。四個人進餐，Order 了三個套餐，田螺餐，烚鹹豬手餐，㕑師推介餐。。蟹肉帶子炒飯，加了一個蟹肉粟米湯，瑞士汁雞翼，還有梳乎厘好滿足今晚的晚餐，很久沒有見老闆娘，好友善傾談至差不多打烊，很開心的一個晚上。

據聞呢間餐廳歷史好悠久，但我哋今次係第一食外賣，阿sir乜都想試，點知叫得太多食唔晒，要留返半盒牛河第二日午餐自私食。🍴燒豬脾配薯菜 $98⭐️⭐️⭐️似食緊拉麵嘅叉燒，又唔算太腍同埋乾咗啲，反而薯角就超好味，外脆內軟，一定要薯菜。🍴瑞士汁牛河 $98⭐️⭐️⭐️⭐️牛河超大盒，有好多牛肉同菜好啱我心水，瑞士汁甜甜地幾好味架，最重要係好有鑊氣，呢個牛河一定要試！🍴洋蔥焗牛脷配薯菜 $118⭐️⭐️⭐️⭐️呢個勁好味，厚切牛脷好腍好入味又有牛味，可惜只得3塊唔夠喉，洋蔥唔澀超甜，加上紅酒汁又好味，呢個又係一定要試！🍴蟹肉粟米湯 $68⭐️⭐️⭐️⭐️⭐️忌廉粟米湯底，少少杰身，貴就貴在真係用新鮮蟹肉，非常鮮味又有口感，完全值呢個價錢，唔試走寶哈哈！二人共消費：$251.5 (foodpanda 外送速遞)

天樂喺西環開左好耐一直都未有試過，店舖細細間，枱唔算多，坐得幾舒服，keep住有人等，幾受街坊歡迎。食物係港式西餐style。午餐時間黎到，叫左個瑞士汁牛河set。先來羅宋湯跟餐包，真係好typical香港舊式餐廳😂✅羅宋湯少少辣好開胃，餐包好有驚喜，夠熱又鬆軟👍🏽✅瑞士汁炒牛河賣相雖然比較核突，個汁甜甜地撈埋個河粉出奇地好味，牛肉咬落夠嫩，整得好好！唔算大碟，大食嘅話未必夠飽。最後連埋野飲$60有找，超級抵！下次要黎試吓個梳乎厘😋

平日晚上嘅西區🌃對比日抖格外寧靜由於唔熟悉依一區行黎行去都唔知食乜好😣唯一認識嘅餐廳亦因為疫情而結業最後都唔想再搵餐廳見到天樂餐廳menu岩心水就入左去餐廳主要係西餐為主🍴裝修簡單潔淨大部份食客都係熟客店員態度好親切👍🏼點餐上菜速度都好快睇黎依個係其中佢地有大量回頭客嘅原因依度好似一間西式茶餐廳不論意粉、焗飯定鋸扒應有盡有~開頭坐低未落單就問我哋飲紅湯定白湯真係好似茶餐廳飲例湯🤣兩個餐都有餐湯同餐包🥘🍞我地叫左一個係羅宋湯湯料主要係蔬菜少少辣好開胃另一個係比較少見嘅牛尾湯唔需要額外加錢都可以飲到一碗好濃郁嘅餐湯湯入面亦有唔少牛尾肉忌廉牛仔肉天使麵Order左之後先發現…依個麵要$118😱都仲未驚訝完主菜就上碟天使麵分量超多~~食得出醬汁同麵係一齊煮而唔係最後先淋上醬汁真係驚訝完又有驚喜🤩味道拍得住好多出名嘅餐廳牛仔肉唔算太多勝在味道ok~Overall絕對對得起個價錢！焗西班牙海鮮飯就咁睇好似一個普通嘅焗飯佢除咗係炒飯底入面仲有好多唔同嘅海鮮🍤短短晚餐個半鐘差不多聽到每一枱都會叫依個飯睇來係佢哋餐廳嘅signature dish😯食完主菜叫左凍檸茶解解渴~而每個主菜亦包左桂花糕或者啫喱

Lunch時間，又係四圍搵食嘅時候，今日經過天樂餐廳，啱啱有位，入去啦。午餐有幾種，是但點咗個焗豬扒飯，應該係最穩陣啦。午餐，包括餐湯餐包，主菜和飲品，都係50幾蚊，而且質素高，餐湯的忌廉湯，每日都唔同主題，今日就係南瓜忌廉湯，完全不是hea, 熱辣辣好好飲，餐包熱熱地又軟熟，焗豬扒飯，兒時味道，炒底飯，炸豬扒，配埋個prefect👍🏻50幾蚊食到高質的午餐真係抵食，雖然坐得唔係好舒服，因為人太多，餐廳比較狹窄，但食物質素已經令到我好想再去。