天后站清湯腩

營業中

休息中

將軍澳一帶配套非常成熟，趁今日天氣好，走去逛逛街，不經不覺走到康城 The Lohas ，商場好大，大大小小商店各式其式。累了！下午茶時間又到，找到一間清湯腩專門店。服務員非常殷勤，怪不得眼見好多熟客幫襯。清湯崩沙腩河粉，升級版果然不同凡響，腩肉可見彩光，肉質鮮嫩，保持肉汁，有肉香，肥位也不覺膩。湯底清甜，最重要食後沒有口渴感。以為蘿蔔不是季節，意外地好味。軟腍嘅蘿蔔吸收晒腩汁精華，滋味呀。奶茶🧋茶味濃郁，又香又滑。

今日過嚟Lohas Park 拎野，先知原來個商場咁大，有溜冰場、有戲院、仲有好多餐廳，都幾正。 我個朋友就介紹我食天后站牛腩，佢話無味精，仲讚佢牛骨湯好正。首先當然要試下佢地嘅招牌啦， 佢有沙腩、坑腩、爽腩、牛腩四款選擇，我就揀咗崩沙腩清湯牛腩撈伊麵，沙腩賣相唔錯，肥、筋、肉分明，肉質軟嫩而不柴，牛骨湯鮮甜唔油。另外叫左份炸雞中翼撈粗，炸翼即炸，要等15分鐘，出到嚟熱焫焫，皮脆肉多汁，好惹味！ 叫到一份腩汁蘿蔔都係$19，真係唔試唔得，仲要都好大碗，蘿蔔清甜無根，煮左好耐，好入味，腍得嚟都有咬口。整體我覺得好抵食，最緊要環境乾淨，CP高！

今日同朋友去左探索日出康城個商場，見到周圍都好多人。經過呢間餐廳嘅時候，朋友話好想食牛腩，於是我地就一齊入去食lunch。清湯牛腩河粉 $53轉坑腩+$6加拼爽腩+$18清湯腩嘅湯底有足夠嘅鹹香。我最鍾意就係食坑腩，呢到嘅坑腩好好味，肥瘦比例啱啱好，成件坑腩放入口係會有入口即溶嘅口感，好滑嫩，牛味又好香濃，好食。至於爽腩，食落帶點彈牙嘅口感，又有層軟糯嘅肥膏，可以一次過食齊幾款高質嘅牛腩實在係一種享受。牛腩擔擔麵 $57轉崩沙腩+$6加拼鮮蝦雲吞擔擔麵嘅湯底配上牛腩都幾少見，但原來都幾夾。湯底帶點花生香味，麵質口感彈牙。每件崩沙腩入面都有齊曬肉、筋同埋肥膏三個元素，食落口感豐富。鮮蝦雲吞有兩隻，大隻飽滿，有足料嘅鮮蝦喺入面。估唔到喺一個新開嘅大商場入面竟然會有間清湯腩，仲要係好食嘅，都幾難得。

今日去左將軍澳一帶做野，係康城想食個飯先，見到呢度原來都有得食清湯腩，我又好耐無食好掛住牛腩，即刻去食！平時清湯腩既環境都係好小店feel，好似茶記咁，但係呢度可能因為係商場入面既店，環境好好，坐得舒服好多！好啱中意食湯腩但怕環境烏糟既人！我地一個叫左牛三寶河粉，一個就叫牛三寶擔擔麵，兩個都升級做崩沙腩。牛三寶超足料，牛筋、崩沙腩、牛肚每樣三份起跳，牛筋大大條，口感彈牙得黎煙韌，唔會好油膩既感覺，好正，崩沙腩好香牛味，肥肉同瘦肉比例完美，正！牛肚爽口彈牙，不過牛肚對我黎講就鹹左少少，但整體上呢碗清湯腩不得了。清湯香，加河粉牛腩好好味。擔擔麵我都試左d湯同麵，麵條彈牙，湯有好濃花生味又帶點辣味，好香，食落好惹味，腩肉點呢d湯食都一流兩碗咁足料既麵，埋單都係150左右，抵食夾好味！

今日放工今晚去到康城站見客見完個客已經五點幾六點非常之肚餓首爾之後去到康城站呢個大商場度搵嘢食見到呢間清湯牛腩店就即刻入去醫下肚一坐低有理冇理就被呢個咖喱牛腩吸引咗所以就叫咗一個咖喱牛腩河粉另外同行嘅同事就叫咗牛腩擔擔麵之後我哋就叫多咗一份炸魚皮做小食呢度嘅咖喱牛腩都非常之咁大碗河粉起碼有出邊1.5個面底而且佢嘅咖喱非常之甘香隆重配合埋主導林晒嘅薯仔牛腩雖然冇指定要咩部位但係啱啱佢比我嘅就係爽南緯所以肉味濃郁之餘仲更加食到少少筋肉位嘅部位非常之咁爽口以朋友嘅擔擔面湯底都非常之咁出色面底唔會有多餘嘅鹼水味上面嘅牛腩份量都好多食得非常之咁滋味炸魚皮非常之咁大兜兩個人根本都唔會食得晒之後跟餐叫埋嗰杯熱奶茶奶味都非常之咁濃郁今次嘅醫肚非常之咁特別

🍜🍜唔係位於天后站嘅「天后站清湯腩」。雖然間唔中都聽到有人話呢間唔係幾好食，店員服務態度差。但確實幫襯左幾次，真心覺得佢啲牛腩整得幾好味，啲姐姐都幾有禮貌。叫咗「清湯牛腩河」外賣，牛腩好淋好入味，唔會太肥或太瘦，配合埋個清湯，唔錯喎。反而河粉就正常發揮，下次可以試吓轉麵比較下。聞說佢另一個招牌菜係「牛三寶」，有牛腩、牛肚、牛筋，下次再試吓先。😋😋

牛腩是香港人最愛吃的牛肉部位，而牛腩好食在於入口有層次，夠腍而不柴，至於河粉，當然唔可以一舊舊，要夠幼滑才是佳品！ 而今次品嚐了達到以上準則的食店，多謝您們炮製了咁好味的清湯牛腩河粉。

睇個店名「天后站清湯腩」一直都以為係喺天后，即係銅鑼灣站下一個站，點知原來係喺將軍澳😂😂😂咁岩有朋友住The Lohas，好耐無，見過開嚟就搵佢食飯先，晚餐時間好多人，好彩仲有一張枱，唔係就要排隊了🙈🌟清湯牛三寶幼麵 $73🌟拼紫菜(+$8)三寶：牛腩、牛肚、牛筋牛腩牛味非常香濃且不韌😍牛肚好彈牙 好有嚼勁牛筋充滿骨膠原 軟腍易咬 🌟坑腩擔擔麵 $63🌟坑腩同牛腩比較起來 個人覺得牛腩更濃牛味 坑腩口感就較嫩無渣 擔擔麵湯底好濃郁花生味飲品(跟餐)：熱飲 $6 ｜凍飲 $8個人認為淨係嚟係為咗牛腩一個餸嚟食都足夠了，牛腩係必食👍🏻💯

好耐冇嚟過將軍澳，今日入到黎見下，然後就喺附近商場行吓順便搵個地方食飯晚飯，見到日出康城呢度個商場都幾好行，行行吓見到有間係話喺天后站清湯腩，諗起以前喺天后做嘢嘅時候啲清湯腩定係超好味！即刻入去回味吓。晚上七點幾估唔到都唔係好多人，但係反而食到尾嘅時候八點幾就多咗好多人，可能係將軍澳嘅居民7點幾都係未返到將軍澳😂😂康城呢間分店我覺得非常好，環境好好，坐得好舒服，因為好多時食清湯腩都係啲好窄嘅小店，呢間坐得舒服食得好舒服。我哋叫咗兩碗清湯腩湯河，佢呢度嘅腩好多選擇，有崩沙腩、坑腩等，我叫咗個崩沙腩湯河，朋友叫咗個清湯牛三寶河粉～一嚟到已經覺得好吸引！啲牛腩你睇得出係好高質！肥瘦好均勻，唔會一入口成口都好似係肥膏咁，口感真係好正，半肥瘦！而且牛味都好香，配上清湯成件事真係好正。好耐冇食過崩沙腩嘅牛腩河啦！朋友嗰碗三寶我都超鍾意，我食咗佢一個牛筋，口感好好，好煙銀，早知我都加牛筋！平平哋但係又非常滿足嘅一餐！估唔到喺將軍澳都食到天后站質素嘅清湯腩！

今日收工一個人嚟開Lohas Park依邊買嘢行到咁上下都要搵下啲嘢食啦😚一個人最啱就去食碗麵 快夾靚阿‼️平時就成日食米線 今次就試吓啲新嘢啦🤓餐廳整潔 座位都坐得好舒服 枱同枱之間都好多空位😎·麵檔嚟講真係好多選擇 有飯有麵粉麵除咗我地食開嘅河粉、米粉、粗麵真係估佢唔到咁有埋酸辣粉同擔擔麵😲·連牛腩都有唔同選擇 爽腩、坑腩、崩沙腩 任君選擇而我今次我就揀咗坑腩坑腩爽口 肥瘦均勻 牛味濃郁🥰齋食牛腩好似唔夠喉所以我就加咗雲吞🤩雲吞好足料 入面隻蝦大大隻 🦐好新鮮 ·湯底濃郁 一湯一啖河粉真係無得輸但食到一半又手痕 走咗去加辣油🌶🥵但其實佢個辣油都好香嘅但相比起 今次都係鐘意未落辣油嘅湯底多啲😎食完碗麵又點可以無咗凍檸茶呢🍹飲埋杯嘢就夠曬滿足啦🥰

將軍澳真的好遠～但吃貨老公說這裡有間清湯腩超級好吃，所以我們就來了（笑）老公一來便點了清湯牛腩河，而且升級了崩沙腩（好懂吃的男人）我本來就不太喜歡牛腩，但老公說到很好吃，我就淺嚐了一片。天阿完全癲覆我對牛腩的認知！在外面吃的牛腩很硬，要咀嚼很久，然後牛肉絲又會藏在牙縫....（汗）但這家的崩沙腩超級無敵軟嫩呀～～～(❁´ω`❁)好好吃好好吃！牛肉味香濃，連湯也好好喝！！！我則依舊點鮮蝦雲吞麵，沒想到這裡的雲吞超大隻！裡面的蝦也超大隻，超鮮甜！！平時去這種食店只會點雲吞的愛，真的很愛他們家的雲吞麵，超高水準！我們還點了炸雞中翼 ，天阿有需要那麼大隻嗎？！！這個根本是一隻抵正常1.5隻的大小了吧！外皮炸得酥脆，裡面卻是流著雞汁的軟嫩口感，這一頓太滿足！飲料我們點了凍檸茶和熱杏霜。非常值得一讚的是，這裡的店員超Nice，是超級Nice的那種呢！！！

清湯牛腩，味道棒棒牛腩是冬天時令食材，牛腩入味！排骨飯感覺有台式排骨飯，以大排骨製作，套餐一樣有白飯和排骨，炸排骨，很家常菜感覺呢～排骨切好，放工後不用想，點這個有肉。排骨要炸出好吃很難，帶骨豬肉排切斷筋後用肉槌拍鬆，醃料放入果汁機並打勻成醃汁，這個店做得不錯。拍鬆的肉排放入醃汁中拌得棒，味道亦可。 油菜蔬菜新鮮，植物纖維高口感棒喔，熱量很低～牛腩上海面美食上海，有不少值得一吃的美食。這店清牛腩，將牛骨、蘿蔔熬底，加入牛腩慢火滾到軟透，輕輕一咬就在口中化開，清甜的湯頭伴隨著牛腩的香軟，尾韻更甘美。增添風味，這是一道非常下飯之料理喔！爽滑清湯煵，棒！清湯牛腩，味道棒棒牛腩是冬天時令食材，牛腩入味！

今日去康城商場，見到有間《天后清湯腩》，一於入去試吓 😄餐廳裝修簡潔，店員非常有禮，這裏原來除了牛腩麵，原來還有擔擔麵和酸辣粉…..真是意想不到😋我叫了一碗崩沙腩湯河，飲一啖湯，真是不得了，湯裏充滿牛骨精粹，略帶有少許紅棗和陳皮味….崩沙腩肉質淋滑，帶些根膜，煙煙靭靭，加埋河粉，簡直係天衣無縫🥰朋友叫了碗瘦牛腩湯河，都好好食，又唔(鞋)👍還有韭菜餃，皮薄餡靚，夠飽滿😊凍西洋菜蜜，好耐冇飲過，飲落好特別😇總括來講，這裏有牛腩不同的部位，對於食牛腩有要求的人，一定可以滿足到💯☺️

食牛腩麵我一向都好講究食邊個部位。天后站清湯腩有我平時最鍾意食嘅坑腩-係近腰肋骨的肉。一見到d坑腩肥瘦相間已經流晒口水果然牛味香濃，肉帶住d筋膜，又爽又腍既口感，簡直一試難忘同行友人叫左爽腩-係牛既腹部正下方，同坑腩連接。我都有試咗兩舊爽腩口感爽脆，煙煙韌韌，肉味濃郁，冇坑腩咁肥。仲單點左蘿蔔，燜得啱啱好，一咬即化，好清甜無渣，索哂d牛骨湯！另外值得一讚嘅係湯底頗鮮甜唔肥膩，食得出店舖真材實料燉既湯底。期待下次試佢嘅崩沙腩

今日OT，搞到夜一夜先收工，返到屋企附近，見到呢間清湯腩仲未關門，店員都好好招呼我地入面坐，見我操身大細，仲比個卡位我坐 好肚餓，即刻睇下餐牌，幾特別，有個崩沙腩擔擔麵，個個崩沙腩真係啲肉好林，夠牛味 另外叫左個鮮蝦雲吞河粉，唔知係咪我食得慢，真係好大碗，食到最後仲係一大碗河粉😂 雲吞我好中意，d蝦好新鮮，爽口彈牙 不過竟然最驚喜係個牛丸，超級彈牙同會爆汁，一致覺得佢最好食 三個人食到飽飽都係二百幾蚊，抵👍👍