天后甜品

營業中

休息中

三五知己晚飯後，想吃甜品，來到這間《天后甜品》，發現除了甜品之外，原來仲有其他小食！不過今晚我哋嘅目的都係想甜，叫了以下三款甜品，真的不錯！🔸榴槤椰果冰榴槤控必食，頂層榴槤蓉綿密又豐腴。椰果爽脆彈牙，冰沙細膩，涼涼嘅，將榴槤嘅甜味襯托得好突出！🔸龍眼椰果冰龍眼粒粒圓潤，啖啖果肉，甜中帶點清香。椰果同龍眼嘅清甜好來夾。冰沙打得好碎，入口即溶，冰冰涼涼嘅，夏天食最啱！🔸雪糕紅豆雪山呢個雪糕紅豆雪山造型夠晒特別！紅豆粒粒分明，煮得好入味，店員指引我們吃的時候，要鑿開冰山，原來入面藏着曲奇妙脆雪糕，食落有種層層遞進嘅滿足感！

記得天后有間老字號甜品店，經過無數風雨，仍然屹立不倒，可見其食物水準好。今晚忽然之間好想食糖水之類，腦海裡好快閃過呢間糖水舖，於是乎順道去一趟，食番碗我的至愛。楊枝甘露色香來自呂宋芒果，韻味來自泰國柚子粒的酸香。 酸與甜之味相輔相乘。西米在酸甜嘅果香中，廻蕩出香滑椰奶。甜度適中不膩喉。海底椰涼粉涼粉味道清甜、口感爽滑。 海底椰本身口感微甜，帶有一點淡淡的香氣，與涼粉的清爽口感融合一起，形成獨特的風味。

位於天后的甜品店，在這條街道開業多年，人氣非常。晚飯時間過後，來尋覓吃飯後甜品的人流明顯漸多。甜品款式非常多，有中式傳統的中式糖水，亦有新式甜品，很多配搭。牆上面也貼滿了甜品相片，可供客人參考。榴槤系列：榴槤豆腐花撈上枱時，已飄來陣陣濃烈的榴槤味道，用上D24榴槤果肉製作，榴槤果蓉口感綿密，配上滑豆花及榴槤汁，讓每一口都充滿榴槤清甜香味。豆腐花系列：即沖木桶豆腐木桶令豆花保持熱烘烘，即使吃到尾，依然冒煙。即點即製，時間蒸至剛好，口感滑溜。豆腐花是輕盈健康的甜品，而且按個人口味喜好，加上黃糖。不加的話，更能嚐到大豆香味。

今日同朋友去咗天后一間叫**「天后甜品」**嘅糖水店，試咗幾款招牌糖水同湯圓，真係好正！鋪頭雖然唔算好大，但環境乾淨舒服，啱晒同朋友傾住計慢慢食。 **🍨 木瓜海底椰雪耳南北杏圓肉** 呢款糖水超滋潤！木瓜煮到好淋甜，加埋海底椰嘅爽口同雪耳嘅滑溜，口感好豐富。南北杏同圓肉帶出淡淡甘香，唔會太甜，飲完成個人暖笠笠，喉嚨好舒服，啱晒秋冬潤肺！ **🍐 雪梨海底椰雪耳南北杏陳皮** 朋友叫咗呢款，雪梨清甜得嚟帶少少陳皮香氣，好開胃！海底椰同雪耳依然保持爽脆，南北杏嘅味道比木瓜嗰款突出少少，但整體都係清潤路線，飲完唔會膩，推薦俾鍾意淡口嘅朋友。 **🖤 薑汁芝麻湯圓** 湯圓係即叫即煮，外皮軟糯得嚟有咬口，一咬開芝麻餡就爆出嚟，香濃流心！薑汁湯底唔會太辣，微微辛香中和咗芝麻嘅甜，食完成個人都暖晒，冬天必點！ **總結：** 「天后甜品」嘅糖水真材實料，甜度適中，尤其適合鍾意養生滋潤嘅人。湯圓亦係高水準，下次想試埋佢哋嘅合桃露同楊枝金露！如果經過天后，不妨嚟試吓～ **味道：** 4.5/5 **抵食：** 4/5 **環境：** 4/5 📍 **天后甜品** G/F,

#豬同鴨講 #Pig2duck▫️🔍 天后甜品📍 香港天后電氣道91號地舖▫️📝 ★★★★★ 👍▫️▪️▪️▪️▪️▪️▪️▪️▪️▪️▪️🍧 天后甜品開左好耐，間唔中係維園游完水 🏊 會行過黎食糖水，🤩今次試左個榴槤甜品，太驚艷真係要分享下！🤗▪️▪️▪️▪️▪️▪️▪️▪️▪️▪️▫️【 雪糕榴槤布甸 】 HK$70✨ 榴槤雪糕 + 榴槤布甸 + 榴槤蓉 ✨👃 一上枱已經好濃既榴槤香味 🍨 雪糕每啖都勁重榴槤香味，從來未食過咁濃郁既榴槤雪糕‼️😍 於是問下店員榴槤雪糕係邊到入貨，想買返屋企 🛒 發現原來係加入大量榴槤果肉自家製既雪糕😱👅 成碗甜品再加埋榴槤蓉，超邪惡，勁滿足😋😋😋⚠️⚠️⚠️大家一定要去食！食完之後其他榴槤甜品都睇唔上眼！⚠️⚠️⚠️▫️▫️【 木桶豆腐花 】 HK$35🫘 豆味濃郁 勁香滑 🧉 甜品黎講 豆腐花係最健康 🥚 高蛋白質又低脂，但我唔係要健身 😈 所以一定淋黃糖，好快食哂成桶😎▫️▫️【 桑寄生蓮子蛋茶 】 HK$30🫖 平時食開西式甜品，今次試埋中式糖水 🥄💦 桑寄生夠哂滋潤，蓮子夠鬆化，隻蛋入哂味 😋❗唔好睇少細細碗，食完都幾飽 🤭▫️▫️完！▫️▫️

天后甜品😘😘😘甜在心頭天后電氣道、餐後仲有感覺、吃埋甜品最為滿足、被色彩耀眼招牌吸引、除了傳統港式糖水外、台式芋圓、泰式刨冰等等⋯琳瑯滿目😋😋✨薑汁雙皮奶$35薑汁雙皮奶以細膩的雙層牛奶為基底、加入香濃薑汁、口感滑順、帶有微辣的薑香、既清新又暖心、更滋潤！✨雪糕紅豆豆腐布甸$50用豆腐製作、成白白滑嫩布甸、口感彈牙有嚼口、甜美紅豆蓉圍邊、口感綿密、清甜可口、頂層放上雲呢拿雪糕球、好感層次豐富、讓人回味無窮。✨Oreo木糠布甸$35Oreo木糠布甸層次分明、香濃的巧克力餅乾碎與滑嫩的奶香布甸相互融合、口感鬆化、甜而不膩、令人陶醉。天后甜品天后電氣道91號地舖港鐵天后站A2出口、步行約3分鐘

呢間手工甜品店真係好正！真心好好食，真材實料🔺燒賣魚旦 ($25)呢個小食真係好特別，口感滑嫩魚旦彈牙，搭配醬汁食落去好味道！🔺芒果天后 ($55)用上呂宋芒果，芒果布甸啖啖肉西米都幾有口感，又唔會好甜真係一口接一口，根本停唔到手！🔺龍椰冰 ($70)夏天必試！冰涼清爽椰香濃郁，真係好解渴！🔺八寶芋圓 ($48）每一口都有唔同嘅驚喜，芋圓Q彈配合其他配料，最驚喜係有奇亞籽口感層次豐富呢間天后甜品真係值得一試手工甜品味道一流，係質素嘅保障

天氣凍，晚餐之後就自然好想食返碗糖水喺Google Maps嗰度search到呢一間甜品舖再行過去望吓個Menu 見到佢有刺身食所以有啲奇怪，究竟一間糖水舖究竟個定位係啲乜嘢？Anyway因為真係好想食糖水，所以就入咗去啦本身想叫紅豆沙加湯圓，點知加湯圓要$35 仲貴過我碗紅豆沙所以最尾只係叫咗紅豆沙紅豆沙都幾足料同埋甜度啱啱好有啲起沙嘅感覺俾我想像之中好食食食吓之後突然之間好大陣榴槤味原來後面嗰台啲人叫咗榴槤對於唔鍾意食榴槤嘅人嚟講呢一間係好可以堂食榴槤嘅舖頭嚟講真係一個惡夢

行過天后口痕食甜品🍮，正常就食甜姨姨，但有4間連鎖，想試下天后甜品🍮，點知中伏。入面冇乜人，有一個收銀staff煲劇，有一個男staff瞌眼瞓，諗咗皓耐都衝入去試下，個男staff醒咗serve我，女staff繼續大聲煲劇。我想叫龍眼王子🤴點知話冇龍眼，最後叫咗芋圓豆花（$40），有西米，女staff入去厨房整，芋圓太粉，豆花又唔夠滑，糖水嚟講算差，餐牌仲有壽司🍣同串燒，應該想攞多d外判生意，但應該做唔起

【灣仔區】【天后甜品】有幾日係我人生中最繁忙嘅日子，繁忙到我連屋企都冇時間返，住要住酒店，洗衫就搵全香港最傑出嘅洗衣店「優悠洗衣舍」幫我做晒我想做嘅所有嘢。而我當時係住喺銅鑼灣嘅某間酒店，所以夜晚想食糖水嘅時候，就落咗去天后嗰邊搵，但係甜姨姨冇開喎。咁就本住一個試吓嘅心態去搵吓其他甜品店嚟食，反正呢啲自費嘅飲食我可以自由啲咁選擇，亦都可以隨住自己嘅心路歷程去闖。見到有得揀 $40 嘅「豆腐花腰果露」，好有興趣，就食吓佢。味道就正正常常啦，豆腐花有豆腐花味，腰果露有腰果味咁樣囉。不過食落既然正正常常，咁都唔介意花多少少錢叫多兜嚟食。諗諗吓就叫咗 $35 嘅「桂花酒釀小丸子」，食返啲清清哋嘅嘢。咁本身都唔預佢好好食㗎喇，呢個價錢都唔係貴，佢都交出相應嘅質素，冇乜所謂。埋單價係 $75，不過不失啦，解決咗個甜品癮啫。。。（地址：天后電氣道91號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #global

｛天后甜品｝算係天后一間開業好耐啲甜品店，但每次想食甜品都唔會率先考慮佢🙈今晚就決定試試佢～舖頭客人唔多，星期五夜晚嚟講都算冷清🥶Menu好厚好多頁，不過本Menu好殘好舊，完全見得到歲月哪痕跡🫢甜品選擇非常多，仲有唔少小食串燒，連壽司、魚生、手卷都有，大包圍🤟🏻✴️芒果天后✴️由芒果布甸、涼粉、芒果汁西米露同芒果組成，盛惠$50～芒果汁無芒果味，得啲好假好人工嘅甜味，而且食完會有些微回甘味😅芒果布甸正常，但成個甜品嘅配搭唔多夾～✴️芋圓西米紅豆豆腐花✴️同想像中有出入，本身以為無咁水狀，因為平時食嘅依類台式甜品都好少會好似一碗湯咁😅最大問題係芋圓，一啲都唔煙韌，當然都唔會有芋頭、地瓜味，好耐都無食過質素如此嘅芋圓☹️

呢個故事教訓我地入食店前要先上openrice! 經過今次會學精！正如過往食評一樣，一入到鋪頭就有個女人話淨係收現金！我叫咗一個熱嘅生磨腰果露 ($35)、老公叫左個芒果冰（$55)，最初我無睇老公叫嗰碗野嘅價錢、又無留意個餐牌有寫加一，最終埋單個女人話齊頭$100，我地出返去鋪頭外面再睇餐牌先見到原來咁細碗芒果冰要$55，仲要加一！但$35+$55+10%=$100?條數點計？不過老公話$1豪比佢，以後都唔會黎！個芒果冰細碗過酒樓裝白飯個碗，點都唔值$55+10%?!個生磨腰果露無腰果味，我地兩個都係食到火麻仁味，仲要超甜，都唔知碗野點整出黎嘅！我食左半碗就食唔落去！一定唔會再黎！

芒果天后 $55芒果+涼粉+西米+芒果布甸，芒果一般唔算甜，芒果汁睇顏色已經好濃，只係一般，中間個芒果布甸都係一般，唔算好芒果味😅杏仁茶 $35呢個睇個樣都知勁淡，差過茶樓飯後糖水😅😅有十分大進步空間喎😒

食品質素平平，未見用心製作。更差的是服務員的服務態度，每個客人進店，第1句不是説歡迎，店員衹是說我們只收現金！店員對客人的服務態度，語氣冰冷，西口西面，只顧著用心打手機遊戲，完全忽略對客人的需要及照顧。很痛心，香港仍有這類人從事飲食業,絕對影響香港的旅遊業形象！今時今日，這個服務態度！相信這間店鋪，不久的未來，將會消失！但亦是必然的需要！

出來食糖水，期待小小，估唔到咁難食，仲貴，芒果冰小小一碗，同墻上post張相大唔同。食咗半碗，甜到食唔落，簡直難食到爆。失望至極，下次唔會再來幫襯。今次係第一次寫劣評，真係忍唔住。