天仁茗茶 (荃灣千色匯I)

營業中

休息中

我不嬲都飲開天仁茗茶，今次黎到荃灣呢間分店order咗珍珠鮮奶茶有啲失望。佢嘅茶底都幾啖， 好似全部都係奶一樣😓雖然飲落都係好味，但只係有好少好少嘅茶味。 不過珍珠就做得好好 ，非常彈牙煙韌!! 加返分!

今日去千色店行街，突然想飲嘢，心裏面諗住一係飲果汁，一係飲天仁茗茶，最後因為好就腳所以揀咗佢。平時飲開珍珠鮮奶綠，今日想試吓新野，咁岩又熱氣，所以揀咗黑鑽鮮奶茶，即係有涼粉嘅奶茶。喺味道方面，叫咗半甜少冰，但係佢個茶味都唔太突出。仙草係幾吸引，幾爽口嘅，但係個紅茶真係差啲。如果有仙草奶綠就好啦，睇過個餐牌好似唔多見，下次睇真啲先！

本來是說要吃晚飯🌙，但今天心情有點複雜🤯，老公🍋見狀馬上提議先來一點甜的🍨，畢竟糖份能令人開心嘛🤩。經過這家店📍，就想說來一個鐵觀音雪糕吧🍦！可惜店員說已售罄了😭… 沒關係吧🤫，來一個綠茶的也好🍵。御選綠茶霜淇淋🍦：霜淇淋跟平常我們吃的冰淇淋是不一樣的😏，雖然大家都是以乳製品作為原料🍼，但霜淇淋口感則比較軟😌，另外霜淇淋須以特殊的機器💻，一邊保持冷卻❄️，一邊持續攪拌⭕️，融化的速度也相對軟快😲。這家的不但口感柔滑細緻😋，啖啖都有著綠茶的清香😍，也沒有苦澀味👍🏼，為悶熱的夏天帶來了點點小清新🍃。總結：不會太甜👌🏼，茶味香濃🍵，除了飲品外🥤，這也是一個很好的選擇🤩。可惜價錢上是偏高的🤔，但下次人妻🐷還是要嚐到鐵觀音口味喔😎！

一向都覺得o向眾多飲品店中，以天仁茗茶最為突出，所以無論去開邊區開工、行街，都總會搵一搵附近邊到有天仁。黎開荃灣就多數會去荃灣廣場買，但無奈前排裝修，就黎左千色匯呢間買 過程都幾唔愉快我：...............「要茶濃、微糖、少奶精丫唔該」收銀員工：「少奶精即係茶濃」我：「唔係喎，平時其他地方都出到茶濃喎」收銀員工：「咁打返囉」Um......我都叫做係客人丫，禮貌少少可以嗎今時今日咁嘅服務係唔夠架，但真係周圍都係咁飲品調配員：「茶濃即係點？」員工B：「少奶精即係茶濃」如果一樣，部機整兩個制俾你地做乜呀！！！仲有杯鮮榨水果綠茶，起勢咁擠果支檸檬汁定咩汁，杯野酸到叫救命🆘成班員工自己向度傾計講笑，認真少少做好杯野飲俾我地得唔得呀！！！雖然唔同人整，手勢有唔同，但都係果啲材料，員工培訓可否認真少少！？真係忍唔到要走黎寫幾百字，麻煩睇到嘅可以嘅這，請改善一下服務與工作態度，唔好枉費我地一路嘅支持呀

平日黎天仁都飲開913茶王，走冰，走糖。有時飲珍珠鮮奶茶，貪佢稍為健康 d , 唔洗飲咁多奶精，加上天仁係用 meji 的鮮奶，所以我都幾鍾意今日收工同同事本身去東海堂想買雪糕，點知無曬紫薯，就突然醒起樓上既天仁有雪糕，加上未試過，就走上去試試。我同佢都各自點左杯鐵觀音雪糕。一放入口，我完全無估到會係呢種味，上面有 d 茶葉粒一點點，覺得都幾真材實料，實感都幾滑，佢唔係好實既果種雪糕，但係我覺得個味岩岩好，茶味出到黎。可以揀筒或者杯裝，但基於陣間要行街，所以揀左杯裝，可以食得乾淨少少下次都會再食，鐵觀音雪糕，畀個 like

超級鍾意飲珍珠奶茶嘅我，真係去到邊都會想飲，而當中我嘅最愛非天仁莫屬，多分店，水準高，會好認真咁沖飲品。雖然其實我都幾鍾意茶湯會，但有時又唔係好就腳，同埋啲珍珠比較細，好難咬。荃灣千色店呢間成日都飲，so far so good，就算好多人排隊，我又諸多要求，都仲沖得好好。呢日比較夜去，綠茶冇哂，所以轉左飲913奶茶～食餃子食到好飽，飲下烏龍茶消下濟都好。茶味香濃，好飲回甘不回苦，叫無糖剛剛好，咁先突顯到茶味。雖然唔係鮮奶茶，但奶味都好濃，亦都唔粉，其實都唔係好覺係奶精黎。坐左陣見到員工拎掃把出黎清潔，睇一睇先發現原來夠鐘收工，但職員都好好，冇做任何舉動趕我地走。

就算幾好飲，用心沖才有用。剛好有時間見冇人排隊，米買杯珍珠鮮奶茶飲下，order個陣只不過遲左一秒講要熱嘅。佢一轉身勁快手差不多沖完。我即刻番轉頭講“唔好意思，要熱嫁！“點知個女職員望下我好惡甘串我講“下次早啲講啦！“我只係遲左少少講，也有講唔好意思。點解要甘嘅態度呢？我以為只對我一個係甘，點知有另一客人問佢拿飲筒，佢命令語氣甘講“係後面！係後面！係後面！“嘩……點解要對客人發惡。情緒有問題唔好番工啦。

今日經過千色匯，發現以前lab made既位置變左做天仁!!P大人超開心!!即刻排隊買返杯珍珠奶茶同埋鐵觀音軟雪糕先!!P大人最愛呢度既珍珠，軟滑有咬口，奶茶味道亦都一流，唔會太奶，茶味適中。鐵觀音軟雪糕 - 之前聽同事講過話好好食, 今次係我第一次食, 果然唔錯!! 雪糕既口感唔係好奶個種, 有D似沙冰既口感, 我鍾意!珍珠奶茶 - 一個字: 正! 我地有係第二間分店飲過珍珠奶茶, 但我地兩個都覺得呢一間新店係最好飲喎!!珍珠既口感岩岩好, 夾埋杯茶真係無得頂