天丼

營業中

休息中

舊陣時嘅越南菜就幫襯過，自從開咗天婦羅丼店都係第一次去食，每個set都好靚仔，我點咗華味鳥盛合，本身好鍾意食華味鳥，會去買一pack華味鳥雞腿肉就咁白烚都已經好好味，但就未食過天婦羅咗嘅佢。即叫即炸天婦羅要等12至20分鐘。餐嘅賣相好肆正，有幾張吸油紙墊住天婦羅幫助索油，無咁油膩，雞肉唔會柴，有肉汁，不過都係鍾意原汁原味，雞寶即雞肉丸，有調過味，反而有啲滑嘅口感，其他野菜天婦羅都好香脆，蘸加咗蘿蔔蓉嘅天婦羅汁解一解，香口脆而不膩。蕎麥冷麵好清爽，冷麵汁唔鹹。被開心果吸引住，跟餐點咗個滿記嘅開心樂園(同一店有埋滿記甜品，使乜去西貢)，四個人share試吓，香濃開心果醬汁入面有碎冰，透心涼，面頭有開心果仁碎配芋圓，Q彈又香脆，雙重口感，食少少凍嘢一解天婦羅嘅油炸感，每人食幾口甜品好滿足。

係我瘋狂睇完黑白大廚之後，就一直開始好想食天婦羅飯！今日晚餐諗唔到食咩，經過見到終於唔使排隊！就決定試吓啦！呢個天婦羅飯啲嘢唔會炸得好油，全部都好香脆。天婦羅有個特別嘅地方就係，平時一啲我唔鐘意食嘅嘢炸完就覺得好味咗好多！例如秋葵！仲有最重要嘅係個天婦羅汁，呢個汁啱啱好，又可以消除咗一啲炸物嘅油味。呢個飯嘅餸都唔算少，仲配咗一碗麵豉湯，但飲品就冇啦！佢仲同滿記甜品店做緊Crossover ，不過個甜品就冇乜特色。好似仲差過去滿記堂食。所以建議大家去嘅話食返天婦羅就得啦。

今日收工餓到一個點，午餐都無食嘅我，冬至呢晚決定要好好款待自己，點知眼光麻麻，食咗個又膩又寂寞嘅盛合。天婦羅好油豬骨湯底就是濃湯寶味道滿記甜品 - 楊枝甘露 超難食我本身都唔太食得甜，都完全覺得佢無味！痴線～真係鬼斧神工唯一可取係 天婦羅上枱係熱辣辣嘅。

今次係第2次食，非常失望☹️首先由點完餐到送到上台，足足等佐有20至30分鐘，茶都飲完一杯，最後忍唔住問職員可否跟一跟單，結果都係等佐一陣先有...其次，食物味道大不如前，可以話難食添😕隻炸蝦係人生食過最霉嘅一隻蝦2粒帶子都係難食，一啲鮮味都無其他配菜更加不值一提...而且以上所講嘅食物全部都唔夠熱，似放佐一陣先送上黎😵‍💫朋友個碟有舊天婦羅仲誇張，炸粉多過啲肉，食完舊炸粉都飽哂啦🫠呢個價錢食咁嘅質素，完全唔值，唔會再有下一次……

有野做要去屯門，心血來潮突然好想食天婦羅，所以去左市中心附近連住個商場食天丼。之前多數都係去形點個間。▪︎餐牌▪︎▪︎巨星天丼▪︎$89巨星天丼裡面有 黑虎蝦、青森帆立貝 、魷魚、蟹柳、紫菜 、本菇、四季豆。已經食左天丼好幾年，鍾意佢既天婦羅熱辣辣又唔會好厚粉漿。佢個天婦羅個汁醬都好好味，送飯一流。食飯時間成日見天丼都排長龍等位🤣▪︎餐牌▪︎▪︎餐牌▪︎之前試過甜品同凍檸茶都唔錯，不過今次就無叫到野飲了。

流心蛋 豚軟骨重 set lunch豬軟骨 炆得入味，軟骨軟淋，肉質都軟淋，有2舊肉有d 鞋口流心蛋 十分滑，唔小心弄破，撈飯同 飯素一齊食，好好味配菜有豆角、菇 都冇草青味，味道淡淡地，唔錯飯量偏少，肚餓/男士 未必夠食麵豉湯 正常味道熱菊花茶 唔係特別出色，正常味道

超級推介穴子海老天丼因為得哩款先至有穴子 , 穴子超大條好吸睛 , 同係其他日式餐廳食到既唔同, 魚油好香, Texture 好juicy 唔會乾身, 好好食而且佢地天婦羅炸漿薄身, 及唔會好油黑虎蝦 •穴子•本菇 •蟹柳茄子• 四季豆•紫菜記得要叫埋甜品和麻糬 , 麻糬texture 似台灣牛奶麻糬 , 好香牛奶味, 配埋花生碎

🍤 巨星天丼  $87(黑虎蝦·帆立貝·魷魚·蟹柳·紫菜·本菇·四季豆)炸漿做得夠薄同脆, 魷魚同本菇係有驚喜再加埋秘製醬豉油配珍珠米, 特別好食🍤 天婦羅蕎麥麵 (冷麵) $88(黑虎蝦2隻·蟹柳·茄子·蓮藕·四季豆)依家天氣咁熱食冷麵就最岩, 凍既蕎麥麵沾上D湯汁, 食落透心涼, 另外總有山葵同蔥比你調味～～～～～～～～～～～～～～～～～～～～～～📍 天丼Tenya地址:屯門屯隆街3號屯門市廣場2期1樓19號舖※※※※※※※※※※※※※※※※※※※※※※※※※※※ 

一路都鍾情於天婦羅，就見到屯門有一間專系食天婦羅的餐廳，就帶屋企人試試佢，因為家人都中意食天婦羅😋我地叫就叫左三個餐分別係天婦羅熱鳥冬，天婦羅凍烏冬，巨星天丼天婦羅🍤外脆內軟食落去淡淡都係肉，肉質仲好彈牙，天婦羅蔬菜都好好食，全部炸出黎好新鮮😋

「天丼てんや」的定位屯門市廣場。是走平價天婦羅的「天丼」路線而價格也比日本高水了一點點，一個丼飯差不多接近$100，差不多一碗拉麵的價錢，CP值勉強過得去。天丼てんや的Menu主要是賣天婦羅定食，可是其配搭不只丼飯，也可以配烏冬或蕎麥麵，選擇以連鎖店來講算是豐富。食材方面不算很濃味，或者說有些淡口，都被脆炸香味醃蓋了，算不上出色；但該有的口感還是有的，這方面在虎蝦的爽彈肉質上更能體現。此外它所用的天丼醬油真的頗出色，比起坊間稍甜一點，且還帶鰹魚味，不止淋天婦羅，就是直接送飯我也覺得好食。味噌湯: 所送的味噌湯明顯是沒咩味道，較為淡口。

平時去屯市，多數係食壽司郎或者拉麵，上星期無意中發現有天丼天婦羅，上次因為落場時間，所以冇緣食。今日終於有機會食喇。11點半去到，岩岩開門，唔駛等位，即刻可以入座。餐牌大約有8款天丼選擇，另外仲有幾款定食。我地一心想食天丼，所以毫不猶豫揀左巨星天丼。有虎蝦，帆立貝，紫菜，菇，魷魚，蟹柳各一，仲有兩條四季豆。店內已張貼告示，天婦羅即叫即炸，所以需要等15-20分鐘。落左單後計，真係剛剛等左20分鐘就到。賣相豐富，初初以為飯會比較少，但食完都好夠飽。不過汁略為少，枱上有天婦羅汁，可以自己添加。各款炸物都好新鮮，特別係虎蝦，口感爽口彈牙，炸漿岩岩好，唔會好厚，完全食到虎蝦鮮味。魷魚就比較遜色，太淋，冇乜特別。如果想食平價天婦羅丼飯，呢間值得推介，$100唔駛就可以食到天婦羅。

位於杯渡路輕鐵站行幾分鐘路到的餐廳。食物即叫即炸，確實新鮮，略嫌量少，新材普通，雞肉較為鞋口，蝦不大隻，食哂一碗飯，好飽足，食肉獸者得不到滿足感，一試無防，再試就免。仲有提提大家，該餐廳係不收現金！

之前已見屯門開咗天丼，今日lunch 的起心肝去試下天丼環境不錯，檯與檯之間空位較多，不會予人焗促之感一坐下，待應便給我端上一杯麥茶用手機QR code 落單， 我點了天婦羅定食烏冬（豚骨白湯）不消幾分鐘， 職員就將定食送上天婦羅賣相不錯，有兩隻黑虎蝦、蟹柳、茄子、蓮藕和四季豆，烏冬份量頗多先試下個湯底，好濃郁的豬骨湯，很鮮甜可口，烏冬既滑身又煙韌。我是一啖烏冬一啖湯，最後只飲剩少少湯底天婦羅味道正常，黑虎蝦都幾大隻，頗有蝦味這頓午餐吃得十分飽足，本來想試下天丼的甜品，但我真的吃不下了，唯有留待下次吧

又係收工去屯門練箭前搵埋老友食晚餐，老友建議話黎呢間天丼食，睇返資料係專食天婦羅既餐廳，仲要係日本過江龍，咁一於黎試下啦。夜晚7點左右黎到唔洗排隊，店面都唔算好細，都有十幾張枱，格局都幾有日本風味，餐牌食物款式唔算話特別多，離唔開都係天婦羅配飯或麵或烏冬，主要都係炸野，桌上會有d調味料，落單用QR code，另外餐廳會免費供應熱麥茶無限添飲，麥茶麥味好濃，我覺得幾香幾好飲。天婦羅蕎麥冷麵先講講麵，麵質地都唔錯幾爽口，跟埋個凍湯加d芥辣好夾，天婦羅有黑虎蝦，蟹柳，蓮藕，茄子同四季豆，天婦羅炸得都算剛剛好，不過上枱時未算係好熱果隻，整體上味道幾唔錯。淺草海老天丼老友揀既，有3隻天婦羅蝦，其他都係蔬菜類，米飯睇落唔似用珍珠米，老友話d天婦羅擺係飯上面搞到d炸物無咁香脆，影響左口感如果分開擺會好d。八爪魚天婦羅另外加份小食，八爪魚都幾粗身，但無乜特別，我覺得普通啦。整體黎講食物質素算是不錯，高質又稱唔上，好多日式餐廳都做到既水準，全部都香口野，不過選擇就真係唔算多，主要食天婦羅，環境方面都幾舒適，店員添茶都算幾密幾勤力，呢方面都唔錯，價錢方面算是中規中矩啦。

🎀東京過江龍天婦羅專門店 進駐屯門😋🎀🕯️店名* #天丼🕯️🔮地址*屯門屯隆街3號屯門市廣場2期1樓19號舖 🔮🗾分店地區🗾 屯門,元朗,紅磡,將軍澳,青衣💰價錢$198 已加一(2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_屯門剩系食呢一類👉食物類型搜尋🔍🍜#pickyme_天婦羅#pickyme_日本菜➖➖➖➖➖➖➖➖➖➖➖➖➖🎵餐廳環境🎵店面到店內都十分有日式感覺店外會展示菜式的模型 十分真實 好吸引食慾桌椅採用木製 燈光使用黃燈 增加溫暖感音樂為日式純音樂午餐食既時候都比較多人 有d嘈吵🍽️食物質素🍽️過黎食之前都有睇過好多食評 好多都贊不絕口 同埋話性價比好高😯仲話分量好多 令到我都期望好高 可惜期望越高失望越大😶唔係話難食 但未去到勁好食 有待進步！👀評分💖💖💖🪄巨星天丼 $85上到黎覺得分量偏小 天婦羅睇落好大舊 入面有黑虎蝦,本菇,魷魚,帆立貝,蟹柳,四季豆及紫菜既天婦羅 覺得甘多款蟹柳天婦羅系幾唔錯 食得出唔係平野 好厚實 而且大部分天婦羅皮薄 唔會太油淋淋！但最期待既蝦天婦羅反而覺得炸皮偏厚 食得出唔係同蔬菜一樣就甘包一層薄炸皮 反而系掩