天丼てんや

營業中

休息中

天丼｜青衣暫時係香港食過最好味的天婦羅，食過好多次水準都好高，睇下隻蝦尾幾靚，食多少都唔厭😋🍤天婦羅蕎麥麵(醬油湯) $78店員介紹配熱蕎麥麵醬油湯較好味，天婦羅組合有黑虎蝦2隻、蟹柳、南瓜、蓮藕、四季豆。天婦羅唔會好油膩，粉醬厚度岩岩好唔會好厚，📍 青衣城地下G02號舖

突然之間好想食日本嘢，喺青衣好似冇乜特別邊間好出名嘅日本菜，所以就係openrice睇吓有咩好介紹😆😆餐廳細細間，位置唔多，但係都坐得好滿人！感覺上都算好迫，如果要同朋友想正整地傾吓計嘅話就一定唔係一個好選擇！價錢係好合理而且到算性價比幾高！叫咗上天丼$63好豐富，有虎蝦兩隻，蟹棒，蓮藕，茄子，四季豆，全部天婦羅都算整得幾出色，天婦羅嘅炸粉用得恰到好處，而且炸得都唔鬆脆，望落去都好靚好吸引！炸蝦好吸引，而且仍然可以保持蝦肉幾彈牙，算好新鮮👍🏻👍🏻

去完迪士尼後，搭車到最近的青衣城搵食。呢間餐廳曾經喺元朗嘅分店幫襯過，我覺得唔錯，所以就再嚟呢度幫襯。一如既往，呢間餐廳都係好多人排隊，所以今次都係要等至少20分鐘先入到。照舊嗌咗一個，冷烏冬配天婦羅，再加一個茶碗蒸同兩嚿茄子。烏冬分量偏少，烏冬配上凍冰冰嘅麵汁，再加脆卜卜新鮮炸起嘅天婦羅，味道甚佳。烏冬餐唔包嘢飲，價錢有點偏貴。但出奇地茶碗蒸幾好食，下次再去嘅時候可以再嗌。呢間餐廳有用餐時間限制，所以如果係希望可以同朋友長談嘅話，就未必係適合嘅地方。

今次第一次食天丼，食完之後去日本嘅感覺番晒黎，日式裝修簡潔舒服，最緊要係佢食物質素唔錯，今次試左佢嘅蕎麥面，唔算有驚喜但同係日本食嘅味道一模一樣，天婦羅麵衣夠薄，但食左陣已經唔算係太熱，有待改善

今次初嘗試天婦羅素麵 天婦羅好好味 啲炸粉炸到啲天婦羅炸物好鬆脆 蟹柳 肉好大條好粗 茄子都好好入味 比我想像中好味 今次嘅素面就一般般 還可以接受 價錢79 蚊咬加一 都有少少貴 但質數都唔錯

尼間真系抵食之選！甘多間天婦羅過江龍比較，最抵食就系佢啦！位於青衣城，經常性要排隊。但每次去到青衣都系不二之選。🍚🍤天丼 $49 (黑虎蝦，魷魚，鰈魚，茄子/南瓜，四季豆）包麵豉湯蝦好大隻，爽脆，魷魚偏唸身，鰈魚無腥味，茄子南瓜香甜，四季豆新鮮爽脆！天婦羅炸得金黃薄脆，麵衣裹得剛剛好。食材本身系使用日本產地，新鮮好食加上天婦羅汁，好惹味~🥰🥰🤤珍珠米口感剛好，配上店鋪既靈魂醬油，可以靜系用醬油撈飯都超級好食麵豉湯：ok la，不過不失~😋😋UMAI: 8.5/10🍚🐤華味鳥天丼 $68 （雞肉，雞寶，蓮藕，四季豆，溫泉蛋）包麵豉湯肌肉嫩滑，蓮藕爽脆，溫泉蛋熟度剛剛好，配埋白飯，特質醬汁，超級美味。🥰😋😋UMAI: 8.5/10🥠和麻糬 +$16 入口即溶，如果再軟糯d就好，沾滿上芝麻椰絲，砂糖，花生，作為飯後甜品，一流~😋😋UMAI: 6/10🧀芝士天婦羅+$18 十分拉絲， 但有d膩，無乜鹹味，普通，不推介~😋😋UMAI: 4.5/10🌟整體CP值：8/10 食物質素高，抵食，一人分量剛剛好，亦有其他定食可以選擇，店員都好有禮貌，次次見親都系個個帶位。😆

餐廳無得訂位攞飛，要喺出面排隊等位，用餐限時45分鐘。我地都叫左天婦羅蕎麥麵定食同麻糬。 🍤天婦羅蕎麥麵定食 有幾塊紫菜喺麵上面，麵算乾身好夠凍又係夏天消暑一流，另附上冷麵汁含蔥同芥辣。天婦羅有7件，分別有2件黑虎蝦、2條四季豆、1條蟹柳、1塊茄子同1塊蓮藕，每件size都唔細唔欺場，炸粉唔厚食落亦唔油膩，天婦羅汁含蘿蔔蓉。對於重口味嘅我地黎講，天婦羅汁偏淡同埋如果多d蔥會更好。我地埋單先記得未上麻糬，不過食完定食坐左一陣都無送黎有機會漏左單，好彩店員好好肯幫我地取消☺️而家無得去日本食，想解住癮先呢間係唔錯嘅選擇，亦相比其他同類餐廳抵食。

好難得可以一個人享受晚餐，諗咗好耐喺青衣城食啲咩好。於是被呢間嘅天婦羅吸引住咗，於是入去一試。本身諗住慢慢嘆，點知好似同啲天婦羅比賽，要食快啲，食快啲，食快啲，因為啲天婦羅好快林晒😅同時，啲天婦羅好好好油食完覺得好膩有啲想嘔，特別係呀姐推介$25嘅八爪魚，有啲失望🥺我食咗三舊已經唔想再放落口，因為真係好好好多油，究竟點解會咁嘅？呢間係主打天婦羅，但我平時去其他日本餐廳食天婦羅都唔會油到咁架😅

當日叫咗個「上天丼」，配有兩隻黑虎蝦、蟹柳、蓮藕、茄子同埋四季豆，加多咗個茶碗蒸。等咗大約3-5分鐘左右啦，主角到了，已有少少醬油淋咗喺炸物上面，令到個炸物冇咁趣，不過個蓮藕片切得夠晒薄，好似食緊薯片咁。可能蒸要時間啦，所以呢差唔多食晒個上天丼，之後等咗大約15分鐘，個茶碗蒸終於出爐啦！茶碗蒸個蛋好滑，食材上比我想像中少，只有大家睇到嘅蟹柳、蟹子同埋枝豆，不過俾小朋友食都OK 㗎! P.s. Menu上面有好多唔同種類嘅炸物配飯、冷麵同埋烏冬，仲有一啲小食及甜品。

同朋友去完迪士尼樂園玩，最近就係返青衣城食嘢，但青衣城其實都冇咩好選擇，咁啱見到成日排隊嘅天丼冇乜人。本身我都唔係太鍾意食天婦羅，平時嗰啲天婦羅一係皮太濕，一係炸粉太厚無咩味。天丼嘅天婦羅令我留低幾好嘅印象，炸粉唔會太厚，食得出係新鮮炸起，就咁聞都已經有啲香味。我揀咗天婦羅烏冬湯麵豚骨白湯($79)，有兩隻黑虎蝦、蟹柳、茄子、蓮藕、四季豆，每種類型嘅天婦羅都可以食到好滿足。如果大家覺得唔夠仲可以追加其他飲品、魷魚、蟹柳、紫菜、番薯、帆立貝、本菇、雞肉天婦羅、甜品等。不過我哋都冇再另外加，都已經好夠飽、好滿足。餐廳本身都有提供熱茶，如果大家唔想飲咁多甜野，都可以只係飲熱茶。

近排同男朋友都好鍾意幾時過江龍嘅日本天婦羅餐廳當中覺得價錢最相宜嘅就係呢間天丼無論食物質素同埋服務態度我都覺得唔錯嘅但留意番一般時間都幾多人去排隊仲有唯獨係覺得個蕎麥麵個個醬汁相對比較淡如果濃味返多少少會更加美味仲有佢哋個甜品都好好食我自己就鍾意食牛奶麻薯煙韌得來甜甜地

天婦羅烏冬豬骨白湯 $78炸物唔錯，但內裡完完全全無味一定要點醬油佢地醬油好特別，有種鮮味呢種醬油可以獨立買烏冬湯底似出前一丁，烏冬滑溜，份量都好多，唔洗追加小食都夠飽了

呢間天婦羅炸物大大件，座位寬敞，環境又唔錯，同價錢成正比！福岡極上天丼 $98 附送味噌湯天婦羅分別為明太子大葉、鱧魚、黑虎蝦、廣島蠔、紫菜、洋蔥蜆餅新鮮熱辣烤出黎，大約要等12-20分鐘明太子大葉好得意，大葉包住哂粒粒明太子，鱧魚裡面鎖住哂Ｄ肉汁好正！洋蔥蜆餅感覺有D似食緊蠔餅FEEL, 呢隻係日式洋蔥蜆餅！脆卜卜洋蔥好甜好正！有點可惜係天婦羅放上熱飯上面，送到黎時候，天婦羅部份位置已經變淋左。。。

很多時候和朋友去完迪士尼樂園後，就會到這間店吃晚餐，像一個小旅行的路線般。天丼 $49眾多選擇中，這一款真的特別划算，$50都不用，其他的都要約$70。一碗飯就已經包括了黑虎蝦、魷魚、鱔魚、茄子、四季豆，又有魚又有菜，營養均衡啊（笑）。每款天婦羅都炸得剛剛好，皮不會太厚亦不會太薄，加入餐桌的特別醬汁會更為入味。另外每款丼飯都會送碗麵豉湯，吃完飲完剛剛好，飽飽！順帶一提，茶亦很美味，添了幾杯哈哈。這天我們額外點了一個明太子魚餅，明太子小辣，份量適中，偶然點一次就夠了。雖然六點多已經店外排了一條長龍，排了約45分鐘，不過以這個價錢來說，真的食過返尋味！

CP值極高天婦羅飯🔥🔥天丼 $49 包麵豉湯天丼有黑虎蝦🦐，魷魚🦑，鱚魚🐠，茄子🍆，四季豆😆全部都炸得好鬆脆 唔會好油 佢個脆皮都唔會好厚 但係調味方面就差少少 要落佢嘅天婦羅秘製醬汁先有味 飯嘅份量都啱啱好🍚食完好滿足🤤❤️我最鍾意食嘅係黑虎蝦🍤好大條 炸得啱啱好 外脆內軟 四季豆都唔錯 脆卜卜🤣整體都唔錯🥳只係調味差少少 不過可以用醬汁補救🤣 想食天婦羅飯嘅時候首選 $49有呢個質素 我覺得可以一試🥰