天ぷらまきの

從來都唔會寫食評，因為覺得間餐廳唔好就可以唔使再去，講都慳番。但係今次真係忍唔住要寫出嚟警世。首先，坐位已經夠迫，枱同枱之間一個人都未必行得過，某啲枱仲係坐嘅旁邊已經有人，好似搭枱咁。但係地方細又想做多啲生意，呢個都明白嘅，始終香港係地少人多嘛。然後，啲嘢食有少少遲嚟都同樣可以理解同明白，始終餐廳坐滿人，好正常，廚房煮都要時間。但之後就真係嚟料啦，我地份餐上咗枱唔夠15分鐘，就俾個經過嘅黑口黑面嘅黑衫女經理問都唔問衝過嚟收走我份餐。佢拎走完我都仲呆咗喺度反應唔到。大佬呀，翻工食晏都有一個鐘，我地食15分鐘都無就俾人趕住走，你仲要一個我得罪你嘅樣，我就算食M記都唔會咁樣俾人搶走個餐啦吓話！？點解我覺得呢個女人係經理？除咗佢著住黑色衫無制服，係因為我成餐飯都聽到佢不斷喺度大叫同呼喝其他員工。咁樣真係令到成間餐廳氣氛好差。總結係正常食飯時間俾我唔到，正常嘅餐廳環境都俾我唔到，你地午市仲要學高檔餐廳收加一，你地真係仲好意思收？有人想去食餐不受尊重嘅飯就去啦，我同我全部朋友都一定唔會再嚟，真係第一次食Lunch可以咁激氣！！…查看更多

I came to Tempura Makino, which is Japanese Tempura restaurant.The shop is located on ground floor and it looks Japanese atmosphere.The inside of the restaurant is clean and the atmosphere is really nice. When you sit the counter, you can see chef is cooking Tempura.I ordered Executive Tempura Bento for lunch. It costs around HKD200 and I feel it’s a little bit expensive, but tastes terrific!!Tempura is freshly made, and sashimi is also nice. I’m really satisfied with the lunch.…查看更多

第一次食呢間日式餐廳見到好多人排隊就諗住試吓叫咗一個餐天婦羅飯加蕎麥麵天婦羅款式好多 最出色嘅係蛋！真係好好食好少天婦羅有荷包蛋呀😍😍吉穿佢撈飯勁好食 係偏橙黃既日本蛋😋另外好似仲有南瓜，魷魚，魚，金菇，茄子全部都炸得好香脆 份量足夠蕎麥麵簡簡單單點個汁已經好好食一個餐有麵有飯相當滿足🥰仲有碗麵豉湯同一碟白蘿蔔 白蘿蔔可以中和返天婦羅婦嘅鹹味👍🏻不過價錢就唔算平🙂‍↔️但味道有品質保證下次經過都會再食👏👏…查看更多

本人都幾鍾意食天婦羅，成日去試吓啲餐廳。其實炸嘢食，要求油温、時間、處理食材，一氣呵成，唔係一件簡單嘅事，炸出嚟熱辣辣，入面仲濕潤，入口唔油膩先叫好。呢間關西天婦羅天ぷらまきの香港有三間分店，出品都唔錯。今次食期間限定沖繩阿古豬漢堡日本蛋天婦羅丼配雜錦夭婦羅定食，沖繩阿古豬漢堡非常Juicy，加上工夫滿分嘅日本蛋天婦羅，蛋汁撈飯正。仲有雜菜天婦羅，最欣賞係個茄子，非常juicy。 另外個炙燒三文魚·天婦羅御饍，有火炙三文魚刺身，大蝦天婦羅、雞肉天婦羅等，非常豐富。最後仲食咗個好出色嘅甜品，紅春香蕃薯天婦羅配焙茶雪糕，番薯天婦羅熱辣辣配凍冰冰嘅雪糕，焙茶香又夾蕃薯甜，正。…查看更多

日本關西人氣天婦羅「天ぷらまきのTempura Makino」係葵芳開左新店😍炸物愛好者又黎試新野，見到海報張阿古豬漢堡幾吸引，而且有兩個細丼飯，可以試埋佢最出名嘅天婦羅▪️沖繩阿古豬漢堡日本蛋天婦羅丼配雜錦天婦羅定食$118漢堡用上日本沖繩阿古豬，啖啖肉，口感柔軟，丼飯上面放上一隻天婦羅日本蛋，肉汁加上蛋汁滑嫩juicy～💕另一個丼主要都係天婦蔬菜，有南瓜、茄子同蓮藕等。呢到嘅天婦羅都係用上自家製炸漿新鮮即炸，金黃酥脆▪️鰻魚·天婦羅御膳套餐$128日本傳統御膳～一盒六格唔同嘅食物，有齊沙律、野菜、天婦羅、鰻魚、麵豉湯同白飯，擺盤吸引▪️輕燒三文魚沙律$58一份有六件厚切炙燒三文魚，比想象中大份，上面仲放左炸三文魚皮脆脆，口感豐富▪️紅春香番薯天婦羅配焙茶雪糕$40最鍾意佢上面嘅炸番薯天婦羅，甜甜地，配焙茶雪糕都幾夾▪️熱情果芒果梳打$38 ▪️沖繩四季柑梳打$38…查看更多

近排去左食一間好正既天婦羅店，佢地係日本關西人氣天婦羅專門店 「天ぷらまきのTempura Makino」嚴守日本總店傳統，採用自家製炸漿以日本炸爐即叫即炸🤩我叫左佢地全新《沖繩阿古豬漢堡日本雞蛋天婦羅定食》Menu，採用日本直送沖繩阿古豬漢堡扒，鮮嫩多汁，漢堡扒上放上外脆內嫩嘅日本雞蛋天婦羅，肉汁與蛋液交織的滋味，簡直是人間美味，會再番黎食🤤御膳係一種傳統嘅日本料理方式，係由多款精緻嘅菜式組合已成，我揀左鰻魚set，鰻魚好高質，入面仲有好多款天婦羅，例如南瓜、茄子、豆 ，全部都炸得好香脆🤩快啲嚟「天ぷらまきのTempura Makino」感受東瀛の味啦 🇯🇵…查看更多

今日特登過嚟葵芳新都會廣場呢間關西人氣店「天ぷらまきの」試新嘢！🇯🇵 餐廳由日本師傅監製，堅持即叫即炸天婦羅，對食物相當有堅持～ 全店木系裝修，燈光柔和仲有卡位，啱晒一班閨蜜嚟chill住食！✨ ✨ 必試全新《沖繩阿古豬漢堡定食》！🐷 漢堡扒用沖繩直送阿古豬手打而成，一咬肉汁瘋狂噴出！💦 面頭嗰隻日本雞蛋天婦羅脆到「咔嚓」一聲，蛋漿湧出撈埋珍珠飯，邪惡感滿分～😈 定食跟嘅雜錦天婦羅有南瓜和蓮藕等，外層薄脆內裡清甜超好食！ 🍱 《炙燒三文魚御膳》超有睇頭！🔥 三文魚好後好有滿足感，炙燒後魚油滲透醋飯，仲跟埋天婦羅拼盤～ 炸海老足足手掌咁長🦐 果然係御膳級享受～👑 🥗 沙律份量嚇親人！《軟殼蟹沙律》有成隻炸蟹趴喺面，咬起嚟非常鬆化🦀 《三文魚沙律》鋪滿炙燒魚片，淋上柚子醋汁好清爽！🍋 飲品大推熱情果芒果梳打，味道相當清新，酸甜味同天婦羅超夾～🍹 整體炸物完全唔油膩，$150左右食到咁豐富御膳，葵芳友真係要bookmark！…查看更多

這間來自日本關西的人氣餐廳其中一間分店位於葵芳的新都會廣場，主打乓統正宗的天婦羅料理，採用日本直送的自家製炸漿，以日本炸爐即叫即炸，還原日本總店的傳統味道。店內環境寬敞舒適，採用日系和式的裝潢設計，有卡位及吧枱座位，適合約會或多人聚會。沖繩阿古豬漢堡、日本蛋天婦羅丼配雜錦天婦羅定食 - $118嚴選日本直送的沖繩阿古豬漢堡扒，厚度十足且鬆軟多汁，有著香甜的肉香；外脆內軟的日本雞蛋天婦羅，咬開流出濃濃的蛋液，米粒吸飽肉汁及蛋味；雜錦天婦羅包括豆角、茄子、蓮藕及南瓜天婦羅，爽脆又清新，還有豆香濃郁的麵豉湯、是日前菜醃蘿蔔酸爽開胃，以及是日甜品蕨餅煙煙韌韌。鰻魚．天婦羅御膳套餐 - $128傳統的日本料理方式，由多款精緻的菜式組合而成。三塊蒲燒鰻魚外脆內軟富魚脂，散發香甜又濃厚的醬油香；雜錦天婦羅有雪白的雞柳嫩滑多汁不乾柴，又有豆角、茄子及南瓜等蔬菜，還有新鮮翠綠的芝麻醬沙律、粟米、車厘茄及枝豆平衡肉膩感，同樣有麵豉湯。野菜蝦什錦天婦羅 - $50金黃酥脆的天婦羅有多隻爽滑彈牙的去殼海蝦，又有香甜多汁的洋蔥，還有三色豆等雜菜，蘸上天婦羅汁，清新而不油膩。海苔明太子 - 70香脆的紫菜包裹著綿密細膩的明太子，辛而不辣帶點鹹鮮味。熱情果芒果梳打 - $38酸甜的熱情果和香甜的芒果更有層次，帶碳酸氣泡的清爽。菠蘿梳打 - $38酸酸甜甜的菠蘿充滿熱情風情，同樣清爽。…查看更多

這間食過幾次，天婦羅個炸漿好薄，食落口唔會炸漿和食物分離，每件炸得好香脆，廚師廚藝了得，相比之下價錢唔算貴！ 今次要特選天婦羅二人套餐，頭盤有個水雲醋物，再來吞拿魚同三文魚刺身，炸鰈魚天婦羅，虎蝦天婦羅盛合，蕎麥冷麵及柚子味雪芭。套餐出得 好快，感覺食物一早炸起晒。反而order其他定食，天婦羅來得口感仲好，不油膩，夠熱夠酥脆。另加了一個雞蛋Tempura ，食落有蛋漿流出，廚師果然手藝精湛。店內Tempura本身好夠味道，有時還覺得略咸。店舖位置不太起眼，環境座得寛敝舒服，值得再來。…查看更多

位於葵芳新都會廣場，這間天婦羅專門店,深受附近眾多寫字樓和住宅區的上班族歡迎。「Tempura Makino」提供三款不同價位的午餐套餐 - $88、$99 和 $158。我每次都會選擇$88套餐,其中包括前菜、分量十足的什錦天婦羅、鰻魚飯、烏冬和蕨餅。店家的天婦羅粉漿做得非常不錯,酥脆可口。不過,我發現他們的炸蝦似乎過度醃製,帶有些許梳打粉味。除此之外,其他菜式的味道都非常不錯。雖然這間店不太起眼,位置有些隱蔽,但絕對值得一試。高性價比的菜品,加上寬敞舒適的環境,讓這裡成為附近上班族的最愛。下次來葵芳,千萬別錯過這家天婦羅專門店!…查看更多

早兩日係IG見到有人食呢間過江龍手多多禁兩禁發現原來有幾間分店所以放工就去附近個間會一會佢！見到人地介紹二人套餐 所以我地都唔執輸，嗌番個黎試下，暫時見佢都係得呢個二人套餐（$428），兩個人食，豐富但唔會覺得滯！我地仲心多多嗌多個小食同飲品！上菜速度都好快，冷盤好快就上枱，沖繩豬耳沙律，三文魚刺身配飛魚籽，香蔥吞拿魚腩蓉手卷，輕燒帆立貝配柚子汁，時令冷素麵，同我地嗌既小食輕燒三文魚沙律都好快上枱！沖繩豬耳沙律⭐️⭐️⭐️⭐️好爽口！酸酸甜甜咁，非常開胃！又焗又熱既天氣搵佢黎開始真係岩哂！三文魚刺身配飛魚籽⭐️⭐️⭐️⭐️⭐係居酒屋級數既三文魚！新鮮唔會出水！見佢咁快上枱，以為係雪櫃即刻拎出黎，一啲都唔會有雪味亦唔硬！香蔥吞拿魚腩蓉手卷⭐️⭐️⭐️⭐️⭐超creamy！無根亦唔腥！不過師傅入面己經加左醬油，而我地又無為意，點左豉油，鹹咗少少！不過都唔會蓋過吞拿魚腩蓉既鮮味同質感！輕燒帆立貝配柚子汁⭐️⭐️⭐️⭐️因為係輕燒，半生熟既帆立貝質感雖然唔爽，但亦唔會硬！配埋柚子汁，又係好開胃！帆立貝下面仲有啲提子同士多啤梨，加埋啲柚子汁咁食，甜而不膩！可以再食多碟！輕燒三文魚沙律⭐️⭐️⭐️⭐️⭐同樣輕燒既係我地隔外嗌既三文魚沙律，呢個沙律既重點，一定係佢上面既炸三文魚魚皮！香口得黎配埋沙律唔會覺得油！三文魚仲要塊塊都輕燒過，塊塊都好厚身！時令冷素麵⭐️⭐️⭐️⭐️⭐唔可以無澱粉既我地，見到個素面超級開心！夏天食冷麵絕對係樂事！差啲覺得唔夠食！麵既質地好好，並唔係浸軟哂既麵地！天婦羅盛合⭐️⭐️⭐️⭐️⭐重點黎喇！係關西天婦羅！薄薄既炸粉，熱辣辣！忍唔住喇！唔想影相呀！我要食喇！超好食！南瓜同蕃薯都好薄，蝦唔會用梅既蝦用鮮蝦！雞肉好驚喜，好少會有雞肉做天婦羅！熱辣辣食真係無得輸！一啲都唔油膩！雜菜卷天婦羅上面仲要有芝士粉！唔使加天婦羅汁都好好味！未試過會配芝士粉！大滿足！雜菜卷既洋蔥清甜加少少芝士粉！十勝紅豆檸檬雪葩⭐️⭐️⭐️有呢個衝擊既結尾！酸酸既檸檬味加甜甜既十勝紅豆！但佢都真係相對地酸，係真正既雪葩，所以果味好濃！唔會有假既果味！飲品我地飲左香桃梳打同熱情果芒果梳打⭐️⭐️⭐️⭐️⭐兩杯都唔會好甜！果汁梳沙永遠都比人覺得清新，食完炸物配梳打真係好滿足！總括黎講係大滿足！而服務都相當好，上菜又快！地方都整潔！…查看更多

Lunch @ Tempura Makino 天ぷらまきの先點一個前菜/小吃 ....沖繩水雲醋物： 這個比較特別，並不是每間日式餐廳都有，所以每次見到，一定點來吃；味道酸酸地，口感滑捋捋，開胃又好味 ~蒲燒鰻魚丼 配 雜錦天婦羅 定食 (套餐附有前菜、烏冬&甜點) : 賣相豐盛 , 天婦羅食物有虎蝦、魷魚、鷄胸肉、茄子、南瓜；天婦羅炸得火喉剛好 , 酥脆而不油膩 , 入口即化 , 既有油香 , 卻仍能保持食材的原鮮味 ; 蒲燒鰻魚： 香口滑嫩肥美，鰻魚味道濃，也沒有細骨；米飯都煮得Q韌彈牙 , 超讚 ~本篇完 ~…查看更多

呢日行過呢間過江龍天婦羅專門店 見到佢有一個新推出嘅特上二人套餐 好似都幾多嘢食 所以就同友人入咗去試下☺️ 沖繩豬耳沙律呢個前菜有切碎咗嘅豬耳口感幾爽口 加上有少量麻油同埋芝麻做調味 更加有日式風味😗三文魚刺身配飛魚子三文魚刺身卷成花形🐟 面頭在灑上飛魚子 材料新鮮 輕輕點少少豉油吊味已經好好味香蔥吞拿魚腩蓉手卷餡料豐富 香脆紫菜入面有已調味嘅珍珠米 個人覺得呢一個手卷唔點豉油都已經好夠味😝輕燒帆立貝配柚子汁用咗柚子汁好Fresh 帆立貝幾鮮甜 配埋底下嘅士多啤梨 提子🍇 都係一個唔錯嘅小食天婦羅盛盒呢一個天婦羅包括有雞胸 番薯 南瓜 海老同埋粟米芯 仲附上一個天婦羅汁 不過個人覺得唔點都好美味😗 我最鍾意係佢嘅粟米芯 面頭落咗啲芝士粉 令到個天婦羅嘅味道有所提升 甜甜地嘅粟米芯好食😋時令冷素麵呢個素麵質感爽口 配埋天婦羅食 真係好夾🍜 十勝紅豆檸檬雪葩檸檬味好香 店員一放低個甜品已經聞到🍋 面頭仲有十勝紅豆🫘 撈埋一齊食都幾特別輕燒三文魚沙律我哋仲另外嗌咗一份沙律🥗 面頭有6片好厚身嘅三文魚刺身☺️ 面頭有輕輕炙燒過 有兩種口感🤣飲品我地嗌咗 熱情果芒果梳打同沖繩四季柑梳打 兩款梳打都好清新 酸酸甜甜好適合夏天啊😎呢個二人餐都算幾豐富 最大亮點當然係呢間餐廳嘅主打天婦羅啦✌🏻 鍾意天婦羅嘅要試吓啦…查看更多

⭐️特選天婦羅二人套餐⭐️.✨冷蕎麥麵 (x2)🍜OK啦，雖然係冷嘅蕎麥麵，但唔算好硬.✨沖繩水雲醋物 (x2)呢個幾特別，酸酸鹹鹹咁 幾開胃。.✨吞拿魚及三文魚刺身🧡三文魚冇咩特別，有啲魚子增強咗個口感，同埋擺放得好靚 好似花咁；反而吞拿魚嘅味道有驚喜‼️好大片吞拿魚卷起啲拖羅蓉，新鮮好食😋.✨炸鰈魚天婦羅 + 虎蝦天婦羅盛合🍤聽講係即叫即炸，所以啲天婦羅係比較耐先上菜，不過冇影響。呢兩樣都好多天婦羅⚡️例如：魚蝦、蓮藕、豆、粟米，擺盤技巧幾好👍🏻我地都食得好滿足😂😂.✨Hojicha雪糕 (x2)🩶本來係是日雪芭杯，不過員工話賣曬 變雪糕。呢個口味嘅雪糕都幾好食，Hojicha味十足 好香濃，順滑得嚟帶有微微冰粒感。…查看更多

如果你唔係好得閒，千祈唔好食呢間，晚餐時段黎食要等1個鐘以上，係度時甘甘咁等，無了期咁等。我呢枱野食都未到，又係咁俾下台客入，野食都未到追單又話唔夠人手，唔夠人手你就咪俾咁多人入啦。對等候時間感到非常不滿意。我希望能夠表達我的投訴和希望能夠看到改善的希望。作為一位顧客，我希望能夠在餐廳中享受美食，但長時間的等待卻讓我感到無法接受。我相信您的餐廳可以做出改善，以提供更好的服務和更短的等待時間。失望至極。…查看更多