大隻佬手工餃子專門店

營業中

休息中

Blingbling美食推介✨📍深水埗🥟大隻佬手工餃子專門店✨真係有大隻佬架🤣必回頭餃子店😍💠💠💠💠💠💠💠💠餃子係其中一樣我好鍾意食既野☺️因爲一啖有曬肉，菜同carbs🤣而且又好味，岩曬我呢d懶鬼🤣🤣同埋見個店名同logo好搞笑，所以就入黎試下，點知真係見到大隻佬本尊🙇‍♀️失敬失敬🤣💠花膠香菇鮮肉餃（8隻）配 椰子鷄湯 $62第一次食有花膠既餃子‼️😍一向都好鍾意食花膠，但真係無諗過可以用花膠做餃子餡😍每隻餃子都好足料，好大隻‼️同鋪頭名一樣，係大隻佬🤣🤣另外想讚下鋪頭既菜脯🧡調味岩岩好，鹹辣剛剛好，同餃子一齊食超夾😍椰子鷄湯超級清甜，飲完都無口渴，係原汁原味既椰子鷄湯😍而且仲有湯料，有兩舊鷄🤣鷄肉都好入味，而且唔鞋，好有驚喜😆唯一係餃子略爲煮耐左少少，皮好容易爛，不過唔影響味道~💠招牌擔擔麵 配 白菜鮮肉餃（2隻）& 韭菜鮮肉餃（2隻）$91招牌擔擔麵原價$58，追加餃子$7/1，雙拼餃子+$5~擔擔麵唔算好濃味，不過都好香🤞麵都好食~餃子一樣多餡~ 好味☺️餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋/5性價比：💰💰💰💰/5

分別叫咗兩個湯餃套餐白菜豬肉餃（八隻）$62加$8紅棗杞子花膠雞湯（店舖推薦必試）⭐⭐⭐餃子餡料豐富大隻但皮偏厚，湯底反而比較出色，雞有三件花膠明顯有一大塊加一小塊顏色味道濃厚，個人認為湯底比較餃子更出色👍黃金鹹蛋黃鮮肉餃（八隻）配鮮松茸雜菌雞湯另加麵⭐⭐餃子餡料亦同樣大隻，但鹹蛋黃味道死鹹，食唔出鹹蛋黃嘅味同豬肉嘅鮮松茸湯對比起紅棗杞子花膠湯略為差，湯底整體只有鹹，飲完之後需要飲大量嘅水🤦整體上食材新鮮足料但味道偏鹹~

之前試過一次覺得啲餃子真係又大隻又好味今日放咗工滿心歡喜，諗住再去食一次叫咗一份韭菜豬肉煎餃再叫多個花膠雞鍋加$8轉雞髀餃子係唔錯食雞鍋嘅時候，發現啲腐皮酸咗我哋一開始細細聲好聲好氣同職員阿姨講個職員阿姨行入去廚房同老闆娘講見到佢哋喺廚房講咗幾句，但係好似冇乜表示老闆娘行過亦都沒有任何表示我哋又叫住佢同佢講啲腐皮酸咗然後就嚟料啦老闆娘面色唔特別好同我哋講，多謝我哋話俾佢知，但係佢而家已經喺廚房嗰度煲緊啲腐皮，如果佢試過啲腐皮唔係酸嘅話，就等於唔係酸我聽到之後就呆咗佢哋廚房入邊啲腐皮如果唔係酸，就代表剛剛我喺個口入邊嗰舊腐皮唔係酸？ ？ ？然後老闆娘個仔，即係大隻佬餃子個大隻佬，亦都喺旁邊表示佢食咗啲腐皮冇酸咁即是冇事，啲腐皮真係唔係酸我？ ？ ？然後老闆娘就施捨咗一碗新嘅腐皮話俾我哋我退返俾佢，我話我唔要，我唔係要免費嘢，我唔係要唔俾錢嚟搞事或者玩之後過咗一陣又無端端話俾一紮金菇我哋我話我都係唔要，都講咗我唔係要免費嘢由始至終餐廳冇一個人係有講過一句唔好意思冇下次

深水埗欽州街有即日新鮮包嘅餃子同一人一鍋自選菜。佢哋嘅湯多羅羅，有紅棗杞子花膠(+$8)，藥膳雞，醉雞，椰子雞，胡椒豬肚湯等。餃子方面就有我最鐘意食佢哋特別自家製嘅黃金咸蛋黃餃子。豬肉都唔係好肥，而且份量十足。食完8隻都幾飽，重要湯料十足，食埋啲揸佢，問你飽唔飽。佢哋嘅招牌一人一鍋可以轉要兩隻餃子，已經跟粉絲，多多大白菜，冬菇，金針菇，腐竹，韭菜，仲有自選菜。我就試過花甲蒜蓉湯(小心湯底有沙)，同酸菜魚。

大隻佬手功餃子，原來真係有大隻佬做生招牌1個套餐有八隻餃及8款養生湯水選擇，我選左隻拼，芝士栗米及黃金咸旦黃鮮肉煎餃配胡椒豬肚湯。芝士栗米餃，芝士剛剛好，唔會太濃，我自己喜歡，不過煎餃過火左小小。黃金咸旦黃鮮肉餃，好新鮮旦黃油都出曬來。養生湯好足料，正！唔想咁熱氣，又可以選湯餃我另外選花膠香菇鮮肉，3樣才料好夾，香菇又切成簿片，入口好香滑，配埋紅棗杞子花膠湯，重可以加麵底，樣樣都足料。另外，重有火鍋選擇，材料跟餃子套餐差不多，但聽隔離枱講，好足料好好食，下之可以試下。

這間店舖食餃子就OK，打邊爐不合格，因為佢哋唔係用Gas爐、也不是用電爐 打邊爐，佢哋用炭精煲住個鐵鍋，大約15分鐘炭精就用完，我嗌咗兩個花膠雞鍋追加咗四個餸，用完第二粒炭精我們都未烚完食物，準備加第三粒炭精服務員話第三粒要收手續費每粒兩蚊，當時我聽到這番說話突然好驚訝，每次烚食物需要煮滾才可以食係需要時間的，不能半個鐘頭內就可以食得晒，我要加到第三粒炭精才煮熟完其他食物，但偏偏要收第三粒炭精手續費，這樣無理收費根本就係唔識做生意，唔怪之得咁多香港人不想消費買玩食，唔怪之得香港食肆咁多做唔住執笠係有原因的。我上網查過這些炭精非常之平物品供應比打邊爐用嘅或者供應比燒烤用，竟然愛嚟做收費工具。我以後唔會幫襯這間食肆

呢一間個名佢話食餃子，可惜佢啲湯仲出色過佢啲餃子呢。見到個名叫大隻佬好想知道究竟間餐廳係咪有好多大隻佬喺度🤣但入到佢又唔發覺好多大隻佬，點解佢叫大隻佬會唔會因為樓上有間724，想吸引啲大隻佬落嚟食呢？🤣講返今次，我叫咗個粟米湯同埋煎餃子，個湯真係煲得好濃，好友老火湯嘅味道，粟米亦都好甜，真心唔錯。到個煎餃，煎得到香脆，可惜個餃子皮偏厚，入面d餡料好似調味不足咁，食完之後都唔係好食到係咩味道咁。一般。如果佢可以分開湯同餃子咁賣，我諗我都會專登嚟買湯飲，因為佢有幾隻湯都想試吓其他，但係餃子佢真係要再好好磨練下先好叫自己做餃子店了

Threads 度見到推介話新開大熱啲湯好咸，完全唔係自家煲，親眼見到佢剪開一包包嘅錫紙真空袋倒湯胡椒豬肚湯，一啲胡椒味都冇，咸菜就有，勁咸！另外果碗比較好咋，都係好咸啲手工餃子🥟我叫流沙咸蛋鮮肉餃，啲肉一啲鮮味都冇，咸蛋碎粒一啲都唔流沙，仲要煎到穿哂皮，都係咸字！另外果碟粟米🌽啲粟米唔係新鮮超甜粟，係有渣果啲粟米粒，兩碟都係好咸。菜脯又唔辣得個咸字，買返黎又冇處理過咁。最嬲係勁多人仲要排隊，仲要搭枱先食到，我果張枱仲要冇冷氣，好多人叫火鍋，我熱到hihi家庭式經營 個亞爸亞媽好亂 送錯枱 啲人又唔自己睇下 除左筷子之外其他叫你自助拎嘅食完之後今日起身連吞口水都痛應該係碗湯真係太咸廁所又見到小強見到咁多人排隊又全場滿座….我真係唔知有乜好食喇難食嘅餃子黎講同豐信有得揮

首次光顧，我不是大隻佬，店內人員及客人也見不到大隻佬，未知大隻佬會否出現。點了大辣擔擔麵及流沙咸蛋黃鮮肉煎餃配味菜胡椒豬肚湯。擔擔麵上枱，可惜感覺不到大辣，隨後立即加添桌上辣菜脯，還未能解辣引。豬肚湯足料，餃子餡料新鮮，味道還可以。我會希望份煎餃真有流沙咸蛋效果，又或者在餐牌上取消流沙二字也可。自助掃碼落單，整潔光猛，我入座接近晚上九點，感覺寧靜舒適。見餐牌有好幾款一人一鍋菜式照片，睇落吸引，會再光顧試吓。😅

經過見到有間新餃子舖便走入去試吓，佢除咗餃子也有一人雞煲。叫咗個流沙鹹蛋黃鮮肉煎餃八隻配味菜胡椒豬肚湯，湯不用加錢共6 2蚊。味菜胡椒豬肚湯份量足，湯料都不少，十分夠胡椒味。煎餃子🥟的皮夠薄，不太大可一口食曬。值得一贊是坊間好多煎餃都係炸的，但這間真的是煎👍🏻，個底也煎得脆。流沙咸蛋黃鮮肉餃鮮肉都多，但咸蛋黃味便不太覺，也沒有有流沙。唔知係個湯定煎餃，感覺上味精比較重手，食完一陣間面頰兩邊已有些麻。

位於深水埗有間餃子專門店，我咁鍾意食餃子一定要去試吓。雙拼餃子白菜鮮蝦鮮肉餃韭菜鮮蝦鮮肉餃兩款餃子煎得非常香脆，餡料又多，最緊要味道好，沾上秘製辣椒醬同埋醋，好滋味食不停。最近更推出各款鍋，今晚同朋友一齊食叫咗三款鍋招牌金湯花膠雞鍋湯底非常鮮甜，鋪滿了花膠，雞又嫩滑，仲可以加米線胡椒豬肚雞鍋湯底充滿胡椒味，加流沙鹹蛋黃豬肉餃，仲有¼嘅雞好豐富金湯酸菜魚鍋大大嚿魚肉配上酸菜，加上薯粉，每款鍋都好多雜菜，金菇菜，腐竹仲可以加米線，薯粉，仲有好多不同火鍋材料選擇。麻辣肥腸肥腸彈牙，麻辣惹味麻辣松花皮蛋松花皮蛋質地滑嫩，麻辣香味，口感豐富

話說今日收咗工去深水埗剪髮之後，冇咩想法食咩好，就不如搵下新嘢食發掘下福華街附近啲食市，發現最近其實深水埗都開咗好多新嘢食，行到去靜少少黃金對面，發現福華街有見新鋪頭，原來係大隻佬手工餃子呀💪，個老細真係好大件，成個健身教練咁不過好好傾，佢介紹第一次可以食招牌花膠湯底，好我就試下招牌菜，原來真係有用花膠熬豬骨湯，叫咗一份豬肉韭菜湯餃子，一個字正！花膠湯夠濃，已經喺個湯底度見到3-4隻花膠，而餃子味道係傳統上海餃子風味，好耐冇食到呢種味道喇，爽呀！然後再叫咗個鹹蛋黃煎餃，都真係做出真功夫，邊夠脆而且充滿鹹蛋香味，香港依家冇呢啲正餃子食喇，支持手工用心製作！

有朋友介紹這間店，叫我過來嘗試一下，一試難忘，食物新鮮,養生湯底鮮甜，唔咸唔油，完全無味精，餃子唔薄唔厚，正餃子食時很多水，點了韭菜鮮蝦，鮮蝦亦沒有變味和彈牙，簡直一流！還會再過來光顧！

湯餃再選花膠湯要加$8 但非常之值 仲有幾款唔洗加錢嘅選擇 但因為網上推介花膠湯 就完全無留意其他選擇係乜 而花膠湯除咗兩片花膠之外 裡面仲有用豬同雞去煲 非常足料夠味係我香港餃子店飲過最好味嘅湯可惜嘅係餃子店嘅主角餃子相對平庸 呢款係白菜鮮蝦餃子瘦肉比例較多 口感比較鞋 當然我知肥豬肉cheap啲 但都需要比例均衡先好食嘅鮮蝦細隻又無蝦味 令人覺得有冇蝦好似都冇分別 8隻入面仲有1隻是無蝦的白菜有小部分已變黃 無咩菜味 可能不夠新鮮店員服務態度親切 店裡望落都算乾淨 為咗碗湯都值得一試

11月26日食晚飯，兩個人食一個叫湯餃加花膠湯一個叫煎餃加花膠湯，睇住隔離枱遲過我地落單，食物比隔離枱先，然後隔離枱話送錯。舖頭收返果碟隔1，2分鐘就送返一啲我嗌嘅過嚟。即係將原本人地果碟送嚟我果枱，餃子上面仲有個窿。問職員呢啲係咪隔離嗰啲佢話唔係，但係碟餃子係凍嘅（平時正常煎餃都要等20分鐘）幫襯咗幾次，估唔到只係為賺錢，對食物冇要求。湯係好飲，湯餃煎餃都好食，但好食係好食，唔會再食下次。🥲🥲