大阪王將

營業中

休息中

又係喺觀塘搵食嘅一日😗今日去食APM food court😗🌟王將餃子6隻+日式炒飯+汽水 $68餃子嘅味道同一般拉麵店食到嘅一模一樣，外皮煎得金黃脆口，內餡係基本嘅豬肉餡，另外有兩包餃子醋，一客有6隻，size都算正常😗 套餐包嘅炒飯份量真係偏細，女仔食都可能唔夠飽🫣飯粒炒得幾乾身，唔會太油，但鑊氣就爭啲。配料方面落咗好多蔥同豬肉粒，豬肉粒都幾大粒，但整體食落冇乜特別記憶點。-總括來講，呢間嘅餃子同炒飯味道正常冇乜驚喜，男仔就應該唔夠飽啦🤔

$54 6粒價錢偏貴，冇諗到會差到咁，完全不能接受，落完單俾完錢唔夠三分鐘已經出到餐，好明顯已經唔係即叫即煎，食落除左個汁正常之外，餃子皮係淋既，少少脆邊都冇，啲肉仲係微凍😂好似整完擺左成個鐘再食既感覺，衰過自己超市買包冰鮮餃子反去用微波爐叮，你地就係咁樣賺消費者既錢？

今日晏就去左觀塘APM食飯知道大阪王將啱啱開想試吓，叫咗個炒飯加餃子餐$68一罐嘢飲等咗10分鐘左右個炒飯就唔使等嘅一早就已經畢咗出嚟餃子要煎，一食個一炒飯係微暖嘅擺左好耐咁仲要味道勁差個飯似唔係用冷飯炒啲飯好腍黐住晒又凍又冇味可能用啱啱煲完啲飯炒黏住曬咁樣同日本嗰個真係爭超遠真係唔想食俾咗老公食太難食喇但係唔想嘥嘢，老公一路食一路話香港嘅大阪王將出名難食唔知點解我會嗌，好到食個餃子都係難食雖然佢煎得有啲脆個面但佢啲肉同埋個皮好分離感覺好唔新鮮難食過自己喺超市買嗰啲急凍日本餃子，唉真係冇下次，仲有罐嘢飲係超級迷你版嘅汽水，唔抵食唔知食咗啲乜。

原味餃子 $48即叫即煎的餃子，一份有六件。餃子皮都算薄,經煎香後微微帶有脆度。餡料由豬肉和椰菜混合而成，帶有一絲蒜香，內餡都算juicy。這款餃子的味道和市面上的急凍王將餃子一樣，超市12隻急凍王將餃子只售二十幾塊。日本堂食原味餃子售價也只需290日元😬但在香港food court 吃要$47，香港高昂的租金成本真的令百物騰貴。總的來說，這家餃子雖然味道可以，但價格對比同類產品可能略顯偏高。對於追求高性價比的食客而言，可能需要另尋其他選擇。

大阪王將餃子再次登陸香港, 今次開喺觀塘APM美食廣場, 地點算係方便。星期二下午2點去到, 唔算多人, 但都等咗十分鐘。叫咗個炒飯同原味餃子,  套餐 $68, 包一罐汽水。餃子同平時自己超市買嘅一樣, 皮薄餡多汁, 好味。炒飯份量略嫌太大, 好食嘅但食唔哂, 下次散叫一份餃子同雞翼可能都夠飽。整體嚟講算係唔錯, 唯一可以改善就係等得有少少耐。下次去試埋雞翼同明太子餃子 (見到幾個人都叫明太子, 應該都唔錯)

🥟🥟🥟就係超市買嘅大阪王將🆗胡麻芫荽餃子6隻-$52Food Court 黎講，單點價錢一啲都唔平，原本以為會有啲驚喜，喺餡料裏面包咗芫荽，但原來唔係。只係用超市$19.9買到嘅一包大阪王將餃子煎好，再是但灑啲芫荽同胡麻醬喺面，性價比極低，因為自己整一啲都唔難，唔使$20都做到。我諗其他嘅調味都應該一樣，餃子都係原味，只係面頭的醬料唔同，懶嘅話可以喺度食。畢竟佢都算係新鮮煎起，仲熱辣辣嘅，煎得都靚。