大門橫丁串燒手打烏龍麵店 (厚福街)

營業中

休息中

大門橫丁既蕃茄湯底 簡直係蕃茄控心頭好❤️❤️❤️真心推薦 一試難忘今日同兩朋友去三個都不約而同叫左蕃茄湯底其中係辣味蕃茄湯底相對辣味唔出 蕃茄唔濃 同左員工反映點知比左中式辣椒仔比我地🤦🏻有啲失望其他串燒都正常發揮 熱辣辣 又香口呢個烏冬加濃郁番茄湯配搭好平常 但食洛口係絕配 但估唔到有咁好食一碗吃過就難以忘懷的蕃茄湯底烏冬配搭任何主菜都會唔令你失望！☺️☺️濃郁的香氣 再一加一淡肉 融入口中幸福感覺 自然來 😆價錢親民

見到期間限定呢D字眼仲要係日式串燒，即刻覺得一定要試😂注意只限堂食先有架！·🍢 串燒丼飯任選四串+飲品 (HKD 59)我就叫左鹽燒豬腩串、鹽燒雞翼、黑椒蜜糖脆皮腸、汁燒雞肉串。而朋友叫左鹽燒豬腩串、鹽燒靖魚、汁燒饅魚、辛辣雞翼。串燒即叫即燒，好難得串燒嘅肉仲保留到肉汁，皮脆肉滑，非常香口！味道頗為驚喜，質素真係唔錯！仲有唔同風味嘅醬汁可以揀返🤤由於串燒係即叫即燒，所以有一定嘅等候時間，我個碗等左大約25分鐘，而朋友個碗就大約15分鐘左右，如果想午飯黎食就記得預返時間啦！😜

自己一個行尖沙咀諗住平平地食個lunch咁岩今日天氣又涼涼地 想食熱野 係The One附近見到呢間手打烏冬價錢親民 湯底多選擇 入左黎試試本身想order 豬軟骨，點知自己講錯左 嗌左豚肉，不過都冇失望既首先介紹下湯底先 我揀左蕃茄濃湯，鐘意食辣既朋友可以揀辣個隻佢既湯底食得出用新鮮蕃茄整既我個碗本身已經有成半個蕃茄係到 而且顏色好橙色 唔似係落左好多茄膏個種紅色推介佢個豚肉寫係西班牙豚肉唔知係咪個名既關係食落又真係好香 好有豬味 本身係諗住食豬軟骨 所以有d失望 但食左個豚肉之後覺得貴左1蚊都值得既最後講下杯野飲 我order左蜂蜜綠茶雖然貌似冇乜特別 但飲落係值既 有時係出面飲到個d係好似飲緊糖水 但呢杯既蜂蜜味勁濃 食完烏冬飲埋杯熱飲 成個人暖哂

lunchtime行經厚福街見到大門橫丁推出串燒丼飯有4串自選串燒+飲品，都只係$59咋!平時一串串燒都要2x-3x起啦!真心超抵食!有鹽燒系列、汁燒系列、辛辣燒系列&韓醬燒系列多款選擇~有選擇困難嘅我真係揀唔到因為樣樣都想試串燒即燒即食~火侯控制得唔錯!串燒醬汁好夠味另外仲可配搭日式和風醬/秘制辣汁我怕膩揀左走汁個人認為串燒丼飯份量啱啱好(小鳥胃嘅朋友可以揀少飯)

不嬲都喜歡距既手打烏冬～～湯底我覺得沙嗲同蕃茄都唔錯有時會加一兩串串燒食😍佢既鹽燒同汁燒都做得吾錯🤩🤩而家外賣有八折，都算合理價錢~~平時堂食就小貴～～🤪

小朋友固然鐘意食日本嘢，平日佢一定話要食壽司，但去得多都悶，魚生丼怕佢食唔哂啲飯，食拉麵又覺得好單調。搵到呢度有手打烏冬，有燒物好開心😃咩都有咁，梗有一款啱食。我哋先嚟個蟹肉湯烏冬，大大碗好多烏冬麵條，啖啖蟹肉，湯底好夠味，濃濃蕃茄蟹湯酸酸甜甜，阿寶好鐘意。牛油雜菇，好香喔，仲好爽口彈牙芥末八爪魚🐙，超濃芝士，我就好鐘意，小朋友覺得有點辣。推介：燒三文魚頭豆腐雜菜沙律🥗，意想唔到好大碟，真抵食

又再次幫襯大門橫丁因為都係俾佢嘅串燒吸引！串燒種類非常之多，有蔬菜、豬、牛、海鮮、甚至羊架，分別由二十幾至四十幾蚊不等，唔同時期有一啲特色同埋特價嘅串燒。燒年糕夠特別好味最抵食都係北海道元貝，性價比高！今次就幫襯左芥末沙律味同埋汁燒，燒豬腩肉好味，燒牛肋肉都係非常香口，每一種串燒都做得好好。燒年糕夠特別好味！明太子蛋卷串，甜味同鮮味都有！特別推介燒原隻魷魚筒，燒汁好味，魷魚筒外皮香脆，Q彈！鹽燒三文魚頭都係水準之上食物係用心製作嘅餐廳，雖然價錢比較貴咗少少，但係真係好好味！

辛辣魚介湯牛肉手打烏冬 $80以為會好辣點知我覺得完全唔辣魚介湯味都幾濃郁 用料都好足 牛肉略嫌有少少硬 溏心蛋超好食 重有枝豆蔥同鳴門卷 成件事望落冇咁dry😋 睇尖沙咀用咁嘅價錢食到一半手打烏冬真係好抵

難得疫情開始緩和, 黎到happy friday 當然要同朋友出來聚一聚傾下計啦, 香港地度度都多人, 最好都係相約旺區, 今晚就約左朋友去尖沙咀嘅大門橫丁, 平常呢條街都係行去尖東嘅時候先經過,但得兩個女仔胃口好少所以就決定叫串燒啦環境方式因為餐廳比較少卡位而且檯都係以一字直排開, 所以私密度唔高嘅, 因為疫情關係所以都開隔一下,都坐得自在嘅韓醬燒牛小排牛小排本身已經口感好軟綿而且肉味好出, 而小排入面有油脂燒熔後咬落去感覺非常滿足, 再加上韓醬比日式燒汁更重味道, 所以成串都好濃味, 用來配啤酒係幾好嘅選擇胡麻軟殼蟹沙律手打烏冬呢樣作為唯一嘅主食, 絕對係非常正確, 首先軟殼蟹嘅分量十足, 睇相都見到隻蟹成個碗面咁大, 炸衣好薄而且炸得酥脆, 帶少少鹹味而又有蟹肉, 一定要食左隻蟹先之後先再倒胡麻醬落去烏冬度撈, 胡麻醬份量多而且濃度剛好容易拌勻, 所以所有烏冬都會沾上胡麻醬, 烏冬本身比較軟所以掛汁效果一流, 生菜本身亦都好夾個醬, 所以整體味道係唔錯嘅, 調醬濃淡嘅要記一功燒魷魚筒咁岩叫嘅魷魚筒觸鬚比較短, 但筒身都比較長而且肉厚, 加上燒汁掛上後用炭火燒所以別有風味, 因為新

之前同朋友到大門橫丁食野，叫左個魚介湯雞柳手打烏冬同紐西蘭大蜆烏冬，兩個烏冬整體味道算唔錯，不過雞柳烏冬上面D青豆是生生地咁放落去，個人口味上我唔太岩食，但只代表我個人口味，唔係佢特別有問題。不過，個大蜆烏冬既大蜆真係好大，大約像三個五蚊硬幣加埋，賣相一流食味唔錯。再加上佢既手打烏冬的確好滑，水準之上，可以再光顧。

我去同同事食宵夜，叫個野蓮豬腩卷。我認為 係小食類入面最好食， 因為嗰啲嘢蓮真係好脆， 有少少似韭菜， 搭咬落去又係軟熟啲同埋鮮嫩啲。 另外嗌咗烤菠蘿， 嗌咗兩個烏冬， 嗌咗啲餃子， 最重要捱咗兩壺熱清酒。 個熱清酒係幾新鮮， 暖暖地， 冇咁寒涼， 一啖一啖飲上心頭， 同朋友傾下傾下計咁飲， 係開心係舒服嘅。 不過個價錢食下食下都幾貴， 唔經唔覺埋單都每人 成接近200蚊。

每次想食烏冬既時候，偶然都會想起大門橫丁，除咗佢呢間啲烏冬全部都係用石頭窩上都冇咩印象仲有边間喔!每次吃，都會點蕃茄湯底既烏冬，熱辣辣，又酸酸地確實係幾開胃，同呢到有好多款小食可以餸杯啤酒，簡直係平民之選2個人點咗勁多小吃，炸炸炸，全部都係炸個帶子好食，啖啖肉，佢話每日限定 1日得25只，我地叫果時仲有5只甘熱氣既環境緊係叫杯鬼佬涼茶，清下熱氣，而朋友点了杯柚子洒整體來說，平民價錢，低食又好食，偶然都會來吃的

與友人來到尖沙咀搵食，本想去一下厚福街幾間黃店，但真係大排長龍，再加上落雨，便來到這間店。我地被編排入座卡位，但其實行入去枱與枱之間的路好窄，雖然只係兩三步，好唔容易先至行到入去，好彩卡位是舒適的！今日天氣又落雨又熱，唔太想食一碗熱辣辣嘅嘢，所以揀左呢碗撈烏冬。其實我從未食過撈烏冬㗎！呢碗比我感覺幾好，唔係熱辣辣又唔會凍冰冰，太凍嘅食物我唔太喜歡。佢個韓式炒牛肉，我覺得好好味，個醬好香好野味，又唔會太辣，點到即止，而牛肉都好嫩滑，撈埋個溫泉蛋再令烏冬更出色！下次我要試佢個芝士烏冬😋😋

一上到黎賣相都不過不失，份量正常偏少，男人就咁食應該唔會太飽，女仕門就應該岩岩好。牛肉口感正正常常，無乜特別。湯汁黎講，真係有辣同麻，唔係話辣但無料到果啲，我覺得有譚仔既小辣咁上下，但佢個汁太重口味，蓋過曬其他食材既味，令成碗野都係得個辣字，呢到扣分。重點係烏冬真係幾正，口感彈牙，我覺得最正係佢個烏冬！如果轉其他無咁重口味既汁應該幾正！會再翻撻試佢其他既配搭！

路過, 趁未到午飯時間, 唔駛排隊, 快手食個午餐吧! 燒牛舌好好好好食, 又厚又軟, 無筋, 味道唔騷之餘份量又多, 午餐都絶不欺場, 讚! 咖喱就普普通通啦, 唔甜唔辣, 份量都多, 米飯軟硬度剛好! 同事食烏冬, 豬軟骨烏冬! 同樣哋, 豬軟骨份量頗多, 大大件夠淋身, 瘦肉部份唔會好嚡口, 豬骨湯底有點油, 烏冬尚算爽口彈牙, 唔係平價烏冬, 不錯!