大門橫丁串燒手打烏龍麵店 (已搬遷) 新店位置

不時見哩間好多人又要等位! 今日一個黎食飯黎到哩度唔洗等~見成日咁多人排隊我對哩間餐店係有期望的~午餐我叫左滑蛋吉列豚肉井, 見餐牌話人氣之選嘛....好一般既味道! 而且得好小滑蛋, 唔夠撈飯呀! 吉列豚肉有D覺得炸過龍咁! 有點燶燶地~但係都脆既!而質地有其中2舊有D筋, 難咬D~但味道就覺得唔會好特別! 唔會特別想再黎食!  豚肉同埋飯既份量好多! 食唔哂!LUNCH SET都算抵食!包一不飲品我叫左蜂蜜綠茶(少甜)唔知係咪我話少甜啦, 變左冇味同埋唔夠熱~~

呢排尖沙咀工作，厚福街向來都係我地覓食既地方之一。今日就黎試左呢間。 舖仔細細， 係典型既港式日本餐廳，我地十二點三到唔洗等位即刻入得。午市價錢五十蚊左右，尖沙咀黎講算唔錯。 我叫左鐵板飯，個飯配上一個生蛋，熱辣辣既鐵板一上枱即刻撈勻黎食好香口牛柳粒都幾鮮嫩，如果多幾粒就更好。感覺有啲似胡椒x房，不過就唔好大胡椒味既。 同事叫左烏冬，可能呢度主打烏冬，所以都有番咁上下質素，仲幾足料。同事評價係個湯都真係濃郁既蕃茄味，雖然好似碗仔細細，但食完幾飽下。呢度都算係個午餐既好選擇，坐得舒適，價錢適中，食物質素唔錯，下次會黎試下手打烏冬。

本來想去尖東吃拉麵，但見到門外的人龍便卻步了，改到厚福街的大門橫丁吃烏冬。我點了特選大門蕃茄濃湯手打烏冬($72)，日本直送的烏冬非常滑， 配料方面有叉燒、雞肉、半熟蛋和粟米，叉燒水準不錯，雞肉的味道也很好而且份量十足。蝦子餅點了極上牛肉手打烏冬配自家製沙爹湯($72)， 牛肉的肉質不錯，跟蕃茄濃湯相比，個人還是比較喜歡蕃茄濃湯，沙爹湯底稍嫌不夠濃。下次可以試試烏冬以外的食品如串燒等。

辛辣沙爹湯和風燒鳥手打烏冬 Hand make udon with grilled chicken stick大佬呀個湯底要幾好味呀 !沙爹 湯其實攪勻佢飲到有麻辣味架配菜有corn , 溏心蛋 , 四季豆 同日本魚蛋 ! 比多碗我都隊得落,塊雞扒好大塊（其實有6舊,太餓隊左2舊）!但其實佢個皮燒得比較濃!如果唔點汁的話其實會帶左啲苦味! 但都要再番兜 之後再嗌多左碗黑蒜油湯秘製豬軟骨拉麵...Hand make udon with pork cartilage呢個係朋友食的...我有飲到啖湯....同埋食左一舊豬軟骨湯底好重黑蒜油味...我飲完第一啖已經話【你一定會勁口渴陣間】..但食佢個豬軟骨,,媽呀..好腍呀.....我估唔到今次呢間餐廳會咁有驚喜....佢D野食真係好味呀

午飯時候，與好友們一起，友人想吃日本菜，在尖沙咀立時想起此店，所以又再一次到訪。是次到來還早，立時有空位，可是坐下不久，來訪的客人越來越多，似乎大家都被吸引而來，我再來選擇沒有錯的。是次點選了香蒜燒牛脷，香蔥牛肉飯。香蔥牛肉飯，肉香美味，肉汁豐富，飯也沾了肉汁，令飯更為可口，令人回味無窮。香蒜燒牛脷，原以為與牛肉飯一樣，都是跟飯一起上的，卻是獨立，而且還是鐵板形式，這點始料不及。牛脷配著香蒜，再加上鐵板的熱力，令牛脷的味道更為突出，醬汁熱熱的，令配菜更為惹味。邊吃再邊看著餐牌，於是追加了，甘薯餅及牛乳芝士焗紫薯。甘薯餅，香脆可口，鬆化無比，卻又不太熱，容易入口，甘薯的天然甜味，很是吸引。牛乳芝士焗紫薯，紫薯預先切開，方便分享，這點很細心體貼，紫薯甘香甘甜，最為吸引的卻是牛乳芝士醬，兩者非常配合，濃郁非常，令人一試再試。在尖沙咀找個有質素的，卻又不太貴的午餐，同時又保持水準，的確不二之選。

某年某月某日，在街上遇上前度，你會?好多人都不願意偶遇前度更不希望在自己最樣衰最殘的時候碰上他我相信，最唔想發生的應該是。。。當你剛分手的時候遇上他而他身邊又拖著另一個她老實說，前度對於今天的我已經微不足道手上戴著訂婚戒指的我眼中心中只有我愛的和愛我的未婚夫1年後加1日就會成為人妻既我偶遇前度的感覺是。。。不幸?我反而覺得來這餐廳用餐比較不幸不幸的感覺由踏入餐廳門口已經湧現出來大約8點左右，與3位好姊妹一行4人踏入餐廳，侍應哥哥說餐廳尾有一張吉枱，我們便跨過擠擁的人群行到餐廳尾原來這個所謂的餐廳尾座鄰近後門座位相當狹窄相隔一個身位就是廚房沒有通風系統沒有冷氣只有一陣陣油煙洶湧而至地面骯髒，更加是非常濕滑其中一個好姊妹更差點滑倒入座前，枱上有一留座牌其中一個女職員大聲呼喝其他職員把留座牌拿走，認為有枱應該先給予現場等候的客人 (即我們4個)眼見這個女職員為我們爭取了這個如此珍貴的座位，縱然這麼差勁的餐廳環境，我們4個都決定繼續留下用餐。可惜「對敵人仁慈，亦即是對自己殘忍」。一個留下來用餐的決定，就令不幸事情接二連三發生 。。。由落單開始，好不容易才找到侍應...眼見那個女職員為我

Happy Friday 放工約了好姊妹行街Shopping，姊妹未黎過大門橫丁，所以就話要一試！大門橫丁可算是我經常到的飯堂，幫襯左幾年水準都無變，不過近年分店變少了！極上沙爹牛肉烏冬（HK$72） 情有獨鍾，無每次去到都不用看餐牌就點這個，自家秘製的沙爹湯底好正好好味，不太愛食太辣的我特別喜歡沙爹湯底，好香好惹味，而牛肉上碟時時半生熟，因為成個煲仔咁上，可以保持湯底一定熱度，只是輕輕浸多浸，牛肉好快就變熟，仲有半隻溫泉蛋加一些粟米等配料，一個字：唔試就走寶了！黑蒜油豬軟骨烏冬（HK$69） 這是朋友點的，試了一口黑蒜油好香，湯底好味到朋友連湯底都差點飲光！餐廳還有多款串燒小食，不過我們不算太餓就無叫了！另有加一服務費，食左咁多年雖然有加價，不過水準依舊，凍冰冰天氣去食碗熱烏冬，成個人都暖哂！

在忙碌的尖沙咀工作，要找個有質素的地方午餐，厚福街是個不錯的選擇。走到此店門前，被和風的設計吸引了，而且也未曾試過，於是進入坐下。在多種午餐的選擇下，選了鹽燒鯖魚，在餐牌上寫著還包括飲品及果物，點選桂花蜜。過了不久，先送上果物及飲品。原來所謂果物是生果，今天是兩片西瓜，平常都是咖啡奶茶等，桂花蜜還是第一次品嚐。當放下時，桂花的香味，陣陣送來，很清香，令人有醒神的感覺。鹽燒鯖魚，可能製作需時，還略等上一會才送上。鯖魚伴著一小片檸檬，以及小小的調味，很是別致。一碗白飯上，有著一點點紅色，綠色的香料，吃下去有點題的作用，很特別及香口，令人有想再吃的感覺。鯖魚皮香肉鮮，咬下去沒有腥味，鹽燒還保留海鮮的鮮味，新鮮的感覺。鯖魚底還有點點的調味，再加上鹽燒，吃到最尾的時候，卻有點鹹，可是桂花蜜雖然已經涼了，但仍留有桂花的點點香味，這點個人很喜愛。午餐後，還要繼續工作，這個店子還很好，為工作前打點氣，讓人有繼續努力工作的動力。

第一次黎食，好多人排隊呀，不過我地兩個人就快啲有得入去，多人個啲就要等耐啲，因為入面吾係好大軟殼蟹沙津，軟殼蟹好好食，但係沙律就有好多醬，都唔知食緊沙律定係食緊醬。燒雞翼，好入味，外皮好脆。茄子上面有花生碎同蔥花，口感好豐富。脆皮黑松露墨魚滑，我唔食雞皮，但係試咗墨魚好彈牙，有少少黑松露嘅味道朋友話雞皮真係燒得好脆口。。應該食焗蠔的，大失所望，四個字(皮厚肉少)。好好味呀，大件夾抵食，整到啱啱好唔會咬唔開，上面淋左啲汁唔會好乾，讚。雞軟骨燒到好脆好入味。燒三文魚腩加埋啲蘿蔔蓉一齊食唔會有些腥味。總體來講都係OK嘅。下次一定會再嚟食，服務態度都好好！唔會因為好多客、好忙！服務態度變得減弱呢個要讚下！

 以前返尖沙咀店果陣收工成日同同事食～轉工後都無黎過～難得又係尖沙咀收工⋯本來想食地獄烏冬～但男友想食唔辣～叫左個黑蒜油湯豬軟骨烏冬～再加叉燒片❤️️湯頭真係好濃味！好香好好味～糖心蛋～豬軟骨很軟入口即溶～蟹籽沙律～味道不錯～不過分量好少（好怪⋯第一次食到蟹籽沙律青瓜係切片😱，口感怪怪地）串燒～芝士雞肉、芝士和牛（好軟好味⋯不過太貴了）、雞翼、雞軟骨～全部都幾好味～不過價錢貴份量少～～吉列墨魚餅～幾特別，很軟～反而好似薯仔餅既口感～好味！是晚宵夜食唔飽但都幾貴～😰但都真係幾好味～～

成日來尖沙咀都唔知食咩好，雖然有好多選擇，今次朋友就介紹食呢一間所以就黎食下啦。入到去環境有啲迫，跟住隔離又係咁轉枱，搞到我要係咁企起身讓佢哋，好麻煩。有個經理見到我一袋二袋，好好人俾咗個籃我放袋。叫咗一個燒鳥番茄湯烏冬。雖然啲蕃茄湯唔算話好濃郁，但係啲烏冬竟然出奇地滑，另外佢嘅燒鳥，即係燒雞扒，啲皮燒得好薄好脆好香，咬落去仲有啲肉汁，佢呢個燒得非常好。另外仲叫咗個芝士燒蘑菇，食落有啲普通，冇想像中咁好味。

推薦程度：諗唔到食咩嘅，都可以食下嘅。2015年6月25日推薦食品：1. 日本青瓜仔沙律2. 蕃茄湯烏冬 （雜菜/豬軟骨）不推薦飲食品：1. 拉麵2. 叉燒呢間，香港嘅平民烏冬，除左自家、丸龜，就都係呢間架喇。麵身比起丸龜差啲，但勝在蕃茄湯夠濃，水準都一直keep到嘅，亦都係令我會再番去嘅原因之一。沙律，都算係easy嘅，頭幾次食嘅時候覺得還可以，但今次唔知係唔新鮮定個廚師唔開心，食落就認真麻麻，好彩佢可以再要沙律醬（本身有），撈埋都ok 嘅。拉麵，老實講，不如執左條line佢。可能宜家改進左啦，但印象中，佢地嘅拉麵係連超市賣嗰啲拉麵即食麵都好過佢。亦因為咁，我都淨係食烏冬算數。串燒，普通，偏貴。另外啲位係窄左啲嘅。如同上面我講，真係諗唔到食咩嘅，呢間ok嘅。

我既首選烏冬店一定係呢間每次同男朋友去都係10點後因為係特價消夜時段 每次都會叫辛辣沙嗲湯底，只為佢既沙嗲真係好濃味 小食特別推介燒三文魚腩魚腩夠肥美，仲有滿滿既蘿蔔碎同蔥花一串有3舊，食一舊已經好滿足

每個星期一我同男友都要去比賽, 由於要早到準備, 所以都搵D粉麵食下今次去厚福街, 見到大門橫丁, 就走左入去試下環境幾舒服 (係旁邊有兩位港女好嘈), 招呼都幾熱情下一打開個MENU, 好似五光十色咁....望真D, 咦! 點解D烏冬頁頁都係果幾款既....睇真D先知原來D配料料係一樣, 不過每頁既湯底就唔一樣我就揀左黑蒜油湯秘制雞柳手打烏冬, 個雞柳就冇咩樣, 我鍾意既係佢個湯底, 唔係味精湯, 飲完唔會喉嚨唔舒服, 飲左勁多湯, 真係好香好正男友就揀左個登別地獄湯豬骨手打烏冬, 我試左少少, 都唔錯, 但就冇我果個咁惹味男友驚我唔夠飽, 就叫左個脆皮廣島蠔, 佢應該係漏左單, 不過追一追都好快到初初見到佢黎到都好失望, 話晒都成58蚊, 但係得3隻, 仲要好細隻 (手指公度咁大), 但食落都幾估佢唔到...原來外面有層應該類似京蔥既野, 再外層有塊好大既雞皮, 塊雞皮爆到非常之香!! 咬落去隻蠔好熱好多汁, 真係有D想再ENCORE多碟 

一早起身便想好下午要吃日本菜，而在用午餐前剛巧經過大門橫丁，所以便決定一試。溏心蛋 $12不知為甚麼這溏心蛋比一般溏心蛋的顏色深一點，跟平時吃到的有點不一樣，心想有點不妙。但事實証明了，我只是想多了。這溏心蛋口感軟綿綿之外，絕對跟平時吃到的溏心蛋無異，蛋黃做得非常溏心，的確是不錯。炸南瓜餅 $12見到它餐牌上的炸南瓜餅由原本$18到現在因午市的關係變成了$12，真的非常便宜，所以點了一個試試。南瓜餅外層炸得酥脆不油膩，內層有著頗多的南瓜蓉，而且軟綿綿。這種外脆內軟的感覺十分討好，而南瓜餅充滿南瓜香，滋味非常。鹽燒牛肋骨 $36牛肋骨的牛味算是頗濃的，而且牛肋骨上的鹽和黑椒令牛肋骨更為惹味，是一個不錯的串燒。串燒芥末和牛 $48雖然這和牛只有微微的牛肉味，但和牛上香濃的芝士和芥末令和牛生息不少。味道咸香而香濃，令我難以抗拒這種引人的滋味。黑蒜油豬軟骨手打烏冬 $50這烏冬有粟米、甜豆、豬軟骨和烏冬。當中粟米和豬軟骨的份量極為之多。雖然豬軟骨份量非常多，但味道未夠香濃，只屬一般。反而烏冬是頗不錯的，我不知道這烏冬是否真的是手打的，但它一定是非常煙韌。湯底方面，我可以說黑蒜油是頗濃的，味道亦