大鍋口海鮮火鍋店

營業中

休息中

大大話話食了咁多年大鍋口，真係未試過咁差。人手唔夠，點叫都沒人幫你。連帶出菜慢，漏單問題嚴重，任食邊爐食唔夠喉都真係第一次，枱面空空如也正反襯出心底百般的唏噓。火鍋紙點了想食的嘢，就算點了幾多次都沒，d貨唔通真係咁貴？不如坦白的話俾我知，你有咩想俾人食。以前全場爆滿的風光不再，睇到今時今日的悲情都好心痛。以前就係講性價比，但今時今日呢個價錢真係對唔住消費者。對唔住，沒下次了。因為你已經不再是從前的大鍋口。

由於此餐廳在openrice只接受4位或以上枱台，所以聚會前早一日中午打電話訂枱，有個男士接電話，留晒資料時間，到聚會當天，中午時再打電話confirm人數同時間，接電話的男人都話無問題，依訂枱時間到達，居然話無booking記錄，仲問番我地邊個接電話，我話有個男士接，個女士就話我無接過喎，嘈完一大輪，佢話當walk in等枱，都算，出面等位有幾班人同我地相同情形，都等左一個鐘，裡面有人起哄，話個爐壞左成20分鐘都無人理，另外有班人嘈食物只得腸仔之類，廚房無人出肉裡，連埋我地，幾班人一肚氣走，未見過甘差既餐廳，大家唔好中伏。

開開心心約埋幾個fd打邊爐。7點20分入座 限時2小時佢仲標明雞煲係任加如是者雞煲好快黎到，但得幾舊，心諗任加既話無所謂啦，但食完叫佢加雞煲，佢已經話賣哂🤨.但我地哩場之後佢地仲有場9點入座， 咁d人食乜。都算，咁轉打邊爐啦，個煲好快黎到，但野食等咗半個鐘都出唔到一碟野食俾我地，迫住要熄咗個爐先。同場聽到好多食客都講緊同樣情況。問d職員就靜係話黎緊黎緊，要等。等等等.....由入座到而家打哩段野已經過咗45分鐘 我只係食咗兩舊雞，其他乜都無。你仲要限時，咁既服務真係好差。價錢平我明係會差d,但都要俾野我食咖，咁既要求唔過份啦。唔會再黎哩一間幫襯。

呢間位於佐敦嘅火鍋店，雞煲加火鍋，仲有飲品任飲任食兩小時，都係$228一位，好似好抵食，一於試下先。由於我同朋友都係火鍋控，所以我地決定唔食雞煲，直接揀湯底打邊爐。火鍋湯底都有10款，睇落都唔錯。最後我地揀左鯊魚骨猴頭菇湯，味道較為清淡。醬料選擇唔多，但大路嘅都有。火鍋料選擇頗多，第一round已經叫了一枱食物。首先，送了一碟安格斯牛，擺碟精緻，紋理分明，牛味濃郁。自己再點了手切肥牛，唔會一大層肥膏，淥一陣都唔會太韌，牛味都相當唔錯。海蝦，肉質彈牙唔會“梅”，可以食多2 round萵荀，爽甜鵝腸，爽脆蝦滑，彈牙有咬口魚皮，香脆但唔會有油“益”味。黑松露餃子，黑松露頗香，裏面仲有雲耳，唔同口感有層次，好味。食到咁上下，仲可以食杯牛奶雪糕，牛奶味唔錯，加埋焦糖醬，更是我至愛。服務唔錯，收碟，加湯速度快。火鍋食材選擇多，又唔會漏單，食2個鐘真係大大滿足。

忙碌左一日黎忽然興起想去打邊爐，一諗就諗起大鍋口，大鍋口火鍋放題出名到街知巷聞，之前都經常同朋友三五知己去食火鍋放題，今晚就一於去重拾回憶😆一去到就當然要先食雞煲！雞件夠哂入味，惹味又嫩滑😋我地仲加左水魷、豬皮同牛柏葉一齊煮，每樣都掛滿濃郁既醬汁，勁好食！超級推薦呢個食法😆火鍋湯底我地揀左沙嗲湯，香濃既沙嗲湯底係打邊爐既絕配🥰 餐廳首先會送上一碟肥牛，色澤紅潤而且雪花分布平均，一睇就知高質！👍除左牛肉外，我們仲嗌左炸芋頭條、墨魚滑、麻辣鴨血、鵝腸、海蝦、豬潤等等等等，相當多選擇😆 飲品亦都係無限供應，食得相當滿足☺️

今日同朋友去打邊爐呢間火鍋店提供好衛生既用餐環境充滿左舒適既氛圍員工以友善既態度迎接客人好照顧每一位既需求.💎$228 一位川芎天麻魚頭湯底.首先先食雞煲之後再加湯打邊爐～川芎天麻魚頭湯底深厚濃郁融合左魚頭既鮮甜風味😍同香料既微妙調和佢地既食材選擇多樣.涵蓋左新鮮的海蝦肉質鮮嫩既魚片豐富的帆立貝同各式新鮮蔬菜等等😆每一啖湯底都充滿左食材既的鮮美滋味海鮮既鮮甜同蔬菜既清爽完美交融無論係鍾意海鮮定係蔬菜呢度都滿足到我地既味蕾😇🫶🏻

因為想打邊爐就搵埋朋友食呢間港式任食火鍋，呢間可以先食雞煲再打邊爐，正。⭐️麻辣雞煲雞煲有大約半隻雞嘅分量，唔算好辣，但好入味，醬汁濃，雞煲仲可以無限添加。侍應好好人，一坐底就問我地不如先上雞煲，之後再慢慢一路食一路諗要咩湯底同配料。⭐️火鍋我地選擇了沙爹湯同新鮮豬筒骨湯底。店員會首先比了一份牛肉我地煮嚟食，花紋好靚，牛味重，好好食。之後係紙仔揀選配料，個人幾推薦手切肥牛、手打墨魚丸拼雞軟骨丸、蟹粉包心丸、紅薯粉。手打丸好彈牙。另外要落紅薯粉，我地放落沙爹湯到煮，完全吸哂湯嘅精華，好好食。

同男朋友去咗一間超抵食嘅雞煲+火鍋任食，每個人都係先$228！不過重點係我覺得佢嘅嘢食質素都幾唔錯，咁樣講其實仲抵過自己買嘢返屋企打邊爐😂雞煲：一嚟就上咗個麻辣雞煲，個汁整得幾惹味少少辣，因為有洋蔥同埋唔同嘅香料令到佢都幾香，雞肉食落去肉質幾嫩滑食完雞煲，職員就幫我哋換咗火鍋，都有成10款湯底俾我哋揀，我哋揀咗胡椒豬肚湯，胡椒味幾重，豬肚食落去爽滑👍跟住上咗碟幾靚嘅安格斯牛，二其他任點嘅嘢食都好多選擇，有好多款菜、菇菌、手打丸、餃、估唔到連墨魚滑都可以任食😱我自己好鍾意佢個雞軟骨墨魚滑，好特別，咬落去有墨魚嘅爽滑再加雞軟骨爽爽身嘅口感👍另外個娃娃菜，佢係細細棵個心好甜嗰種，唔係一啲次貨👍跟住我仲點咗幾次脆鯇魚片，切得好薄身，食落去好爽脆同埋夠新鮮👍個人覺得呢個價錢嚟講，食物質素比我想像之中更好👍好高性價比

放學後好肚餓，想食得盡興d，去左位於佐敦既呢間雞煲同火鍋店打邊爐。有多款調味料自己混醬 👍🏻👍🏻👍🏻 鍾意食新鮮肥牛既朋友仔一定要黎想間邊爐店試吓啦！！一開始係食麻辣雞煲，好惹味勁香，唔算好辣，唔食得辣嘅朋友都可以食得到嘅。食完雞煲就可以換湯底打邊爐，叫左鮮蕃茄薯仔豬軟骨湯底，有勁濃嘅蕃茄味，唔錯 👍🏻 安格斯極品肥牛：煮20秒就可以食架啦🤤🤤 勁香牛肉味，而且仲入口即溶！正！！手切肥牛：肉質嫩滑，食落嘅口感都好好食，非常吸引，仲要係任食架！唔需要就住就住脆鯇魚片： 好新鮮，煮熟後口感好爽脆午餐肉：打邊爐其中一樣必須要嘅野食🤣🤣 淨係打邊爐先會覺得午餐肉好食仲有好多唔同類型嘅火鍋配料配料，蔬菜類，菇類等等，講得出嘅都有；飲品都有好多款，特別推介竹蔗茅根 🙂🙂 唔太甜，清熱氣嘅話就一流啦！！ 📍佐敦彌敦道219號莊士倫敦廣場12樓

夏天都唔會阻止到我鍾意打邊爐嘅決心，呢間性價比幾高嘅任飲任食打邊爐，食材都幾新鮮，有雞煲食之餘食完又可以再揀個湯底打邊爐。入座會送一碟安格斯肥牛，睇落幾正咁，油花都幾靚幾平均，肉味食落都好香雞煲有得揀辣度，肉量唔少，味道夠辣夠香，肉質都ok叫左個魚頭湯湯底，真係成個魚湯放落去煲，奶白湯底都好香。另外打邊爐料都幾多野揀，肉片，海鮮，火鍋丸，基本上打邊爐嘅料都有，所以CP都算高仲有麻辣鴨血可以食，都唔係好多打邊爐嘅餐廳有得食，食落辣辣地都幾有口感

【兩小時任飲任食港式火鍋🍲】 同三五知己聚腳不妨試下嚟佐敦呢間任飲任飲港式雞煲火鍋店☺️地點方便之極，佐敦地鐵站D出口一過對面馬路就到喇😍環境乾淨寬敞，卡位空間好大，每個卡位旁邊都會有個食物架，order完嘅材料店員會放係架上，食先拎上枱，咁張枱就唔會好多嘢好亂lu~~\(≧▽≦)/ （強逼症得好嚴重🤣🤣）店員會先上雞煲，食完雞煲再打邊爐，湯底方面我哋就揀咗沙嗲湯底，沙嗲味唔會太濃，啱啱好，最欣賞都係佢哋嘅極品肥牛，肉質嫩滑，擺碟好靚，即刻食慾大增💖至於火鍋材料就可以填紙仔落單，啱啱落完單無耐，店員轉頭就拎啲嘢食上嚟，好快手！食物類型眾多，要乜有乜，而飲品可以係出面任拎，同埋有雪糕機🥰🥰.📍: 大鍋口海鮮火鍋店 (佐敦)佐敦彌敦道219號莊士倫敦廣場12樓........#港式#港式火鍋#打邊爐#火鍋#美食推介#佐敦美食#佐敦火鍋#海鮮火鍋#雞煲火鍋#foodielagblah佐敦

公司週年晚宴竟然係廉價任食火鍋，真係估您唔到，突如其來的政治晚餐！基本上所有供應的食材已試一次，結果最好食係我親手煮的出前一丁！四川麻辣⭐️⭐️即食湯包悶悶的，單調不香不辣。椰子雞湯⭐️⭐️水汪汪淡茂茂，完全雞粉味。手切肥牛⭐️⭐️薄切瘦猛猛沒怎樣的油脂，最好幾片一齊食較為味濃滿足，微羶微甜微軟。生猛海蝦⭐️⭐️⭐️海蝦最穏陣，要叫多幾客食返夠本先得！打醒十二分精神變色變得不透明就要立即救起，如果烚過龍就會乾鞋韌唔好食！蝦爽蝦鮮帶蝦汁，沾埋辣椒蒜蓉豉油享用使我露出滿意的笑容。雞子⭐️⭐️本身已沒有本地新鮮雞子的鮮甜味，洗到爛溶溶的雪藏火雞子，掉落滾湯已流失肉汁及鮮味。狗肚魚⭐️⭐️嫩肉連軟骨齊齊啜，滑滑沒味道。鵝腸⭐️⭐️鞋烚烚仲切到短短碎碎，幸好有鵝味無腥味。牛柏葉⭐️⭐️無味爽爽，索湯再點豉油味道唔難食。吊桶仔⭐️完全無味腍啤啤，唔知食緊乜。負責執碼的職員，求求其其亂七八糟飛出黎！沒有要擺盤整整齊齊的意識。白鱔片⭐️我真心差點認唔出係鱔片來的！這就是傳說中的燈影刀功？神乎其技薄切到白裡透紅半透明，涮一涮已全熟，新鮮度低下，鞋韌不鮮甜，薄衣衣口感不討好！四寶丸⭐️⭐️安全首選！鮮蝦丸味濃略咸夠彈牙、鮮墨魚丸有彈性而味偏咸、鮮

🇭🇰香港火锅放题天花板！嘿嘿，最近和朋友们去了一趟香港大锅口海鲜火锅专门店，简直是火锅爱好者的天堂，必须来给大家安利一下！**环境氛围：**进店的第一感觉就是好温馨呀！木质桌椅配上暖暖的灯光，让人瞬间放松。每张桌子都有独立的火锅炉，再也不用担心人多锅小，大家可以尽情享受美食的快乐。**菜单亮点：**他们家的菜单真的超级丰富！我们点了极黑和牛肩胛和日本海鲜。和牛简直是入口即化，油脂分布得刚刚好，每一口都是幸福感爆棚。而日本海鲜套餐里的虾、贝类和鱼片都超级新鲜，特别是虾肉，Q弹十足，真的是鲜甜到不行！**火锅配菜：**除了主打的肉类和海鲜，我们还点了一些经典配菜，像牛丸、虾滑、金针菇和豆腐。牛丸弹牙有劲，咬下去还会爆汁；虾滑嫩滑可口，和麻辣汤底简直绝配；金针菇和豆腐吸满了汤汁，每一口都是满满的幸福感！**火锅汤底：**这次我们选了猪骨汤底和麻辣汤底。猪骨汤底浓郁但不油腻，涮蔬菜和肉类都很合适。麻辣汤底则是麻辣鲜香，辣度适中，真的让人一口接一口停不下来。**服务体验：**服务也特别好，服务员小姐姐们都很亲切，有什么需要一叫就来。火锅汤底和酱料也会及时补充，整个过程都很顺利。另外，店里卫生做得

同屋企人出街食飯，想食得盡興一點，去左佐敦呢間火鍋店打邊爐🍲他既調味料一開始就放係枱上面，好多種口味的調味。叫左個椰子滑雞湯底個湯頭好清甜，仲有5-6件雞，未落野打之前飲左啖湯，唔係濃味重調味既湯，而係好清甜既椰子水煮出嚟既清雞湯安格斯極品肥牛煮20秒就食得，而且好香牛肉味，入口即溶！牛肉仲充滿左椰子湯既味，加上店內秘製既甜豉油，真係帶出一絕既鮮味。脆鯇魚片好新鮮，煮熟後口感真係超爽脆，叫左兩次海蝦都係非常之新鮮，冇一隻係梅左，隻隻都超彈牙自家製韮菜餃呢個好推薦，因為真係好好食，多菜少肉，皮薄餡靚！如果早啲叫，應該仲有胃食多幾粒。午餐肉打邊爐先會覺得午餐肉好食，午餐肉超嫩滑，同打邊爐好夾！

今次再次嚟到佐敦食大窩口任食火鍋雞煲， 一開始就食雞煲，雞煲真係好鮮嫩，好惹味，隻雞係走地雞真係好鬼正，仲有啲洋蔥配料炒埋一齊好香，跟住就嚟戲肉食火鍋， 火鍋一開始送嗰碟肥牛真係好嫩滑，之後我哋亦都加咗美國肥牛都係好軟滑只係多一層口感，都係好靚，仲有另外嗌咗羊肉，小小蘇味，係啱我口味嘅， 仲有嗌咗一啲海鮮，吊桶，魷魚，海蝦，帆立貝，樣樣都好新鮮，仲有自家製墨魚滑，蝦滑，各類丸物，仲有好多唔同種類嘅菜和菇類，真係好多選擇，最後我哋仲食咗兩杯軟雪糕，朱古力和雲呢拿味，好滿足