大豐日本料理

營業中

休息中

今日過來大圍, 唔知食乜嘢好, 入左一間食日本野🍣🍤🍥🍱🍘🍙🍜的小店食, 當時已下午2點多, 所以都不屬於多人, 望下餐牌, 都有好多選擇, 見到有二版午餐, 唔想食好多飯🍚, 見到有鍋🍲, 叫左個帶子烏冬鍋🍲🍜, 另外加左$要一件三文魚手卷, 等左一陣三文魚手卷先到, 賣相唔差,食落三文魚也新鮮也滑, 亦切得夠厚, 塊紫菜都好脆🍙🍘🍣👍, 不過用d 芥末, 就無乜味, 豉油都唔係好咸😅😅, 之後再來帶子烏冬鍋🍲🍜, 賣相唔錯, 配細細碗中華沙律做前菜, 飲啖湯先, 好清甜又夠熱😚👍, 烏冬食落份量唔少, 味道唔錯, 亦夠滑😆😍, 出面剛剛陰陰天下著雨, 食d熱野就啱晒🤩, 入面有塊名門卷🍥, 有幾片南瓜, 有d金菇同菜, 食落好清淡😘😀, 但南瓜食落味道有dd怪, 佢又唔係變😅😅, 帶子雖然細粒, 不過可能材料質素的關係, 有d唔同平時d帶子😂但唔係好識形容有乜嘢分別, 最後可以揀麵豉湯或熱飲, 我揀左熱🍋茶😄

從未食過…今晩想食拉麵，企喺個門口嘅侍應好似爭佢錢咁樣黑口面，找錢嗰陣隻手遞向我…但係個頭望舖鋪入面…一啲都唔尊重客人，買左2個外賣，返到屋企唔夠5分鐘…打開望…覺得同餐牌買嘅唔同🙄餐牌係牛肉拉麵…打開只係普通肥牛，另一個係腩肉拉麵…我無影…幾塊都係肥膏！打開蓋落湯…個麵底黏埋一舊！依間真係可一不可再

晚餐兩個人叫個蒜香豬頸肉炒拉麵 ($78) +三文魚海膽魚生飯($92)，冇樣掂😅😅 外賣等咗15分鐘，收到之後見個袋超細，心知不妙，外賣盒超細碗，用人哋中式湯麵嗰款，冷熱食品擺埋同一袋，唔衛生！ 炒拉麵勁濕，好少料，唔香，完全低技巧煮法… 豬頸肉得少少… 三文魚海膽飯，臭海膽，海膽已是超黑，三文魚冇味，懷疑係假的三文魚！成個飯唔掂… 簡直係侮辱緊日本嘢😅 真係冇下次! 兩個人170幾蚊真係好唔抵，唔會有下次，希望少啲人中伏🥲

住喺呢頭中午食飯想食好啲都會嚟呢間平民㗎日本菜，唔使100蚊就大大個魚生便當真係抵到爛，首先魚生好新鮮，有烏冬有飯仲有埋小食兩粒餃子，佢仲送多個麵豉湯加埋嘢飲，真係好底食

樓面無一個正常人，個個面口黑到好似含住舊屎開工咁，落單時候改一改其中一道菜即刻畀面色你睇，叫另一個加一加水，唔該前唔該後，都仲係喪禮家屬面口咁對住你。食物質素正常，但樓面態度係災難式趕客，呢間嘢仲生存到係香港飲食業嘅悲歌，真係為唱衰香港盡咗十二分努力。星期日夜晚想到屋企人開開心心出街食餐飯，估唔到撞着呢間嘢！點解要懲罰留港消費嘅香港人？咁樣經營食肆，點怪得其他人放假北上消費？我唔係要日本式服務體驗，但做到基本對人嘅尊重真係咁難？尊重吓自己份工，我先可以尊重到自己作為食客嘅責任，順順攤攤咁埋單㗎嘛。一句講晒，無下次！

時間很趕，入了此餐廳點了一個二人餐。門口廣告及餐牌上的二人餐均寫上「無酒精特飲兩杯」。但原來餐廳根本沒有「特飲」提供。所謂特飲原來只是普通飲品，感覺是受到欺騙。失望之餘向職員查詢，職員回覆她只是打工，什麼也不知道。然後再跟另外一位職員投訴，回覆是我們理解錯誤。餐廳做法非常不負責任。魚生是可以的，但份量很少。其餘食品味道可以接受，但食品均是下價食材。餐廳一心只想賺到盡，希望餐廳可以作出改善，而不是一心想到盡。

今晚去睇失憶備忘鹿，出發前當然要食餐好，到了大圍大豐日式料理，可說是區內出名小店，經濟實惠，仲要好味。選了軟殼蟹卷58，鰻魚玉子飯82及三文魚頭蕃茄豆腐鍋82。軟殼蟹卷：多料，大件，搶吓搶吓就食哂。鰻魚玉子飯：精粹在於把半熟蛋與飯溶合為一，令每粒飯有蛋包著，惹味無窮。仲有花之卷係幸福的感覺。三文魚頭蕃茄豆腐鍋：煎香了的三文魚，有5大件，貓孩子當然最愛，仲有蕃茄豆腐金菇，真開心，最驚喜有粉絲在底。。。不好意思，呢part食唔到啦，我清了碗飯。

服務態度太差，強逼人搭檯，我吾知卡位點2搭2，我地話等，有位吾會安排俾我地。死話你吾食無啦~有位食嘢，一路在後面指指點點~~意思話我粗暴。佢係斯文人~~最後我埋單，我話斯文人，麻煩你，你咁斯人，應該去寫字樓做，吾好在度，咁吵鬧，浪費你~~佢連白話都吾正，估計在大山來的大媽~~我漏了一句，我一路食一路評價我個袋，我應該話你咁斯文，coach衬唔起你，你至少用Lv~老闆請着里D，等關閉

今次去咗試新嘅日本餐廳叫咗一個拉麵餐，加一個烏冬拉麵餐裏面有一個天婦羅叉燒拉麵，拉麵味道中規中矩，但係得一隻天婦羅同2塊小叉燒😂有少少唔夠食。跟餐會有兩件壽司，廚師發辦。仲可以加錢配多一個三文魚手卷👍🏼另外仲有餐飲添！由於真係唔夠飽，所以再單點一個肥牛烏冬，味道唔錯，非常之濃郁，有少少辣😂埋單唔使$200，價錢合理係值得推介嘅日本餐廳！不過留意返，要$300以上先可以用信用卡。最好準備定現金🙈

行過無數次，總算揾到機會喺這家餐廳食晚餐。餐廳環境潔淨爽口，我地一入去就感受到肚子嗌餓嗌得厲害啦😅一望餐牌，眼花撩亂，最後點咗三色刺身、赤蝦黑松露握壽司同埋火炙三文魚，每樣嘢食都賣相掂，色彩繽紛得好似嚟咗藝術館。 刺身切得啱啱好，三文魚滑溜溜嘅口感加上油甘魚嘅彈牙有勁，令我哋食得津津有味。黑松露赤蝦，個味道夠哂香，唔使講都知新鮮得滯。至於火炙三文魚，邊緣微微烤香，外皮帶啲脆脆嘅質感，中間嘅魚肉又保持咗鮮嫩，真係叫人一試愛上。吓，講得我又想返去嘆喇！食物之外，服務員嘅態度都好親切，响呢種地方食飯，真係話晒都舒服。食完之後唔單止肚皮滿足，心情都靚晒。呢個餓肚驚嘅日子，有咁嘅美食公司，真係幸福到喇👌😍再見面時，準備試埋佢哋嘅鹽燒牛舌串同埋啲特色卷物啦！

大圍超級高質日食，除抵食套餐外，散叫都非常好味。小編最喜歡此店的牛肉壽喜燒，不用$100，牛肉多，嫩滑，好好味👍🏻👍🏻👍🏻👍🏻👍🏻仲有非常抵食的二人餐😋😋😋😋😋有幾款刺身，好新鮮。可以揀牛肉鍋或者蠔鍋，非常美味。有最吸引嘅比目魚，入口即溶。仲有炒飯或者烏冬，任君選擇。再整多杯嘢飲，勁吸引，早餐都係三百幾蚊，非常抵食。 呢間日本餐廳位置好方便，喺大圍港鐵站對面，非常易搵！

本身118蚊一個海膽丼係冇乜期望，但食物到來時充滿驚喜，海膽顏色鮮豔非常新鮮，食落仲有甘甜味，對上次食到呢個質素係喺西貢食左500蚊一板，呢到竟然100多蚊就食到，令人感動。

上班前意外路過想走間餐廳吃偶然發現的小店剛好是下午茶時段就點了一個丼飯試試起初來到的時候 賣相簡簡單單可能更爭鮮差不多的味道但意外地覺得秘製的poke醬很好味很對我的口味！下午茶也可以額外加一些小吃檸檬茶也是我也很喜歡，居然有很濃的茶香！唯一有一點小抱怨，就是從我入座之後等了差不多10分鐘都沒有人給餐牌我！然後到我叫餐的時候，又再等了10分鐘！上菜的時間就很快！不過等候的時間就很久，而且還不是等位置！員工服務需要改進啦

行完圍方，發現入面D餐廳多人得來，價錢又唔大眾化之後，就急急腳行返出來搵野食🤦‍♀️大圍火車站對面成條街都係餐廳，本身屬意越南野，但見好多人，唔知要等幾耐😢等等下，見隔離日本餐廳唔洗等位，抱著可能中伏（？！）嘅心態入去，點知好有驚喜😂入到餐廳大概係七點半左右，咁o岩有卡位坐😎但感覺餐廳比較細，枱同枱之間冇乜空位，中間就係走廊~夜晚唔覺有set，全部都係散叫嘅~我地叫左🍣火焰醬油三文魚壽司、🐔餃子雞翼、🐟西京燒比目魚、🐟鰻魚炒飯同🍲自家製叉燒拉麵~🍣火焰醬油三文魚壽司 ($10/ 2件)呢個係食食下野見到有個廚師推介牌仔，見幾抵就叫了😂10蚊2件，三文魚仲要燒過，爭鮮都做唔到呢個價😎🍣壽司一上枱，不得了😳😳😳🐟三文魚大大件，仲要係魚腩位，油脂豐富😍好夠味，唔洗再點wasabi豉油👍性價比極高，所以食完追加多一碟😏🐔餃子雞翼 ($38)呢個相對其他幾樣食物遜色😢味道唔會好濃，但只食得出薑味🤷‍♀️同埋內餡只得肉，冇其他料，感覺一般~🐟西京燒比目魚 ($88)個魚上枱已經覺得燒得唔錯😋外皮香口，肉質好滑~食落好夠味，又唔會好鹹👍🐟鰻魚炒飯 ($72)一開頭睇個碗，覺得份量有D少😂結果食完又覺得份

唔會再去！服務態度勁差！😡客人有行李，一係你話比我知擺邊到會方便啲，佢要求我將行李擺係餐廳出面，仲要細細聲係後面同個同事講話吓行李有貴重野？就算行李冇貴重野都唔係擺係餐廳出面啦😅😓又要求客人卡位坐四個人，但其實根本坐唔落！繁忙時間坐4個人冇問題，多人係出面等位，最多坐迫少少，食快啲，但明明冇人，坐咁迫做咩？我朋友行開咗，佢格硬坐個人係我對面，我好聲好氣話: 咦我兩個人喎。(我驚佢以為我一個人所以要我搭枱)佢語氣勁差咁話: 我知，卡位係坐4個人架啦！我嗌定野食比行開咗嘅朋友，野食好快就嚟到，個侍應係後面指手劃腳，好惡咁話: 呢碗飯係做乜！😠我嗌定唔得？😓唔會再幫襯😠