大蕃薯

營業中

休息中

每次經過總去了斜對面的爵士拉麵今次終於立下心腸要一嚐大蕃薯的名菜芥蜜脆皮原隻咸豬手晚市價錢在粉嶺區而言不算便宜每道菜約$150左右賣相很美的豬手炸得很脆身肉有點over, 但也是可接受範圍總體而言炸得不錯但最令人失望的是所謂芥蜜脆皮原隻咸豬手的豬手其實只是普通炸豬手再加上蜜糖醬豬手並無任何特別的調味而蜜糖醬亦太死甜另外點了芝士南瓜汁海鮮麵汁和麵不錯可是………這未發育的青口實在有點兒那個在$58的意粉尚且不會跟牠邂逅更何況這是碟$158的意粉最後在套餐加$13試了蕃薯奶茶其實感覺還可以但只是蕃薯還蕃薯，奶茶還奶茶並不是特別合拍其實以西餐來説味道算不錯但是略嫌性價比稍低從當晚用膳後附近兩間set dinner 約七八十元的餐廳大排長龍大蕃薯仍未滿座便可見一斑或者在午市光顧會較為合適最後，希望名菜芥蜜脆皮原隻咸豬手會加以改良在調味和醬汁上多加功夫令下次再光顧時有更佳的評價

難得星期日打算搵啲好味既野食安慰下自己，記得有間叫大蕃薯既餐廳好似係賣好多有蕃薯既野食，於是就特登係聯和墟落車去食喇。入到去，一個比較大既waiter就冇乜誠意咁接左我去張枱度，冇所謂啦，香港有好多餐廳都係咁。之後睇個餐牌，好似冇蕃薯既食野啵，唯一見到有「蕃薯」兩字既就係個蕃薯奶茶，跟餐加13蚊。然後全部餐都有肉，咁冇乜所謂啦，反正我一星期比自已兩日可以食肉，所以就叫左個香芧牛肉菜飯，加杯凍檸水少甜。哇！個牛肉飯咸到乸脷既發生乜事，菜又真係冇乜，希望 貴店下次唔好放個菜字等我以為個菜份量會正常啲。個飯好油，真係好油，油到好似一個人幾日冇洗面咁油。最好既就係杯凍檸水少甜，又真係會少（好多食店少甜都係好甜）。最後半碗飯都食唔到就埋單…好傷心啊我既期待都掃地了。

粉嶺有一間很出名食蕃薯食品的餐廳，而且很多報章雜誌也有宣傳其健康食品，於是就同朋友去拜訪一下這間好多人介紹及推介的健康食品店食晚餐，怎料食完後大失所望。可能太夜去到，晚上八點鐘到達時沒有太多人在店在用餐。同朋友坐下後點了焗飯和西式晚餐各一份。先送上既係有牛展既羅宋湯和大蕃薯自家製法包。羅宋湯造法叫做正宗，因為有牛肉，但味道則很淡；健康食品而言，這是可以接受。至於自家製法包，則只有一個評語「食之無味，棄之可惜」 。去到正菜「原味茄醬甘薯焗牛柳粒飯」和「紅酒燴牛尾配雜菌菜飯」，同朋友食完後既感想係……好咸。健康食品可以接受淡味，但真係接受唔到咁咸囉！先講「原味茄醬甘薯焗牛柳粒飯」，出奇地牛柳粒多過蕃薯，食完後都可以數得出食過既甘薯數量約四粒左右，真係唔知食買既蕃薯價錢係咪貴過牛柳多多聲；至於茄醬，偏酸程度有點兒那個，不是每一個人也接受得了。另外，焗飯既牛柳粒真係咸到無朋友，食左要飲太量既水中和返。另一邊既「紅酒燴牛尾配雜菌菜飯」亦不遑多讓，牛尾和雜菌飯同樣咸到無朋友。同一節牛尾燴到可以一邊很「瀡」，一邊可以很「韌」，好Amazing呢！雜菌飯好乾身同硬，亦不是每一個人也接受得了。整體而言，

是日天朗氣清，走畢龍躍頭文物徑後，到聯和墟食午餐，想到大蕃薯很久，也許時間尚早，不用等位，餐廳內客人很少，侍應直接安排入座。侍應熱心又主動，我們叫2用食物3個人分享，侍應主動拿3份餐具給我們，很多餐廳也不會這麼主動和細心，值得一讚。點了:芥蜜脆皮原隻咸豬手--豬手外皮脆下下，內裏肉質多汁細嫩，配合芥蜜汁減少油膩感，值得回味的菜式。肉醬意粉--意粉乾硬度剛好，肉味濃郁，入口不會油膩。蕃薯奶茶--本身有2個餐，等意叫2一杯普通奶茶作比較，有淡淡的蕃薯味，奶茶變得甜甜的，入口較稠，等別的味道，但注意糖份攝取的我，還是留給家人品嚐，但家人又只說沒特別。蕃薯蓉批--這是跟餐加錢換的甜品，軟軟的，濃厚蕃薯味，味道不會太甜，不愛甜品，但愛蕃薯的我，也吃了好幾口。是次惠顧，可能人流不多，侍應生服務態度良好，食物味道也有特式和令人滿足口胃。本人已忘了價錢，但不會太貴，也可嘗到特式菜。下次會為豬手，蕃薯蓉批再來的。

粉嶺西餐廳好多，但有特色價錢相宜既就唔多，聯和墟開了一些很高級的西餐廳因為太貴所以未試，但這一間我基本上每年也會回顧一次，為的就是唔洗100蚊既炭燒牛扒餐同埋獨有的蕃薯奶茶今晚8點半去到居然唔洗等位，可能過左食晚飯時間啦！已經好耐無嚟其實佢有好多選擇，有平有貴，我今次都係食平d既牛扒餐，有湯同餐包，不過無野飲，要另加錢!我地都揀左白湯，應該係南瓜湯，都幾濃，不錯!還有香脆牛油法包，我地2個人有3塊!我我老公叫左個牛柳蕃茄焗飯，等左唔洗15分鐘就到，上菜都好快，他說味道不算好特別但也不錯，$85~~不包飲品登登登~~到我的炭燒牛扒餐，我食了好幾年，不斷加價同縮水~~物價通脹嗎~不過牛扒好淋，應該5成熟~配埋黑椒汁同炭燒味道也很不錯，配菜也是熱的~今次怕肥無揀薯菜，因為呢度薯菜係原隻新薯仔，幾好味架~不過呢個set係無得揀幾成熟，我覺得呢個價錢嚟講個牛扒真係唔錯，因為出面有d賣到好貴都會好硬架!!最後，為左呢杯蕃薯奶茶而嚟，跟餐要加$13~所以加了一杯!比較鍾意飲凍既，因為飲過熱比較甜~~飲凍既就剛好，佢係無冰架，但係飲到d蕃薯蓉，甜度剛好，有d似印度拉茶味~~值得一試

實不相瞞豬仔係一位隱世蕃薯狂迷早午餐淨食蕃薯都覺得開心滿足所以行過見到呢間名為大蕃薯嘅西餐廳已經深深地吸引豬仔眼球而且餐廳當真有多款以蕃薯入饌嘅菜式蕃薯豬齋睇個菜式名都流哂口水但無幾耐先嘆完下午荼，戰鬥食力仍未到頑強壯態唯有嗌番個"6兩+6兩" 套餐食住先雖然呢個只喺一人餐，但份量十足西冷扒以炭火燒香，半生熟而略帶微鹹，夾住雜菌菜飯嚟食感覺滿足藍青口，選了檸檬牛油汁醬汁清新鮮甜，令豬仔胃口大開一場嚟到梗喺要點杯特色蕃薯奶茶一啖飲落，大量蕃薯蓉，奶茶甜度剛好，茶味亦濃蕃薯迷一定喜歡套餐除有餐湯同包，亦有是日甜品-麵包布丁但豬仔無咩興趣，所以另堅持加多個招牌蘋果批焗過嘅蘋果仍可保持爽甜且粒粒分明，招牌貨果然不錯今次肚仔有限，下次再嚟要試埋其他番薯菜式同埋隻脆皮豬手先得

#牛肉手打麵😁😁麵條好像天使麵般 掛湯力超強 湯好濃郁帶小小微辣 牛肉軟淰 有好多舊交足功課👍👍#蕃薯西多士😋 好邪惡呀😆😆 牛油喺新鮮即整既多士上漸溶既畫面很叫人心動!! 蕃薯蓉夾喺中間比一般西多甜😋#肉丸潛艇😋麵包烘過外層微脆內裏軟熟 夾著juicy肉丸 茄膏 芝士 幾正嫁😄#麵包布甸😆😆 份量有點少

去到聯和墟, 想試新野, 所以黎到大蕃薯店舖枱比較迫叫左------1) 2 個套餐----包餐湯配蒜香麵包, 主菜, 飲品    主菜:    芥蜜脆皮原隻咸豬手 $138    炭燒16oz安格斯肉眼扒 $158    +$13 飲品改做蕃薯奶茶2) 蕃薯蓉批食後感:餐湯係正常什菜湯味道, 蒜香麵包熱同幾香蒜香芥蜜脆皮原隻咸豬手----豬手肉唔乾, 表皮脆, 味道口感唔錯炭燒16oz安格斯肉眼扒 ------肉眼扒有炭燒味, 肉質唔鞋, 肉味不錯蕃薯奶茶------小小蕃薯味,但奶茶唔香, 失色2) 蕃薯蓉批----蕃薯味香又甜, 蕃薯蓉表面微脆, 批低尚脆, 配軟滑蕃薯蓉, 口感不錯總結:可以一試

首篇食評開動!食完一間誠意餐廳令人充滿動力要寫一篇食評表揚佢！星期五既夜晚，同朋友都唔想出去同人爭位食飯，於是就番新界屋企附近食揾野食，朋友推黎聯和墟呢間蕃薯主題既西餐廳，話試過都唔錯，而本人一向對於蕃薯、栗子、芋頭呢類秋季食物都熱烈喜愛!於是梗係唔洗諗，gogogo！8:45黎到，人唔太多，可以坐到兩人位(但非卡位，卡位係for4人的) 肚餓!二話不說，即刻飲湯食包，入門口見到cake櫃，好自家製feel,好幾款cake都有甘薯成份，我地就揀左薑汁甘薯批($24@)黎餸湯包cakes係cheese &pie多，真係岩sai我平均$24-30件，好合理～又好食!食得出係蕃薯整成既薯茸，雖然蕃薯唔太甜，但好過係添加糖既味，薑汁亦有，成件批味道好天然，like下次要試南瓜批!我地點左兩個dinner set，主菜一個揀左燒雞配意粉($128)，燒雞用左都幾多香料，所以落檯果下都幾香，但碟上既油就真係有d嚇親，其實我唔肯定果係汁？雞油？or橄欖油？越食越多汁/油，感覺好罪惡無擬可以令雞食落juicy d，意粉無甘乾，但我真係好唔希望果d完全係雞油，好唔健康牙!黎到最like既菜色，另一個主菜

越來越少出街食晚飯了，所以要是出去食飯的話，我盡量去其他地區沒有分店或者較特別的餐廳。今晚在粉嶺就好想去以蕃薯食物做主打的大蕃薯。聯和墟食肆林立，選擇極多，而大蕃薯門面掛有一幅可愛又玩對比色的大招牌，顯而易見。因為怕等位，在下午四點幾經過餐廳時已預先和男服務員做口頭訂座，到正式六點入座的時候，場內只有四位食客，最高峰都只有十幾位食客，並沒有滿座的情況出現，相信WALK IN都不成問題。地方小小，但枱之間都會有點空間，不會太迫夾。近餐廳門口是水吧位，中間是廚房地帶，尾段是洗手間的地方。牆上貼有幾篇雜誌訪問，細看之下發現年份是2008年﹑2009年，現在是否熱潮過後了呢﹖餐廳外內都放有黑板，上面以人手寫了晚餐﹑海鮮餐等等的餐食內容及價錢，非常清楚。看到雪櫃放有大量富士蘋果，這款蕃薯蘋果沙律$38應該是頗受歡迎的食物吧，加上女服務員勁力推介，那就試試看吧。蕃薯有黃蕃薯及紫蕃薯，前者份量較多，兩款蕃薯都夠軟糯，帶著自然的甜度，質感不會硬及沒有甜，加上富士蘋果的爽口清新，沙律醬只用了好少，目的是帶出少少酸味來。這沙律都算是一道健康的前菜，甚至當主菜也可以，因蕃薯是澱粉質的朋友，我吃了半盤都飽了不

我很少寫食評，今次為左帶一班朋友山長水遠來粉嶺吃飯，才傳這網頁給他們看，但我看完全部食評後，激發起我要寫這食評的決心。先聲明，我不是打手，只是看不過眼。我住在附近，由它開業至今，我已幫襯這店超過50次，不停帶朋友來，而餐牌上90%以上的item，包括星期一至日，早，午，下午，晚餐，我都吃過。我深信我是中肯的。ok, first of all, 大部分食評家生氣是因為侍應態度不好，令他們在這裏劣評。而事實上，侍應是不停轉換，而且很生手。很明顯，他們是新入行，或者是兼職的師奶。所以，要調節對服務質素的期望。話雖如此，但我從未遇過任何一次不禮貌，待慢的情況。他們是生手，是反應慢，說話技巧不夠圓滑，但他們都有叫必應。至於食物質素，大蕃薯的食物有些是無甚特別，有些是超好味，但我從未吃過任何一件是難吃，而且以西餐的質素，它是整個粉嶺，上水裏，是最好。推介必吃的有1.星期六，日才有的早餐，是典型的外國人早餐，好味，再加杯咖啡，滿足。2. 午餐，有咖哩肉丸，有咖哩的多重香料，少少spicy , 肉丸有咬口，不是死死實實。還有，焗豬扒飯，鮮味且材料足。3.下午茶，蕃薯西多，蕃薯蓉在西多裏軟綿綿，有陣蕃薯

再來大蕃薯係專程食德國咸豬手，果然其貌不揚，乾乾的，切開方知肉汁豐富，鹹味適中，味道一流，個皮脆過燒豬皮，又香又脆。再來南瓜蘋果醬黑豚扒配意粉，意粉係老闆親手做，煙靭有口感。地獄燒雞香草味濃郁帶點辣，蠻不錯啊。又是太飽食唔到甜品，只叫了杯蕃薯奶茶，基本上係一杯蕃薯奶昔，蕃薯甜，茶味香，味道可以，但唔可以用飲奶茶心態去品嚐。

奶奶在電視看到這間店既推介，即刻說下次同我地去試一下。為了不想奶奶失望，我同老公先去探下路。星期六一早來到此店。滿心期待佢地既胞皮豬手同手打麵。可惜原來係晚間才有的，所以山長水遠都無計傾。咁為有點其他特式小食同幾有趣既 蕃薯奶茶。 不可以說好食，但真係幾特別既，食一次就夠晒數，由其是山長水路入來粉嶺食。 蕃薯西多士：即叫即炸，內有些蕃薯蓉，都幾好食，不過老公唔LIKE甜食，所以應為太甜，因為西多士本身已經要配有蜜糖，再加上蕃薯蓉，真係比較甜O左D。而配有既所端新鮮水果，原來係1/4個蘋果，已經食太甜啦！所以再食蘋果一點都不甜，加上蘋果配上去外觀不太美觀，有點敗筆。蕃薯蓉批 VS 合核批，蕃薯蓉批勝出很多！！蕃薯蓉很有蕃薯味，皮稍為淋O左D，甜度控制不錯。而合挑批就稍為遜色，因為合挑不夠香口，批皮比蕃薯蓉批為硬身，有翻D口感，但整體不太特出。蕃薯奶茶，係有小小蕃薯味，但奶茶部份好似奶水一樣，沒有茶香。失色！

時間尚早, 在北區處理完事情, 想起不遠的這家久聞的店, 之前都路過見多人排隊, 是日終於有機會嘗試小小窄窄的舖, 座位不舒適, 整體裝潢感覺ok有噱頭的主提, 一試奶茶吧, 都算有創意的組合, 不過不失, 蕃薯被攪拌在奶茶裡面, 很特別, 茶味及奶味都能嚐到, 不錯!淡而無味, 稀如清水, 一點都不creamy, 搞什麼這麼敗筆?! 蒜蓉包硬而凍, 發生什麼事一磅小型青口, 沒臭腥味但又沒鮮味, 肉很細粒, 殼卻很大, 檸檬牛油汁都不差, 不會搶味之餘又可以帶不錯的可伴著吃蜜糖加了一些芥茉籽就是這簡單的汁, 其實沒什麼特別, 幸好豬手很脆皮, 肉很嫩所以很易被切開, 容易入口不會太硬太乾, 都算ok 蒜炒薯及菜但很惹味, 可另讚配飯或意粉, 但這樣會太飽呢

兩個為食鬼由午餐食到下午茶：甘薯蘋果雞扒沙律：一般沙律醬，同蕃薯的味道其實不太相配，蕃薯的甘甜被酸味蓋過。份量也少了點，索價五十幾，貴咗啲。合桃批：好味！甜度適中，粒粒合桃香脆！蕃薯西多：麵包中間塗上蕃薯蓉，代替一般的花生醬。落太多糖漿會食唔到蕃薯味，要小心控制糖漿份量，ok啦。蕃薯奶茶：好好味！唔洗落糖！蕃薯甜，配茶甘，超夾！吞咗啖茶後，可以慢慢嗒下口中淨低的細細滑滑蕃薯蓉，似有還無，回味無窮！蕃茄豬麵：我冇食，但朋友話一般，湯較淡口，豬手無什特別。我倆好鍾意食蕃薯，喜見呢間以蕃薯為主題的餐廳！有心思手！但仍有進步空間，尤其服務促度、態度。