大茶飯 (將軍澳中心)

營業中

休息中

【齊上齊落嘅大茶飯 食物賣相同味道一般】-大商場好少可會揾到黃店，大茶飯就係例外，仲要唔會好貴😛//環境🌕🌕🌕🌕🌑藍白色嘅裝修，同埋寫住齊上齊落嘅員工Tee，已經吸引咗我入去幫襯💕座位就唔會太逼，尚算舒適。//食物🌕🌕🌕🌑🌑1️⃣大茶飯炒河 （$68）佢其實就係乾炒牛河加蛋，味道一般，略嫌濕咗少少，不過份量都足夠既，無咩特別好或者特別差，但下次再嚟既話應該唔會再order😣2️⃣大茶飯雞扒配肉燥飯（$62）🌕🌕🌑🌑🌑個肉燥飯同我想像中既肉燥汁有d出入，有D好稀既汁，但個味道係無問題既，亦都足夠送飯😬雞扒上面灑咗D椒鹽，不過我覺得可以再重口味少少，同埋個外皮完全唔脆，有D厚粉，呢點有D失望☹️//總結環境係幾舒適，不過食物質素就麻麻，似大學Canteen，唔會特別推介大家去食🙈阿優推薦指數：🏃🏻‍♀️🏃🏻‍♀️

今日去食下午茶見到個價錢都覺得有啲貴50幾蚊 包杯嘢飲 唔知係咪日頭啲同事態度差啲㗎呢 上次夜晚去服務都好好😂🤣明明同佢講要拌麵俾咗個飯我 👍🏻👍🏻個態度仲要勁衰 如果食下午茶真係唔會揀呢間😂😂我亦都留意到佢對其他客人都好冇禮貌 我聽到有個客人唔知道冇午餐叫 落單嗰時佢照講午餐嘅嘢食啦 個職員話 冇㗎喇午餐得返下午茶㗎喇 聽落真係好唔舒服個客人仲要道歉🤦🏻💁🏻💁🏻🙅🏼🙅🏼🙅🏼諗唔明囉

叫咗個午餐，原條鰻魚肉燥飯，個樣睇落ok，但一食落口，所謂原條鰻魚又臭又韌，即時諗起日本仔喺九龍坑坑渠捉嘅鯰魚料理。肉燥飯啲飯都好硬，唯一正常嘅係啲肉燥，但都唔係好多，朋友叫嘅鹽酥雞排都係話比較硬。餐廳環境尚算清潔整齊，坐位都唔算太逼，枱同枱之間距離都算可以接受。服務呢間野中午都算夠人做野，員工態度算係OK。第一次食呢間野，食材品質真係算幾差，用六十幾蚊嘅價錢，我寧願食大家樂、美心嗰啲快餐店好過，幾差嘅經歷。

点了四个菜，炒粉，蚝仔烙饼，卤水豆腐，卤肉饭，只有卤水豆腐可以吃，剩下三个菜都好难吃。店舖旁边就是海底捞炒到爆炸，边吃边听到旁边的大喇叭音乐。老板跟服务员都黑脸服务

我真係絕少寫食評，不過今次真係忍唔住要表達一下呀！起初店員態度都唔係好好架啦，不過食物尚算好吃，最後就係最期待食甜品，點左個「黑糖芋圓仙草凍1號」，來到個樣同圖片已經完全唔同，食第一啖嘩真係～～又唔凍又唔甜，唔知係乜，我老公提我話好似少咗啲嘢，我先再問店員，呢碗同我叫嘅係咪有出入，好似少咗啲嘢，同埋又唔甜又唔凍，綠豆冇味，究竟呢碗係乜嘢嚟架，佢話可能雪得唔夠凍仲話漏咗比竽圓，補返比我，仲話整過，不過我當然怕加料啦，最後我話算啦唔駛換啦，我只吃了仙草及少少珍珠，其他嘅真係食唔落😓到最後埋單，碗甜品$38元，佢減收$30（就係因為見我食咗少少）真係唔知多謝佢呀定係讃佢精打細算😂

🐽花鵰嫩雞麻香拌麵 $68酒味不會好重，雞肉都真係幾嫩滑，但拌麵個汁就唔夠味，得少少既麻辣味，如果濃味啲鹹啲就更好🙊🐽大茶飯雞扒 $48雞扒好大塊，外皮炸到好脆，而且粉漿厚薄岩岩好，雞肉好juicy，加埋啲鹽酥雞粉好惹味😝🐽台式糖醋魚塊配白飯 $58味道普通，糖醋汁酸酸甜甜，同平時食開既冇咩分別，而且魚塊既粉漿比較厚🐽蔥油餅 $18 （加配價）煎得好透同金黃色，煙煙韌韌，蔥油味都好香😆🐽台式紅豆冰 $26除咗紅豆，仲會有埋珍珠，一次過有2種享受同令飲品有更多既口感😋🐽波濤洶湧奶茶 $26普通既珍珠奶茶，珍珠都幾煙韌🙈———————————————————————————-滿分係🐷🐷🐷🐷🐷🐷🐷🐷🐷🐷好味Level：6🐷抵食Level: 6.5🐷

送餐係掉落枱 一啲服務態度都冇出餐出到你咁串嘴（後生個啲ok 有啲年紀個個真係唔得）咁正常客人都想comfirm個餐係咪自己只係幾秒時間 你就咁一野掉落枱係咩態度先🙂🙂🙂

平時諗到食咩都我去呢度食，因為有啲午市套餐同下午茶都幾抵食，味道都算OK嘅。分別叫一個炸雞滷肉飯同埋炸豬扒滷肉飯，都揸得比較厚面分，豬扒炸到乾爭爭，唔好食，炸雞味精略重，滷肉飯都幾好，重點係要落佢嘅榨菜，另外有跟飲品，點了薏米水及桂圓紅棗茶，薏米水唔錯！有一次叫咗佢嘅冰凍炸排骨同埋台灣腸，其實佢台灣腸幾好，因為陪蒜頭🧄食台灣腸一定要跟蒜頭，而冰凍炸排骨味道算唔錯，酸酸甜甜，炸得好脆，係唔夠凍姐。其實食一個午餐都係大約$50至$60左右，就算係OK嘅，如果嗰日真係諗唔到食咩嘅話，都可以一食

話說平時都係響大茶飯買外賣，幾次都有驚喜，所以今日趁復活節假期黎食個set lunch...首先，我地係唔駛等位就入左黎嘅，仲有張勁大嘅枱...梁生order左一個京蔥醬燒牛肉飯佢話啲肥牛好冧又冇筋，好好食😋個醬汁亦好惹味，唯一美中不足係個飯用左珍珠米，如果用茉莉香米會仲好食喎～ 不過整體上佢都好滿意，覺得有大排檔風味至於我，就order左個酥炸魷魚鬚配肉燥飯魷魚有6-7條，大部分都係孖的，好好食，炸粉薄而且酥脆，一食落口好快就食到魷魚鬚裡面，魷魚🦑味出，調味岩岩好，正！我就冇梁生個問題，因為我碗係肉燥飯，啲肉燥夠我送晒成碗飯～肉燥個味調得唔錯，好有台灣食飯嘅感覺！最後，我地叫多左個鹽酥雞，一樣，炸漿薄，炸得酥脆又唔硬身！雞肉好嫩～隨餐仲有冬瓜茶同薏米水呢！

諗住簡簡單單咁食台灣菜，醫飽個肚就算，點知食完先見到碗米線有鐵線，懷疑係餐廳洗碗嘅時候留低左🤮小編食慾即刻大減，希望餐廳會改善下衛生問題😢==============================🇼🇸大茶飯 @taichafan_hk📍將軍澳唐德街9號將軍澳中心1樓137B號舖 ⏰星期一至日 11:00 - 22:00==============================1️⃣【酸辣魚塊湯米線】$68本身以為湯底係酸辣，點知有種麻酸辣嘅感覺，食完成個嘴都好麻，好鬼過癮🤣魚塊唔係新鮮魚，應該係冰鮮，無咩魚味，口感似食緊普通茶餐廳嘅魚柳🐟米線同魚塊嘅份量好多，好似食極都仲有，男仔一定夠飽🙈米線口感軟硬適中，唔會一夾就散，係小編鍾意嘅軟硬度😋但係！食到最後見到條鐵線，即刻呆左，好想嘔返晒出嚟🤮衛生認真麻麻，如果唔計衛生問題嘅話味道係ok嘅，希望餐廳會留意吓😣(🔥怒食指數：7.5/10).2️⃣【鹽酥雞】$20 原本想叫牛肉餡餅，不過去到已經賣晒，好可惜😔 唯有叫台灣菜另一個代表鹽酥雞🐔啲雞炸得好酥脆，仲要熱辣辣，好正🥳調味唔會太咸，而且咬開都唔會太乾，保留少少肉汁🤏🏼以20蚊黎講嘅質素同份

見係黃美琪開嘅就去試下，第一次去嘅，叫左個炒飯同麻辣面。個炒飯都叫做炒到一粒粒嘅，不過係超多油，同食倒一粒粒味精，仲要勁勁勁勁咸。而個蘿蔔麻辣面就不過不失，蘿蔔唔太入味不過都林林地嘅，都好大碗。 仲叫左個台式糖水，味可以嘅，但係爆腎咁甜。重點黎喇，我地坐近廚房出菜位，全餐就睇住佢地啲員工除口罩食野啦，就咁用手整個垃圾筒啦，就咁又摸完口罩啦，唔洗手就去上菜收碟。而家咁嘅時勢都咁唔衛生，真係唔會有第二次。

好久沒有去將軍澳了，農曆春節好多店都不開門，而且又好久沒有嘗試台灣菜了，於是就嘗試了這家，價格不貴，味道不錯，鹽酥雞，撈麵包括滷肉飯都不錯，紅豆冰也好唔錯！可以嘗試

今日一行四人聚一聚，掛住吹水唔醒起早兩日多左條無謂至極既晚市堂食禁令，一過六點就焗住叫外賣拎走。我哋都叫做好彩可以係朋友屋企食，啲夜更工作又冇office坐既朋友真係好無辜。Anyway，搵左間台式料理，朋友住呢頭話食過唔錯，而家外賣自取仲有折，我地就瘋狂落order，四個女仔仲要明明啱啱食完下午茶都叫左八九樣野🤣🤣🤣啲野食黎到pack得好靚呀，舖頭又乾淨企理，啲外賣盒又靚，忍唔住都相機食先左。野食拎到上樓都係熱辣辣既，味道中上，真心推介💕💕係隔離舖賞茶順便叫埋野飲，最後埋單每人都唔洗八十蚊，性價比高推薦呀🤗🤗

本身將軍澳係劣食之地，自從商場翻新過引入唔少食肆真係生色不少。呢間台灣野就喺將軍澳中心最尾，都好僻下，加上個裝修太商業化令人唔係好想入去食。但往往你以為唔好食嘅嘢原來有驚喜！首先佢餐牌都幾多花款，不過見佢推薦呢款“十七歲的麵”就一於試下。自選車仔麵得呢個冇得揀醬汁同湯，配料都有相當多選擇。我就分別叫咗麻椒貢丸、炸魚蛋、麻辣鴨血、金錢肚同白蘿蔔。一碗大辣一碗小辣。但呢個就係重點！好辣好辣好辣。無論大中小辣我都覺得一樣咁辣😂😂大辣嗰碗食一啖已經頂唔順狂咳，佢啲辣仲要係被辣油濁親，喉嚨好難受嗰種。本身其實係嗜辣之人，都一路食一路抹汗。所以大家叫之前要有心理準備。小辣嗰碗叫好d但都好辣，忍唔住倒晒碗湯入去中和下。冇錯，佢好似食菜遠撈麵咁有碗湯畀你。除咗太辣之外呢其實唔影響整體味道，個醬好似xo醬咁，有啲瑤柱粒粒喺入面，係幾惹味同開胃，不過稍嫌太多辣油。但總括來說係好食嘅。配料除咗個貢丸之外真係冇乜特別，貢丸入面有啲辣椒碎咁。其實成餐最好味係個油麥菜，佢餐牌寫炒a菜。一上枱浸蒜香味撲鼻，食到停唔到口，啲菜好清甜鮮嫩，可能落咗糖炒，雖則都係好多油，不過可能就係因為咁所以好好食。咁見佢咁多嘢食就再嗌

美棋bb既餐廳出左一人火鍋🥰限聚令下一人火鍋真係一個唔錯既選擇😚麻辣火鍋湯底好唔錯，唔會一味得個辣字，冬菇鴨血襯埋個湯底真係不得了。另外台灣手工丸都好好味。不論味道和食物質素都係好有地道既台灣風味，係睇得出有比誠意既餐廳👍唯獨杯珍珠奶茶真係差少少，唔夠茶香奶滑，珍珠都係普普通通🙈另外價錢都係比較貴啲，飲品連埋加一要$180😟我覺得定價真係貴左啲🔎 大茶飯 (將軍澳)將軍澳唐德街9號將軍澳中心1樓137B號舖