大良鴻輝記

營業中

休息中

係咪轉咗手？點解咁難食，水還水，渣還渣的凍渣渣($24)，仲要水係白色，糖水加椰汁，D水完全無豆味。另腐竹糖水一樣咁差，以前會飲到好香濃腐竹味，依家係淡黄色的糖水(糖加水)有3幾片5毫子大的腐竹就叫腐竹糖水($20)。我以前食過，覺得係傳統老字號舊式糖水店，好食既，但現在我肯定的是，以前的口味絕對消失了，而且無人能及的難食，一心想帶媽媽去懷舊一番，早知行遠少少既路德圍，隨便找一間都好過，令人失望了。

岩岩食完出面就落勁大雨間鋪啲職員即時收起啲碗話出面有人等緊，叫我地即刻走由入座開始計到比佢趕走大概20分鐘，急都急唔切就想踢人走快過快餐店結果幾枱比佢趕走嘅就冒住大雨企曬喺門口又走唔到唯有講句垃圾，荃灣周街都係糖水鋪呢間又唔係特別好食鐘意折磨自己嘅可以去試試本來想食同一條街嘅另一間糖水鋪果邊服務態度好好多，又好坐啲今次只係咁岩果間冇位就黎呢間試下中伏中一次就夠都係一次唔錯嘅體驗，落大雨都趕啲客出街唔係度度有得試

甜控又出沒！今次試咗開業多年嘅老字號——鴻輝記糖水鋪～　鋪頭大約有20-30個位，傳統糖水鋪風格，牆上貼有不同糖水相片另外桌上有糖水menu，而且仲有成分介紹同成分益處，好貼心呀！　　今次點咗腐竹白果糖水同合桃糊兩款糖水試一試　　合桃糊一上枱已經有陣陣合桃香味，入口味道香濃，感覺好足料雖然是糊，但不會太稠身，甜味不濃，十分健康！　　　而腐竹白果糖水，足料腐竹，白果亦去走白果芯，不會有苦味腐竹味亦好香，豆味濃，好味！推介鍾意中式糖水嘅朋友一試～

天時暑熱，要戒凍飲真係有啲難度☀️ 不過一把年紀嘅小秘書 真係要認老👵🏻 女人時不時都要補一補！今日小秘書 路經「大良鴻輝記」 ，好想入去食碗芝麻糊，不過今日見頭仔暈暈，唯有改變主意，叫咗碗桑寄生蛋茶，希望可以調理吓😁 先唔講有無藥療功效，小秘書 就覺得「鴻輝記」用料唔錯，蓮子咬落鬆化又甜甜地，蛋茶煲得又夠哂火路... 當一個下午茶嚟食，唔錯呀☕️

之前都食過幾次呢間既糖水，多數食招牌糊，食過合桃糊同芝麻糊，不過都係一般無咩特別，有時仲覺得太甜今次係朋友推薦食藜麥紫米露，一行3人全部都叫同一款，一來未試過，二來本身都中意食紫米露藜麥紫米露$24紫米露本身都煮得好好食，唔會太淋又有咬口，而且甜度岩岩好，加埋藜麥就會多少少口感，慢慢食都會食到d藜麥見到牆上貼左唔同字句去形容呢個紫米露，哈哈 「健康到裂」好誇張，藜麥聽講好有益，可以加落沙律或者乳酪食，第一次食紫米露加藜麥，又健康又好食

成日都食西式甜品，久唔久又會掛住啲傳統中式糖水！ 宜家香港中式糖水，已經買少見少…越來越少人做。競爭性不及新派糖水…希望香港仲可以保存呢份傳統細細個已經同阿媽嚟鴻輝記食糖水，佢芝麻糊、合桃糊……真係冇得輸但佢個桑寄生蓮子蛋茶…亦非常好味，感覺好補今次試下其他糖水先熱杏仁糊：招牌三寶之一…食落好傑身， 有非常濃嘅杏仁味 感覺真係新鮮每日磨製， 食完真係幾飽肚凍腐竹糖水 & 芝麻湯圓：通常腐竹糖水都會加雞蛋，不過忽然想食芝麻湯圓！腐竹糖夠清甜…亦有濃郁嘅腐竹味，又唔會太甜！不過，如果有少少腐竹皮咬吓會開心啲 芝麻湯圓夠煙韌，如果個皮薄少少就仲好好欣賞佢個薑糖水， 真係好夠薑價錢合理， 有懷舊感覺！ 希望呢啲小店可以繼續保留

成日朋友經過呢頭，都會話呢間個紫米露好食，一直好想黎試。但荃灣講到食甜品大家都會去集中又多選擇嘅路德圍，所以次次都醒唔起。今次因為係呢頭食Dinner，機會黎啦飛雲.呢間係主打中式甜品嘅鋪頭，xx糊xx霜個啲唔少得。坐低望下個餐牌先發現呢間個紫米露同外面個啲唔同，佢加咗藜麥，令我更想試。平時食飯加藜麥會令個飯更有口感，加響我鐘意食嘅紫米露即刻覺得健康咗有好味咗。下次會再嚟試下佢餐牌上recommend嘅中式甜品。

去親荃灣食糖水，個個都會去路德圍嗰邊食，但我就比較喜歡邊呢一間比較傳統嘅中式糖水店。我最鍾意嘅就係呢度嘅番薯糖水，番薯永遠都會好甜，但唔會係假嘅田地，煮得好琳，好入味，薑汁味好香濃，啱晒冬天食，食完即刻暖返晒！

大良雄輝記甜品同朋友食完飯之後，大家意猶未盡，好想食甜品再傾下計，不過天氣開始凍啊，唔想再食西式嘅甜品，就諗起中式甜品，而家嘅中式甜品店雖然越來越少，但係荃灣都有一間歷史悠久嘅大良鴻輝嘅甜品，除咗一般嘅中式甜品之外，亦都創新加入左藜麥係甜品之中，本來好想叫一碗麥米粥，但係比呢個健康嘅元素吸引左，所以叫左一碗藜麥紫米露試吓先。另外都好想叫一碗行人路潤肺一下，所以叫咗一碗杏仁糊拼紫米露， ＄24。呢度嘅雙拼係以貴嘅價錢為準。糖水好快就嚟到喇，較為稠，甜度適中，亦都唔會太甜。

喺附近食完晚飯，天氣涼涼地，都想食番個中式糖水先踏上歸途，黎到呢間大良鴻輝記，相信好多人都已經食過，店內仲貼左告事，分店已經開到元朗添。平日接近九點半鐘，入座時人流不多，但剛坐下不久，店就已經坐滿人，睇黎大家都想暖暖身子。店內位置不多，都算乾淨企理夠光猛，統一姐姐店員。餐牌供應中式糖水，紅綠豆沙、蓮子蛋茶、腐竹蛋、西米露等，招牌三寶係：杏仁糊、合桃糊、芝麻糊，糖水價錢唔貴，定價$17-27，可以加錢配蓮子、湯丸、雞蛋、涼粉等。三寶當中我地都試左二寶，可惜味道普普，只能稱上平價嘅街坊糖水，並冇特別之處。芝麻糊 $20 +湯丸 $7/2粒例牌芝麻糊，熱嘅，色水幾似模似樣，夠黑。上枱冇咩芝麻香，糖水質地濃稠適中，我唔鐘意太稠亦都唔鐘意水汪汪。芝麻味比較薄弱，質地滑身，正正因為芝麻味唔夠濃，顯得甜度特別高。見生湯圓可以外賣，30蚊10粒，不期然以為係好野，都加兩粒試試，一樣冇啥特別。湯丸皮有點厚，唔多煙韌，餡唔會太細粒，但裡面有硬塊(笑)，實實地嘅餡。合桃糊 $20合桃糊同芝麻糊情況差無幾，顏色幾像樣，但合桃味唔重，糖水質地滑到令人以為全部都係粉推出黎，亦確實有啲粉未融化。

屈指一數，大良鴻輝記在荃灣開了都有20年了。小時候還未聽過什麼楊枝甘露、法式焦糖燉蛋前就已經知道有這家鴻輝記糖水鋪的存在，在街市街對面，旁邊有水果鋪、中藥鋪、鹵水店等等舊式店鋪，那條街給我的印象是十年如一日。不只那條街，鴻輝記店內外也是50年不變：裝修和格局仍然保持80年代的風貌，和中式麺鋪一樣，餐牌是釘在墻上和貼在桌子玻璃面下，器皿也是再家常不過的碗具，而餐牌顯示的價格更是10年沒變。就拿腐竹糖水為例，兩日前我剛去了荃新天地的滿記和福來村友記，同樣點腐竹糖水，價格又$23 到$30（連雞蛋）不等，而這間鴻輝記的腐竹糖水只要$17（不加蛋）。雖然價格親民，不過糖水的味道就很一般，吃不到銀杏和薏米，而腐竹很稀薄，糖水也不夠濃稠，上來的時候糖水只是微熱，吃到一半就涼了。隔一條街的友記甜品的腐竹糖水賣$24，不過這個價錢是加了雞蛋，而且吃得到銀杏和薏米。以鴻輝記這個品質，$17其實反而顯得貴。

一年四季如果食飽飯個胃口仲有少少空間我都好希望食呢間糖水因為呢間糖水嘅裝修平實而且非常足料我好喜歡芝麻糊、黑芝麻、杏仁糊試過香港好多間所謂地道嘅糖水店就算廣告或者宣傳講到幾咁真材實料都唔及呢一間完全冇廣告嘅地道小店呢度嘅價錢十年如一日而且長期要排隊我最鍾意食呢度招牌三寶正正就係杏仁糊芝麻糊同埋合桃糊三個湖都非常真材實料而且淡淡都食得出佢哋係即刻磨 有時候老婆會食song寄生蓮子蛋茶真材實料同樣出色非常推介

尋日(27-5-2017 Sat)晏晝,老公食完飯再同佢落荃灣睇o野,睇完佢話食甜品,去邊o度食?尋日咁熱,要食降溫o既o野,雪糕窩夫o個啲好貴,我就諗起呢間中式甜品,於是行o黎食,我o地坐低後,老公揀$17.00o既凍海帶綠豆沙,我要$17.00o既凍腐竹糖水.好快,兩碗糖水到o黎,我o個碗唔係幾夠凍,味道淡淡地唔太甜,OK.味道: 3分而老公o既凍海帶綠豆沙比我o既凍啲同甜啲,但都唔會太甜,多料,綠豆又夠腍,都唔錯.味道: 4分食完降o左溫,個人都舒服晒.之後又以$24.00買一碗凍西瓜西米露拎走俾爸爸食,外賣加$1.00.食完晚飯,打開睇,西瓜肉就係面o個一層,舀吓先,見到西米唔多,糖水質地稀,我食一啖試吓,西米o岩o岩夠腍,唔會好似糊仔咁,糖水就飲到有椰汁味亦唔太甜.味道: 4分睇返上次食評我又係食同一樣o野=.=”.題外話:見到枱上有張發泡膠盒回收宣傳紙,影低佢日後問問回收詳情.

同朋友食完飯, 吹水吹到意猶未盡, 就去食碗糖水啦!人大左就唔想成日食凍野, 又唔想食新式甜品 (D大大件雪糕窩夫諗起都飽飽地)就去返食中式糖水, 就揀左大良鴻輝記啦!!入場9點鐘左右, 好彩唔洗等位, 但係坐低冇幾耐就開始愈來愈多人!始終9點打後都係糖水宵夜高峰期! 我地一行四人坐張大枱冇幾耐都要同幾個客人搭枱!不過唔緊要啦! 美食當前坐擠迫D冇緊要既!我地叫左芝麻糊、清心丸椰汁紫米露、大良燉鮮奶同埋芋香馬來喳咋。芝麻糊唔會好稀或者太結, 而且都幾滑, 芝麻亦香! 不過稍為偏甜~至於其他甜品朋友都話唔錯~~下次再黎試下先!

因為荃灣松記友記個條街太多人，所以呢間比較易有位坐，糖水係傳統野，價錢平，但我買比屋企人所以外賣左，返到屋企發現芒果一粒粒細既，size適中，芒果超甜但西米偏少偏稀