大良鴻輝記

營業中

休息中

前2日係荃灣行行下街.又想食燉奶喎..所以就黎左呢度!一坐底即刻叫左碗熱既大良燉鮮奶!熱大良燉鮮奶($16) : 完全唔洗等．叫完即刻有得食..食落口先知原來呢度既大良燉鮮奶=蛋白燉奶!可惜佢整到蛋白味仲重過d奶味..而且質感偏硬~食落又唔滑..我覺得似食緊燉蛋白多d囉~食完都係覺得順義燉奶/泰和堂既蛋白燉奶好食好多!至於呢度既環境一定唔係好嫁喇..不過我都係諗住自己食完就走.所以冇理咁多!服務更加唔洗講.剩在出野夠快~ (咁果陣間野又冇嘜人既..)只要你一落單阿姐就會即刻俾碗糖水你..然後你有你食.佢地有佢地自己傾計~

以前都幾常食，有時 lunch 食個芝麻糊加個包當一餐.....但都好幾年無食....昨日抽起條筋，想食芝麻糊，於是收工走去買了碗凍芝麻糊同綠豆沙。凍芝麻糊佢哋係起雪櫃一碗碗的倒出嚟，睇住佢哋倒，都未倒完 (我諗仲有五份一碗) 就算，想叫住佢，佢已經將隻碗掉了落洗碗盆.....唉！大佬！十四蚊碗都唔係平喎！最後一隻小小的外賣碗 (仲細過例湯碗) 都係裝咗三分二！回家晚上和老公做宵夜，仲同老公講好正架，老公食完第一啖綠豆，話無乜特別啫，於是我話你試芝麻糊啦！佢食完....望咗我一眼......唔出聲，咁我就食啦.....ohhhhhh點解會咁.....真係好似用粉開咁....只得一點點芝麻味，綠豆沙亦好一般.....唉！好失望！！

頭先我就叫咗碗凍喳咋,味道都ok啦,幾多豆,我女朋友就叫咗熱綠豆海帶再加了3蚊蓮子,我試了一啖,味道一般啦,但我女友就舥得太甜,不過蓮子就有好多,加3蚊都幾抵,另外有個就要咗碗凍芝麻糊,我無試過,不過睇佢個樣都食得幾滋味(佢係我女朋友個姨甥仔,小一only),睇碗野都好似幾滑......總括我覺得呢間都ok,不過無咩特別,因為呢度無一d好特別的糖水or甜品,全部都係一d好傳統嘅野......

喺元旦嗰日同女友行荃灣，因天氣乾燥諗著食返啲中式糖水潤一潤，行過見到依間冇乜裝修、舊舊哋、諗著好嘢...點知一試就斃。我叫咗腐竹蛋，女友就叫芝麻糊湯圓，喲腐竹唔溶、一片片、食落就好似加咗糖嘅水，隻旦就臨尾加，咬一啖全冇蛋味，所以我就食咗兩口糖水，咬咗兩口蛋白就唔食，芝麻糊就好似用粉開重要加水嗰隻，冇芝麻味又唔甜，不過女友有依食，有食哂碗芝麻糊。依間嘢一定冇下次！

又用大良,但唔係八記,入到去,格式同枱面的價錢紙又一樣,就當佢係有關係啦!要核桃糊同芝麻糊,本人覺得核桃糊多水得滯,稀咗啲.而芝麻糊食到一舊舊,好似開粉咁囉!!!

13-10-07 星期六晚想食欖仁糊, 冇, 叫左杏仁糊$15芝麻糊$15杏仁糊同芝麻糊都不太特別, 不能說差, 但也不能說好但略嫌杏仁糊淡了一點,不能帶出杏仁的味道,

尋晚食完飯又揾糖水舖食碗糖水潤下啦! 見呢間舖頭都應開了好多年而又未幫襯過.....咁去試下啦! 叫了一碗熱杏仁芝蔴糊$15 - 好夠熱! 但又好甜....而且唔夠香...似溝了好多粉及奶! 再加一碗涷合桃糊$15 - 都係唔夠香! 咁o既價錢食滿記好過啦! 始終都係松x d糖水好味及抵食! 臨走有個客入來想外賣一碗雪耳"don"木瓜!居然話只"don"雪耳or "don" 木瓜! 不如每樣買一碗! 咁都得!!! 最佳唔知個客有冇買到呢? !

過了吃飯時間, 只想吃少少甜湯, 又想食蓮子, 去唔到九龍城, 唯有揀呢度先- 凍冰花雪耳加蓮子, $13 + $2, 冰花既花字唔知係咩意思, 碗內只有雪耳及另加既蓮子, 雪耳太硬, 蓮子有兩粒仲見到個芯, 有點那個, 亦唔鬆化, 唯一可取的是清清地, 唔會好甜, 其他糖水唔知會唔會好食呢?

我和朋友到荃灣找野食,路過此店便入去try try, 一試就入左Black List 喇! 甜品太甜, 雖然甜品吾甜吾叫甜品, 但太甜就傷人心o 侍應態度差, 反應散慢, 無心工作!廿幾蚊碗. 雖然而家買一個甜品係正常價格.但換黎係咁難食.我都覺得好肉赤~! )

「欖仁糊」的色澤，介乎栗子露與合桃露之間：熱上的欖仁露，質感比後兩者稀，唔算好滑…清清甜甜的，不知是否欖仁足之故，總凝住有陣石油氣味…可能跟凝住義香的黑豆漿有陣燶味才是正貨的道理一樣吧。欖仁糊算不算非常特別的糖水？且怕未必。不過來價貴，難免比較貴…少人識整，少人肯賣。諗吓諗吓，既然有得杏仁糊、欖仁糊，可能糖冬瓜糊、糖蓮子糊（唔係蓮子茶）、瓜子仁糊…甚至五仁糊都有得做吓。講吓講吓，荃灣又「好似」真係無大良八記…。

這間糖水店給我的感覺是傳統。賣的是中式糖水，我們分別試了杏仁糊和西米露。我食的是西米露，西米不多，糖水過甜，始終不合我口味。男友本有幾聲咳，但食了杏仁糊之後竟然不咳了。平時食慣了有大量水果的西米露，轉轉口味也無妨。只是不是我杯茶而已。還有一點，感覺價錢偏貴。

先說明，一向對大良八記沒甚好感，所以一般是避免幫襯，誰不知是日是神推鬼迷的又遇上了。吃後感覺，同樣差。又，如果一早看過Openrice的食評，就好好多了。跟幾位朋友吃完山西刀削麵，還想找甜品吃。查實大家都已飽得九九十十，可以只是找個地方繼續傾計而已。之前經過川龍街，看到這裡比較多人，見又順路，就來試一下。甫入店，專兄已指出「這裡裝修這般似大良八記的？」，T兄又說「連餐牌也是一樣喎！」，三叔也來參一腿「那位阿姐在軒尼斯道八記分店見過呢！」。我信資料，指著兩間店的地址說「都不是大良八記。」心裡稍為安慰，才叫吃的。餐牌上最貴的一款糖水叫欖仁糊，還說有降膽固醇的功效，十七蚊，就一試。天時暑熱又要了碗熱的，純粹因為落單阿叔話「熱d就滑d」。糖水味道有點怪，沒有什麼香味，亦甜了一點。同意Oli的食後感，是有一點「老火湯」的味道，究竟搞咩？唯有在T兄再三叮囑其神奇功效下，解決碗糖水，早知如baby般要碗凍紅豆沙還穩陣一點。當然要數更差的，有三叔的什果凍西米。冷氣不夠，還吃了熱又不太美味的糖水，當然是「興興地」。最後食友還認真的證實﹝是少有的認真！﹞，這裡是真的大良八記，阿姐還怕我不信，指著商業登記，

大良鴻輝記, 分明是大良八記, 箇中關係是非如何, 就不得而知了.八記的糊好吃, 人人共知, 鴻輝記也不遑多讓. 八記只在港島九龍設分店, 鴻輝記在荃灣坐陣, 乃新界人之福. 石磨坊以撈糊聞名起家, 其概念之創新不得不讚, 可其糊之質素始終遜於八記鴻輝記一類老鋪. 在鴻輝記, 與家人朋友一人一糊, 一舀來一舀去, 撈之, 美味而賞心. (鴻輝記也待客撈糊, 落單吩咐便行, 與石磨坊道理相同.)

正月十五元宵節來梗係食個湯圓啦, 門口有幾個人企係度, 以為無位, 點知入到去仲有一張檯, 即刻坐低先!!見到幾個老伙計行來行去, 好似好忙咁, 又話落單要等等, 又話整緊外賣(唔通整外賣就唔駛理現場客?)..奇怪成班伙計用口叫來叫去, 又唔寫單, 又落錯野, 又送錯檯!!唉...搞到全場亂晒大龍, 怨聲載道, 民怨四起...搞左幾分鐘, 終於搵到個亞姐落單, 我要合桃糊($13), 女友要湯圓($13), 合桃糊一般, 唔太甜但點解一d都唔糊狀?? 湯圓有5粒, 但女友話湯圓質素好參差, 有幾粒ok, 有幾粒唔掂.....下次都係咪搞啦!!!!!!

我次次都食凍燉奶，又夠滑、不太甜，真係好正呀！但紅豆沙和綠豆沙又比較一般。