影片
港鐵朗屏站 E 出口, 步行約11分鐘
繼續閱讀
電話號碼
24743663
開飯介紹
以售賣傳統原盅蒸飯為主，招牌菜有鳳爪排骨飯、鹹魚肉片飯等，白飯配上甜豉油和肉汁香氣四溢，非常吸引。
繼續閱讀
營業時間
今日營業
08:30 - 15:00
星期一至日
08:30 - 15:00
以上資料只供參考, 請與餐廳確認詳情
相關文章
老老實實講，如果唔係地膽老友推介，真係唔會黎呢一度，就算黎呢一度都唔會行入黎，就算行入黎都唔會幫襯呢一間，因為個地方真係有D惡劣。不過坐喺度一路食一路見到好多人Keep住幫襯，主要係外賣為主，有D客仲堂食完仲會叫外賣，原因只有一個，就係佢D蒸飯真係非常出色。呢個係排骨飯，差唔多8成人都食呢一個，先講D排骨，竟然無乜肥肉，真係難得，因為多脂肪嘅排骨價錢係平D，所以出面好多地方都會用肥排骨，另外佢D飯都好好食，真係做到軟硬適中，同埋佢個豉油都幾香，夾夾埋埋就成為咗一碗好正嘅排骨飯。另一碗我就叫了臘味飯，佢嘅臘味飯係只有臘腸同臘肉，兩樣又係好難得地瘦，似乎呢間舖頭嘅主事人對D用料都有D要求。味道唔錯，真係真正地道嘅風味。
繼續閱讀
尼到呢間環境衛生 比較差...但係係呢到排骨梅菜飯真係值得一試...佢嘅排骨好入味...每次叫呢個飯都一定要多汁...如果唔鍾意個地方可以拎外賣回家食試難忙..仲要加半隻鹹蛋仲好食
繼續閱讀
做人最緊要就係飲水思源，可能好多人都會覺得冬菇亭呢啲地方係好污糟，衛生意識好差，但係無可否認呢個就係我哋長大嘅地方。你可能會覺得係佢哋追唔上進度步， 但係我覺得咁樣先係保留香港最真誠最原始嘅味道。坦白講，我就覺得個衛生好好，起碼條街我都覺得係好乾淨。鳳爪排骨飯呢個飯係小弟食過最好食嘅飯。第一，整個飯粒粒分明，唔會似出面一啲over cook嘅飯一樣，煮到糊哂。第二，整個飯嘅飯香都好充足，排骨嘅油亦都充分俾啲飯吸收，好香。第三，排骨係選用新鮮排骨，肉味足夠亦都好乾淨。坦白講，有冇用鬆肉粉我唔知道，但係我覺得個軟淋程度岩岩好。鍾意食中式蒸飯嘅朋友，不妨去試一試。
繼續閱讀
我買肉片飯外賣的時候,見到負責收銀、抹枱、包外賣嗰個姐姐接左事頭婆裝好飯係個嗰外賣盒,佢成隻手指公插咗落去啲飯边度,佢係帶住手套嘅,當時我呆咗外跟住同佢講,咁樣唔係咁好,因為佢雖然帶手套,但係佢又收錢,又抹枱,點知入面個事頭婆即刻出嚟維護佢,同我講我哋不嬲都係咁樣,我知哩間食店係元朗好耐,但咁樣始終係唔衛生,我費事同佢嘈,其實而家咁嘅疫情,大家嘅衛生意識係咪要提高D呢,最後我畀咗錢但係飯我掉咗,以後不會再幫襯。
繼續閱讀
大良泗記，無錯，就是吃蒸飯的那一間。每每有朋友來到元朗，筆者必然推薦，吃的不止是味道，還有人情味。泗記是家族經營，他們的老爸早年已經榮休，由兒子接棒，其它維持原班人馬；而我則是接我媽的棒，她從小已跟我婆婆去光顧，可謂一代接一代。從來我來這店只點肉片飯。他們的做法是把蒸好的肉片放碗底，蓋一個蒸飯在上，澆點甜豉油。外表看似平平無奇，舀了一匙飯入口，你才會發覺與平時吃的飯不是同一個檔次：入口甘香軟熟而不黏口，依稀有點彈性，細嚼以後米的天然香甜味慢慢滲出來，樸實無華，顯然是上等香米；水份拿捏得好，以致米飯不削不糊，保持彈性；蒸的時間也十分準確，不會蒸過火，靠的是經驗；混上帶豬油的肉汁及甜豉油，真可謂凡人的極品。夾一塊肉片嘗嘗，很滑但很實，肉汁雖在蒸的過程中跑了不少出來，但仍有少許在肉內——是新鮮豬肉，醃料不多，大概只放了少許生粉、鹽、糖、酒，老抽這等裝飾品一點也沒有。時代變遷，味道不變。我欣賞這家人的堅持，經營成本上升，百物騰貴，他們寧願賺少一點，仍然選用靚米。雖然價錢在幾年間的確上調了，但我深信加價的幅度根本不足與成本上升看齊。希望他們繼續堅持下去，保留香港僅存的味道。你吃到的是蒸飯，我吃到的是傳承。
繼續閱讀