大自然素食

營業中

休息中

昨天一行6人去食晚餐8：30入座，不夠十分鐘催女侍應就催我們落單話收10點，但門口營業時間寫11點，之後9點30差不多就叫我們快啲食唔好傾計，其間兩個職員不停催促我們夠鐘，問他們今天晚上咩原因收10時一個說滅蟲，一個職員說現在改了收10點😠😠😠那一個說法先真，定客人不多快啲趕收工呢

久久未素，今日一於去食下。專登搵左間開得耐D的，估計水準有保證。平日晚上，早已 full house 都算旺場 。兩個人，點左兩餸一飯。海鮮鴛鴦飯 $88好大堆頭，個人喜歡白色飯多過紅色飯，略嫌太過多汁。香煎黑椒金錢扒 $78黑椒好重手，夠辣，金錢扒即是猴頭菇，唔覺得有煎過，少少失望。馬拉盞炒什菜 $68馬拉盞亦是重手的，味道同去泰國野食有九成相似，唔用蝦真的可以做到呢馬拉盞嗎？勁！不過菜就炒得過火左D，太熟了。茶介每位$12，望落有啲貴，其實係包左小食頭盤番茄仔，同埋濃味日式玄米茶，仲有是日糖水。免費送的甜品紫米露，甜度適中，紫米有咬口，都唔錯。服務好一般，每個阿姐都串串地，你的要求佢又唔係唔做，之不過硬係有啲嘢要講下，好有性格。最差的地方係枱太貼，樓底太矮，加上爆場。全程似響街市一樣，完全傾唔到計，冇下次。

最近愈來愈多人食素，不是因為宗教，而是為了健康一點。「大自然素食」是我和家人喜愛的素食餐廳，多選擇、像真度高、不油膩。昨晚我們又去食。我們每次去必點焗牛油果芝士多士，吃完已飽了一半，但又忍不住口。今次試了幾個新菜式，味道不錯。

Happy Friday 諗住開心地同朋友聚一聚，食番餐健康素食，可惜食到一肚氣。😠.我哋被安排坐近門口的兩座位枱，真的是門口位😳 一邊是梳化位，我坐是相對的另一邊座位，差不多半個身位，佔在主要入門口通道，大隻男士坐的話，就塞住了門口，其實，此位置只可作一人枱，或者作放外賣食物枱之用；另外，這座位連在外邊有幾多人等位，我也一目了然，我還以爲自己坐緊露天茶座，因此，我哋坐底片刻，便「禮貌地」跟門口帶位職員講，想調位，她第一句同我哋講，就大聲話我哋咁麻煩，開囇茶，然後，自言自語地就行咗去，連隔離枱食客聽到，都問我哋發生什麼事。服務性行業，咁樣對客真離譜。😡😡😡.上菜時，另一店員攞住嗰熱辣辣豆腐煲，一聲不響，嗰煲就在我臉旁快快地掠過了，之後嗰煲就俾人放在枱上，頓時我感到臉旁也有一陣熱氣飄過，幸好，當時我坐得好定無郁 及 沒有太多人行出行入，否則，阻到嗰煲，就俾人毀容了。😡😡😡.一個就咁大聲話你，另一個聲都唔聲就上菜，呢D嘅服務態度都得 ❓❓.食店管理層，係米要正視下 ⁉️.店舖 營業時間至 11 點 關門，但九點左右及未叫埋單，就有店員同我哋講先埋單，咁即點呢 ....... 趕客走 ⁉️.但食

諗住成班朋友多年冇見，出嚟食餐飯大家聚一聚，之前聽朋友講話呢度幾好食，我們一行八人商量後決定就嚟呢間試吓，但係感覺令我地覺得真係後悔，大約入坐時間19:00，一開始招呼我們的侍應已經令到我哋感覺佢態度極差非常之唔禮貌！19:35才開始上菜，約19:50突然全部菜起晒，令人氣結的是，啲菜未食完就上糖水20:00、侍應仲好唔客氣地叫埋咗單先(原因佢話出邊好多人等緊)，全程係咁趕著、趕著⋯⋯，比人感覺仲慘過施捨！我們就一定唔會再幫襯！

咁岩同奶奶要去759入貨，入完貨之後就行左過黎食午餐了。牛油果多士咬落去好香脆，口感一流。用麵筋製作出來的片皮鴨，真係幾可亂真，咬落去口感根本同真的鴨肉無麥分別，好食。木瓜沙律最岩當作前菜食用，內裏放滿了蔬菜絲，夠晒清新。仲有不得不提的昰西寧雞，炸得十分香脆，仲可以點埋佢個汁一齊食。Yummy

本人沒有食素的習慣，因為知道並不是一般人想像中的健康，但久不久都會陪家人或朋友食素，當係欣賞扮肉類的藝術品😁適逢元宵佳節，家中两位寶貝老人家話要食素，可能因為是初十五，晚膳用餐時間竟以入坐起計一小時便要埋單走人，可能食飯對本人來說不只是填飽肚子，也是一種享受，而老人家食咁快會，唔哽死都會食得好辛苦，我覺得實在絕非人性處理手法，希望大自然檢討一吓，以客為本的精神

平時都好少食齋，今日突然其來咁諗起食齋，就嚟左大自然食。叫咗個二人餐，有兩碗湯，兩個餸，仲有一個小食，加埋最後有兩碗糖水好豐富呀！！一坐低就有個小食，雲耳，不過味道偏淡少少。竹笙榆耳蛋白燴翅好鍾意呢個湯，有爽口既竹笙同埋好多素魚翅燒汁雜菌牛仔肉味道唔錯，估唔到有筍，額外加分吉列泡菜卷 本來對呢個小食冇乜期望，但係出奇地好味！！吉列炸得好脆，內餡就好爽，少少泡菜嘅辣味超好食青蘭葉三絲炒拉麵 個炒麵炒得有啲乾同埋硬，麻麻地。

以前最喜歡下午茶時段黎食，因為會有半價，是晚朋友想食清D，我地就黎食大自然素食～～今次係我第一次去太子分店，整體食物/服務質素，我覺得銅鑼灣分店做得好少少～～三文魚刺身，我估應該用蒟蒻做吧，口感軟彈，但不是我喜歡的質感～味道同外型都係幾似手撕雞～名稱忘記了，都係炸菇粒黎既，分別有3款唔同既味道～裝作成沙拉骨，味道開胃～左邊味道似咕嚕肉，右邊就則用左梅子粉調味～燒汁牛肉卷，入面係金菇黎，不過醬汁太咸，我唔係太中意～避風塘茄子，炸得香脆，但調味唔夠，而且愈食愈油><牛油果焗多士 ， 差唔多每次去大自然素食都會叫呢個多士，🥖多士邊香脆，麵包鬆軟，滿佈邪惡既芝士，仲有一大pat既牛油果醬🤤🤤不過太子分店好似冇咁好食，而且冇我中意食既軟殼蟹卷🙈

由電話訂位開始, 電話接缐生服務態度已差, 未講完已掛斷電話。再打去還說好忙唔得閒。去到只安排坐門口, 朋支身材健碩卻推説轉位要再等位, 但眼見有兩張二人枱, 服務員只推說要問負責人。反而有ㄧ位客人來到卻即安排入座二人枱。幾經要求才轉到另ㄧ張枱。未開始吃已ㄧ肚氣。

四人，八餸，1.5小時，$675.4。首先吃到的是侍應自動送上來的一小碟雲耳，雲耳軟滑亦有爽口感，有着濃厚誘人的麻油香， 還好大家互相禮讓，否則只有幾片得搶吃了，哈。來吃飯前先在網上搜集資料，看見三文魚刺身獲得不少好評，說它的像真度很高，平常不吃素菜。還是吃過幾次素菜裝成肉，做成刺身倒是想都沒想過，機會難得豈能不親身體驗一下。三文魚的外表做得算是像了，但並沒到滿意程度，皆因每片大小是一樣的四四方方，真正的三文魚可是左右兩端其中一方尖窄，現在的形狀太死板了。味道方面，單吃說不出個味道，必須靠豉油芥末來營造三文魚的感覺，質感則像軟膠。本來想說它像蒟蒻，但想想也不像，因為那種質感吃起來不太像食物，不喜歡。沙嗲羊肉串吃起來沒有羊肉獨有的膻氣，這是意料之內，所以奇怪為什麼不命名為沙嗲豬肉串。若說它是豬肉串，在不知情下我未必能察覺出來，大概只會覺得它沒有一般的豬肉結實，加上濃味的沙嗲醬，確實做到串燒肉的神韻，但當然比不上真正的串燒肉。香酥炸大腸大概是把多層腐皮之類的東西疊起來再卷起油炸而成，雖說油炸但整件不脆，從外到內彈性高，油炸只達到去掉水份的效果，吃起來乾爽，不過蘸上甜酸汁吃還不錯。鬆化芋頭魚

今晚與朋友在太子始創大自然素食吃晚飯，食到一肚氣。原定安排我們用膳時間只有1.5小時，朋友早到6：55pm入座，至8：10pm已提示我們要離開，至8：15pm再次請我們離開，職員態度欠佳，本人請職員語氣好點，職員反過來語氣還要更差，好像指責我們夠鐘還不走。本人感到相當氣憤和失望，今時今日的食肆，職員態度是如此不友善，禮貌欠奉，本人定必不會再來用膳。

愈黎愈多人食素，大自然都係其中一間我幾鍾意既素食店，下什午茶有半價好抵架！同屋企人食最岩，中式但做得幾好既素食，我最鍾意串燒同咕嚕肉，咕嚕肉係用猴頭菇扮既，超好味，係好味過肉好多！仲有牛油果多士都係大推既野！！

最近改變生活習慣,一星期大概五天會吃素.然後就有麻煩了,因為吃素食選擇真的有限,而且舊式素食餐館又主要是色素等無味素菜,老婆大人接受不了,唯有找迎派素食餐廳.第一次到大自然素食,見到有鴛鴦炒飯就試一下,由於只有2人,旬太多吃不了,就只點了一個飯.果然是一大盤的,這一點要注意,不然又要打包走.整體來說好吃,像真度高,最欣賞是蕃茄片,開始時以為是辣椒片,結果原來是蕃茄片.非常好吃.

好久不見的朋友，約出來聚會，我說近月開始茹素，於是大伙兒找個方便的素食餐廳。大自然素食的太子分店就腳也不太大，談起話來也清清靜靜。我們五人（四女一男），都不是大胃王，而且天氣熱，叫半席的套餐會太多了，決定散叫。我先叫了最多人喜歡的串燒羊肉（沙爹汁），再來芋頭魚，黑松露炒飯，上湯浸絲瓜腐竹，薑黃炒翡翠苗，和很受大家吹捧的金沙南瓜素蝦。串燒羊肉和芋頭魚果然名不虛傳，很快便吃了，炒飯香香的十分爽身，上湯浸絲瓜味道很鮮，我們連湯也喝光了。最叫人驚喜的是金沙南瓜素蝦，咬口很好，南瓜也脆脆的。晚後餐廳送上紫米露糖水，令這晚的聚會既健康又愉快。