大美督嘉年華燒烤

營業中

休息中

全日任燒，一開頭貪佢有個充氣遊樂場俾個女玩，298/1人，但係撞啱天氣10月中仲熱到趴街，我都未試過去燒野食燒到全身出曬汗，竟然個場除左側邊之外，其他全部都冇風扇，自己屋企人已經帶咗4把手提電風扇。到另一情況，嘢食，真的難食到嘔，每一樣嘢食，可能雪得太耐，雪有啲仲有臭，我立即放入垃圾桶，D雞翼好似未發育咁，完全睇唔到有啲乜嘢食，淨係畀啲字我哋睇，就叫佢去攞，有一個員工仲用手攞比我，我立即叫佢，先生你可唔可以戴返手套，你喺個場度工作又食煙又搬嘢，隻手有幾汙糟，自己諗下。老實說話，相比起其他燒烤場，你係唯一可以燒全日，同埋有一個大充氣遊樂場，其它無優性點。如果唔係全家人嚟左，同埋我個女生日，安排好曬，費事轉場，我寧願蝕錢比你，綁住咗信用卡$320吾要，去其他場仲好。同埋我發現好多人嚟到，好多都唔知道流程，我就知道呢啲人係新嚟的，如果你公司仲係噉樣搞燒烤場嘅話，一定會買少見少，越嚟越快執笠，你啲價錢不是平，配套唔夠，風扇都冇把，你叫人燒嘢食，你只係開冬天啊，現在十月，七八月點樣開呀你？😭😭😭好後悔的經歷。

公司在大美督嘉年華一起吃自助燒烤，這裡有玩有吃，各種肉和菜任君選擇！有雞翅，豬扒，牛扒，雞扒，火腿腸，豬肉丸，魚丸，牛肉丸，豬肉餅，燒賣，玉米，茄子，黃瓜，麵包切片等等，應有盡有！吃完了又可以再取，只要不浪費就可以不停吃！這裡真是好大，整片草坪遊樂場，還有很多遊玩設施，例如滑梯，鞦韆，蹦蹦床，如果有小朋友一起過來就可以開心地玩一天！有吃有玩都是不錯的地方。飲料會發一兩張免費券，換完飲料之後就要自己買了，價錢都在正常範圍。

7:00pm入場完全無提過10:00pm收工，如果知道我哋會轉場，9:00pm開始唔俾攞嘢食，我哋不斷有額外消費，牛油，錫紙通通要錢，都唔緊要，9:45pm我哋仲有好多未燒嘅食物，道路封叫我哋十五分鐘後要走🥲真係無下次，第一次去一間會趕人走嘅燒烤場，燒到一肚火🤬🤬🤬

走入這家餐廳，空氣裡已經飄香四溢，絕對係「肚餓三分鐘，香味十里傳」的典型！今次我點了幾款「人氣爆燈」的燒烤，每一款都令我充滿期待。首先，「焦香夠晒撈！」的土匪雞翼，腌得鹹甜適中，皮脆肉嫩，入口即溶，一啖一個正！跟住，必須搶先嚐嘅豬扒，外層微焦、內裏鮮嫩多汁，「真系惹味攞命」。牛扒方面，軟滑嫩口，肉質夠晒彈牙，每一口都是「味道炸彈」！當中炙燒過的菠蘿，加咗這份「甜唷」，繼續為味蕾帶來驚喜。至於那個土炮台灣腸，香口得嚟，爽彈又多汁，「真系得你心機」！最後，提提你，每位客仔都送有個超級彈牙的海蝦，食到我「心情大好」！而家諗返起嚟，都仲會微笑咁流晒口水呀！全程食物質素得嚟又實惠，一路食、一路傾計，啱哂聚舊好去處。真係「呷得開心又滿足」，重點係，「回味無窮」嘅美食體驗，確實唔可以錯過💥！

因為book唔到其他燒烤諗住試新野，點知勁差，7個人得一包炭，之後要加錢，蕃薯、牛油要加錢，每樣野食每次只可拎1-2件，野食唔好食，種類小，7個人最盡只比2片洋蔥，想拎多件都有眼色睇

【大埔區】【大美督嘉年華燒烤】公司攪燒嘢食，都痴孖筋嘅，走到去大尾篤呢啲山旮旯地方攪，等巴士、等小巴都等到日以繼夜、夜以繼日，唔知浪費咗幾多罐午餐肉。好彩我死痴住啲有車階級嘅同事，全靠平時阿諛奉承做到足，先可以舒舒服服咁去呀。入場蓋個印仔喺手臂度先，呢啲任食燒烤場老奉係咁架喇。吸完印就同阿姐攞兩張嘢飲券，去門口士多換嘢飲，不過都係得啲汽水同啲無酒精罐裝飲品，啤酒係要另外畀錢買，唔可以用券加錢換，咁我就飲冠益堂生榨椰汁囉。然後就到啲嘢食，選擇都算多嘅，肉類、丸類、農作物等等加埋嘅種類都多到唔可能每樣都食到最少一件，太多。公司揀咗「重慶燒烤爐」，instead of 港式同韓式，都冇所謂嘅，呢種長方形網燒好似仲方便過用燒烤叉。而燒嘢食我一向冇乜胃口，燒啲肉、食啲豆卜、燒啲麵包就已經謝晒皮，參觀吓個場地有咩設施。原來仲有蒙古包可以入去涼冷氣食嘢，又有兒童充氣彈床畀啲童軍玩「Scout 彈彈」。聞說每位好似收二百零蚊，差不多啦。。。（地址：大埔汀角路17-29地段136-148號地舖）#1amfoodie #foodie #hkfoodie #hkfood #food #foodporn #i

1/10 節假日加價都算啦，都講得過去（238/人，小朋友138/人 ）算～～接受！但係飲品平日每人2罐，而家每人1罐，開爐費收$100！ 😤最過分係我地4:30pm入場，準時準點8:30pm過黎收爐，叫我地走（你有人等我地無問題啊，，但係周圍大把吉檯）真係未試過BBQ體驗感咁差咯～😤😤P.S揸車🚗噶朋友仔要注意，BBQ消費滿$600 只可以free parking 3個鐘，之後係$30/hr（節假日）

大尾督任飲任食燒烤好抵食👍🏻好適合一大班朋友嚟，唔需要自己準備食物和用具好方便❤️整體嚟講食物葉得好好味，唔會太鹹太濃，食物選擇有多，除咗肉類仲有蝦魷魚，又有菠蘿食得好滿足

第一次嚟，環境非常惡劣，貪佢有個充氣城堡同埋其他設施俾小朋友玩，點知啲嘢污糟到不得了，污糟到你唔會玩。book咗個冷氣貨櫃，入邊個雪櫃臭到不得了，出晒黑色嘅霉菌(生日蛋糕都唔敢放入去),地板好多泥，冷氣唔凍。食物方面，我哋成10幾人，都只係肯比一個盤我哋去拎嘢食，來回行好多轉多算。啲嘢食好唔新鮮，每一樣嘢拎出嚟嘅時候都係結緊冰，醃料感覺上幾乎一樣。環境差，食物差，仲要見到有大量老鼠，明白室外草叢地方多蛇蟲鼠蟻，但係店家都有責任處理吓。永遠都唔會再嚟，活受罪

8/4 汀角路咁啱有大車禍，塞左個幾鐘，諗住打電話講聲遲D，電話完全無人聽，最衰比佢綁左信用卡，無得Noshow 焗去。最後終於去到，門口排曬隊，諗住都Ok ，到比錢，明明睇食評都寫公眾假期$198，點知又話特別日子$268 ，公眾假$198再多個特別日子$268 呢個係咩玩法。唉！算入來都用成兩個鐘，無理由唔燒架。照入啦。點知入到去仲大獲，明明寫包兩罐嘢飲，點知特別日子加左價之餘，但竟然減到得返一罐。跟住拎嘢食，一開始Set 死比一盤指定既！成盤都係肉搭少少其他嘢，已經餓左兩個鐘，你都無咩丸同腸比我快燒，又無熟食，您唔係叫我燒嘢食前要食個杯面丫，呢個又係咩玩法。仲要燒曬先可以拎個30x20 既盤去拎第二D嘢！跟住仲好大方咁話有四件菠蘿送添。頂，我話我地5個人呀！跟信話送既係咁。第一輪終於燒完，去拎嘢又要拎單又要睇我幾點完可唔可以拎嘢。我頂丫，唔係任食咩，要配給啊！燒到中段，D炭都差唔多用曬，咁諗住問下邊度拎啦！點知想搵個工作人員問都無，最後去到士多，話無得免費拎，要比錢買。我晴天霹靂，我真係未去過一個場加炭要比錢買！連炭錢都要賺埋。結論：食水深，無服務，無售後(無電話可以聯絡到個場

復活節特別收費$268/$138貴過其他燒烤場x師傅、x運。網上訂座要鎖定信用卡又唔俾更改，只可取消俾佢扣你錢。貴都算，諗住地方大，有設施俾小朋友玩下，點知吹氣城堡突然又限高又限時玩🤯因為限時燒4個鐘，只有3個鐘俾你拎嘢食，仲要拎單排隊等阿姐配給，要多啲都叫你下轉再嚟。食物方面，唔包蕃薯要自己買，食物醃製不足，雞翼除咗分到辣定唔辣，基本上食唔到咩土匪、南乳、蒜香味。佢比其他場多咗啲尖椒、蒜心、蒜頭、車厘茄等蔬菜俾你燒。啲阿姐好盡責一夠4個鐘，就埋嚟叫你走，加時假日要$80一個人，已經唔俾拎嘢食，炭又要自己加錢買，個場大把位都唔會俾你坐多陣。以前明明包兩罐嘢飲，而家得一罐，買又要$12起跳，又係貴過其他場！當其他場係免費泊車先到先得，佢就淨係最多免你3個鐘，但記住你係燒4個鐘，點都要賺埋你泊車錢$30/hr。節日流流食到個個趕頭趕命又唔開心，貼錢買難受，呢個價錢有大把其他選擇，不會推介！👎🏻👎🏻👎🏻

❌真係永久列入黑名單，入到去個半鐘頂唔順走❗️一心諗住復活節假期帶小朋友玩，自己又好想BBQ，兩大一小$754，入到去一個鐘左右頂唔順走咗，啲草蚊係多到嚇死人，一坐低成身勁多草蚊飛埋嚟，多到你根本唔可以坐定定喺度多個10分鐘，嗱嗱聲燒完佢比嘅第一盤嘢食就即刻走，枱面啲嘢食全部都係草蚊，我小朋友仲要完全冇食過嘢，佢不停吐口水，話啲草蚊成日飛落佢個口，我見前後枱啲人都喺度不斷投訴，大人小朋友都坐到好忟，我都未試過燒嘢食燒到咁，係一去到就咁想即刻走，諗住買罐啤酒降下溫，點知一開成罐都係泡，已經即刻有三隻草蚊飛咗落去🤬，職員回覆就係話我揀近草地就係咁，個位置唔係我哋揀，係收銀姐姐揀俾我哋，我亦都想講我去咁多次郊外燒嘢食唔係咁，場地係你哋，你係咪應該要做好下啲滅蚊蟲措施，真係冇理由多到咁恐怖，$750講真大尾篤大把選擇！

首先每位客人$198 ，10個人一個爐，淨係比一包細包裝炭提供，其後$35一包，（仲要都係好細包），燒烤時間最多4小時，起碼要買四五包先夠😕食物唔係自取，仲要係佢夾俾你，每樣仲要夾勁少，20個人得兩盤20Cmx25cm嘢食，怕我哋會食窮佢咁，拎親都要你出示單，飲品人頭一罐，（連拎飲品又要出示單）勁麻煩，重點態度又差，真心唔會再黎。要黎請三思🥲🙏🏻最不值既燒烤場 附近有更好，唔需要比錢買難受🫨

我直至2022年11月之前去過最少10次，但今次去完，就唔會想再幫襯一間咁小家嘅公司。之前用WhatsApp book 位，回覆唔算快，但縂算有人回應，入數比$500 confirm booking ,有咩突發事可以改日期時間👎🏻👎🏻👎🏻而家上網自己book ，如果要cancel就要24小時內email 改，24小時後想改，sorry ,係cancel唔到，又會lock 你$540信用額，多多限制👎🏻👎🏻👎🏻📣📣系統訂位後，恕不接受更改/取消📣📣如果要加減人數，請聯絡我地協助*取消訂位（僅接受24小時內下單取消預約)（copy from 大美督嘉年華BBQ FB)之前WhatsApp可以揀自己心水的座位👎🏻👎🏻而家係電腦編排人頭費包4小時，燒烤拎食物3小時，之前頭一轉會比一盤set 好嘅食物你，另外紅腸，丸類，腸仔任你拎。肉類，尤魚，瓜類，就拎返個食物盤去refill 👎🏻👎🏻👎🏻而家都係比一轉set 好嘅食物比你，冇得再自己拎食物（可能唔想比人浪費咁多），好似配給咁，今次d肉類，丸，尤魚好冰lol 可讚的係味道可以，唔算劣食之前收人頭費包4小時，全日免費任泊👎🏻👎🏻👎🏻👎🏻👎🏻而家爛

唔明點解咁多人去食！又貴又唔係好食！同一價錢真係寧願去第二間燒！重點人地野飲任飲！呢度只包一人一罐野飲仲要雜乜牌子！！野食又唔係好食！食水勁深！連停車場都要收費！冇下次！！！！！去元朗屯門或入小小果間燒好過！