大美督嘉年華燒烤

營業中

休息中

難得朋友平日放假，就約去燒野食，見到燒烤場有得免費泊車，所以揸車去一入場見到好大隻吹氣兔仔，先去士多買門票先，之後就會俾蜜糖、紙碟、餐具、食物夾及枱布，跟住去揀枱。第一轉拎野食記住拎單過去拎托盤，之後就拎托盤就可以，款式都幾多下肉類全部都醃好，而且非常入味，而且款式都幾多丸類款式也不少，第一次燒野食見有春卷、咖哩角同油條吃貨既我當然要拎黎燒下啦！素菜類也有幾款，還可以拎竹籤串起燒記住拎單前往士多就可以每人拎兩款飲品啦！有汽水同水場內還有很多兒童玩耍地方滑梯跳彈床電動四驅車還有一些打卡位

同朋友去大埔嘉年華燒烤場BBQ4小時任玩任食預約價$198 $200有找 Walk in會貴$20 記得預約先去🫶🏼呢個價錢有2包炭，一樽蜜糖🍯，紙巾🧻，餐盤同燒烤叉🍖 性價比極高👍🏻仲有員工幫手開爐 服務周到👍🏻.渣車的朋友最方便 呢到有提供泊車位🚗🚙🅿️燒烤設施非常完善 👉🏻設有遊樂場 小朋友們可以在燒烤期間盡情玩耍 👉🏻卡拉OK 大人們係到高歌一曲 氣氛相當好👉🏻寵物friendly 可以帶埋家中寵物🐱🐶一齊BBQ🥰.食物任取任食牛肉🐮豬肉🐷雞肉🐥都有齊仲有幾隻調味 食得好過癮蔬菜🥬都有唔小選擇 有竹籤供應可以串住黎燒仲有辣椒粉提供 沾點黎食更惹味

前幾日假期同屋企人去咗大美督BBQ 趁而家天氣未係好熱嘅時候過去就啱晒啦🤣一到假期超多人過去玩 價錢唔貴 人均都係$200就可以任燒任玩四個鐘 仲會包埋兩支嘢飲👍🏻👍🏻👍🏻-呢度嘅環境好闊落 至少容納到100多人去玩 有重慶/港式/韓式燒烤選擇 我哋梗係會揀重慶 解放雙手之餘又容易燒熟食物😋😋除此之外呢度仲有好多蔬菜種類 有雞髀菇/翠玉瓜/車厘茄/娃娃菜等等 最特別嘅係竟然有薯格！！燒完之後好香脆✨✨而且我哋最鍾意食牛仔粒同燒雞翼 小朋友都玩到唔捨得走💯

師傅冇做後第一次嚟，停車場變咗要拍咭入閘，本身係朋友先入諗住燒五個鐘時段，我地後兩個鐘到，入場時收費個負責手腳慢到差d以為佢智商有d問題，入到去搵到班朋友諗住去攞嘢飲，問個檔口個好長頭髮嘅男人問幾次話包邊種嘢飲都唔Q答人，跟後反而排緊隊個客話我知你攞完出嚟佢會同你計，咁唯有攞最平價嘅嘢飲啦，每人包兩份嘢飲，d嘢飲都夠凍，見咁多人諗住一次過攞哂4罐兩人份，點知出事，前面10個人左右排對計數排咗我兩個幾字多有，凍到我手冇知覺咁滯，條長毛對完單重要好“九”氣咁掉返張單比你當你乞兒咁，到去攞嘢食時話因為我係加人所以要拎返個細盆出去拎嘢食，心諗我地成八個人都係得一個細盆唔係呱，嘢食種類又少連我最愛嘅魷魚翼都冇，d牛朳豬朳冇知落咗幾多鬆肉粉“霉”到我諗啊婆都唔洗“𡁻”，好差，好懷念以前師傅個燒烤王🥲真係北上仲好過係香港受理九氣 ，服務員係會笑同應機，唔係同空氣講嘢。

師傅冇做後第一次嚟，停車場變咗要拍咭入閘，本身係朋友先入諗住燒五個鐘時段，我地後兩個鐘到，入場時收費個負責手腳慢到差d以為佢智商有d問題，入到去搵到班朋友諗住去攞嘢飲，問個檔口個好長頭髮嘅男人問幾次話包邊種嘢飲都唔Q答人，跟後反而排緊隊個客話我知你攞完出嚟佢會同你計，咁唯有攞最平價嘅嘢飲啦，每人包兩份嘢飲，d嘢飲都夠凍，見咁多人諗住一次過攞哂4罐兩人份，點知出事，前面10個人左右排對計數排咗我兩個幾字多有，凍到我手冇知覺咁滯，條長毛對完單重要好“九”氣咁掉返張單比你當你乞兒咁，到去攞嘢食時話因為我係加人所以要拎返個細盆出去拎嘢食，心諗我地成八個人都係得一個細盆唔係呱，嘢食種類又少連我最愛嘅魷魚翼都冇，d牛朳豬朳唔知落咗幾多鬆肉粉“霉”到我諗啊婆都唔洗“𡁻”，好差，好懷念以前師傅個燒烤王🥲真係北上仲好過喺香港受你“九氣”，服務員係會笑同應機，唔係同空氣講野。

天氣涼涼地即刻好想BBQ，一諗到BBQ好自然諗到去大尾篤，估唔到同我一樣想法既人咁多，想去果間打電話去預約無人聽電話，去到要等位，起碼等一個鐘先有位......等太耐喇逼於無奈唯有轉場，初初毫無頭緒唔知試邊間，途經見到大美督嘉年華燒烤，門口既宣傳單張又幾吸引，任食任玩4hrs，成人$218，每位送2個指定飲品（汽水或蒸餾水）。估唔到原來而家BBQ有爐揀，仲要唔只得一款爐，有4款爐可以揀：韓式爐、港式爐、重慶爐、新登場既泰式爐！因為之前未幫襯過，所以揀港式爐好似就最穩陣，開爐費$60/個，每爐可容納10位使用，包括：2包木炭3kg+1樽蜜糖+1包紙巾+1個自取食物餐盤+每位燒烤叉1支。50款美食任揀，醃製肉類不含味精，基本上有齊一般燒烤食物！質素方面無令人失望！

帶小朋友去BBQ，最緊要既一定係要有野玩比小朋友放電先得，小朋友去 BBQ 著重既唔係有乜好野食，而係有乜好野玩！如果唔係好難要小朋友坐幾個鐘同大人一齊BBQ，食下又玩下，玩下又食下，咁樣就大人細路都開心！小朋友對於食物要求不太高，可以話係無乜要求，唯一既要求係要有「麵包」，最鐘意就係燒麵包，燒兩燒搽蜜糖再燒兩燒已經食得，又飽肚！小朋友自己又可以體驗到 BBQ 既樂趣...... 學識唔好燒燶麵包，燒燶左就無得要再燒過！除左「麵包」，小朋友仲好鐘意雞中翼，有南乳雞中翼同埋蒜香雞中翼，估唔到兩款雞中翼小朋友都鐘意！仲鐘意脆皮芝士腸、廚師雞肉腸、豬肉丸、墨魚丸... 好岩小朋友口味，小朋友 BBQ 食得最多野就係大美督嘉年華燒烤！

這間燒烤場早幾年去過、但感覺一般過去唔多提！星期六因有朋友仔仔生日🎂🎂🎂邀請過去玩、覺得各方面都好有改善、可能是換了管理、入場小姐妹妹勁親切👍👍👍、可以講話有求必應！地方清潔 任食場來講都算選擇多、味道幾好最緊要唔係偏鹹有味道！大草地依然非常大自然環境好🤩！飲品都種類可以！仲有隻狗仔幾可愛！呢度跳彈床非常大啱曬細路哥仲要唔收費任玩、仲有一樣特別正、就係有快充電椿啱曬我揸電車的家庭💞💞💞可以再來！✅✅✅

第一次幫襯呢間，我同朋友放低袋，未開爐，連炭都冇見到就去拎嘢飲，嘢食，返番埋個爐職員已經著好個爐，仲有1包已開嘅炭包，張單寫包2包炭，心諗喺咪燒到咁上下要問職員再拎1包。點知問佢果吓真喺火都嚟，第一句就窒頭窒勢邊個幫你開爐，仲質疑我哋自己開爐，之後就講第1包炭用晒嚟開爐。開爐要用晒成包炭？我就燒過咁多個唔同場都未試過啦，真心我見識少。最後仲勁冇禮貌咁成包炭扔過嚟，嘭一聲。1包炭30蚊，好似我哋貪佢包炭咁。啱啱搭dc入去都90蚊啦，呢30蚊who care?然後講下d飲品，食物。4個鐘包1支水 or 1罐罐裝汽水或茶，想要支裝飲品唔該18蚊，之後加1罐飲品唔該12蚊。明明張收據話包1支水 or 1罐罐裝汽水或茶，額外送多1支水 or 1罐罐裝汽水或茶。食選擇仲少過去打邊爐，個refill食物個盤仲細過老麥個餐盤，好多調味食物都要加錢買。book佢仲要綁信用卡，唔可以取消，no show會自己扣錢，焗去。真心奉勸大家，咁嘅燒烤場喺咪要幫襯啦。食氣仲飽過食嘢🤣🤣

冬至天氣好好，大美督踩單車走起🚴之後去bbq，大美督那邊有好幾個bbq場，選了這家👉大美督燒烤嘉年華🍖 整體一般——————bbq有三種爐：港式 重慶 韓式🔥根據爐子和人數配餐具🍴有一罐燒烤蜜糖🍯一人兩罐飲料（額外➕的話飲料是12-18左右）🥩食材自取，品種挺多的，各種丸子、雞牛豬扒、不同味道雞翅、蔬菜蘑菇等，新鮮度質素就一般啦幾種爐子都考燒烤技巧，好容易烤焦，後來慢慢掌握技巧好點選他家因為看到場比附近其他的大，還有兒童遊樂區和草坪區，hin適合帶小朋友和寶貝寵物過來一起玩哦~ps有🆓停車 看到隔壁家停車要收💰

昨晚大美督嘉年華燒烤體驗好差，不會再去。首先，付入場費時，收銀員未詢問便預設我們選擇電音節$258/位（3小時任飲任食套餐），我實際只想選擇$198/位（4小時任食限2罐飲品套餐），感覺被強迫選擇昂貴的套餐，後來收銀員推薦任飲套餐比較划算，結果選擇了前者。其次，職員態度差，回答含糊不清，問多次後顯得不耐煩。第三，所謂的任飲要將已飲完的飲品罐帶回士多，才可換新飲品。付費時未有交代，第一次取飲品時也未提及，導致我們丟棄空罐後無法換取新飲品，不能理解這安排，所謂的任飲套餐飲得一罐。第四，取飲料的士多與取食物處距離勁遠，燒烤場規劃不佳，不方便顧客，來回要走10分鐘。總結整晚體驗：每人$258的價格包括19抖音質素的電音；普通食物（澱粉丸、唔鬆軟的麵包、燒賣、肉類）；每人只限一罐飲品；雖然任食3小時，但實際上10點已收拾取食物處；講真可一不可再，警世唔好畀錢買難受。絕對無下次，感謝。

人生中第一次寫食評，點解自己咁忙都仲花時間去寫呢？只係希望大家唔好好似我咁中伏😓😓😓原本一家人開開心心去燒嘢食，一入去即刻見到個服務員黑口黑面，都心知不妙，點知問親乜嘢都say “No”, ，不斷試你嘅底線……..今時今日仲可以咁既態度👎🏻👎🏻👎🏻👎🏻👎🏻至於食物方面，只可以講不值一提！！唯一可取之處係有啲兒童設施俾小朋友玩。除此之外，完全諗唔到有咩原因俾錢去受氣🙅🏻‍♂️🙅🏻‍♂️🙅🏻‍♂️😡😡😡

價錢貴（$198一個成人）但服務非常差！10個人一個爐，但只有一個托盤承載食物問佢拎多個又唔畀我們的位置非常曬，明明整個下午場內有其他陰涼位置，但職員表示 full booking，不能調位。中途有職員來問我拎收據嚟睇，但沒有交代清楚原因，睇完便走咗去呢次BBQ簡直係燒得火滾，食得火滾

公司揀左呢間舉辦BBQ活動場地：污糟 梳化墊好污糟，全程唔敢坐開爐：爐未開好員工就走左，要自己手動煽個火，煽左好耐都燒唔著，最後都係要再搵員工用火槍燒食物：一致唔好食，係好低質既燒烤食品👎🏻，除左丸類放左係雪櫃自己夾之外，其他燒烤肉同蔬菜都係收起左，唔會見到，要望住個餐牌睇有咩，再向員工點，佢地會戴手套"那"落個食物盤度，大雜燴咁俾你🤮；種類好少，連茄子,蔬菜包,蕃薯都冇🤷🏻‍♀️設施：燒烤夾一個爐只有一個，唔夠用，炭包得個兩包，唔夠燒服務：負責飲料既員工告知飲品唔岩飲可以去士多免費一換一，但士多員工表示冇收到通知，要我地來回又折返先換到飲料，內部溝通不足，而且冇即時確認安排，不負責任。唔會再去 唔值得去試 山長水遠入黎 附近有更好既選擇唔會推介俾任何人希望公司唔好再揀呢間燒烤場

醬料隻提供這3樣想要其他醬料要收費，蕃薯收費，其他食品要去點餐咁點，每樣2-3件，配給制咁一開始會比一個set定嘅頭盤比你，一堆雜扒加啲圓，冇得一開始簡自己鍾意嘅野食，重點如果唔想浪費，食量細嘅，哩碟嘢應該夠3-4個人食啦，邊仲食得落其他可以比你自己夾嘅丸仔，衛生見仁見智啦，兜芝士腸啲千年老冰多到呢….仲有個分配食物嘅阿叔冇帶手套，徒手拎食物，徒手拎豆卜放入我地個碟…之後仲見到佢係出面收拾檯面，倒垃圾，冇帶手套。所有要配給嘅食物我地都望唔到雪櫃同衛生環境，靠大家想像啦