大甲芋圓

營業中

休息中

有冇試過食芋圓搭抹茶、焙茶雪糕等配料呀？呢間有呀，仲幾好食，會encore！😆▫️🔸焙茶仙草芋圓 $26Hojicha mesona taro ball第一次食焙茶雪糕，茶味好香濃😍啱晒鍾意茶嘅我，雪糕、紅豆、芋圓同地瓜圓下面係大大舊仙草😋唔係糖水/冰嚟㗎，好足料🤩芋圓同仙草都好食呀，唔會太甜，芋圓好煙韌，仙草爽口～▫️🔹招牌大甲芋圓 $28Signature Da Jia Taro Ball呢個啱鍾意芋頭嘅朋友，有一球芋泥同一球芋頭雪糕，前者芋頭味重啲，後者其實唔太似雪糕，接近芋泥嘅質感～

第二次黎食大甲芋圓，外賣過一次掛住，上次係叫熱嘅熱賣大甲芋圓，佢嘅糖芋頭同個芋茸露不得了！香！滑！但今次就有d失望！一開始比呢個「熱賣」同「招牌」已經攪到有d亂，諗住叫個一凍一熱，想試下個豆腐雪糕！點知個熱賣一到，唔熱嘅？原來個熱賣係有得凍嘅，好可惜凍又凍唔曬，溫的唔拖唔水，糖芋頭又硬，芋茸露又唔香，加上個豆腐雪糕又唔夠豆味，咁多樣加埋已經sosad😭😭😭總結！要叫一定叫熱！嘅！熱！賣！大！甲！

係食飯時間去食，食客唔算多，員工只有2個係廚房，要自己出去收銀落單，叫咗碗招牌大甲，貪佢夠大碗😋之前食過芋圓份量比較少，今次份量啱啱好，可能唔同員工比嘅份量都唔一樣，同行朋友見到都話想試，可惜佢病咗唔食得住，下次一定會同佢再嚟，芋圓口感好好，仙草都好滑👍🏻，值得一題係員工服務幾好，當時廚房短髮嘅女員工整好咗我碗野放咗上枱，見到佢有其他單做緊就諗住自己出去攞，佢就話一陣幫我攞，出到嚟聽到我朋友話凍，佢就主動熄細冷氣，幾細心，順帶一提佢打扮幾型，又高，忍唔住望多幾眼😆，cp值高嘅芋圓，下次一定會再去！

諗住食個糖水，去到見到唔使排隊，有四個位，我同男朋友就入咗去坐，坐咗大約一兩分鐘之後，出面有4個人想食 但無位。個侍應無啦啦走過來同我講：呢度要等位，小姐你出返去然後再問後面嗰班人你地幾多位。明明我同我男朋友嚟先，佢見人哋多人啲啱啱好四個人就要我出返去，如果真係佢哋嚟先我要讓位冇問題，但問題係我哋黎先。同埋佢既態度係極差我廢時同佢嘈 一句野都無講就走左 以後都唔會食！

晚上「口痕」常來的這家小店，主打台式芋圓，每次光顧都可以把整碗芋圓一掃而空。很愛吃芋圓，不過合口味的很難找，有時遇上太硬，不夠Q彈，有時遇上太甜，很腻。這裡的芋圓口感是比較煙韌軟糯，即使是凍食的也不會硬，甜度適中，很不錯常常會吃這款特盛豆花芋圓，主要是因為配料很豐盛什麼都有，不需要特地想點什麼，很適合選擇困難的朋友，而且底下是豆腐花，吃掉一碗也不會太飽。而價錢也很實惠，如此質素，可以說是性價比很高了

附近餐廳晚飯後，口痕想食糖水，芋圓係其中一個唔錯既選擇。平日夜晚9點左右，店內客人兩、三個，可能因為天氣凍，而餐廳門口大開，無遮無掩吹哂凍風入鋪頭，所以大多數人都選擇外賣，帶返屋企食。綠豆椰香紫米芋圓（$25）芋圓煙韌好好味，但綠豆同紫米量少，成碗太水，外貌同食落既口感都大大扣分！味道方面太甜！似係用大量糖溝水，椰汁香味反而唔多，食左一半就食唔落。海底椰豆花芋圓（$27）比起紫米個碗，呢一碗好太多！雪糕係豆腐味，入口有好清新既淡淡豆香；無論豆花、雪糕定芋圓都算係淡口，唯一一個甜處係浸糖水既海底椰片，夾埋一齊食就岩岩好。雖然成碗係凍食，但芋圓依然軟硬適中、好好咬口，十分抵讚而且份量唔細！不過都食清光！店內除左芋圓，仲有唔少甜品可供選擇：雪糕、寒天、湯圓、糰子、燉品、布丁......經過又口痕既時候可以一試！

Dessert is very important for a meal , it can help to create a happy ending for a meal. Yesterday I went to a dessert shop in 天水圍 that was recommended by my friends . The place is a bit small , we had to sit closely with each other , and feel quite uncomfortable , but the food is above average .Would Revisit one day .

突然好想食芋圓，又唔知香港係邊到有得食，今日竟然比我搵到呢間位於天瑞既大甲芋圓！我叫左個焙茶仙草芋圓，上面有焙茶雪糕，下面係大量仙草同芋圓，絕對唔係用糖水黎墊底！抵食又好食！

👫一直都好想試呢間芋圓，食完晚飯就去咗試下啦💕 出面食開糖水都至少30起跳，估唔到呢到廿幾就有得食，好抵食☺️一一一一一一一一一一一一一一#招牌大甲芋圓 <$28>諗咗好耐都唔知食咩好，最後揀咗一個招牌一個熱賣🤤招牌賣相好靚，入面有芋頭雪糕、芋圓、仙草同西米等🤡每一啖食落芋味香濃，有啲芋圓仲有餡料係入面，認真足料👻不過味道就一般般，唔會再試第二次🤔.#熱賣大甲芋圓 <$28>賣相相對招牌無咁精美，要撈起身先見到大大粒嘅芋圓😚包心芋圓好大粒，口感煙韌Q彈又唔會好甜😋入面仲有一大嚿芋頭、水晶珠同地瓜圓等，用料十足👍🏻不過我覺得糖水就偏甜咗少少，食食下有啲膩🤕一一一一一一一一一一一一一一👾驚喜指數：❗️❗️❗️🔙翻撻指數：❗️❗️（5個❗️最高）

明明唔夠分鐘前話走紅豆😑送到黎⋯只見雪糕同牛奶，一粒芋圓都唔見，已經火火地，以以走紅豆就咁，完全冇心裝載🔥紅豆冇走，又勁少芋圓⋯完全燥底成碗牛奶⋯唔會再幫襯囉⋯⋯

價錢平得黎質素都好好。次次都係食仙草芋圓，d芋圓係即煮既好煙un，唔會話中間硬繃繃，仙草都好食，配埋紅豆就甜度剛剛好。紫米就淨係食過一次，就還好不過不失。都係仙草芋圓最穩陣。

朋友之前在見到blogger介紹，一直跟我說很想試，難得來到天瑞，我就決定試一試。由於食飽了，打算買外賣回家，只可以選擇熱的熱賣大甲芋圓，芋圓很有咬口，最特別的是有大大粒的包心芋園，包心芋圓食到分明的芋頭和番薯味，美中不足的是糖水太甜，下次試試冰的會否淡點。

平時唔太鐘意食甜嘢嘅我好少出去食糖水但呢間嘅芋圓真係幾好食第一次食紫米露會加埋芋圓同豆腐味雪糕意外地大家幾味道好夾 紫米露好香 芋圓口感煙韌 豆腐雪糕慢慢融化同紫米露溝埋一齊 奶味會濃左 又有另一番風味如果真係要雞蛋裏挑骨頭嘅話 我唯一唔太鐘意嘅就係覺得個紫米露太甜 會有少少膩 同埋佢哋就算堂食用嘅都係即棄餐具 如果我再食嘅話應該會自己帶餐具 不過呢個唔重要最最最重要嘅係 價錢真係好平民 出面食碗糖水都35蚊起跳 但呢到先廿幾蚊就有一碗 份量都好足平夾抵食 一定會回頭再食！

小編成日去的餐聽廳有多款芋圓配搭，例如豆腐花，紫米，西米露等。當中小編最喜歡配豆腐花滑滑的豆花，加上q彈的芋圓，口感很特別。而且有淡淡的芋頭及蕃薯的味道。因此小編十分推介

呢間芋圓性價比幾高，住屯元天嘅朋友可以試下去食宵夜糖水😋焙茶仙草芋圓($26)呢個係凍食，焙茶雪糕比我想像中濃味，仙草好滑，地瓜圓同芋圓都熬得幾彈Q，仲有D紅豆，幾大碗同多料～-熱賣大甲芋圓($28)呢個係熱食，包心芋圓好大粒，入面仲好大舊芋頭，同另外有D細粒嘅芋圓地瓜圓，因為幾大碗所以d料無浮到上面，我個人中意食細粒多D，比較彈Q👌🏻