大甲芋圓

營業中

休息中

細佬講開天瑞好多新食物一搜之下街市出面好多小食（衛生問題唔會點試）、韓、川都有。行左成個圈先搵到呢間甜品～叫左熱賣大甲苧圓：1）苧頭一大舊唔粉、小硬=要張大口先食到（食過大陸鮮苧仙苧頭係勁好食）、2）苧頭圓地瓜圓數量多（多過深水埗康瑞好多）、但無味、咬口一般（但都好過松記冬日限量苧圓甜品）3）有d大粒d既苧圓（口感似水晶包）無咩味4）好啦主角係個西米紫苧糖水巨甜巨難食、甜都可以好好食eg cova chocolate but this one very awful 同苧圓吸晒d味、我食晒d料無飲過個底就走人。價錢係算平、大陸鮮苧仙都25-28 人仔。5）好既係新、裝修好、幾衛生你會睇到晒佢爐具

真係唔錯，用左好多芋頭整，無乜加好多奶，食完唔會滯住，包住芋蓉既芋圓好創新，仲有一舊好大既芋頭，唯一美中不足的是，芋圓有落香精，不過要仔細食先會食得出，整體來講係好味既。

星期六到天瑞村辦點事，完事後在巴士總站等巴士，現今電話有App ，看到巴士班次時間真幸福，可以更加掌握時間，善用每分每秒。見還有12分鐘才有車，看見有間甜品店，咪貢入去八一八囉⋯⋯店名為”大甲芋圓” 原應是點芋圓來吃，但見時間只有10分鐘，有點趕，於是看見凍櫃有其他選擇，選擇一些食唔切的話，可以拎上車的食品比較貼切。對於一個綠茶控來說，一看見綠茶項目會被吸睛的⋯⋯綠茶奶酪$16~綠茶味都幾突出，而且甜度適中，啱筆者口味。最後吃完甜品上巴士，時間啱啱好，下次再來的話，一定要試試他那芋圓。

懶懶的我🐷終於回來了#招牌大甲芋圓 ($28)有仙草 芋泥 芋圓地瓜圓 包餡芋圓 大甲芋頭雪糕🍦朋友覺得仙草最好食😛應該改名叫大甲仙草包餡芋圓唔錯 入面係芋頭蓉同埋蕃薯蓉芋圓比較煙韌 有咬口#焙茶豆花芋圓 ($26)焙茶雪糕有驚喜☺️茶味香濃豆花都幾滑 有豆味🤔#紅豆豆花芋圓 ($23)呢個一般 如果食就試招牌🤭#黑糖燒麻糬 ($18)麻糬煙韌唔痴牙 但冇乜黑糖味 冇太大驚喜🤨.#大甲芋圓 天水圍天瑞路9號天瑞商場地下G2E號舖.#foodie_天水圍

天水圍有間賣芋圓既鋪頭，成日見到人山人海，想堂食都難，唔係開左好耐，今次去到竟然有位，真係好想試下今次就叫左芋泥紫米芋圓同埋椰果仙草芋圓--------芋泥紫米芋圓（凍）$24收到碗野時，第一個反應係點解碗野見唔到d 芋圓既，原來芋圓份量唔多，全部係晒底到，同行人話：「同人講緊你食芝麻糊都有人信呀」碗野有椰汁，芋泥，紫米，芋圓，椰汁雪糕椰汁同芋泥幾香，但紫米好少同埋攪碎晒，食落口無平時食紫米露嗰種口感，d 芋圓尚算有煙靭，但食唔出每隻色d 味有咩分別，椰汁雪糕反而好怪，唔係好夠凍，食落同個甜品好唔夾椰果仙草芋圓（凍）$23碗野有椰汁，椰果，仙草，芋圓，椰汁雪糕椰果食落就係平時d 罐頭椰果，仙草無乜特別，芋圓同埋椰汁雪糕都係同上面碗野一樣總結：可以滿足想食芋圓既慾望，但唔好期望好好食，價錢係幾平--------環境：以前依到都係甜品鋪，但多位坐d,依家變左賣芋圓之後，個廚房位大左，攪到座位少左，所以要成日等位，而且坐得好逼唔舒服同行人張凳唔知點解爛左一部分，但依間鋪新開無耐咋wor--------服務：見到我地入黎會主動執枱，揀左好耐食咩亦都無催我地，值得抵讚

大甲芋圓招牌大甲芋圓$28材料有仙草、芋圓、芋泥、地瓜圓、有餡嘅芋圓、大甲芋圓雪糕。可以見得到材料係非常之多嘅， 雖然芋圓嘅味道唔夠重， 但如果以呢一個價錢嚟講， 佢個性價比都幾高， 如果糖水可以甜返少少同凍返少少，我相信會變得相當唔錯。可可冰麻糬$18就咁睇以為佢一個朱古力cake， 其實佢係一個朱古力嘅冰麻糬。涼浸浸冰冰涼嘅麻糬食落口好過癮， 唔好睇佢好似好細兜咁呀， 食到一半已經開始覺得好飽， 分量好充足㗎。整體嚟講呢間鋪都幾抵食， 都值得一試㗎。

星期日晚八點半，人唔多買外賣唔使排隊，仲有兩三張空枱，樓面位哥哥仔好得閒冇嘢做，問佢可唔可以落單佢話要等等，收銀嗰位小妹妹做到西曬面，落單又係佢出餐又係佢，俾我都西面人之常情，入少少煮野食位另外有三位員工，三個都好得閒有一個仲得閒到可以食嘢，但係四位員工（計埋樓面）都冇一個幫個妹妹仔，最後結果係妹妹仔幫我落錯單，我都做飲食我收工返嚟都好攰，望到呢班人即刻唔想食，最後等左足足兩個字先拎到碗啱嘅外賣走，返到嚟打開望吓，唉，水汪汪既紫米，仲差過波仔個叮叮紫米，芋頭一大舊，芋圓得幾粒。

芋圓熱潮仲未過，尼間糖水鋪主打芋圓，基本上有仙草/豆花/紫米/綠豆沙底，餐廳就幫你配左配料。碗碗都有非常多既配料。叫左招牌大甲芋圓($28)，焙茶豆花芋圓($26)，抹茶仙草芋圓($26)。尼款最岩鍾意食芋頭既朋友，有1大球芋泥，芋頭味香濃，雪凍凍地，質地好似雪糕咁，加上1大球芋頭雪糕，再配上包餡芋圓，芋圓，地瓜圓。全部都好煙韌，冇煮過龍。仙草底既份量亦多，唔太甜。焙茶雪糕好重茶味，亦有芋圓，地瓜圓，起碼有10幾粒。豆花滑，豆味重，唔太甜。仲有紅豆點綴，所以好豐富。抹茶雪糕香濃重茶味，同焙茶豆花芋圓既分別在於，雪糕唔同左，個底唔同(仙草/豆花)，所以隨個人喜好揀想食咩。整體，已經食過好多次，每次既配料都非常豐富，而且水準keep到。

啱啱去完台灣，又突然好想食台灣甜品，朋友話天瑞開左間大甲芋圓就黎試下。好先黎個賣家秀與買家秀黎睇下。餐牌相果然係下過工功。黎到我都O哂嘴。再搞下，成舊紫米都未溶，比少少誠意好無。再黎見到話係手造道地甜品，但我好相信d芋圓一定唔係店內手造，而且員工煮得過熟，無口感，又淋。由入鋪開始d員工已經一直雞啄唔斷咁傾計。圍埋一齊又食又講。比店內客人仲要嘈。有請老闆多多指導一次員工。價得加分係環境唔差，可能仲係新。

天水圍呢一間大甲芋圓係天端，新開冇幾耐，已經好有人氣。裝修好靚，而且餐牌都好多選擇，主要分為仙草類，豆腐花累，中式糖水，仲有好多台式小食。你見影到佢哋啲餐牌賣相都好吸引㗎，好似好足料咁。咁我哋就帶咗個招牌大甲芋圓，雖然唔知入面有啲咩，不過齋睇就好吸引啦。仲嗌左一個護院椰汁蓮花紫米，保守啲啲。點知出到嚟嘅成品賣相就非常之一般啦，絕對冇餐牌嘅樣咁吸引囉。紫米露煲得過咗火所以呢普普通通，絕對冇將餐牌嘅樣咁吸引囉。紫米露煲得過咗火所以呢普普通通，芋圓同蓮子就好夠啦，芋圓味道一般勝在夠多，滿足我就想食芋圓嘅需求。另外值得一題係佢嘅芋泥非常之好食，好有質感。以30蚊以內嘅價錢黎講，有咁嘅質素，咁嘅份量真係值得再黎嘅！

第一次食個陣都係食紅豆芋圓燒仙草，覺得性價比唔錯，雖然芋圓麻麻，但係其他都ok。第二次外賣，都係叫左紅豆芋圓燒仙草，點知翻到屋企先發現個盒入面得仙草，其他野全部冇加，第一次外賣漏野漏到咁離譜！唔好索性比個空盒我？！

本身依個舖位係木子甜品黎，執笠之後就變成左大甲芋圓，主打芋圓/仙草/麻糬等既台式甜品店面裝修簡單但舒服，座位唔多，至多容納到廿人左右，menu亦整等精緻，睇到唔同款式既配搭👍🏼紅豆仙草芋圓 $23佢唔同系列都會配唔同雪糕/雪葩，唔可以轉味，我想食紅豆仙草就一定係配椰子雪糕，但其實我唔食椰子口味既野，依點我覺得可以改善一下佢每樣配料都俾得好慷慨，食到尾都仲係每樣配料都有d👍🏼紅豆唔會甜到糖尿，甜味適中，芋圓做到煙韌口感，芋圓蕃薯味唔係好濃，但未至於無味，都唔錯深水埗某間出名既芋圓店一定完勝，但唔想走出市區，大甲芋圓都係一個好選擇，價錢都抵食👍🏼

🍡招牌大甲芋圓$28🍡大西北鄉民都有芋圓食啦🥰🥰🥰份量OK，底部是厚厚一層仙草，上層則是芋圓跟芋泥🤤另外還有一球芋頭雪糕🍦芋頭味算係咁，唔會好假🙈甜度嚟講，比起其他糖水舖，佢算係無咁甜👍🏻最驚喜既係，有兩粒係包心芋圓😍口感煙煙韌韌，做飯後甜品一流🥰整體質素可以，街坊甜品舖嚟講係唔錯嘅👌🏻.食物質素: 🌕🌕🌕🌕🌑食物顏值: 🌕🌕🌕🌕🌑性價比: 🌕🌕🌕🌕🌑回頭率: 🌕🌕🌕🌕🌑

好鐘意好鐘意食芋圓！！放工同同事走去試食，嘩。。。未入鋪已聞到好香嘅芋頭味，即刻點左個招牌芋圓試下啦，用料好足：芋頭雪糕、芋泥、芋圓、仙草…淡淡嘅甜味，啱哂我，真係好滿足，一定會要再嚟！

由於呢排中左芋圓癮，今次就黎試新開既大甲芋圓。一入去好有以前食木子果種感覺，細細間裝修又差唔多，又係用紙兜裝住，價錢都算親民唔太貴，叫左兩碗芋圓試。一碗係招牌大甲芋圓，乜都係入面岩晒貪心的我，勁多配料。有仙草、芋泥、芋頭味雪糕、同埋芋圓。入面有兩粒芋圓係有餡既，特別大粒。但食落去有點兒失望，因為芋圓無乜芋圓味，感覺像嚼麵團。。。對於我呢個芋圓控黎講不太合格。