大王美食中心

呢間大王係觀塘區都有左好多年，堂食比較少黎因為晏晝太難搵位，但外賣就成日叫啦。四十幾蚊起真係好親民，份量唔少味道又唔錯，係唔少打工仔嘅飯堂😆是晚七點幾黎到食下堂食小菜，店內雖然仲有好多枱，但卡位全部坐滿，好好彩霸到最後一卡😝⭐例湯是晚例湯係合掌瓜，清清地無果精，飲返碗確實唔錯。⭐叉燒燒肉雙併點左份燒味叉燒併燒肉，叉燒軟嫩燒肉半肥瘦，層皮仲好脆㗎，好食喎。⭐菠蘿生炒骨個汁酸酸甜甜調得啱口味，排骨香脆有口感，配料有青紅椒、洋蔥、菠蘿等，好睇又好食😋⭐椒絲腐乳通菜炒牛肉通菜炒得翠綠爽口，腐乳汁鹹香鮮味，牛肉軟嫩，呢味勁好下飯。⭐椒鹽豆腐鮮魷有少少失望嘅椒鹽豆腐鮮魷，炸得燶左少少同偏油，但個椒鹽味夠香口，其實味道都唔錯㗎😋⭐白飯點小菜送白飯，大大碗夠晒飽。⭐凍檸茶再整返杯凍檸茶解解膩啱晒👍🏻其實茶仔出餐快、份量大、味道唔差就足夠，大王價錢咁親民直頭加分添啦，支持小店😊…查看更多

今次去到觀塘既大王美食中心 食晚飯 食完感覺係——抵食 有水準 份量足 係附近打工仔嘅福音 🥤 冰杯可樂：細節位見誠意兩杯可樂用冰杯上枱 呢啲小心思真係加分 冰杯令汽水更爽更涼 配住熱辣辣嘅小炒 感覺非常到位 🍖 涼瓜排骨 涼瓜處理得靚 汁香濃郁涼瓜完全無苦味 爽口清甜 排骨吸滿豆豉香氣 鹹香惹味 成碟嘅汁都好香濃 撈飯一流 係最突出嘅一味 🦑 椒鹽豆腐鮮魷外脆內嫩 份量超值豆腐炸得外皮香脆 內裡軟嫩 鮮魷爽口彈牙 椒鹽香氣突出但唔會過鹹 份量比預期多 性價比非常高🥩 蠔皇雜菌炒牛肉鑊氣十足 牛肉嫩滑牛肉炒得好淋 完全唔韌 蠔皇味道濃郁但唔會搶味 雜菌吸晒醬汁 整體鑊氣十足 係師傅功力嘅體現 屬於出色嘅小炒🍗 燒味雙拼（燒肉＋豉油雞）份量足燒肉皮脆肉香 肥瘦比例啱啱好豉油雞滑而不柴 味道入味 以套餐價錢嚟講 份量非常足 係高性價比之選 …查看更多

門口大大個紅色招牌 blue monday就試試佢是但walk in 都可以9成full 觀塘打工仔真係多lol平時去啲麵鋪食 68$ 得個兩啖今次60$ 有雲吞 有牛根 仲有海量粗麵一次過滿足哂三個願望 .ᐟ‪.ᐟ‪.ᐟ‪.ᐟ‪.ᐟ‪.ᐟ‪.ᐟ‪.ᐟ‪ദ്ദിᐢ- ̫-ᐢ₎黎到舊式茶記必叫份蛋治 蛋唔會厚 但勝在唔乾 半熟 juicy 嘅 ok啦18$ 一份真係回到1980年整體工廠區茶記 應付咁多打工仔出餐快 又無甩漏 份量大碟 無投訴啦！…查看更多

極之失望的一次體驗！可以話係我人生中食過最難食嘅一餐。所有嘢食等好耐先出到餐，全個場得一位職員負責所有事務，叫極都冇反應。熱奶茶好似純奶咁，一啲茶味都冇，仲要凍冰冰，熱水沖茶真係咁難？廚房仲一直傳出火爐鑊氣呼呼聲，懷疑只係錄音播帶…臘味炒飯凍冰冰又油以為放咗幾個鐘咁，料又少，臘肉好似食緊膠粒咁吞唔到。雪菜炆米好油好重味精，鴨絲只有啲肥膏同皮。有啲餐廳無生意唔好賴個市場，明明只係自己出品留唔住啲客人。…查看更多

魚香茄子煲 酸嘅 香芋油鴨煲 得兩舊鴨其他全部芋頭洋蔥收65蚊👍🏻啲飯又一嚿嚿 一睇就知隔夜飯又計錯數 嗌四個餐 叫三杯嘢飲 其中一杯嘢飲收$18 枝竹羊腩飯入面有條黑色毛 一次比一次差 真係唔會再幫襯…查看更多

中午出外, 轉眼已經到了12點15午餐時間.有d肚子餓, 經過又多選擇又抵食，48蚊午餐，由A-Q！有17款選擇，就選了來這家！入到去發現全是男仕用餐！點了個A 餐xo醬海鮮炒銀針粉，相賣不錯，入口略有點油，不過就食好難搵到佢切粒既「海鮮」，真係好少！隨餐加既凍檸檬茶...茶味香濃，甜度適中！…查看更多

下午茶時間，見完客。路過大王快餐店。食隻滷水雞髀加多奶红豆冰。红豆冰，很快到。紅豆，有部份硬咗d。等咗15分鐘，熱辣辣的雞髀送上來，優點係期待久了，食物熱騰騰出來。肉質嚡，味道很鹹。服務和衛生方面，尚算正常。…查看更多

個飯唔錯，正常發揮啦。但個湯成層野浮面，初先以為係油，飲左一啖之後，成口洗潔精味！一直散唔到味！太噁心了。朋友仲飲左大半碗話以為係咁嘅味，RIP😂，未試過飲餐湯會咁，真經典(驚嚇)…查看更多

好到不能再好如果想通便如果想減食減肥都係一個唔錯的選擇絕對會有意想不到的效果第一次寫食評希望對想食的人小小心聲意見我比左兩次機會都係無好好把握我已經碎左張外賣紙了希望幫到大家…查看更多

#cheapeat, #lunchforbreakfast, #kwuntong, #茶餐廳happen to spend a morning in the area, pick something that is close by. expect nothing but less crowded and clean.I would come again just because it is close by and get things done. I definitely should try to explore the area though…查看更多

呢間餐廳整體唔錯,無論食物及服務也算是不錯,特别係燒味及奶茶,小炒也有鑊气。由於疫情下由堂食改為外賣就出事,今日叫咗個豬手撈麵加杯奶茶,大路嘢,理應好穩陣,點知打開個飯盒,以為自己叫咗日本餐-豬硬骨撈麵 ,全部都係骨頭 ,雖然只係40幾蚊 ,但都唔應該畀啲骨頭客人食。算啦 !食飽算啦 ,叫咗杯奶茶仲火 ,我只感覺到好似自己飲緊24味 成杯茶只有苦味,而且杯茶係裝唔滿 ,見到ˊ咁多就咁多,呢間餐廳奶茶茶底唔錯. 好明顯係沖茶嗰條友,明知唔夠奶照冚蓋送貨。老闆如果你有心做落去嘅 ,唔該你留意下你啲伙記做好基本嘢,如果佢地唔想做 ,不如你放比佢走啦。…查看更多

今天選舉下午茶時段來。兩點半後比午餐平五元。有三款特價餐選擇...叫了一碟叉燒切雞飯咸蛋飯。加$2改凍咖啡...叉燒夠哂厚切，帶少少肥肉食落幾juicy幾嫩....肉味香濃又有適當嘅蜜味唔似出面有時食到既會好鞋好乾咁，而且仲有少少燶邊好正。至於切雞，碰巧遇到雞中翼部位。肉質嫩滑又有咬口。半隻鹹蛋都夠哂大隻。而且一樣都係冇過鹹。勁多鹹蛋黃，超邪惡撈飯一流凍咖啡溫度很好。意思是喝到最後仍然冰凍而仲香濃！…查看更多

周末下班後逛了一陣街, 轉眼已經到了三點三下午茶時間.此時肚子餓, 記起此店過了兩點半後, 炒粉麵餐有特價, 就選了來這裏飽肚.點了個乾炒牛河，整體色水不錯，入口略有點油，但仍可接受，牛肉雖嫩, 不過就食得出係搵野哪到咁嫩滑的..而味道亦不會偏咸，其他配料比例恰當...作為下午荼也足夠有餘加兩元隨餐附送一杯的凍檸檬茶...甜度適中呢度裝修有啲舊，不過坐得好舒服...服務亦普通最緊要平，咁我就會成日幫襯....…查看更多

今日同老友喺茶餐廳食咗呢個咖喱斑腩飯....套餐包熱飲，咖喱汁夠香 唔太辣！重點係佢好足料! 斑腩好似食極都食唔完咁....好慷慨!! 呢個價錢$52有人捧埋嚟 唔洗自己去買。又好食啲 熱辣辣。快餐店又要排隊買飛又要自己囉...朋友都話真係諗唔到有原因仲幫襯連鎖快餐店而唔幫襯佢～…查看更多

今日要在觀塘上堂。中午時份，正是吃飯的時候。就隨隨便便選一間餐廳坐下，見「大王美食中心」名字，相信茶廳的食物應該不錯，決定入去試一試。我點了欖菜肉松炒飯，中式例湯及熱奶茶。炒飯，賣相一般。份量適中。食了第一口覺得炒飯好咸，欖菜味怪怪的，口感一般。例湯，䁔暖地。是一般用豬骨混製而成，味道也可以。熱奶茶，夠熱。淡奶味淡反而紅茶味濃，味道覺得好苦。餐廳內部環境一般。大堂是開放式廚房，很多炒餸油煙味會沾在衣衫上。食物質素與價錢不成正比。…查看更多