大煲皇煮廚

由於朋友想試, 所以同佢去食. D海鮮全部係大大件, 夠新鮮, 唔錯. 有龍蝦, 鮑魚, 大蠔, 蛤, 蟶子等等.  不過我食完次唔會再食, 全餐都係等多過食. 因為每樣分開蒸, 等仲多過食, 蒸晒咁多樣用左好多時間.一路食一路都係覺得肚餓, 因為一次蒸都得好小食. 最尾蒸完可以煮粥, 味道唔錯的. 個虫草花蒸雞都幾好食另外餐廳衛生真係差, 個地好多水, 座位都唔乾淨, 佢送個刺身併盤應該唔乾淨, 返到屋企肚痛.…查看更多

之前都有試過九龍區大煲皇，今次見到荃灣有任食咁一定要試下啦，佢有個蒸海鮮及火鍋比我們選擇，但我地選擇左火鍋，價錢方便都幾平，我同同事8點半入座，$208連加一，有一碟海鮮拼盤及一碟刺身，湯底方面我哋選咗醉雞，有驚喜既就湯底好濃，一點都不似出面任食火鍋，就算佢再加湯湯底都好濃非常新鮮， 全部海鮮都活生生，我食咁多次任食火鍋，都未試過有肥鵝腸，帶子，仲有多款任食材料，其中特別一讚係鮮蝦雲吞，入邊有兩粒蝦，真係正到呢， 總結嚟講，超抵食！…查看更多

4位以上會送刺身拼盤🥳所以多人去會比較好，象拔蚌刺身鮮甜爽口👍但分量較少五夠食😂海鮮有好多選擇亦好新鮮，五怕五岩食👏肥牛質素一般但價格黎講都算不錯，整體黎講好滿足的一餐…查看更多

我們一家人經常都這家港式火鍋店慶生，貪其價錢實際，配料新鮮，雖然現在主力做任食火鍋，但我們每次都堅持散叫湯底選了濃湯翅群雞煲，大大塊的翅群另上，還有大量芽菜仔墊底，加入配料前每人先來一碗湯簡直一流慶生當然要叫我最愛的象拔蚌啦！要了一条大的，新鮮爽口安格斯肥牛有肥有瘦，滿足眾人不同的要求！基本上食材沒問題，只是自從它們做了任食之後明顯人手不足，整層只有一個侍應，要甚麼也要等很久才有人理會，希望能盡快改善啦…查看更多

話說2018年7月28日，與3，5知己去大煲皇食，價錢已經算比較貴，但係唔緊要，但係起上頭盤既【活魚刺身】時，講明是【活魚】，竟然俾三文魚刺身我地，我地客氣問佢上次明明係俾鱆紅魚刺身?個侍應竟然同我地講睇時候，我想問我6點半入座，當時得3枱客，點樣睇時候哩？同埋三文魚刺身根本都唔係活魚，貴公司又係咪觸犯左商品說明條例哩？最後理論後個經理黑哂面咁換左俾我地，之後我地點既野就全部去哂隔離枱，蒸海鮮又要自己蒸，最後仲要俾人趕我地走（當時得5枱客無爆場），仲要話，招呼一枱【大陸客】，好過招呼d香港人，麻煩，我覺得你咁睇唔起香港人就貼張紙寫明只招待【大陸客】，哩間野咁差既態度令我真係好唔開心。…查看更多

全程自己整蒸氣海鮮，搵唔到人，每樣海鮮自己估煮幾耐，冇人理過我地，到最尾原來冇粥底，叫我等25 mins再煮過，完全冇服務可言，永遠唔會再去，出面大把服務好得多，依間差到一個點…查看更多

路過見到一間有兩層的火鍋放題店，上前望下個餐牌，約200一位，有送刺身拼盤，和牛一碟，雜錦海鮮一碟，當然要上去試下(有蒸氣鍋，但我選擇最普通的烚烚下)，都有幾個特色湯底，我選擇左三文魚頭番茄湯，都有大半邊魚頭，幾足料。最好味係送的牛，，超有牛味，而蝦都好新鮮，上枱隻蝦腳仲識動，非常鮮甜。而環境幾好，坐卡位非常寬敞，飲品選擇多，服務唔錯，唯一係靠近大枱會好嘈，好似去左大排檔，整體來說唔錯，值得一食。…查看更多

見近黎好興蒸氣火鍋，雖然打邊爐係我既至愛，但都要走在潮流尖端，試一試新野！大煲皇9點後既蒸煮火鍋都算好抵，298全包價，仲要啤酒氣水任飲。自選海鮮10選5，選擇都幾多，仲有龍蝦食！全程有職員幫手，唔洗自己計時龍蝦啖啖肉，新鮮好味。象拔蚌仔同蟶子皇蟶子皇比我想像中細左d，不過都好有肉好鮮甜，象拔蚌仔爽口，配埋粉絲，索曬d海鮮味，超正！日本元貝同鮑魚鮑魚勁大隻超新鮮，蒸得剛剛好，海鮮最緊要新鮮，少少調味料已經足夠！肉蟹？膏蟹？爆多膏，底再鋪左d糯米飯，少少膏再配一啖糯米飯，又甘香又軟糯，好夾，有驚喜！到最尾食埋個海鮮粥，d海鮮精華滴曬落去，好食到不得了，我雖然好飽，但都忍唔住食左幾碗。飲飽食醉，埋單300有找，真係無乜邊度地方做到，大推…查看更多

2018年年初就有好多生日飯食，因為我屋企人都係集中係1-3月生日，1月就有我嫂子同B頭。今晚同嫂子慶祝生日，天氣凍凍地，就決定去大煲皇打邊爐，哥哥之前去過另一間分店食，佢覺得好味又抵食！荃灣分店位於一座住宅入面，從地下上去有兩層，可能因為流行蒸氣火鍋，所以一樓係食蒸氣火鍋，行少層樓梯，加埋好多人。而我哋食普通打邊爐嘅就再要上多層去二樓。我哋一家7口,收費係每位計，小朋友就以身高計，所以妹B高度唔超過100cm就唔洗計。火鍋湯底都有好多選擇，有辣有唔辣！不過我哋有小朋友嘅關係，所以揀唔辣，加錢升級叫咗個濃湯翅群雞鍋。濃湯翅群雞鍋呢個係湯底嘅翅群同花膠，都幾大碟！一開始我就將佢哋放晒落個煲到滾呀滾～～～（唔記得影相！）同平時打邊爐一樣嘅調味料刺身拼盤呢個刺身頭盤，有帶子、三文魚同有頭甜蝦，按人頭比，小童除外。其實唔知幾時開始，打邊爐係興食埋刺身！老實講，我就興趣不大，因為質素係麻麻地，加上打邊爐同食刺身，個人認為完全唔夾囉！佢其實係有得揀例牌燒鵝，我情願食燒鵝，不過佢話賣晒，咁無計！海鮮拼盤打邊爐當然要食海鮮，同樣按人頭比，小童除外。今晚就有聖旨、蝦、貴妃蚌、生蠔、鮑魚同藍青口。基本上都係新鮮，尤其是鮑魚，隻隻都識郁㗎！手切安格斯肥牛除咗海鮮，通常都有牛魔王至愛嘅牛肉。入口軟淋唔韌，B頭掙住食，好明顯同之後點果d唔同，小朋友真識食！仲有其他任點食物，種類都幾多，大部分都係新鮮嘅！加埋飲品任飲，喺荃灣都真係個唔錯嘅選擇！…查看更多

荃灣區打邊爐大煲皇絕對可以是首選，可以媲美某集團式食肆除了食物數質對不欺埸,手打墨魚丸、蝦丸啖啖海鮮鮮味,另外必食係本地鮮牛肉絕對好掂，此外豚肉亦非常好味，所以朋友問我去打邊爐地方大煲皇值得考慮…查看更多

阿媽生日想食好啲慶祝，又唔想行太遠，西餐日本菜又唔啱～好在比我諗起仲有蒸海鮮一定啱佢食！我見大煲皇蒸海鮮套餐368包埋茶介同加一，都合理！食晒啲海鮮都會覺得半飽，再食多少少其他配料、粥底，飽到反肚！首先三樣頭盆有龍蝦、貝殼、燒鵝龍蝦好新鮮！我見佢好似識郁ge!服務我地個枱ge個姐好攪笑👍🏾蒸的時間剛好，龍蝦肉勁彈牙！貝殼盛盆有兩款貝殻，都很鮮，有海水味～想不到燒鵝竟然唔錯！很嫩，阿媽話真係鵝來！唔使沾醬料已經夠晒味道再來5款自選海鮮要了鮑魚、桂花蚌、蟶子皇、象拔蚌仔、龍躉件4隻鮑魚一直郁來郁去，真係新鮮過我去街市買囉！蒸一蒸唔使講都知好食啦😋😋😋桂花蚌都係好正👍🏾蒸的時間剛好，口感爽口唔會韌龍躉新鮮！嫩滑，厚厚的膠質，啱晒阿媽補下骨膠原👯蟶子皇及象拔蚌上放上厚厚的蒜蓉！還有我最愛的粉絲😍好滿足食完海鮮還有其他可以任食食到飽，其中有幾款真心要推薦下～第一位一定係肥牛，好在牛肉味，出面就係肥牛的雪花再靚，都未必有牛肉味，呢款肥牛唔係滑個款，有咬口，但唔係‘鞋’～好食，我食了幾轉～另外我同時點了蟲草雞及烏冬，把烏冬放下面，蒸完雞汁、雞油入晒落烏冬，睇圖就知雞油唔會話好多，但烏冬一定有雞味！超好食～馬拉糕超級鬆軟，有蛋香，如果唔係太飽我一定叫多個（不過一個真係好大，一大籠馬拉糕）豬肉丸好似有些梅菜在入面，彈牙，睇下未蒸前肥瘦比例就知好食啦🙈🙈🙈鯪魚肉正常ge~講到最後，提大家一定要留肚食個粥！！入面有晒海鮮汁、肉汁，本身又放了少少瑤柱，一食就食到海鮮味～😋😋😋最最最後要食雪糕食完阿媽話可以encore下次再來食過😌…查看更多

自從上次瞞住老媽子同老豆食大煲皇煮廚比老媽子發現左後,佢成日都話要我請埋佢再去食過,見終於出左BONUS, 今次就請一家四口去食好興奮又可以黎食超正蒸氣石鍋海鮮餐同上次一樣,  包埋加1茶錢, 星期五都只係每位加$10/位, 好合理粥底都超多料, 令人好期待有雙式辣椒混合, D個幾特別燒鵝皇係等待開餐既時間, 最佳活動當然就係食! 都燒得幾香, 幾多肉下, 每人幾舊好快就清晒!龍蝦超級新鮮!!! 上枱仲不斷動!!! 而且龍蝦肉質鮮甜, 輕輕一拉已經好易拉D龍蝦肉出黎, 方便!貝殼大盛有齊晒蜆同沙白, 而且份量非常多, 完全冇沙, 鮮甜多汁鮑魚超級新鮮AGAIN! 同龍蝦一齊上枱, 我地食完龍蝦佢仲動緊! 食落鮮味彈牙, 1D都唔韌!象拔蚌仔&蟶子皇都係用生熟蒜+粉絲D個黃金組合去處理, 象拔蚌仔&蟶子皇既鮮味完全可以吊到出黎, 而且粉絲吸晒D蒜香同海鮮既精華, 好正桂花蚌我最怕D桂花蚌係處理果陣已經整走晒D味, 食果陣會好難食, 但D度完全冇D個問題, 仲係極鮮! 無異味! 係印象中食過最好食既桂花蚌!龍躉件超厚肉, 皮又夠晒彈牙, 骨膠原重, 食完會覺得皮膚好左, 而且魚味好濃, 好味蟲草雞+鳥東食完海鮮之後, 當然係進入任食果PART, 牛, 丸果D都好正, 但我真心最推薦係蟲草雞+鳥東, 之前係叫蟲草雞自動有D烏東係底, 今次冇左, 取而代之係豆卜, 但佢冇比我既, 我即刻ORDER一份烏東放落去!!! 職員都好幫手, 主動混埋烏東同埋D雞, 服務超好! 食落雞超滑, D雞油滲埋落烏東同埋豆卜度, 超級和味, 我極度推薦咁食法!馬拉糕超鬆軟, 超香口, 就算飽都一定要叫埋佢!粥點飽都要食埋個粥底, 榣柱味超香, 加埋海鮮味真係正到冇得輸! 每人分到2-3碗, 記住留肚食埋佢呀甜品最後甜品有埋雪糕雪條, 完美的句號!期待下次再光臨!!!…查看更多

媽媽有日話一齊食飯 又想食中餐 見到大煲皇有石鍋海鮮餐成班海鮮控係諗都冇諗過就去左😂398一個人食個餐都真係幾抵食粥底選擇左淮山瑤柱粥 新鮮淮山黎 應該會幾好飲😀佐料都幾足料 蔥 蒜 炸蒜都有 應有盡有呢頭盤包每人半邊龍蝦大大隻唔再講 好多蝦膏 成啖肉咁食😍😍貝殼盛宴 又蚌又蜆咁 非常有吸引呢隻隻蜆都非常鮮甜😍😍😍蒸元貝同蟶子 元貝好大隻 加上炸蒜簡單調味蒸埋半邊肉蟹 底底竟然會有埋糯米飯😍😍好多蟹膏😮😮😮成日都有侍應姐姐幫手蒸野食 一式一樣既制服 其實都幾靚 又乾淨蒸頭腩 好新鮮 仲有粉絲墊底😍食左成晚 個粥入哂味 d淮山熟到爛哂 幾入味三個人 食左成晚 當然食唔哂 打包粥底第二日當早餐😚😚…查看更多

天氣已經凍左好多日，最啱食番餐熱辣辣，今日與友人相約到大煲皇煮廚食海鮮! 可以選擇打邊爐或者蒸氣石鍋，既然想食海鮮的我們，當然選了後者。蒸氣石鍋海鮮餐共可選擇３款粥底，包括南瓜排骨粥、瑤柱鮮淮山粥和健康五穀雜粮粥。而海鮮除了各種貝類和美國龍蝦，可自選５款海鮮，再任選其他配料。落左單，侍應很快送上前菜 – 炸三文魚骨香脆可口，炸好後的三文魚骨撒了點椒鹽，所以咸香可口，我一連食了好多件。友人不想食活魚刺身，可以轉例牌燒鵝，一上枱，已經聞到好香，燒鵝皮色澤金黃、皮脆肉嫩，不會過咸，沾點酸甜醬滋味非常。首先上枱的海鮮是龍蝦和貝類，可以用同一個時間蒸，所以可以一齊落鍋，咁就可以不停蒸不停食，唔使望住等到頸都長。哈哈。龍蝦超厚肉，仲有好多膏，真係望到都流晒口水呀！肉質鮮味彈牙，就算唔沾醬汁都好夠味，反而沾點膏一起食，鮮味更突出。我同友人都食到舔舔脷！貝類雖然都幾厚肉，但就相對普通，不過都無沙同鮮味。日本元貝真係超大粒呀，大過個拳頭呀，元貝肉吸收左炸蒜的香，再加上本身的鮮，超級好味，仲要啖啖肉，好滿足。群邊都好好味，彈牙爽口，粉絲吸收晒兩者既味，更加滋味。象拔蚌雖然細隻Ｄ，但都好厚肉，夾埋粉絲炸蒜一齊食，好味！而鮑魚可能蒸耐左，比較韌。肉蟹真係好厚肉，仲好多膏添！肉質鮮彈，夾埋膏一齊食，好邪惡但好滋味。下面仲有Ｄ撈左炸蒜的糯米，吸收左肉蟹的鮮味和蟹膏的香味，食得好滿足，冬天食仲好暖胃添！另外仲叫左蟲草雞，好滋補。雞肉都好滑，而且食左咁多次蒸鍋，真係第一次食蒸烏冬，又幾好味喎！肥牛片都好味！不過唔太鐘意肥既我就稍嫌蒸既方法去油唔夠啦。最後食埋個瑤柱鮮淮山粥！頭先食過既咁多款海鮮的鮮，再加埋瑤柱的咸鮮，個粥真係無得頂，明明已經好飽，但都忍唔住食左兩碗！…查看更多

好耐無幫襯了～睇Openrice知道轉左任食火鍋/ 蒸海鮮，臨轉凍黎試一試😌 所有海鮮同刺身都係送的，鮑魚仲生的，算新鮮；但刺身就一般，咁送既已經算唔錯。湯底任食黎講👌🏻野食選擇多，滑牛幾好食😋 獅威任飲，Asahi $14.5/支，飲埋Asahi兩位埋單$498 …查看更多