大澳餅店

營業中

休息中

咁難得黎到大澳當然要搵下有咩好野食，比我上網見到人講話大澳餅店既沙翁好食，咁當然要試下啦，話哂賣沙翁既地方已經唔係好多，仲要係好食既更加少，所以點都要試試佢。拎到上手熱辣辣，都係岩岩整起既！好大個，砂糖夠哂多，金金黃黃又夠哂脆，即刻忍唔住咬一啖！食入口發現佢個味幾特別，同出面既沙翁唔太一樣，佢依到既唔係好油好膩，反而係有Ｄ似雞蛋糕咁。最正既係個口感係外脆內軟，同出面個Ｄ都好唔同，因為出面好多都係做好就放係到等你買，依到係即整，所以好大分別，真係好好食！

我每次去大澳，都一定要食呢一間嘅沙翁。我初初唔知道有依一間麵包舖，我都係OpenRice度睇到，見評價好高，特登去幫襯。初初去到唔知點搵，但行行吓見到有條「人龍」仔，你就會知道嗰間舖頭就係大澳餅店，啲遊客就企喺度等買沙翁所以路痴都應該搵到～呢間舖頭嘅莎翁，佢每次只係炸少量...即時上砂糖，就送到客人手上。賣晒又再即刻炸過，但唔算等太耐沙翁送到手上仲係好暖，講真...我食唔出佢有咩特別我諗係食一個渡假嘅心情，同埋新鮮。但我下次去都會再去幫襯，就好似入大澳嘅一個儀式或者公道啲咁講，我食嘢比較鍾意偏甜，就覺得冇咩特別。如果唔鍾意太甜嘅你哋，我都推介

Joined the queue to try this freshly fried Chinese donut at Tai O. Looks similar to regular donuts with its golden and sugary appearance. Made from eggs and flour so it was very eggy and fluffy inside🥚大澳必吃小吃其中之一就是沙翁店舖長期排長隊 因為每個沙翁都是新鮮即炸沙翁炸到表面金黃 沾滿了砂糖入面鬆軟 蛋味幾濃 值得一試

好多人以為大澳只係得傳統漁村小食，其實係小小一間路邊嘅大澳金門餅店入面竟然搵到香港好多地方都已經失傳／唔再整嘅沙翁，仲要係即炸即賣，每日限量出爐！作為Foodie一向俾分都係一分寬容、十分手緊，今次都實在忍唔住要俾出一個5星好評呢間大澳餅店嘅沙翁！可能係兒時嘅味道，又或者太耐無搵到好食嘅沙翁，總係對呢種傳統小食有種情意結。沙翁即炸即食非常脆口，但又不失空氣感。最難得嘅係新鮮炸好沾上糖粉後完全無任何油膩感，呢個係喺好多傳統酒樓都搵唔到嘅特點。而且糖粉嘅比例非常好，唔會令到沙翁過甜或者變到唔似甜品。整體上平衡拿捏得非常出色，絕對值得一個5星好評！味道 ⭐️⭐️⭐️⭐️⭐️性價比 ⭐️⭐️⭐️⭐️️️️⭐

山長水遠嚟到大澳，梗係要食晒大澳嘅特色美食架啦。呢間大澳餅店嘅沙翁好出味，所以一定要試啦。雖然食唔到即炸嘅，唔算熱辣辣嘅，但都好好味，似冬甩咁，但比佢更重蛋香，值得一講

每次山長水遠入到去大澳，我有一樣野係必食嘅！就係大澳餅店嘅沙翁啦！😆就算每次去到都一定有好多人排緊隊等沙翁，我都覺得等待嘅時間係值得嘅😭，呢一個沙翁係即整即炸，炸完之後會點滿砂糖，然後用個紙皮袋裝比你，送到去你手上嗰一刻都仲係熱辣辣，所以記得攤凍少少先好食，如果唔係到時個嘴仔可能變孖膶腸，不過食落去嘅時候真係好香蛋味，又香，食落去之後覺得超級滿足，就算幾長龍都要等佢，如果你哋下次去大澳嘅話，我都推薦你哋去買黎食，鍾意食甜野嘅你哋一定唔會後悔

今日同女朋友嚟到大澳，見到依間餅店好多人排隊應該好出名，於是便跟着隊未排埋一份，終於排到了當然打個卡榴槤砂鍋咁大個冬甩咁大個仔真係冇見過，咬落口真係超正，大量砂糖散上面再加上新鮮剛剛炸，除咗外脆內軟之外，亦都散發着新鮮炸麵粉的香氣。真係超正泥大澳必食。

從來都無食過咁好食沙翁蛋漿夠隆，新鮮即炸，美味可口， 無想過沙翁做得咁好食， 睇食平介紹，要等好耐一好彩今日去冇乜人在排隊， 一去到就炸起好多，我同妹妹一人食一個非常好味，沙翁審滿糖， 一口咬落甜絲絲，超級好味好有童年感覺， 冇想過大澳有咁多好嘢食，今日真係好幸運，食到咁好味沙翁，又食到薑汁撞奶，今天的收穫好豐富，又買到好味辣椒醬，同蝦膏和大地魚粉，我應該好快再去大澳， 這地方真令我開心，下次去我一定要再買多啲，再要食多一個沙翁，滿足自己

好耐冇去過郊遊啦，呼吸下新鮮空氣真係好舒服😆不過真係好曬好曬☀️上一次去已經係4年前啦，依然對呢個沙翁念念不忘！！.🥨沙翁 $13即叫即炸，外脆內軟🤩🤩真係好好食！每次去大澳都必食 — 大澳名物💕有機會你地都要去試下！！

沙翁 $13·呢個我之前都食過😌😌佢真係超正 佢係真係即炸 超熱辣辣 而且好重蛋味 食落超級幸福🥰而且佢點滿砂糖真係好正 不過呢間長期都好多人排隊架 大家可以好似我地咁一路食住個蝦豬餅一路等 咁就唔會餓親😈·📍大澳餅店(大澳吉慶街66號)

一家人由東涌行入大澳做做運動。由上午11點出發，至下午5時半抵達大澳，在往巴士站時途經吉慶街的大澳餅店，店外滿是人群在吃沙翁，嘴饞的我當然要試試大澳名物，即炸即食沙翁，價錢唔平，一個$13，但真係新鮮好味，甜而不膩，兩個人一齊食最好！

大澳呢個地方真係一個 weekend getaway嘅好地方☺️係呢個漁村行行下見到有條好長嘅人龍 原來啲人排緊即叫即炸嘅沙翁! 😍 排咗成二十分鐘 終於有得食🙊 細細個成日食沙翁因為媽咪好中意食 越大發現有沙翁食嘅地方買少見少🙆🏻‍♀️ 呢個沙翁係我食過最好味嘅 熱辣辣 好有蛋味 入口即溶 唔會過甜 係大澳必食小吃🙃

咁啱行入黎大澳，離遠已經暈到好香蛋味同埋砂糖味，果種香味仲濃過係我隔離燒緊既燒魷魚。抬高頭一睇，就見到一條長長既人龍，目測都有二三十人排緊，唔講我以為派口罩，點知原來佢地排緊既就係我聞到好香既食物，沙翁！可能好多後生一輩都未必知咩叫沙翁，其實沙翁的做法非常簡單，只需4步就完成：1.     全蛋和蛋黃打發成蛋液；2.     麵粉、糯米粉、泡打粉、鹽和煉奶加水牛油拌勻後成粉糰；3.     粉糰加入雞蛋液至稠身的蛋糊；4.     用手擠出蛋球（用手唧魚蛋方法），然後放入鍋中，以小火去炸，不時用湯勺/筷子推動蛋球，待蛋球發大及金黃色後，拿出瀝乾油份，立刻撲上白砂糖便可。簡單黎講，成件沙翁最最最最最最主要既食材就係雞蛋！而依間野點解咁多人排隊呢？就係因為佢根本就炸唔切，賣唔切。所以每一件沙翁都係新鮮炸起，蛋香，糖味，蓬鬆既空氣感！無論食咩都好，都係新鮮最好食！

深知大澳美食多，所以今次週末半天遊留定肚，中午一點半出發抵達大澳先醫肚掃小食。由東涌站乘坐11號巴士去大澳，車程花了50分鐘。落車行到街口先食完滷水大墨魚後，再食雞旦仔，之後再來這裡買大澳出名的沙翁。三點半去到見排隊都有廿幾人排，幸好排左唔夠十分鐘就輪到。沙翁 $13沙翁外層金黃漲卜卜沾滿了白砂糖，而且即炸所以拎上手熱辣辣，外層脆內裡軟綿綿，食落唔油膩，啖啖蛋香，充滿幸福感，絕對係來大澳必食之選。

其實我係大澳人嚟嘅，由細到大每次番大澳我都一定會食呢沙翁！！！！再加上依加好小地方有得賣，所以真心必食～自從帶男朋友食過之後，每次明明食飽咗佢都唔會肯同我share，寧願我食唔晒佢幫我食埋我個份，死都要一人一個🤷🏻‍♀️.everytime when we come to taiO 😋 we always eat this taiO donut 🍩 hands down better than any donut out there!! plus there isnt a lot of places that sells these any more so gotta get at least 2 every time 😂 when its fried fresh, it absolutely one of the best foods hk can offer 🤤 if you havent tried this taiO donut yet, you are definitely missing out!.《沙翁》$13 😋😋😋閒日嚟到中午時間都要排隊食，keep住新鮮熱辣辣炸好～金