大澳德發 (已結業)

朋友住附近，食過呢間話好食～ 所以推介呢間一齊食多次～ 平日下午兩點零，店內無咩客，好多吉枱～ 收銀要做埋侍應～ 唔知係咪因為咁，好想堅持我哋坐近收銀門口位置～落單時店員都企喺收銀位要我哋大聲嗌要乜～ 而食物質素好一般～ 熱狗最奇怪～ 三幾十蚊得條幼腸同茄汁.. 咁既然係港式， 好多茶餐廳係咁，所以無乜所謂～但最嬲係找數時，因為我同朋友得大紙，無散紙找，問店員可唔可以分開比，佢好粗聲粗氣咁呼喝話唔可以，然後找錢～ 我哋都未反應得嚟，再有禮貌咁問佢可唔可以張廿蚊唱散做兩張十蚊～ 佢一嘢拍埋收銀櫃然後另轉臉同朋友傾計，唔理我哋～ 真係超級粗魯同無禮貌～ 對住佢簡直係令人覺得活受罪～ 佢咁唔想做點解又要返呢份工？ 離晒譜～ Black list~ 唔會再嚟～…Read More

還沒太遲的更新🫠✨大閘蟹季節當然要食大閘蟹🦀🦀🦀由於同友人都好想食大閘蟹關係都瘋狂搵左好幾日睇邊間好食貪食既我地當然唔放過包羅萬有既放題🤭一坐底會人頭計咁叫一人一款小菜我地叫左椒鹽茄子呢個好出色 粒粒都脆想瘋狂咁放入口呀🥲肉排個個件件大件 不過就咸左dd仲有就簡左花甲呢度既花甲同卜卜蜆好似同一樣黎🤣由於卜卜蜆係無限叫結果黎左兩大盤唔止冇沙 仲要粒粒勁有肉最正呢度係有🦀🦀🦀不特止仲有三文魚刺身 北寄貝 甜蝦樣樣都新鮮🥹之後有鮑魚蠔🦪都任食又新鮮薑茶又任飲重點既係職員服務態度超級好邊個話伏架！不過都多得我地以伏心態去試結果令人驚喜🤗埋單加埋一都好似要$500頭架不過態度同食物質數值回票價啦🫣.…Read More

朋友話想食大閘蟹，於是就搵咗呢間試吓。話說我肚都係屬於易痛，敏感嘅類別，食刺身放題同海鮮放題都屬於高風險不過今餐食完肚仔零投訴證明嘢新鮮，有洗卜卜蜆大粒，冇砂，我係一開就即食(海鮮為咗安全煮到過熟仲有意思嗎？) 多汁同嫰，係全場品質最好選項。:)鮑魚連蠔蒸7 分鐘，好肉有咬口，都係推介選項。刺身今晚冇北寄貝，食三文魚同甜蝦，交足貨嘅，入口鮮，冇怪味(有時去酒店食buffet都會有怪味) 咁我同朋友都唔係擦得之人，就冇再加單喇:)大閘蟹夠膏，唔算香，肉質夠實夠甜，食蟹唔食肉嘅朋友你哋走寶喇咁我哋一人擦4 隻。回到本啦。奄仔蟹係冇嘅有d失望蠔夠嫰夠鮮有肉但蒸蠔時水太高浸淡咗d蠔扣分酸菜魚雞味道普通overall嚟講呢餐ok嘅但要識叫唔後悔幫襯嘅ok啦環境望落, 唔係靚裝修, 唔啱打咭  但坐落係舒服乾淨, 夠空間, D 嘢摸上手唔立手 服務快所以有3星…Read More

放題寫明有奄仔蟹同大閘蟹任食，結果坐低叫左野食後話無奄仔蟹，員工話唔當造，其次放題講明有蟹粉小籠包，最後員工話小籠包都不嬲冇蟹粉，上菜速度極慢，得2個鐘，仲要自己蒸，食完卜卜蜆先可以上蟹，每樣都要3吹4請先到，3吹4請都算，員工仲同我地講，廚房要賭波，唔可以吹佢地，你做生意定賭波呀？野食一d都唔好食，蟹叫左2round，2round都有臭蟹，呢間野真係可以永久black list，希望大家唔好中伏!!!!!!!!…Read More

適逢蟹季，睇左好多唔同既介紹後，精心挑選左呢間🤣💰$498 大閘蟹放題 🤩除咗大閘蟹任食之外，以下嘅食物都係任食㗎: - 奄仔蟹- 卜卜蜆- 蒜蓉焗生蠔- 鮑魚- 三文魚，甜蝦刺身- 蟹粉小籠包- 精美小菜（每人揀一款）同埋薑茶任飲！首先會上小菜，我地揀左沙嗲粉絲奄仔蟹🦀同埋咸魚煎肉餅😋😋咸魚煎肉餅鹹香味十足而且口感香脆！沙嗲粉絲奄仔蟹入面啲粉絲索晒蟹味，好好食！😋😋跟住上左一大鍋卜卜蜆，大火煲滾再食！份量好多，鮮味十足！☺️重頭戲 — 大閘蟹黎喇🤩隻隻應該都有5両重，大部分都係蟹公，上鍋野隻蟹仲郁緊，真係超級新鮮！啖啖蟹膏，我同男朋友都食唔停口🤩🤩原本仲想keep住個淑女形象好斯文咁食，後尾都唔理得咁多喇，大大啖食最好味🤣🤣奄仔蟹就細隻啲，要拆肉黎食都有啲困難🤣蒜蓉蒸生蠔係My favourite 之一！🤩隻隻生蠔都大大隻🦪, 加埋蒜蓉係上面更惹味！😋仲有原隻鮑魚食，口感煙韌 鮮美！☺️我地兩人total 食左20隻大閘蟹，8隻奄仔蟹，同埋數唔清既生蠔同鮑魚！☺️最後飲返兩杯薑茶，成個人暖笠笠係好滿足既一餐！❗️要留意同其他大閘蟹放題既分別係全部海鮮都係要自己煮的，時間上要注意同食既時間相對係少左既！不過另一個睇法係啲海鮮一定係新鮮烹煮，唔會有上枱即凍既情況！🤣價錢嚟講我覺得係相對比較抵食，鍾意食大閘蟹嘅朋友一定要黎試下！…Read More

朋友生日當生日飯食 , 每人可揀一道小菜 , 小菜味道同賣相都可以，卜卜蜆 同蒸蠔都好食 , 仲有魚生任食魚生都OK , 我地食左4轉蟹 , 每轉上6隻 , 上得都算快 , 不過蟹質素比較參痴要睇運氣 。但卜卜蜆 同蒸蠔都好好食，特別係卜卜蜆大隻又鮮甜。…Read More

我今晚試左任食，都唔錯，雖然唔係好大隻，但隻隻都多膏。而且有其他海鮮任食，全部好新鮮，推介卜卜蜆，蒸蠔，鮑魚，椒鹽豆腐。服務態度好好，星期二晚顧客唔多，蟹及食物上得超快。…Read More

朋友想食大閘蟹放題，睇左雜誌介紹就決定黎呢到試下。大閘蟹放題分兩輪時間6:30pm/8:30pm包任食焗蠔，卜卜蜆，鮑魚，奄仔蟹，大閘蟹同埋有三文魚，北寄貝同甜蝦刺生，仲有小籠包。小菜就按人頭計任選一款，飲品包一杯薑茶。落order先知原來當日無奄仔蟹返。咁就唯有全部轉晒食大閘蟹啦⋯但係原來所有海鮮都係要自己係蒸既⋯蟹要蒸17分鐘，鮑魚同蠔蒸7分鐘⋯卜卜蜆蒸到佢開口就食得。一個煲只可以放最多8隻蟹..幾樣野唔可以同時間蒸..爐就得一個，但全部野係同一時間上既…8:30pm計埋位開始到食到蟹都用左45分中…個半鐘頭就截單..10:15pm開始就想催你走野都未食完..所以我地嗱嗱淋食埋啲蟹就走人..蟹既質素⋯其實都明放題係咩貨仔⋯但真係好多都無咩膏同唔太新鮮不過老實講蒜蓉蠔同鮑魚係真係好食既。服務態度都ok! 但如果再食大閘蟹放題，呢間係一定唔會再黎…Read More

尋晚第一次嚟呢間食大閘蟹放題我個人感覺🙈🙈🙈又貴又唔好食😌😌😌啲大閘蟹完全冇糕嘅、奄仔蟹叫咗六隻都係冇高嘅另外有一隻係黑色死咗嘅、連鮑魚都唔好食、反而小菜都還可以咁如果我食小菜我就唔使畀六百幾蚊食一個大閘蟹放題啦、重點係在柯打嘅話係要催幾次先有嘅🤔🤔🤔食大閘蟹竟然成間餐廳係冇濕紙巾嘅要自己去洗手間洗手、仲要係除咗杯薑茶係佢哋送之外其餘在叫嘢飲係另加錢嘅😑😑😑仲有啲員工喺大個口罩露出個鼻哥嘅、員工服務又非常一般、總括嚟講如果食大閘蟹放題呢間真係超唔抵食又唔好食有少嘢選擇😌😌😌呢度連執碗個姐姐都好串、叫佢執好枱面啲碗碟佢竟然係叫我哋自己執出嚟畀咗佢先😑😑😑都係嗰句啦如果我畀六百幾蚊食一餐咁嘅飯就不如真係唔好嚟食啦、我從來未試過食一次大閘蟹放題係咁差咁差同咁差㗎因為重要事情要講三次😆😆😆[IMG:6/成晚最好食就係呢個金銀蛋時菜🤣🤣🤣大閘蟹雖然係有識喐嘅但係真係完全冇糕、連啲肉都冇乜🙈🙈🙈小籠包味道可以但係個皮比較厚😅😅😅但係一句講曬真係唔會再幫襯呀真係又貴又唔好食服務水準又差😑😑😑…Read More

幫襯左佢個大閘鞋放題，餐廳環境算闊落，枱面放上的餐牌有特色，BNO為餐牌封面。餐廳的有主題，樓梯係個打卡位。放題包兩個小菜，6點入座即刻落單，但淨係上左刺身，遲過我到嘅其氣檯都上曬熱食，我地催左2次單都無，結果到6:30仍然未有主菜同蟹，仲要半個鐘後先同我地講無酸菜魚，最後叫左香煎蓮藕餅同黃酒煮雞，但黃酒索雞淡而無味，雞肉好嚡，唔建議。主角大閘蟹放題，餐牌寫住有蜆，蒜蓉蠔，小籠包。一樣又係入座個陣唔講，隔成20分鐘，中間催單都話"有有有"，我地都見住其他人keep 住出卜卜蜆，轉頭突然又同我地講無曬蜆。:(等咗半個小時，終於上大閘蟹，點知原來要自己係檯蒸，6點入座，差唔多7點先食到蟹，體驗都幾差。慶幸係D 蟹都正路，雖然細隻但算好食嘅，痷仔蟹都多膏鮮甜。蒜蓉蠔肥大鮮味。但小籠包就普通同皮厚。總括嚟講呢間餐廳，呢個價錢有蟹蜆蠔鮑魚係幾吸引，但不會是首選，因為配套差，D生海鮮放我地檯自己蒸，但又唔夠鋏，無生熟分離，變左我每次放完海鮮落爐都要去洗手。…Read More

黎到食大閘蟹既季節, 見到大澳德發出左放題而且價錢又唔算貴就黎試試佢😌兩個人被安排坐係二樓既卡位, 位置光猛企理, 店員都好有禮貌咁解釋左用餐時間同放題既內容, 基本上就係小菜就一人叫一份, 其餘海鮮包括蟹、鮑魚、生蠔、刺身、卜卜蜆等等都係任食, 了解完就即刻落order等食啦等左大約十分鐘, 刺身同小菜都陸續上, 我地叫左黃酒煮雞同酸菜魚, 兩款小菜都幾高水準, 個黃酒湯飲完真係成個胃都暖哂☺️卜卜蜆係原煲上枱用gas爐煮, 隻隻蜆都超大隻, 而且全部都好甜兼冇沙！不過因為煲蜆霸左個爐, 而其他海鮮都係要自己蒸, 所以唯有快啲清哂煲蜆, 個刻就有少少狼狽🫣大閘蟹全部都係公蟹, 唔算好大隻亦冇去到爆羔,不過勝在refill速度快, 所以食多幾隻都抵返~生蠔同鮑魚都好新鮮又大隻, 啖啖肉勁滿足👍🏻奄仔蟹就麻麻地, 食到一兩隻死蟹😵‍💫抵讚既係雖然見到啲店員忙到踢哂腳,但絕對唔會叫完佢幫手之後就冇左影. 全晚都冇漏過單之餘態度都好有禮貌, 係值得推介既😋…Read More

又嚟到蟹季梗係要瘋狂食蟹🦀黑洞下次食呢間放題淨係蟹都有兩款‼️選擇多勁易回本🤭記得係銅鑼灣店限定⚠️-🔺無限添食套餐（$498/2小時任食）任食項目：🔸大閘蟹🔸奄仔蟹 🔸卜卜蜆🔸焗生蠔🔸鮑魚🔸三文魚/甜蝦/北寄貝刺身🔸小籠包-除此之外 每人可以揀一款小菜🫶🏻碟頭同平時一樣咁大😯可以盡情喪食所有有蟹/海鮮上枱先蒸✅保證新鮮唔係死大閘蟹比一般任食提供嘅大隻😗足足4両重老老豆豆 食幾隻都回本🤓私心推介💓卜卜蜆同焗生蠔前者勁鮮甜 食完可以加湯同白飯變泡飯生蠔每隻都手掌咁大 蒸完都無縮水呢餐海鮮控一定大滿足🥰小菜黑洞試咗蓮藕餅同花甲都吾錯😋想餸飯嘅朋友仔仲可以免費叫飯🍚如果小鳥胃食唔晒嘅朋友仔建議揀炸豆腐/茄子呢類輕盈啲嘅小菜😉Btw飽食醉一定要飲返杯薑茶解寒薑味十足微衫甜中帶辣🔥暖身一流…Read More

Set lunch 有一餸一飯一湯一飲品，一個人食晒成個set嘅話真係堅飽。乾炒牛河(散叫）：由於我唔食牛嘅關係我淨係食河粉，我覺得尚可，唔太油，但家人話牛肉幾咸。碧綠炒龍躉（散叫）：龍躉較咸，西蘭花炒得好好食，唔太生唔泰林，好彩唔咸。西檸雞（set lunch)：好怕食好大舊嘅西檸雞，呢個size剛剛好，炸得幾脆，典型西檸雞嘅味道，終於比我食到。咕嚕肉（set lunch): 豬肉比較靭，味道甜甜酸酸開胃。廁所出奇地乾淨（因為睇佢啲餐具枱面都比較舊，以為廁所都麻麻哋，好彩乾淨）星期六下晝只係得一層開放（有兩層），仲係坐唔滿，生意難做，所以真係要支持良心小店💛…Read More

入呢啲茶記，見到佢嘅「全日常餐」係咁嘅組合我多數都食，主菜「鮮牛肉米粉」唔差，清清哋，啱我呢啲淡友。「餐肉奄列」唔算整得好，但係配餐肉有新鮮感而挽回分數。「牛油多士」正常，加埋「熱奶茶」 算平。睇得多我嘅茶記 post 嘅朋友都知道我會為咗寫多啲嘢而叫多個下午茶，唔使審，就叫「港式西多士」，問定阿姐係有夾花生醬，正，仲有傳統糖漿，唔算厚但味道係好食嘅。加埋杯都唔錯嘅「茶走」，咁樣抵食。…Read More

銅鑼灣大澳德發奄仔蟹放題聽人講咗好耐，家姐鍾意食蟹，所以提前book 檯同佢食，本身係分2個時段（6-8/8-10），因為今晚有檯，所以可以提前入座，我哋6點8去到就可以坐低食喇。$398/位，奄仔蟹任食，每人送一隻鮑魚加一隻生蠔，仲有跟人頭送小菜加一杯嘢飲，可以加$28升級任飲，我哋就冇喇，一直顧住食蟹。環境幾闊落，坐得好舒服，好似有3層，幾大嘅。我哋2個人一共食咗21隻，啲蟹好多膏，總體嚟講幾正嘅，有下次！…Read More