大池記大排檔

營業中

休息中

之前成日嗰間西餐廳執咗笠，最近換咗呢間「大池記大排檔」，裝修仲係嗰種簡約木系風，連卡位都冇變，但掛咗幾串滷水鴨頸喺玻璃窗，即刻有大排檔feel！星期六晚市八點幾殺到去，竟然有八成滿，好彩唔使等位～ .見玻璃窗吊住啲滷水件閃令令，頭牌必試滷水拼盤加鵝片（$185），十分鐘火速上枱，擺盤幾精緻，鵝片薄切夠入味，仲有鵝紅？如果有得轉豆腐就好！跟住叫咗豉汁蒸脆大鱔（例$148），鱔肉厚身彈牙，鱔肉肥美豉汁夠香，豉汁撈飯無得輸，但唔見蒜粒有啲失望，可能師傅手勢唔同？最驚喜係碟菜遠炒肥牛（$98），上枱熱辣辣，菜心翠綠爽甜，鑊氣足到菜心索哂油香，食到唔夠喉⋯⋯白飯$12大大碗，撈汁一流！ .總括嚟講，價錢合理，上菜快，埋單人均$200幾蚊，以而家物價算合理，最大優點係唔使排長龍（暫時），街坊又多個開飯熱點啦！

屋企人食飯，就兩老食中菜點咗好幾味菜，好好食，最緊要大家都滿意拔絲菠蘿咕嚕肉，炸得啱啱好，外面脆卜卜，入面肉質好軟椒鹽九肚魚，好邪惡，出面脆入面啖啖肉薑蔥生蠔煲，啲蠔好大隻、新鮮，次次嚟必叫再嚟個招牌鹵水鵝，見話用獅頭鵝，所以試吓，都好好味，鵝味好濃，而且比較鬆軟今次特別叫手切豬腸，點wasabi食，好爽口，當前菜一流

呢間餐廳頂手嚟做，入邊完全唔裝修，打開道門開冷氣，啲水係咁滴落嚟，環境非常惡劣，嘢食就真係一般，叫咗一份鵝片，份量真係好少，成為$200，價錢就真係唔平，未有酒牌，啲酒需要去隔離711買，至於啲職員呢就真係冇乜水準啦，入面的確有人食煙，老闆同埋店員都唔係好理，你行去投訴佢咪敷衍你幾句囉，座位編排有混亂，坐得非常之擠迫，我估都生存得唔係好耐，完全唔適合啟德呢一個地方，唔怪得啲香港人一週末就北上，平靚正之外起碼服務質素好好多囉，同埋環境又唔會咁惡劣。

這次品嚐了鮮蝦韭王鮮肉雲吞，讓我驚喜不已。雲吞皮薄透，包裹著鮮嫩的蝦仁與韭菜，口感鮮美，彈牙十足。清湯清澈而不油膩，湯底的鮮甜與雲吞的餡料完美結合，令人一口接一口。我特別喜歡搭配拉麵，拉麵的彈性與湯底的鮮味相得益彰，讓整體口感更為豐富。每一口都能感受到韭菜的香氣，與肉餡的鮮甜交融。這道菜不僅色香味俱全，還讓人感受到家的溫暖。此外，我也嘗試了韭菜鮮肉餃，餃皮同樣薄而韌，內餡的鮮肉與韭菜搭配得宜，口感層次分明。無論是雲吞還是餃子，都讓人回味無窮，是一頓美味的享受。總的來說，這間店的雲吞與餃子絕對值得一試！

收工夜諗住試吓屋企附近嘅大排檔。坐低之後，員工就咁劈低個餐牌，然後我哋揀緊餸睇緊餐牌，又無啦啦劈包紙巾喺我哋中間。又唔俾茶水，要叫佢call先俾我哋，明明我哋見到台台都有壺茶。員工就木無表情，又冇帶位，要自己搵位坐低，唔expect呢個價錢係呢種服務質素。價錢不符合期望質素。滷水拼盤加一個小菜要$268，諗住佢叫大排檔，主打做滷水，叫咗個滷水拼盤鵝片拼鵝腸，嚟到個擺盤非常之唔吸引。鵝件滷得太鹹，鵝腸就有浸鹼水味。豉椒炒花甲都算新鮮。但係expect佢個滷水會做得好啲。仲叫咗個白飯，但係一睇就知係嚡熠熠嘅大陸米😅🥲環境坐得唔太舒服。無下次了…..

跟住海皮食飯係唔同啲空氣好流通好舒服平均$150.一碟份量好多兩個人食都正椒鹽魷魚好食魷魚好彈牙嫩口入味，個皮好脆唔會太厚食麵粉牛柳粒薯仔好推薦，份量勁多牛柳粒勁大粒入口煙靭容易咀嚼好入味好新鮮。 不過薯仔如果係炸脆啲就好了，比較腍

今晚放工行過呢間餐廳，見開咗唔係好耐，諗住入去試試，體驗非常之差，食物水準很一般，叫咗咕嚕肉，鵝片，芥蘭煲，炒米粉，冇樣好食，碗白菜水餃又有蚊仔！不過，最不能接受嘅係食客喺餐廳入面食煙，向店員投訴不獲理會，餐廳縱容食客店內食煙。個位原本係一間西餐廳，不過早排執咗笠，由而家呢個老闆頂手嚟做，冇乜再裝修過，攞間西餐廳嚟做大排檔，大部份傢俬都冇換過，加多幾張枱可以坐多啲人，枱凳擺得非常擠迫，冷氣機不停滴水落枱面啲餸菜度⋯⋯非常差嘅一間「臨時」餐廳。