大橋頭餐廳 (已結業)

雞扒大小比我手指公大，游完水一人叫三碗就可以食飽飽。杯凍檸茶有蚊只是小事，職員嚴格檢查後便會換給你👍 吃不飽是你的事，自己再多叫兩碟就可以 。位置空曠，人流少，位置任坐，繁忙時間也不需擔心  三個人叫雞扒餐， 是一塊大雞扒斬開三碟分給大家上👍凍奶茶為茉莉花茶底另加紅豆冰的奶，味道實為難忘，建議可以去游泳飲水便可唯一可讚之處為 位置鄰近觀塘游泳池。去其他餐廳也不會走得遠，吃完這個餐準備急不及待去快餐店再填一次肚了…查看更多

收工到觀塘游個水解解暑，一游完就勁肚餓，俾大橋頭餐廳嘅餐牌吸引左，諗都唔諗就入左去🤓🤓🛎️ $42/三餸 多餸車仔麵🤤五香牛筋🥩 牛筋夠稔，滿滿骨膠原，都幾香口招牌魷魚🦑魷魚煮得啱啱好，彈牙爽口滷味豬腸🐽肥美厚實有咬口，大大舊抵食肥牛🥓肥瘦適中，份量都算多韭菜餃🥟有家嘅感覺，皮薄餡足娃娃菜🥬條條都好靚仔，配埋個清湯底非常清甜🛎️ $53 鹽焗雞飯呢個套餐真心抵食🤣咁嘅價錢有雞有菜有飯有湯，性價比高！雞嘅份量足，而且嫩口有油香，夠鹽味但唔會死咸👍🏻湯係紅湯有牛味，飲落酸酸甜甜幾開胃～ 🛎️ $28西多士邪惡之選，牛油配上糖漿冇得輸！仲好細心咁切到細細件，方便入口🍞🛎️ $18 奶油多奶油香香甜甜的😘面包唔會太乾身，足料好味😋🛎️ +$8 Watson’s super cola第一次飲屈臣氏嘅可樂，感覺冇咁甜，但一樣有可樂味🤣幾新奇🛎️ +$5 阿華田（走甜）正常阿華田味🤣揀走甜真係有走到但杯野真係好大杯，有種賺咗嘅感覺！😎🌐環境/服務餐廳闊落整潔，門口仲放咗啲扭蛋機、扭波波機，好有童年回憶😆🥳職員嘅態度都好好，中途杯野飲搞錯左，然後即刻幫你拎入廚房換，非常熱心👍…查看更多

1. 非常難食的燒賣，埋去落 order 然後先見到阿姐係雪櫃攞出來蒸，應該係 TOP 3 全香港最難食燒賣。2. 執枱阿姐態度極度惡劣。阿姐望我既眼神，攪到我以為自己掙佢錢。…查看更多

同朋友去觀塘泳池食附近的雞煲！感覺地方都闊落，首先來杯青瓜豆漿，口感都清新，又真係未試過，寒底的我飲左又ok喎。再來個花膠雞煲，聞好香，係干鍋來的，唔係好多汁，首先係個花膠有實在感覺，係花膠筒。而每舊雞都好味，啲味慢慢辣出來，正呀！重要係辣唔麻的，有些人怕雞煲係麻辣的，唔鍾意麻辣感覺，而個汁做到恰到好處，辣得來夠味。有個油炸鬼釀墨魚膠，炸得好脆頭尾兩邊都有墨魚滑係到好味的，無成口油的感覺。至於麻辣豬肚，豬肚的味道調較都啱啱好，個醬有豆豉黃豆，個黃豆咸咸地又脆脆地好正，真係要一試。還有大大杯不同的沙冰，菠蘿冰，打邊邊最需要的飲品。還聽講有菠蘿冰粉及其他甜品，搵日再試過感覺地方都闊落，首先來杯青瓜豆漿，口感都清新，又真係未試過，寒底的我飲左又ok喎。再來個花膠雞煲，聞好香，係干鍋來的，唔係好多汁，首先係個花膠，平時係細舊又薄無嘜口感的花膠，今次食的有實在感覺，係花膠筒。而每舊雞都好味，平時我唔食雞胸的，今次試雞胸位都唔鞋，個汁以我來講未試過呢個做法，我隔離嗰個不斷講有後勁有後勁，咩後勁呀？原來慢慢辣出來，正呀！重要係辣唔麻的，有些人怕雞煲係麻辣的，唔鍾意麻辣感覺，而個汁做到恰到好處，辣得來夠味。有個油炸鬼釀墨魚膠，炸得好脆頭尾兩邊都有墨魚滑係到好味的，無成口油的感覺。新將期內全單有八折，送兩罐汽水，每位送糖水，小食一碟。提到麻辣豬肚，豬肚的味道調較都啱啱好，個醬有豆豉黃豆，個黃豆咸咸地又脆脆地好正，真係要一試。還有大大杯不同的沙冰，菠蘿冰，打邊邊最需要的飲品。還聽講有菠蘿冰粉及其他甜品，搵日再試過…查看更多

今天在觀塘游泳之後，看到游泳館裡面有家餐廳選擇挺多，立刻過來試試。這家是一家比較地道的香港小吃店。香港本地人喜歡的小食幾乎都有，西多士，燒賣，魚蛋，炸雞翼，炸雞脾，車仔麵⋯⋯今天試了鹽焗雞米線，雞肉嫩滑，米線湯很鮮甜。店鋪旁邊就是觀塘游泳池，還有球場，這裡賣的正是運動完會想吃的東西，很適合一班朋友坐下來食小吃。 價格很親民，位置也很多很大。幾十塊已經吃得飽飽的，如果你在附近游泳可以過來坐坐，補充能量。…查看更多

朋友住觀塘，今日帶咗我去一間好抵食嘅大橋頭餐廳食晚飯，地點就喺泳池附近，做完運動嚟呢度食就最好。一人一火鍋真係大份又抵食，叫多幾隻鮑魚都可以當二人火鍋啦！$68都有肥牛片、菜、大大粒牛丸芝士丸魚蛋、烏冬、南瓜，加幾蚊仲可以要碗湯，湯料十足。如果唔夠食仲可以加配其他火鍋配料。鐵板燒雜扒飯有雞扒、豬扒、腸仔同午餐肉，隻蛋仲要煎得好靚，啱晒鍾意食肉嘅朋友，配飯之餘，竟然仲有薯條🍟跟餐仲有個羅宋湯，非常足料！不過薯條就梗係要食乾身，所以都叫咗一個薯條，新鮮熱辣辣上枱，真係好好食😋呢款薯條唔係周圍有得食! 叫餐仲可以優惠價配飲品，飲品都有好多選擇，珍珠、沙冰、養生、玉露、牛奶系列。…查看更多

事隔咁耐，終於大部份嘅運動都可以再次自由咁樣做，今次約咗一班朋友喺觀塘踢波，踢完波就梗係要醫肚。🤪而喺觀塘泳池附近原來都開咗一間多元化嘅小食同埋正餐比大眾選擇，款式亦都會越出越多，雖然係小食，但係用心製作嘅成果，確實係有目共睹😎鐵板雜扒飯— 🥩今時今日出街鋸個扒平平哋都6-70 蚊，但呢一度只需要$48呢一個超筍價就已經可以享用到，🥩份量仲要唔細，雜扒就有齊豬扒雞扒，🥩另外仲有午餐肉同埋腸仔，夠晒飽肚有突。🥩咁平嘅價錢當然唔係代表劣食，雞扒同豬扒都保持到水潤， 就唔係只求熟。🥩另外有黑椒汁同埋蒜蓉汁選擇，蒜蓉汁就相對溫和啲，同埋蒜蓉最能夠突出肉嘅鮮味🥩酸辣湯— 🥣至於呢一度嘅特色，就係每日都有特別嘅驚喜，🥣食任何野加$5就可以享用到佢哋當日嘅湯水或者甜品，🥣有時係湯有時係芝麻糊，又或者其他甜品😆而呢一日去到嘅就係酸辣湯，🥣入面啲配料都唔小，夠晒正宗嘅味道，辣辣地更加令人大開胃口🥣車仔麵淨餸— 🍜唔想攝取太多澱粉質就可以直接叫淨餸，選擇亦都非常多夠晒正宗車仔麵嘅特色。 🍜$38就有三個餸選擇連菜底，肚餓嘅時候嗌多一兩款亦都完全唔貴。 🍜總共要咗五款比較係熱門嘅推介: 柱候牛肋條，五香牛筋，滷水豬腸，雞中翼，牛柏葉。🍜牛肋條同牛腩有少少相似，用心熬製嘅牛肋條肉質多根部夠晒香，🐮而且又唔韌。 加埋膠質滿滿，大大條又爽口嘅牛筋，🐮絕對係好合拍。 至於滷水豬腸，亦都夠晒份量，🐽每一圈都係大大圈，同樣亦都係爽身唔黐牙，乾淨冇異味。 🐽牛柏葉亦都係非常喜出望外，居然係非常爽脆，🐮唔同正常嘅牛柏葉好似咬橡筋嗰種感覺，質素真係高🐮炸雞髀— 🍗主食做得好，小食都好掂，呢一度嘅炸雞髀，🍗最緊要係唔會整到厚粉，🍗亦都做到柔嫩又香而且油膩感相對清好多，雞髀最正嘅地方就係啖啖肉，🍗而且比起雞胸又的確嫩好多，炸完之後就更加香🍗炸薯條— 🍟大人細路都熱愛嘅炸薯條，亦都係呢一度強烈嘅推介，🍟即叫即炸，確保熱辣辣送上，仲要係夠晒經典嘅扭紋薯條。🍟新鮮熱辣辣嘅時候係最香，而且脆卜卜嘅外層真係難以抗拒。🍟食薯條，當然要點埋茄汁啦🍟益力多沙冰— 🥛天氣開始慢慢又回升返，所以飲沙冰都可以最大限度降溫。 🥛即場打嘅沙冰對到一大杯，冰凍嘅感覺，再加上益力多酸酸甜甜好爽🥛大橋頭餐廳 (觀塘)觀塘翠屏道2號觀塘泳池…查看更多

大橋頭餐廳68蚊一人火鍋一人火鍋嘅份量十足，大量嘅蔬菜，娃娃菜同生菜。再加上肥牛，各種爽口彈牙嘅肉丸，烏冬，兩個人都夠食。特別欣賞爆汁又爆芝士牛丸，非常驚喜。車仔麵我同朋友都係超級米線控，所以加多個車仔麵，米線底。車仔麵已豬骨湯熬製，材料揀咗豬肚，牛柏葉同埋牛腩。餐廳特別為我哋準備咗秘製辣醬，滿足朋友食勁辣嘅要求。鐵板雜扒餐鐵板雜扒餐帶嚟超級豐富嘅蛋白質。雞肉嫩滑，豬扒入味，腸仔同午餐肉煎得外面香脆。我哋揀咗黑椒汁，好鍾意波浪紋薯條吸收晒肉汁同埋黑椒汁嘅精華。菠蘿沙冰&益力多沙冰無論係食火鍋，定車仔麵，定鐵板餐，沙冰都非常配合。我飲嘅益力多沙冰，益力多味濃，酸酸甜甜， 正好中和火鍋鐵板嘅熱騰騰感覺。…查看更多

今日無意中喺觀塘發現一間唔起眼嘅餐廳，但裝修舒服，嘢食超抵😱😱因為喺觀塘泳池，附近又有好多整路，所以基本上都少啲行過嚟呢邊，但係一入到去發現食物選擇好多，絕對可以同成班朋友坐一晚😆見到夜晚食嘅客多數都係食火鍋同雞煲系列，仲要價錢好抵食，配料選擇又多，仲有唔同海鮮簡🦪🥢一人一火鍋我以為真係一人火鍋嘅大細，原來係同平時打邊爐嘅一個大鍋，但68蚊😱😱冇落味精嘅豬骨湯底🍲肥牛片肥瘦分布均勻， 10秒就食得，牛味都夠😋基本配料都多，有唔同丸同埋肥牛，菜籃啲菜都好新鮮加咗鮑魚，好大隻同埋本身洗乾淨左，直接放入去淥就得，本身豬骨湯底清甜，令到鮑魚保留原本嘅鮮味，啖啖肉，爽口彈牙🤪🥢脆皮豬手有每日精選，脆皮豬手新鮮炸起都只係$15一份🤩炸之前本身有醃製過，好入味，味道鹹香，炸嘅火候啱啱好，咬落去有滿滿嘅骨膠原，外皮好脆，但係入邊又好軟綿，我本身唔鍾意食豬手，但係都食到停唔到口😋😋🥢特大菠蘿冰沙🥢特大芒果冰沙本身嗌嘢食，仲可以半價加所有特大飲品系列😍真係用水果刨出嚟，飲落去嘅時候好濃水果味，配打邊爐一流👍🏻…查看更多

今日游完水，可想搵下暖肚的食品。竟然喺觀塘泳池就已經有一間幾特別的餐廳！裏面可以有多款選擇竟然仲有一人一鍋的打邊爐，所以今日天氣凍飲不住叫了這一個一人一鍋打邊爐暖暖身。擺盤都幾精緻。每樣食物都有一些是最喜歡就是他的牛，有牛味，只是比較靭一些。配了丸不同款式，有牛丸，有龍蝦丸，魚蛋最喜歡就是魚蛋好彈牙等等……另外亦都有跟一盤雜菜。跟指定了的湯底是紅蘿蔔。不過見到隔籬枱食車仔麵又想試一試，所以嗌咗一碗車仔麵選擇了牛筋豬紅以及豬腸。不是好出眾，但是有車仔麵汁的本色。另外，這裏也有地道小食牙痕痕，所以嗌左一個炸薯條薯條比較好味，外脆內軟又不會太油。仲係我喜歡吃的波浪形的薯條。今次再嗌多一個鹽焗雞飯，雖然望落去好似隻雞瘦猛猛，但係食落味道也不錯。這裏環境也甚舒適，如果想和朋友傾偈，這裏也是不錯的選擇。…查看更多

今晚男朋友去觀塘踢波，之後一齊食飯，球場則邊有間小食館，望落都好新淨，決定入去試吓。亞南雞煲我地點咗細煲，小辣，雞煲上枱之後，侍應會幫手炒雞，個煲即刻湧出來香噴噴既味，色香味俱全，未食已經知道會唔錯。果然味道香濃，雞皮脆，雞肉好滑，而且都唔少，有9大件，大大嚿啖啖肉。洋蔥同配菜都多，超香，d粉絲係韓式粉絲， 吸晒雞煲嘅精華，超香超好味，貪心嘅我響度諗如果再多啲粉絲嘅話，就好啦。一人火鍋呢一個係老細介紹，唔貴就試試，份量啱啱好，湯底有紅蘿蔔，白蘿蔔，同粟米，湯底都幾清甜。呢個一人火鍋有好多款唔同嘅丸，有牛丸，墨魚丸，魚蛋，貢丸，龍蝦丸，蟹柳，驚喜嘅係竟然有芝心牛丸。蔬菜籃有唐生菜，娃娃菜，油麥菜同埋南瓜，全部都好新鮮。肥牛肉有三大塊，食肉獸男朋友表示想要多啲牛肉。但係其實嗰餐有一個烏冬，所以佢一定夠飽。如果真係唔夠飽都有得最加配料，每款$12 ，好抵食。雞扒包雞扒包熱辣辣，新鮮即叫即做，個包烘咗底，雞扒煎得唔太油，好焦香，雞扒Juicy,夾埋生菜，鮮甜菠蘿連同千島醬一齊食，好有滿足感。呢個港式包都做得好有誠意。如果個包改用法式包，應該會再加分唔少。芒果牛奶大大杯，甜到剛好，芒果味都幾香甜，唔會有好多碎冰，感覺都幾香滑。蜂蜜柚子天氣乾燥，最啱飲返啲滋潤飲品，呢個柚子蜜唔會溝咗好多水，真材實料，感覺滋潤。…查看更多

官塘泳池隔離開左間餐廳，有好多種類美味，有一人火鍋，雞煲，香港小食，飯和車仔麵等。餐廳地方大，座位又舒適，燈光明亮又可以慢慢傾計。魚蛋好爽彈，燒賣好煙韌。一人火鍋配料好豐富，有丸，蟹柳，烏冬，肥牛和蔬菜。一人火鍋肥牛肉質淋，牛味香濃粟米清甜，蘿蔔又入味，丸類牛丸爽彈又有肉汁，芝士丸好濃芝士等。烏冬吸收湯底的精華好入味。西多士炸到好香口，西多士內里包住花生醬，西多士好軟熟又有啖啖花生醬，再加上牛油和蜜糖更加美味可口。車仔麵（4餸）車仔麵（4餸）有蘿蔔夠淋，瑞士雞中翼，雞翼炆到好入味又香，芝士牛丸一咬落去啖啖芝士，牛丸爽彈，鮮蝦雲吞，雲吞蝦肉爽彈，皮又唔會太厚。荔枝玉露里面有椰果，荔枝味香濃。…查看更多

游完水，經常幫襯，裏面款式包羅萬有，價錢合理， 我都食材都好新鮮， 所有職員都好好人好細心， 如果能夠開多幾間分店就好了，可以已經常幫襯， 呢度小食亦都好出色，非常之好味呀…查看更多

昔日喺觀塘游泳池對出嘅小食店原來已經煥然一新，除了一系列港式小食、鐵板餐、車仔麵，依家仲有晚市一人火鍋、雞煲等等。午市特價飯餐售完即止，超值抵食~😋👍🏻到櫃檯先付款揀食物，隨後會有店員送上。醬料，水，餐具可以到自助櫃自取。魚蛋~幾有趣，有啲似魚腐，辣汁另上，不過都唔會好辣😅燒賣～質素普通腸粉~應該都係現成貨，比較實心，醬料偏多。炸雞全翼~夠香口！😋車仔麵湯底只得一款~豬骨湯，清清地唔錯。如想有辣味，可以另上雞煲汁。但今日想吃嘅配料，魷魚鬚，牛柏葉都沽清。另選了豬紅，雞翼，雲吞。另外亦試了淨餸: 白蘿蔔、韭菜餃和豬大腸。白蘿蔔清甜又夠大件，大腸冇怪味炆得夠諗。韭菜餃都係現成貨色，冇太大驚喜。荔枝玉露好大杯，建議可以少甜。凍奶茶，並唔係港式奶茶。茶底係台式珍珠奶茶嘅味道。台式鐵板飯套餐(雜扒）推介超抵食，熱辣辣嘅鐵板套餐，用料豐富夠晒港式地道。有豬扒、雞扒、午餐肉、腸仔、煎荷包蛋和薯餅，每款都四正兼大大份。豬扒尤其入味，雞扒外皮煎得香脆。洋蔥汁夠惹味，配白飯 整體味道唔錯。今日嘅糖水有「合桃糊」，夠棉滑，滋潤養生。埸內仲有扭蛋機，彈波機等小玩意，小朋友游完水肚餓嚟開餐啱晒~…查看更多

同朋友游完水肚餓，係泳池隔離見有餐廳，就入咗去坐。環境：地方闊落，光猛。仲有啲遊戲機玩，啱晒啲細路。服務：店員熱情招待，會推介食物而且同每位客人都會傾下計，就算一個人食都唔驚悶。一人火鍋個鍋好大，似邊爐鍋。有一個烏冬，肥牛，貢丸、魚蛋、龍蝦丸，芝士丸、蟹柳，啲菜多到2個人都食到，絕對係飽肚之選。+ $3個仲可以食埋個紫米露，邊度搵😆車仔麵有好多餸選擇，我哋簡左牛腩，瑞士汁雞翼同埋魷魚。牛腩炆得腍，瑞士汁雞翼煮得入味。非常推介加辣，係雞煲嘅味道，有啲驚喜。飲品加$10叫咗香芋珍珠鮮奶，隻味道充滿童年回憶。台式版飯套餐性價比高，唔使$50就叫到嗰餐。雞扒大大件，仲有隻太陽蛋，醬汁簡左黑椒汁，黑椒汁雞扒幾時都咁好食。跟餐包左羅宋湯，酸酸味幾開胃。加$10仲可以轉黑糖珍珠牛奶，大杯抵飲。…查看更多