大撈家

原先諗住食醉藥雞，點知客滿要排隊等。於是走咗入去隔離間大撈家。點咗兩個大套餐：海蔘花菇蒸肉餅 及 蘿蔔花菇鮑魚撈麵 再加一個小食 配炸牛腩。小食先上，滷過嘅牛腩非常入味，唔柴又唔會太肥，非常好食，配鮑魚汁就其實得啖笑，就當冇咁熱氣，如果食得辣配麻辣汁可能會更好，又或者店家研究吓配泰式酸辣醬都應該唔錯。之後就上套餐鮑魚撈麵，賣相OK。但三樣野唔係好夾，首先汁唔夠，做唔到撈麵效果，蘿蔔只係白烚，完全冇鮑汁味，而鮑魚有兩隻，雖然都幾大隻，但都係火喉未夠，唔入味。唯一取勝係平….之後到我自己點嘅肉餅，佢係即蒸，因為等咗好耐，賣相唔錯。但一睇就知出事，我初頭諗佢嘅海蔘應該釀入去肉餅度一齊蒸，結果只係擺面，於是一食落口，又係蔘肉分離，肉餅還肉餅，海蔘還海蔘。肉餅普通唔彈牙都算，最大鑊主角海蔘俾花菇同豉油搶哂味，除咗死咸，我係一啲都feel唔到海蔘嘅存在。簡單嚟講，我只係點咗個花菇肉餅飯….時人話香港經濟差，無可否認大環境真係好麻麻，但自身問題都好重要，由入座都俾錢離開，我同家人係包場，講緊係星期六晚深水埗7點，隔離醉藥雞同文記排哂長龍，就算你冇小紅書加持，都唔會晚市連一個客都冇呀？唯一解釋就係店員問題，店內一男一女職員。由入座到埋單都只係得個女職員做野，男果個成個古惑仔咁成碌木企喺門口，聲都唔出多句，就算有人喺門口裝裝吓都係頂多講句埋邊有位就算，唔係趕客就係錢多，請著呢啲伙記真係自求多福（希望佢係老闆啦）！唯一做野果個女店員，勁後生同靚女，似讀緊書嘅學生妹，講野怕怕醜醜細細聲。作為一個時常行深水埗嘅獨男，除咗高登班濃妝豔抹嘅筆電promoter ，呢個女店員絕對秒殺成條福榮街嘅食肆，絕對係深水埗之花，選港姐物姐實贏。我係老闆一定擺佢出門口，派吓傳單講兩句肯定引唔少毒撚入去食鮑魚…唔怕生壞命，最怕改壞名。撈家？美女？鮑魚？或者因為咁原因唔敢定唔俾走上前台吧！唔好心邪，我都係下次過隔離叫雞算。…查看更多

第二次食呢間餐廳，兩次都係食佢嘅晚飯套餐。第一次食鮑汁蘿蔔牛腩飯。本來只係諗住填肚嘅心態，食落覺得超班喎！牛腩炆得好腍，蘿蔔亦好入味同埋鮑汁亦都好清甜！佢仲送咗碗人蔘湯，味道好特別。食過第一次之後就想再試吓佢其他菜式，佢話咕嚕肉係佢地嘅招牌，一試果然無失望！唔使冰鎮咕嚕肉嘅皮都好脆口，入邊嘅豬肉肥瘦啱啱好！一個正式晚餐嘅價錢都只係50零$60仲要係feel到有用心去製作，本身想私藏呢間餐廳，但覺得小店都係幫手宣傳吓啦！唔知係老細定係職員呢？成日企喺門口招攬客人入嚟食飯，但都好似冇乜客，希望佢地頂得住啦。…查看更多

第一次來大撈家，一入店面裝修不錯，中午十二點多店內食客只有三枱，入座後見到桌上只有刀叉匙羹，沒有筷子，要筷子就要向侍應取。見到餐牌上嘅咕嚕肉飯非常吸引，我就點了這個跟人參湯另外加了一個鮑汁拼盤。等了幾分鐘人參湯到了，味道很淡而且冇人參味。然後到鮑汁拼盤上枱，蘿蔔冇味，鴨腳腳趾頭有兩隻黑咗色的🤢豬手好硬完全唔淋，食唔到😵‍💫，豬腸太淋了完全冇咬口，整個拼盤味道都好淡味。隔離枱男士見我食豬手，佢點了個豬手飯，偷偷望到佢，佢咬豬手都係好費勁，最後佢個飯只係食咗一半都冇就冇食了。隔了十分鐘，咕嚕肉飯終於上菜，沒有菠蘿只有一小塊青椒，黃椒，和紅椒，咕嚕肉外層非常脆，食第一舊以為裏面全部肥膏好淋，第二舊咬開一半，發覺裏面有肉但係都係非常之淋，冇肉嘅質感。埋單後去個洗手間，佢哋係男女共用一個廁所，入到廁所入面聞到好臭🤢，嗰種尿味好難聞🤮，應該要兩三個鐘要清潔一下洗手間，特別係男女共用嘅洗手間！留多一秒都會想嘔返個餐出嚟🤮！餐廳門面裝修幾靚都好，但廁所真係要勤力啲密啲搞搞衛生。隔離枱走了，店員用噴壺噴枱面然後抹枱，這樣噴其實會影響隔離枱的食客，食客食完或食緊都係會影響到！如果一定要用噴壺入面嘅東西抹枱，攞布抹枱時，噴落布再行過張枱抹唔係會更好咩！店員見到食客埋完單行緊出店，都唔會講多謝哂，拜拜，下次再光臨等等說話，應該是我要求太高。唔講食品質素，而家香港服務業員工都係咁差，咁冇禮貌，基本禮貌說話都唔講，笑容都冇，點樣令你餐廳有回頭客，莫講話令香港人在港消費。試過一次就算。…查看更多

今日去深水埗辦年貨，本來諗住順便食車仔麵，但實在太多人。見到隔離開咗間小店，有花膠同佛跳牆，但價錢一啲都唔貴。二話不說就入去試吓。我哋兩個人叫咗兩個套餐，分別係海參蒸水蛋同海參冬菇蒸肉餅，仲配埋個人蔘湯。另外朋友追加$98有一個紅燒湯翅。食物應該係即叫即做，所以要等5至10分鐘，感覺店主對食材有要求。海參蒸水蛋亦唔少海參，蒸肉餅啲冬菇都好大粒，好味之餘，覺得店主對食物亦都有要求。追加嘅紅燒湯翅，有水準$98好抵°另外環境乾淨企理，店員亦有禮可親。依家呢啲傳統中華美食店，買少見少，肯定會多啲嚟幫襯。…查看更多

📍 大撈家 (深水埗)深水埗福榮街101號地舖大撈家價格相對較經濟實惠，適合廣大消費者品嚐，同時滿足了人們對海味的渴望。如果你想品嚐豪華海鮮的口感，大撈家是一個不錯的選擇。👉 招牌咕嚕肉飯 跟 可樂💰$62😋😋😋😋.8/5招牌咕嚕肉飯絕對是一道令人垂涎三尺的美食。首先，咕嚕肉的肉質非常嫩滑，完全入口即化。肉片上的醬汁濃郁香濃，充滿了豐富的醬油和五香味道，令人回味無窮。米飯吸收了咕嚕肉醬汁的風味，使整道客飯更加美味。👉 花菇拼鮑魚飯 跟 可樂💰$62😋😋😋😋.7/5鮑魚的質量非常出色，口感鮮嫩，彈牙有嚼勁。它與花菇的搭配非常契合，花菇的香氣與鮑魚的鮮味相得益彰。米飯與鮑魚和花菇的搭配非常完美，米飯吸收了鮑魚和花菇的湯汁，增添了豐富的風味。👉 紅燒鮑翅💰$98😋😋😋😋.6/5紅燒鮑翅的烹飪技巧非常高超，讓鮑翅保持了彈牙的口感，而且充分吸收了紅燒醬汁的風味。質量非常出色，肉質鮮嫩，口感絲滑。紅燒醬汁濃郁香濃，帶有微妙的甜味和豐富的香料風味，完美地融合在鮑翅的肉質中。紅燒醬汁的滋味與鮑翅的口感形成了完美的平衡，令人回味無窮。回頭: Yes，三道食物各有特色，都是令人垂涎的美食。招牌咕嚕肉飯酸甜開胃，花菇拼鮑魚飯的組合完美，紅燒鮑翅則是一道奢華的佳餚。不管你選擇哪一款，都能帶給你美味的享受！…查看更多

今晚一個人即興去深水埗搵晚餐食，心血來潮想食臘味飯，在選擇困難症下，咁啱搵到呢間啱食😃 選食其中一個晚餐套餐：海味雜錦荷葉糯米飯+人蔘湯人蔘湯好好飲，好想添多碗😋糯米飯口感唔錯，配料好足夠😋店員服務態度非常好，好積極也留意到店舖只收現金😮可能用電子收費有限制好在平日太倚賴電子支付的我帶咗足夠現金嚟😆另外見到隔籬枱有客人食鮑汁蘿蔔牛腩飯，同埋睇Menu有好多同鮑魚有關嘅飯食，下次有機會試吓先…查看更多

抵食，價錢平民化，叫咗一隻乳鴿試味😋乳鴿超嫩口😋最值得叫，真係唔好錯過，乳鴿肉質好嫩，乳鴿皮香脆😋仲保持乳鴿嘅肉汁相當鮮味😋🙂魚翅湯有驚喜😋價錢平民化而且如此一疏疏相當抵食😋魚翅好爽口湯汁濃滑😋花膠整得爽口又彈牙好正😋冬菇大大隻，肉質肥美厚肉😋叫咗碟菜加咗鮑汁落去碟菜都好新鮮嫩口大大棵😋鮑魚魚都好腍😋不過啲鮑魚有啲似阿嬌🤨要再擦乾淨少少🙂味道會有少少影響🙂撈麵好食，加咗鮑汁😋啲麵冇鹼水味幾好😋海參好爽口彈牙😋果然係芝蓮餐廳，每一個步驟都做得好細心😋人蔘湯有少少苦，希望改為人蔘片會比較甘甜😛…查看更多

今日走到深水埗搵野食 找到了一間平民價卻享受到高質素美食⭐️餐牌上重有好多推介 海參及花膠都係必食之選 重要價錢好親民😂😂主打食鮑參翅肚 見到都吸引 花姑拼鮑魚飯 單看賣相已相當吸引 花菇勁大隻又厚身 炆得好淋 啖啖好香花菇味 重頭戲 鮑魚 口感一流又夠爽口 厚肉一啖就開完全 入曬味 味道同眼睛都大飽眼福 另外用鮑魚汁撈飯 好有鮮味 食多幾啖飯 麻辣豬手 眼看已經流囗水 麻辣汁掛在豬手上 辣辣地帶少少麻😆 好惹味 而豬手炆到好淋身送飯一流 餐牌上重有好多推介 海參及花膠都係必食之選 重要價錢好親民絕對值得試…查看更多

🌟餐廳：大撈家📍地址：深水埗福榮街101號地舖💰價位：～$50 - $100📱電話：28278578收工約同事去深水圳買電子野，買完之後周圍逛逛，呢頭一向都好多特色既餐廳~今日就試咗呢間以大眾化價錢、米芝蓮味道，主打平民版鮑參翅肚既「大撈家」先！———————————————————🔹花菇拼鮑魚撈麵套餐 (墨魚麵) 配 人參雞湯自選套餐性價比高，價錢夠親民~- 先黎一配人參雞湯，人參雞湯夠甘香，鮮味十足，熱辣辣夠暖胃~- 主角花菇拼鮑魚撈麵用料十足，花菇大大件又厚身，以鮑汁煮制，夠哂入味，食得好滿足~鮑魚有2隻，真材實料，鮑魚肉又夠彈牙，搭配埋清甜蘿蔔及特制墨魚麵，飽肚又滿足~🔹鮑汁拼盤 (追加)- 套餐仲可以加$38 優惠價追加鮑汁拼盤，超正~鮑汁拼盤有齊雞腳、豬手、豬腸及金錢肚，夠哂豐富，每款食材炆至軟腍入味，值得一試~———————————————————🔹 撈家佛跳牆- 原汁原味佛跳牆，鮑參翅肚樣樣野，以豪華材料燉制，熱辣辣每一啖都滲透海味既鮮味~我就最鍾意入邊既花膠，除左厚身軟滑外，骨膠原十足，滋補又養顏，大推~———————————————————🔹 脆炸BB鴿- 最後試埋餐廳另一招牌，脆炸bb鴿~即叫即炸，原隻乳鴿炸至紅噹噹，擺盤又精緻，乳鴨外皮香脆，肉質夠juicy，必試~———————————————————😋味道：4/5🏢環境：4/5💁🏻‍♀️服務：4/5💵價錢：4/5🤟🏻性價比：4/5———————————————————👅整體小總結餐廳裝飾以黑金色為主，夠哂型格吸引~食物方面，主打平民鮑參翅肚美食，套餐價錢夠哂大眾化，而且用料十足，制作認真，深受附近街坊歡迎，值得捧場~…查看更多

最近同朋友嚟咗呢間餐廳食飯，感覺好有驚喜，而且餸菜好好味😂😂😂我哋首先叫咗個鮑魚撈麵，真材實料鮑魚大大隻，而且醬汁調配得非常之好🥰🥰🥰🥰🥰🥰🥰🥰🥰🥰🥰🥰🥰🥰🥰我哋仲叫咗炸乳鴿卜卜脆，賣相一流😍😍😍😍😍😍😍😍😍😍😍紅燒翅大大煲，兩個人分享都足夠🤣🤣🤣🤣🤣🤣🤣🤣人蔘雞半隻已經超大份，而且仲有淡淡嘅人蔘香，下次一定會再食😋😋😋😋😋😋😋😋😋…查看更多

今日係深水埗行過見到一間👍一試即愛上😍餐廳🤗個名都好抵食😄叫～大撈家😍原來新店😛價錢平民🤩食物質素吾錯😘超值嘅鮑參翅肚😍😍😍揀咗兩個精選套餐😗食我最鍾意食嘅招牌咕嚕肉飯~講真我未試過甘好食咕嚕🤗外皮鬆脆內裏啖啖肉😳甜酸味道適中🤏🏻完全冇骨真材實料👏👏👍 花菇拼鮑魚撈麵～手掌咁大隻花菇🍄巧入味鮑魚😍超滑撈麵(完全係冇鹼水味👍)中午🕛飯🥣仲要叫隻BB乳鴿😳乳鴿梗係要成隻食啦，唔需要斬件🔪原汁原味🤤齒頰留香😍竟然有豬大腸（平時食開豬大腸係甜酸醬竟然有麻辣同鮑魚汁俾你揀😳我當然梗係要揀返甜酸醬啦酸酸甜甜幾開胃配上脆卜卜豬大腸🤭🤭🤭🤭（我最鍾意係醬汁另上)仲叫咗杯～鴨屎香手打檸檬茶🥤原來係香茅檸檬🍋味😝味道好特別😄呢間大撈家餐廳有西貢海鮮🦞食材🤩但係深水埗價錢～平靚正👍🏻👍🏻👍🏻…查看更多

深水埗真係有好多餐廳今次嚟到新開嘅餐廳 主打鮑參翅肚 價錢相宜有新鮮鮑魚菜式 海參配上撈麵 花膠湯麵等等今次小妹揀左套餐 套餐奉送人參湯🥣/汽水撈家雞飯配鮑魚汁或麻辣汁 $65揀左鮑魚汁 鮑魚味好香 撈汁食一流😊😊雞件嫩滑 每啖食落都肉質剛剛好花菇拼鮑魚飯或撈麵 $68大大件香爽嘅花菇仲有兩隻香滑鮑魚 肉質軟腍 唔會好韌今次小妹轉做墨魚麵 麵質爽口彈牙撈埋汁 一齊食鮮味更香🤤🤤鮑汁 脆炸大腸 $68好耐無食過炸大腸了 一見到menu有 就叫左醬汁配上酸甜汁💁🏻‍♀️💁🏻‍♀️炸大腸外面炸到勁香脆 脆卜卜🤤油脂唔算太多 食完唔會話太頸渴😎脆炸BB鴿 $68話明BB鴿 肉質當然嫩滑 每啖香汁都鎖得住而且外皮炸到好金黃 食落好香脆🥰原來餐廳做緊限時優惠今次小妹12月去食都仲有✨就係接近半價優惠嘅紅燒鮑翅 $98一梳梳嘅翅 食落腍腍的🥰 好滿足…查看更多

喺深水埗買完嘢，返屋企前諗住食番碗車仔麵，點知發現深水埗竟然開咗一間主打鮑參翅肚嘅名人飯堂？不過，唔好以為食鮑參翅肚就一定好貴；相反，餐廳選擇喺深水埗開店，價錢走大眾化，而質素亦有一定水準，呢間大撈家完全係充滿驚喜同誠意嘅小店！鮑汁雞翼、鮑汁扒時蔬將色澤深褐、味道鮮美、香氣濃郁嘅鮑汁淋上去雞翼同時蔬之上，真係無得輸呀！菜心嘅味道即刻level up；而雞翼非常入味，值得推介。糖心蘿蔔至於糖心蘿蔔真係人如其名，非常清甜，完全無渣，夠晒入味。海蔘襟撈呢個系列可以揀撈家鮑魚汁或者秘製麻辣汁，而我哋就梗係揀鮑魚汁啦！上枱時候真係嚇一嚇，個海蔘同冬菇都超巨型呀！海蔘軟腍又有膠口感覺，至於花菇充滿口感，重點係雖然大大隻，但都非常入味，啖啖都充滿香濃嘅鮑汁。至於撈麵亦唔係一般嘅粗麵，餐廳選擇用墨魚麵，除咗成本提升之外，更重要係原來做撈麵麵底又幾夾喎！ 另外，所有襟撈系列都會奉送朝鮮人蔘湯，湯底每啖都有淡淡回甘嘅人蔘味，真係一個奢華享受嘅套餐！朝蔘花膠湯麵上枱一刻已經聞到香氣濃郁，帶有淡淡回甘味嘅人蔘湯底，絕對係回味無窮。配料除咗有冬菇之外，仲有巨型花膠，望落去已經充滿氣勢！至於味道非常入味，啖啖都充滿香濃嘅鮑汁，軟腍又有膠口感覺，真係充滿驚喜同誠意呀！…查看更多

今日Happy Friday，朋友話帶左我去深水埗食鮑參翅肚。餐廳係新開，餐廳細細，乾淨企理。餐牌款式多，各款鮑參翅肚餐價錢真係好抵食。我哋叫左花菇拼鮑魚撈麵同花膠撈麵，然後再叫左紅燒鮑翅同埋一款飲品。人蔘湯：雖然係例湯，但絕對唔馬虎。蔘味重，味道甘甘地，夠味得黎又唔鹹。黑蒜鮑魚燉湯 (套餐+$48升級)：鮑魚燉到好淋，黑蒜健康，湯落足料，有好甜嘅肉味，冬天飲就夠滋補，正。油菜 (套餐追加+$18)：菜心甜，加左鮑汁好好味。紅燒鮑翅 (套餐追加+$98)：見到一梳梳嘅翅，好完整，上湯濃結適中，味道濃。下面有火keep warm，冬天食就唔怕凍晒。花菇拼花膠撈粗麵 ($98) & 花菇拼撈麵 ($68)：有鮑魚汁同秘制麻辣汁兩款選擇，食鮑參翅肚呢類緊係用鮑魚汁先好味。花菇厚肉，鮑魚煙韌有口感，花膠同樣炆得夠淋夠入味，鮑魚汁撈粗麵真係無得輸。手打鴨屎香檸檬茶：鴨屎香檸檬味道獨特，檸檬帶香水味道，叫左少冰少甜酸酸地又幾好飲喎。…查看更多

餐廳：大撈家 (深水埗)地址：深水埗福榮街101號地舖鮑參翅肚一向俾人嘅感覺都喺屬於貴價食物，如非過時過節或者飲宴，都比較少喺餐桌上面見到佢哋🍽。深水埗最近有間新開嘅餐廳——大撈家 ，佢哋就以平民價鮑蔘翅肚為主打😍，多款精選套餐都喺六十幾蚊就有得食，咕嚕肉飯、蘿蔔牛腩飯、海蔘花菇蒸肉餅飯、鮑魚荷葉糯米飯，款款都大份夾抵食，呢個價錢食到鮑魚同海蔘仲想點😎✝️花菇拼鮑魚撈墨魚麵 $68喺精選套餐入面揀咗呢款，有一隻爽嫩大花菇同兩隻彈牙鮮香鮑魚，可以揀配飯或者撈麵，我就要咗墨魚麵🦑，撈埋自家調製嘅鮮濃鮑汁一齊食，鮮味十足，唔會好鹹膩，另外仲送人蔘湯或者汽水，我就緊喺揀前者啦😌，飲落甘香入味，仲有啲人蔘肉可以食，開始天氣涼❄️，飲返碗人蔘湯補補身都幾好✝️黑蒜鮑魚燉湯 +$48嚟呢度又點可以唔試佢哋嘅自家燉湯？如果你唔怕食黑蒜，咁就一定要加錢試呢個黑蒜鮑魚燉湯🧄，陣陣黑蒜香唔會太過濃烈，大部份食蒜嘅人都應該會接受到，裏面有一隻中型size嘅鮑魚，仲有好多肉粒，相當足料👍✝️鮑汁拼盤 +$38原來呢個拼盤都幾隨機🤣，用咗自製鮑汁配上豬手、雞翼同雞腳，幾款食物都炆得好腍，食呢個無非都喺想飽嘗佢哋秘製鮑汁嘅滋味，值得推介俾大家🤓…查看更多