大戶屋

營業中

休息中

今日約左朋友食晚飯，由於大家都在港島區上班，便選了座落銅鑼灣的大户屋。我們安排坐在兩人卡位上，餐廳環境舒適，侍應招呼周到，不用叫已自動加茶水。我們分別叫了滑蛋吉列豬扒飯$115及熟成豬柳片生薑燒定食$108，另收加一服務費。前菜酸酸的，好開胃，而燉蛋好滑。麵豉湯，材料足，味道濃郁。滑蛋吉列豬扒飯：一個「正」字來形容，外脆內嫩，唔油膩，鬆化。熟成豬柳片生薑燒定食：幾塊豬柳片再配上香口洋蔥及菜，好食到停唔到口，飯好香口。在港島區食晚餐，此價位都算合理，會再次幫襯。

午市套餐算幾抵食，飽到夜晚。 個menu有好多選擇，但見到滑蛋（係我好鐘意食嘅野之一）即刻幫我narrow down左！$102一個套餐喺銅鑼灣算唔錯！上菜：的確好大碗，男仔都好飽！蛋一啲都唔油唔濟，雞有微微炭烤味。記住自己加七味粉，好味好多豐富啲嘅味道，唔錯！

同好耐冇見既朋友食飯，唔知食乜好，出到黎先諗，之後友人話佢成日食呢間日本餐廳，我又未試過，一於試下。餐廳好大間，日系和風設計既裝修，我地大約20:00黎，友人話次次都要等位，今次等左5分鐘就有，可能因為係閒日既晚上，加上有啲夜，所以唔洗點排。食物選擇非常多款選擇，但係價錢有啲令我驚訝，以食一個好普通既飯黎講真係幾貴。滑蛋燒雞飯　$102呢個價錢只係得一碗飯、一碗麵豉湯同一啲伴菜，真係好貴……佢個滑蛋冇錯，真係高質既滑蛋，好嫰好滑lulu，相信有加奶去炒，燒雞亦都好嫰身，完全唔鞋口，但係份量唔多，同埋我相信香港有好多茶記都做到呢個水準，仲會多一番港式風味，而且拎$102一定食到最少兩碟，呢到睇黎係食環境同名氣。食物係唔錯，但睇埋個價錢同埋食既野冇乜特別，我就應該唔會再黎食，性價比唔太高，相信呢個價錢係出面都食到相同甚至質素更高既食物，而且價錢仲會更平。

以前好鐘意去食大户屋，尤其個燒三文魚定食幾乎每次必叫😍但自從尖沙咀店執左之後就好耐都冇食過la~😕銅鑼灣呢間自從開返後都未去過，今晚終於去食返la😍呢間分店環境幾舒服👍🏻，咁耐冇嚟梗係要叫返我最愛的炙燒三文魚定食😍依然好好味！🤤幾大塊輕輕燒過嘅三文魚，面頭有啲日式沙律醬，配埋煙un 口感同好好味嘅珍珠米，好快就清晒成盒飯🤤特別一提佢哋嘅飯真係整得好好味！👍🏻🤤個set嗰個茶碗蒸好滑🤤👍🏻麵豉湯都好飲😋其實佢哋其他定食都好食ga 😍，重點係好抵食，一個set都係$100左右～下次要再快啲嚟食埋其他先！😬

同friend 好耐無見，大家gathering 就來左呢間日式料理 大戶屋。當日無book到位 直接walkin 要等位，但當時比較早 所以都唔洗等太耐。大約半個小時就可以入去lu入面既裝修唔錯，我影左張相，可以睇下。睇落都既乾淨ga。我鍾意食魚生，所以我叫左魚生飯，裡面有吞拿魚三文魚甜蝦同帆立貝，魚生都幾新鮮。我個friend 就叫左有泡菜同豆腐既飯，佢話好好食，我都試左d豆腐，真係唔錯。上菜速度都唔算好慢，傾傾下計就到lu

A late dinner for a starving squad. Acting on recommendations of a friend who has eaten in the Central branch. I was expecting good vibes.We came in rather late but still waited a bit. The only disappointing thing, we got hailed to a table which was still occupied. So we had to wait a bit longer. They had three sections, the one outdoors, a little alcove and the main restaurant. It was difficult to hail waiting staff to the point I was ready to get up and find one. Menu was a struggle to compreh

我係荃新天地既分店，我叫個大戶海鮮丼食叫埋刺身，出黎既蝦實在慘不忍睹，黑卒卒既頭，睇到都唔想食，同侍應講話幫我換，換番黎話比我知比多左d蝦比你......我好老實咁同佢講，我唔係投訴你既數量，而係你既出品好有問題。跟住就同我講係part time 厨師做...請問咁係咪你地既厨師出品，質量有問題何必推卸責任

今日到不熟悉的銅鑼灣食lunch，便特別上openrice search 下有邊間比好食，最後選了這間大戶屋。這間餐廳位處大廈5樓，由於附近食肆林立，相信競爭非常大，所以必須要性價比好，才能持續做落去。這裡食物選擇很多，而且價錢亦不貴，一個餐約一百幾蚊左右。我點了一個牛舌定食套餐及一個雞扒定食套餐。牛舌定食套餐: 牛舌燒得剛剛好，好調牙, 又唔鞋口，再配上一個淡淡的汁調味，真係非常好味。套餐仲配有面豉湯(非常咸><)，蒸蛋及沙律，非常完滿的一餐。雞扒定食套餐: 雞扒切成很多小塊，很適合女仔一口一口地食，雞扒中間有少少肥，但燒起來非常香口，佢仲配左個芥苿醬，非常match! 跟牛舌餐一樣，都配有面豉湯，蒸蛋及沙律，不過沙律的款式不一樣呢~特別一提這裡有兒童餐，選擇亦多，很多營養都很均衡，兒童餐不但賣相好，仲配有玩具添，怪唔知餐廳咁多人帶埋細路一家大細來啦!

銅鑼灣登龍街 MidTown 的大戶屋，午市特選套餐只有A沒有B。那就選擇了這一份迷你三文魚飯配冷蕎麥麵。三文魚肉還算新鮮肉厚，質感不錯。因為是迷你，飯的份量當然比較少，三文魚卻有一定份量。冷蕎麥麵就比預期之中有一點失色。冰冷之餘，有點結實，可能雪藏得太久了。但是份量卻比預期多。將冷麵放在醬汁內，浸耐一點，吃下來就開始鬆軟少少了，不過有點鹹。蘿蔔蓉煮雞肉玉子鍋飯，賣相就非常特別，蘿蔔蓉放在上面令人意外，要不要攪勻呢？整體驚喜不算太大，味道不過不失。環境舒服，不過枱與枱之間太近。CalvinCanEat

每次離銅鑼灣都會過離燈籠街😂可能係有個強迫症☞之前上去食放題經過見到呢間大戶屋好多人排隊。之前一直有個打算，食曬成條燈籠街希望可以實現位置☞金朝陽中心樓上，比較容易穩的地方，地鐵到銅鑼灣站，出地鐵步行不久就到了。環境☞同樣地位置比較窄，晚上離到都好多人等位。出品☞點了幾款定食，覺得都唔錯，飯的份量分為150g，180g，350g。裡面主食可以換成五穀飯、淮山蓉飯、海藻飯、小魚飯、雞蛋拌飯。選擇非常多。仲可以換成烏冬或者蕎麥麵。牛舌定食☞配魚飯魚飯都幾特別，牛舌相對離講會有D硬，不過味道都幾好，加左一份生雞蛋，拌上生雞蛋食口感比就甘食要好一丟丟。猪扒定食☞配饭同样可以换成其他饭或者乌冬，朋友特别推荐吃这个~虽然不太喜欢食猪的~不过还是试了。真的很大一锅猪扒~非常适合大胃王的一set，而且猪扒不回来特点很腻，也很好吃。这完全是一个男人的分量嘛烧青鱼定食☞配米饭对比起我那锅猪扒~这一set明显会显得特别清新。同样配有汤同蛋~不得不说这个蛋整得真系几好。所以我将朋友那份也食了烧青鱼仲会配小菜同萝卜蓉，鱼烧得都几好，而且分量都几足。

今晚要係銅鑼灣上日文堂，上堂前幾位同學約好一齊食完飯先上學。一出升降機看到好多人坐在木凳上等，好在朋友一早拿左位姐咪我諗冇返半個鐘都唔洗食囉！坐低看一看menu其實啲嘢唔算貴，大部分都$100左右。於是我就點了一個咖哩吉列豬排定食，有一碗面鼓湯，和一兜白蘿蔔跟野菜。面鼓湯我覺得是比較其他日本餐廳要好，他不會很咸，飲落覺得清清哋。而咖哩只是甜甜地，不夠香和不夠辣，但豬排是炸的脆膽脆的，很好吃。我朋友叫了一個烤肉定食，我夾了他的五花腩片食，燒得好脆，我覺得他那個餐比我的要好！

Midtown 有好多食肆，中西餐、意大利餐、日式餐廳都有😍 天氣咁熱決定試吓食大屋户。估唔到佢哋lunch set都算抵食👍🏻我同朋友都各嗌咗一個Mini飯再加烏冬或者蕎麥面set。其實個飯一啲都唔細😅 我叫咗吞拿魚飯，而我朋友就叫咗滑蛋雞飯，佢個份量就等於屋企嘅湯碗😆 吞拿魚好新鮮，亦都好有魚味，唔會好似未解凍太硬。配上蔥同埋Wasabi更加帶出佢哋個鮮味👍🏻👍🏻 朋友嘅滑蛋雞飯亦都唔會太鹹，加少少豉油已經好好味😋 我叫咗凍蕎麥面，麵質唔會太硬亦都好有咬口，我最欣賞。

大戶屋在香港有多間分店，去過的都是較為舊，無論裝修或食具。 今次朋友約我到銅鑼灣分店午飯，感覺都是一樣舊，真是有點不明白！🤔喜歡大戶屋計算埋Kcal，在餐牌選了自己想吃定食，正在瘦身的我很是合適。 炸雞定食- 一般的炸雞，無特別，湯不夠熱燒魚定食- 魚肉不是太新鮮，湯不夠熱個人評分食物：C環境：C服務：C抵食：C大戶屋同日本🇯🇵店有很大差別，在食物、環境、服務上。要保持食店品牌品質，需向主店多多學習😌。

大戶屋呢間日式店個名其實聽過好多次, 有時經過shopping mall 都會見到. 但一直都冇食過, 因為真係太多人排隊. 所以前幾日見得閒早左去到銅鑼灣, 見到冇乜人排隊就入左去試下. 入面唔算大, 但檯面area都可以接受, 但兩個人叫set dinner/lunch 再加小食就可能唔夠位放.果日食左吉列雞扒配冷烏冬, 味道同賣相都幾好. 烏冬好有咬口, people who like foods with chewy texture should love it. 雞扒炸得好好, golden yellow color and crispy in texture. Highly recommended. 

又嚟啦！其實都唔洗我多講，大家都應該熟悉㗎啦，我只係post吓啲近照，確保冇點失水準。其實久唔久就嚟，貪佢坐得舒服又大份好食，唔洗排隊的說，真係唔錯選擇。想食得健康少少，又唔想好似Muiji Cafe咁齋咁淡口，Ootoya就最啱我！