大戶屋

位於銅鑼灣的大戶屋主打日式家庭料理，這次試的是炸蠔定食配宇治抹茶蕨餅。炸蠔外層酥脆，蠔身飽滿，入口鮮味突出，配上特製他他醬更添層次。定食配有白飯、味噌湯及小菜，味道穩定，份量剛好。甜品方面，宇治抹茶蕨餅口感煙韌，抹茶味濃而不苦，配上黑糖漿與黃豆粉，甜度適中，是一款清新收尾的日式甜品。環境：店內裝潢簡約，座位舒適，氣氛寧靜。 價格：定食$128，甜品$42，再加一，屬中高價位。 食物質素：炸物酥脆不膩，甜品表現細膩。 食物種類：定食、刺身、甜品選擇多元，適合不同口味。如果你鍾意日式炸物配清新甜品，這個組合值得一試。…查看更多

呢個「吉列豬扒玉子鍋定食」整體嚟講都算幾好食，首先，份量好足夠，啱晒一個人食，仲有茶碗蒸、飯同麵豉湯，豐富又飽肚。茶碗蒸入面仲有舊雞肉，滑溜細緻，幾有驚喜。至於豬扒本身味道唔錯，不過浸咗喺玉子鍋嘅醬汁度，令原本吉列豬扒應有嘅脆口感完全消失，變得腍腍地，失去咗吉列豬扒應有嘅酥脆特色。蛋嘅生熟度調校得幾好，似糖心蛋咁啱啱好，唔會太生或者過熟，令成個鍋嘅口感更加豐富。餐廳有另外加收一嘅服務費，個餐偏貴。雖然味道唔錯，但豬扒口感因為浸咗醬汁而失色，有啲可惜。如果可以改良豬扒嘅脆感，呢餐會更加完美。總結嚟講，呢餐份量十足，味道幾好，除咗豬扒被浸腍影響口感之外，整體都係值得一試。…查看更多

如果去開銅鑼灣，我九成都會去大戶屋食。雖然唔算好平，但都幾高CP值。成個套餐有齊主菜，湯，蛋，漬物，白飯（可添飯），食完好滿足！ 希望佢長做長有，保持水準🙏🏻鐵板豬五花&牛 my all time favourite 仲可以升級丼飯（要加錢） 薯仔沙律都好好食…查看更多

大戶屋晚餐都係第一次食，原來呢度有超多套餐選擇，有生食有熟食會令人花多眼亂，如果鍾意食魚，真係推介你嚟試，不過無得訂位，6點半到已經要等位。🥢味噌醬煮吉列熟成豬扒鍋定食 $129⭐️⭐️⭐️⭐️厚切吉列豬扒係我至愛，見好多人都讚呢個味噌醬好味，試完真係會愛上，醬汁甜甜地又濃郁，同豬扒好夾，主角豬扒外脆內軟，咬落軟腍似豬柳，要特別讚係個鍋，食咁耐都可以keep住個熱力，好正。🥢鹽燒連子鯛定食 $141⭐️⭐️⭐️⭐️有4款燒魚可以揀，識揀一定揀長崎鯛魚，因為唔係周圍食到，鯛魚肉質清爽有魚味，唔算多骨，鹽燒已經能夠帶出魚嘅清鮮，送飯一流。二人共消費：$297…查看更多

這次來到大戶屋，被「期間限定」的字眼吸引住：數量限定的沖目鯛御膳。這款御膳的前菜有味噌湯和菜碗蒸 ，而另外兩款餐牌上長期供應的御膳則有牛肉烏冬和迷你豆腐小魚沙律。主角的沖目鯛大大一片，燒得很香，魚皮焦脆。沖目鯛的肉質較銀鱈魚結實，油香也較少，優點是較不膩口；不過燒魚最適合享受火灸下帶出的魚油香，下次想吃燒魚時，還是會點較肥美的銀鱈魚西京燒。燒魚面有蔥花味噌醬，鹹鹹甜甜的，配著魚或單獨吃也好吃。定食的燒熟成五花腩也燒得很香口。很喜歡御膳配的魚生飯：三文魚雖然薄切，但新鮮肥美，魚油香在口中漫開來，三文魚籽和飯面的蛋絲又加添了一份鹹鮮和甜香，非常美味。菜碗蒸做到蒸水蛋般滑溜，高湯的調味恰好，配料有一小塊雞肉和冬菇。豚肉味噌湯則偏鹹。出乎意料地，甜品竟然是御膳的亮點之一！之前春季的時候，甜品是有鹽漬櫻花的蕨餅，質地偏向黏軟，不是喜歡的煙韌口感；現在則換成了抹茶奶凍。別看這抹茶奶凍小小一方塊，抹茶味非常之濃，而且質地做到入口即化（加的魚膠粉份量控制得非常出色），簡直是抹茶版本的panna cotta 。還真會心思思的想為了甜品而再點御膳呢。…查看更多